Oyinyima 35
35
Ohomorihi ộ mẹ̀ aduwa yi Ijekọvụ Ị́bẹtẹrị
1 #
Oyn 28.11-17
Di Ohomorihi hị́ Ijekọvụ dị ọ ka: ọ̀ kwẹẹtẹ dị ọ hịrẹ nọ Ịbẹtẹrị, dị ọ̀ na ra ịzọọ. Ọ kà òo tụ́ ịzọọ, dị ọ mẹ aha ịsọvọ ịzị ọ vaa yaà mẹ̀ ịsọvọ yị ọnị Ohomorihi ana sị ẹngụ zụ̀ ọ o mè zwe huu ịda Iisọ ẹnẹbẹnị anị. 2Di Ijekọvụ va hị́ anineehi anị ọnịrị avaba aza ana yà pè e dị ọ ka, “Ori ẹnị ẹẹ nyị ẹ kụ́ ọ kwooze. Ọ kà ọ̀ nyịna ẹngụ ẹnịnị dị ẹ̀ vara ịta ẹnịnị; 3dị ẹnị ẹ̀ kwẹẹtẹ dị ẹnị ẹẹ nọ Ịbẹtẹrị. Ọ kà ẹnị èe tù ịzọọ ọnị ee hi ụta yị Ohomorihi ịzị ọnị vaa yàa mẹ̀ ịsọvọ yọ. Ọ kà Ohomorihi ọnọọ ộ ba ọnị owu ịnị ụmẹ ọnị ọ sị kata ọnị ẹngụ. Ọ kà ọ rẹ jẹẹ ọnị ịrẹma aha tụra aha ọnị ọnị àa nọ.” 4Ịzẹyịza dị ẹ kụ́ avaba ori ana yarị wa yị Ijekọvụ nị. Dị ẹ rẹ kụ́ ịsụtọ ẹnịnị ana vị ahọ̀nọ yọ nị. Di Ijekọvụ kụ́ wa chire ẹtẹ iruvo ọchị ana aā hi Era ana gụrị Ịsẹkẹmị nị. 5Ijekọvụ nịnị màa na, Ohomorihi ộ mẹ̀ ka ivóvō ọ̀ ngụ avaba anẹkụra ana kara wa ẹngụ. Ẹnịnị ẹ yị nyayịnẹ dụ wa. 6Ijekọvụ ọnịrị aza anị ẹ va sị ngụ ẹkụra ana aā hị́ Iruzi ana yà ịnị ẹtẹ Ikanaani. Ịzọọ a kụkụ aa hị́ Ịbẹtẹrị booro aanị nị. 7Di Ijekọvụ mẹ aha ịsọvọ ọnya tụ́ ịzọọ dị aa, hị́ ịzọọ Ohomorihi Ịbẹtẹrị nị. Iruvo ọ vị ka Ijekọvụ me zwe hụụ ịda ẹnẹbẹnị anị ịzọọ Ohomorihi yà sị ẹngụ zụ̀ ọ nị. 8Ịzọọ Idebora ana vịdị kà Irebeka ịrẹva yà sú nị. Di e ne e tụ́ iruvo ọchị ana aā hị́ aroni ana yà akẹtẹ Ịbẹtẹrị nị. Di a kụkụ aa hị́ ịzọọ Eerọnị orere nị.
9Ijekọvụ mẹ̀ hụrẹ akẹbẹẹba Imesopotemiya vẹ, Ohomorihi ọ rẹ sị ẹngụ zụ̀ ọ, dị ọ mẹ̀ aduwaa yọ nị. 10#Oyn 32.28Di Ohomorihi kà a yọ dị ọ ka, “Ịrẹha anị ọvịdị rị Ijekọvụ nị. Ama ẹ yị kụkụ vị ọnị ọ rị Ijekọvụ, ọnị ọ kụkụ rị Isirẹrị nị.” Dị ọ kụkụ aa hị́ ọ Isirẹrị nị. 11#Oyn 17.4-8Di Ohomorihi rẹ kà a yọ dị ọ ka, “Ọnị ọ vị Ohomorihi Ochẹtẹẹngụ nị. Ọ kà ọọ̄ ma ezi dị ẹ̀ẹ rụrụ. Dị ọ rẹ ka ezi anị ẹ vaa vị ohiku anẹkụra ọrụrụ-ọrụrụ nị. Ọ kà ezi anị ẹnyị vaa vị ohinọyị. 12Ọ kà ẹtẹ ọnị ọnị sị yị Abụrahamị ọnịrị Ayiziiki avọọ, vị ọnị ọnị rẹ sị yị ọ. Ọ kà ẹtẹ ọnọọ vị ọnị ọnị aa sịị yị ezi anị ịrẹma-ịrẹma.” 13Ịjị Ohomorihi vavọọ sị ịrẹyị kà yọ, di Ohomorihi hụụ ịzọọ nị. 14#Oyn 28.18,19Di Ijekọvụ hi ịrẹta ọnya jẹẹ ịzị Ohomorihi yà kà ịrẹyịị yọ nị. Di ọ ka eche kú ịrẹta ọnọọ, dị ọ rẹ ká angwẹ kụ́ ọ mị. 15Di Ijekọvụ hị́ ịzị Ohomorihi yà pè e kà ịrẹyị aanị Ịbẹtẹrị nị.
Irechẹrị mẹmẹ sú
16Di Ijekọvụ ọnịrị aza nị sị ụsẹ ẹnịnị hụrẹ Ịbẹtẹrị nị; ẹ yaa vaa ngụ ẹkụra ana aā hị́ Ehwirati, di Irