Oyinyima 34
34
Ịrẹyị Idina ozi Ijekọvụ
1Ẹkụhị ọnya Idina ozi ọnẹẹ oni Iriya ma yị Ijekọvụ ộ jịnẹ ne hee anẹẹ Anikenaani ẹnyị aanị. 2Â nyị ọza ịnya aanị ana aā hị́ Ihamori. Ọnị ọ vị ohinọyị ẹkụra ọnọọ nị, dị ahịka Anihivi ọ vị nị. Ộ nyị ozi ọnya ana aā hi Ịsẹkẹmị, Ịsẹkẹmị mè re Idina, 3Dị ịrẹyị Idina ozi Ijekọvụ kụkụ yà ịnị ayị Ịsẹkẹmị nị. Ịsẹkẹmị ô sì ịrẹyị Idina, di ee si ka oni ò tere e pè ẹngụ nị. 4Di Ịsẹkẹmị na kà a yị Ihamori ada anị dị ọ ka, “Me si ka we si oze dị ma nyị ozi ọnọọ.” 5Ijekọvụ ọ sị wụ́ ka Ịsẹkẹmị o re è du Idina ozi anị ha ama o yi tụ́ ohi agụvị ka ezi anị ẹ ra à kụ́ ịsụpa nọ ịnị avị. Dị ọ jẹẹ zi wa ka ẹ̀ vẹ da nị. 6Di Ihamori ana vị ada Ịsẹkẹmị jịnẹ ne tù Ijekọvụ ka ọnịrị ọ ọ̀ kà ịrẹyị nị. 7Ịjọnọọọ ezi Ijekọvụ ẹ zị va hụụnị avị vẹ. Ẹ sị wụ́ ịrẹyị ana mẹ. Ayị aa kụ́ wa ẹtẹẹtẹrẹ ka Ịsẹkẹmị ộ vavọọ mẹ̀ ebira. Ụhụ ọ mẹ tịtẹ yị Anisirẹrị o mè za ozi Ijekọvụ di o pè e sụ avọọ. Ọza ọ ma vavọọ mẹ. 8Di Ihamori ee pè waa kà ịrẹyị dị ọ ka, “Ayị Ịsẹkẹmị ozi anị ọ sị yà ịnị ịrẹyị ozi ẹnịnị, aarịhịnị ẹ̀ navọ ẹ sị gà a dị ọ̀ nyị ọ. 9Ọ kà ẹ navọ ẹnị ẹ̀ nyị ẹngụ. Ọ kà ẹ̀ sị ozi ẹnịnị gà ẹnị dị ẹnị ẹ̀ rẹẹ si ozi ẹnịnị gà wa. 10Di Ihamori rẹ ka ẹnị aa sị ẹtẹ yị wa ka ẹ ra ịdị ẹnịnị. Ọ rẹ ka ẹẹ ngụ ini anị zi, dị ẹẹ hi ẹtẹ ẹnịnị.” 11Di Ịsẹkẹmị kà a yị ada Idina ọnịrị ẹnẹbẹnị anị dị ọ ka, “Aarịhịnị èe nyị oni iyi, ịsị ẹ̀ẹ ka ẹnị aa dọ kẹnẹ, ọnị aa sị ọ vẹ. 12Ọ kà ọpa ẹkẹhị ịrẹsụ ọnị ọ̀ọ ka ọnị aa dọ kẹnẹ, ọnị aa mẹ̀ ẹ. Ọ rẹ ka ịsị ẹ̀ẹ ka ọnị ọ̀ sị mẹ wa ẹyịza ọnị vaa sịị yị wa. Ọ kà ẹ̀ navọ ẹ̀ sị ọ gà ọnị kẹnẹ.”
13Di ezi Ijekọvụ tangwa vene Ịsẹkẹmị ọnịrị Inahori ada anị nị agụvị ka Ịsẹkẹmị ọ sị Idina ọyịnyara ẹnịnị du ha. 14Dị ẹ ka, “Ọ̀ọ yẹ ka ẹnị ẹ yị zụ sị ọyịnyara ẹnịnị gà aza ẹnẹ ẹ̀ yị jị ụvẹvẹnẹ. Ịrẹyị ụhị ọ vị yị ẹnị nị, ẹnị ẹ yị zụ vavọọ mẹ. 15Dị ọ ka Ịsa ọnya kẹnẹ ẹnị ka ẹ̀ mẹ nị, ẹ̀ẹ zụ mẹẹ. Avaba ọnọrụ ẹnịnị ẹ̀ẹ zụ jị ụvẹvẹnẹ dị ẹ kụkụ yà anka ẹnị mẹ̀ rẹ ya nị, ẹnị ẹ zụ sị gà wa. 16Ọ kà dị ẹnị rẹ kụkụ aa sị ozi ẹnịnị gà wa, dị ẹnị raa nyị ozi ẹnịnị. Ọ kà ẹnịrị wa kụkụ vaa raa vaa bẹ dị ẹnị kụkụ vị anẹkụra ọnya. 17Dị ọ ka ama ẹ̀ẹ ka ẹnị ẹ yị dọ, ka ẹnị ẹ yị zụ jị ụvẹvẹnẹ, dị ẹnị si ozi ẹnịnị dị ẹnị aa na.”
18Ịrẹyị ẹnị ẹ kà aanị ô hine Ihamori ọnịrị Ịsẹkẹmị ozi anị. 19Di Ịsẹkẹmị wụsẹ na mẹ ịsị a ka ọ̀ mẹ nị agụvị ka ozi Ijekọvụ ọnọọ ô zee e eyi. Ịsẹkẹmị ọ nyị irenu ọkarẹyị hu ini eehi ada ẹnịnị nị. 20Di Ihamori ọnịrị Ịsẹkẹmị ozi anị vẹ enoze ẹkụra ẹnịnị dị ọ kà ịrẹyị yị anẹkụra anị nị dị ọ ka: 21“Ẹnịrị aza ẹnẹnị ẹ yị nyị ịrẹyị. À navọ ẹ̀ yà ịnị ẹtẹ ọnọnị, dị ẹẹ ngụ ini anịị zị. Ọ kà ẹtẹ ộ banyị, ộ dọ ẹnịrị wa. Dị ọ ka à vẹ ẹnị ẹ̀ẹ nyị ozi ẹnịnị dị ẹnị ẹ̀ rẹ ẹ sị ezi ẹnịnị gà wa. 22Dị ọ ka â nyị ịsa ọnya ana aza ẹnẹẹ ka ẹnị ẹ̀ mẹ dị ẹnịrị wa ẹ̀ ra vabẹ dị ẹnị ẹ̀ kụkụ vị anẹkụra ọnya. Ẹ ka avaba anọrụ ẹnịnị ẹ̀ jị ụvẹvẹnẹ anka ẹnị mẹ̀ rẹ jị ụvẹvẹnẹ. 23Ọ kà ẹnị ẹ̀ zụ mẹ ọsọnị, dị ẹnịrị ẹnị ra nị, dị avaba ịsụpa ẹnịnị ọnịrị ogu ẹnịnị kụkụ vị ẹẹnịnị. Dị ọ ka a vẹ ẹnị ẹ dọ ooho, dị ẹnịrị wa ọ̀ zụ ra vabẹ.” 24Avaba aza ana nọ ini eyọgẹ enoze ẹkụra ọnọọ ệ dọ ịrẹyị Ihamori ọnịrị Ịsẹkẹmị ozi anị. Di avaba ẹnị anọrụ ana nọ ini eyọgẹ ọnọọ na jị ụvẹvẹnẹ nị. 25Ịhị ẹ tụ́ ọ ẹkụhị ọhụta ẹnị ẹ maanị na tụ́ ụnava hi ẹtẹ, di ezi Ijekọvụ ẹẹva ana vị ẹnẹbẹnị Idina ana aā hị́ Isimiyọnị ọnịrị Ireevi, ẹnịnị na raà sị ụhwọ ẹnịnị nị. Dị ẹ ngụ ịnị ẹkụra, dị ẹ za avaba anọrụ ene hi ịzọọ avaavo, di ẹ wụ̀ wa nị. 26Dị ẹ rẹ za Ihamori ọnịrị Ịsẹkẹmị ozi anị, dị ẹ wụ̀ wa, dị ẹ sị Idina ọyịnyara ẹnịnị hụụ ịda Ịsẹkẹmị dị ẹ sị ọ aa nọ eehi nị. 27Di ezi Ijekọvụ ana vọ nọ ịnị ẹkụra ịzị a wụ̀ aza hị́, dị ẹ kụ́ ogu ene hi ịnị ẹkụra ọnọọ nị agụvị ọyịnyara ẹnịnị ēni e du ha. 28Dị ẹ rẹ kụ́ ịsụpa ẹnịnị beri ịkẹrịkẹtẹ ọnịrị ịsa na vọ nị. Dị ẹ rẹ ngụ ịnị aarẹ dị ẹ kụ́ ịsa nị. 29Avọọ ẹ mẹ rẹ kụ́ ogu hụụnị ẹkụra ọnọọ dị ẹ kụ́ ezi beri ese aza ẹnẹẹ beri avaba ogu ẹnịnị, dị ẹ kụ́ wa saka-saka nị.
30Di Ijekọvụ va hị́ Isimiyọnị ọnịrị Ireevi dị ọ ka, “Ẹ̀ẹ yẹ ka ịrẹyị ẹ na dà va tụra ẹnị ịrẹsụ aanị nị. Anikenaani ọnịrị Aniperizi ene hi ịzẹnị ẹ yị kụkụ vaa sị eyi ọyịza re ẹnị. Ọ kà ẹ yị nyị ọnị yà. Ọ kà ẹ̀ẹ vabẹ dị ẹ baku ọnị nị, aā vi e yee vú ọnịrị aza anị ẹtẹ.” 31Dị ẹnịnị ka: Vị ọyịnyara ẹnịnị wáá vị ọsẹrẹka dị ọ vavọọ na mẹ̀ ẹ nị.
Currently Selected:
Oyinyima 34: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Oyinyima 34
34
Ịrẹyị Idina ozi Ijekọvụ
1Ẹkụhị ọnya Idina ozi ọnẹẹ oni Iriya ma yị Ijekọvụ ộ jịnẹ ne hee anẹẹ Anikenaani ẹnyị aanị. 2Â nyị ọza ịnya aanị ana aā hị́ Ihamori. Ọnị ọ vị ohinọyị ẹkụra ọnọọ nị, dị ahịka Anihivi ọ vị nị. Ộ nyị ozi ọnya ana aā hi Ịsẹkẹmị, Ịsẹkẹmị mè re Idina, 3Dị ịrẹyị Idina ozi Ijekọvụ kụkụ yà ịnị ayị Ịsẹkẹmị nị. Ịsẹkẹmị ô sì ịrẹyị Idina, di ee si ka oni ò tere e pè ẹngụ nị. 4Di Ịsẹkẹmị na kà a yị Ihamori ada anị dị ọ ka, “Me si ka we si oze dị ma nyị ozi ọnọọ.” 5Ijekọvụ ọ sị wụ́ ka Ịsẹkẹmị o re è du Idina ozi anị ha ama o yi tụ́ ohi agụvị ka ezi anị ẹ ra à kụ́ ịsụpa nọ ịnị avị. Dị ọ jẹẹ zi wa ka ẹ̀ vẹ da nị. 6Di Ihamori ana vị ada Ịsẹkẹmị jịnẹ ne tù Ijekọvụ ka ọnịrị ọ ọ̀ kà ịrẹyị nị. 7Ịjọnọọọ ezi Ijekọvụ ẹ zị va hụụnị avị vẹ. Ẹ sị wụ́ ịrẹyị ana mẹ. Ayị aa kụ́ wa ẹtẹẹtẹrẹ ka Ịsẹkẹmị ộ vavọọ mẹ̀ ebira. Ụhụ ọ mẹ tịtẹ yị Anisirẹrị o mè za ozi Ijekọvụ di o pè e sụ avọọ. Ọza ọ ma vavọọ mẹ. 8Di Ihamori ee pè waa kà ịrẹyị dị ọ ka, “Ayị Ịsẹkẹmị ozi anị ọ sị yà ịnị ịrẹyị ozi ẹnịnị, aarịhịnị ẹ̀ navọ ẹ sị gà a dị ọ̀ nyị ọ. 9Ọ kà ẹ navọ ẹnị ẹ̀ nyị ẹngụ. Ọ kà ẹ̀ sị ozi ẹnịnị gà ẹnị dị ẹnị ẹ̀ rẹẹ si ozi ẹnịnị gà wa. 10Di Ihamori rẹ ka ẹnị aa sị ẹtẹ yị wa ka ẹ ra ịdị ẹnịnị. Ọ rẹ ka ẹẹ ngụ ini anị zi, dị ẹẹ hi ẹtẹ ẹnịnị.” 11Di Ịsẹkẹmị kà a yị ada Idina ọnịrị ẹnẹbẹnị anị dị ọ ka, “Aarịhịnị èe nyị oni iyi, ịsị ẹ̀ẹ ka ẹnị aa dọ kẹnẹ, ọnị aa sị ọ vẹ. 12Ọ kà ọpa ẹkẹhị ịrẹsụ ọnị ọ̀ọ ka ọnị aa dọ kẹnẹ, ọnị aa mẹ̀ ẹ. Ọ rẹ ka ịsị ẹ̀ẹ ka ọnị ọ̀ sị mẹ wa ẹyịza ọnị vaa sịị yị wa. Ọ kà ẹ̀ navọ ẹ̀ sị ọ gà ọnị kẹnẹ.”
13Di ezi Ijekọvụ tangwa vene Ịsẹkẹmị ọnịrị Inahori ada anị nị agụvị ka Ịsẹkẹmị ọ sị Idina ọyịnyara ẹnịnị du ha. 14Dị ẹ ka, “Ọ̀ọ yẹ ka ẹnị ẹ yị zụ sị ọyịnyara ẹnịnị gà aza ẹnẹ ẹ̀ yị jị ụvẹvẹnẹ. Ịrẹyị ụhị ọ vị yị ẹnị nị, ẹnị ẹ yị zụ vavọọ mẹ. 15Dị ọ ka Ịsa ọnya kẹnẹ ẹnị ka ẹ̀ mẹ nị, ẹ̀ẹ zụ mẹẹ. Avaba ọnọrụ ẹnịnị ẹ̀ẹ zụ jị ụvẹvẹnẹ dị ẹ kụkụ yà anka ẹnị mẹ̀ rẹ ya nị, ẹnị ẹ zụ sị gà wa. 16Ọ kà dị ẹnị rẹ kụkụ aa sị ozi ẹnịnị gà wa, dị ẹnị raa nyị ozi ẹnịnị. Ọ kà ẹnịrị wa kụkụ vaa raa vaa bẹ dị ẹnị kụkụ vị anẹkụra ọnya. 17Dị ọ ka ama ẹ̀ẹ ka ẹnị ẹ yị dọ, ka ẹnị ẹ yị zụ jị ụvẹvẹnẹ, dị ẹnị si ozi ẹnịnị dị ẹnị aa na.”
18Ịrẹyị ẹnị ẹ kà aanị ô hine Ihamori ọnịrị Ịsẹkẹmị ozi anị. 19Di Ịsẹkẹmị wụsẹ na mẹ ịsị a ka ọ̀ mẹ nị agụvị ka ozi Ijekọvụ ọnọọ ô zee e eyi. Ịsẹkẹmị ọ nyị irenu ọkarẹyị hu ini eehi ada ẹnịnị nị. 20Di Ihamori ọnịrị Ịsẹkẹmị ozi anị vẹ enoze ẹkụra ẹnịnị dị ọ kà ịrẹyị yị anẹkụra anị nị dị ọ ka: 21“Ẹnịrị aza ẹnẹnị ẹ yị nyị ịrẹyị. À navọ ẹ̀ yà ịnị ẹtẹ ọnọnị, dị ẹẹ ngụ ini anịị zị. Ọ kà ẹtẹ ộ banyị, ộ dọ ẹnịrị wa. Dị ọ ka à vẹ ẹnị ẹ̀ẹ nyị ozi ẹnịnị dị ẹnị ẹ̀ rẹ ẹ sị ezi ẹnịnị gà wa. 22Dị ọ ka â nyị ịsa ọnya ana aza ẹnẹẹ ka ẹnị ẹ̀ mẹ dị ẹnịrị wa ẹ̀ ra vabẹ dị ẹnị ẹ̀ kụkụ vị anẹkụra ọnya. Ẹ ka avaba anọrụ ẹnịnị ẹ̀ jị ụvẹvẹnẹ anka ẹnị mẹ̀ rẹ jị ụvẹvẹnẹ. 23Ọ kà ẹnị ẹ̀ zụ mẹ ọsọnị, dị ẹnịrị ẹnị ra nị, dị avaba ịsụpa ẹnịnị ọnịrị ogu ẹnịnị kụkụ vị ẹẹnịnị. Dị ọ ka a vẹ ẹnị ẹ dọ ooho, dị ẹnịrị wa ọ̀ zụ ra vabẹ.” 24Avaba aza ana nọ ini eyọgẹ enoze ẹkụra ọnọọ ệ dọ ịrẹyị Ihamori ọnịrị Ịsẹkẹmị ozi anị. Di avaba ẹnị anọrụ ana nọ ini eyọgẹ ọnọọ na jị ụvẹvẹnẹ nị. 25Ịhị ẹ tụ́ ọ ẹkụhị ọhụta ẹnị ẹ maanị na tụ́ ụnava hi ẹtẹ, di ezi Ijekọvụ ẹẹva ana vị ẹnẹbẹnị Idina ana aā hị́ Isimiyọnị ọnịrị Ireevi, ẹnịnị na raà sị ụhwọ ẹnịnị nị. Dị ẹ ngụ ịnị ẹkụra, dị ẹ za avaba anọrụ ene hi ịzọọ avaavo, di ẹ wụ̀ wa nị. 26Dị ẹ rẹ za Ihamori ọnịrị Ịsẹkẹmị ozi anị, dị ẹ wụ̀ wa, dị ẹ sị Idina ọyịnyara ẹnịnị hụụ ịda Ịsẹkẹmị dị ẹ sị ọ aa nọ eehi nị. 27Di ezi Ijekọvụ ana vọ nọ ịnị ẹkụra ịzị a wụ̀ aza hị́, dị ẹ kụ́ ogu ene hi ịnị ẹkụra ọnọọ nị agụvị ọyịnyara ẹnịnị ēni e du ha. 28Dị ẹ rẹ kụ́ ịsụpa ẹnịnị beri ịkẹrịkẹtẹ ọnịrị ịsa na vọ nị. Dị ẹ rẹ ngụ ịnị aarẹ dị ẹ kụ́ ịsa nị. 29Avọọ ẹ mẹ rẹ kụ́ ogu hụụnị ẹkụra ọnọọ dị ẹ kụ́ ezi beri ese aza ẹnẹẹ beri avaba ogu ẹnịnị, dị ẹ kụ́ wa saka-saka nị.
30Di Ijekọvụ va hị́ Isimiyọnị ọnịrị Ireevi dị ọ ka, “Ẹ̀ẹ yẹ ka ịrẹyị ẹ na dà va tụra ẹnị ịrẹsụ aanị nị. Anikenaani ọnịrị Aniperizi ene hi ịzẹnị ẹ yị kụkụ vaa sị eyi ọyịza re ẹnị. Ọ kà ẹ yị nyị ọnị yà. Ọ kà ẹ̀ẹ vabẹ dị ẹ baku ọnị nị, aā vi e yee vú ọnịrị aza anị ẹtẹ.” 31Dị ẹnịnị ka: Vị ọyịnyara ẹnịnị wáá vị ọsẹrẹka dị ọ vavọọ na mẹ̀ ẹ nị.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.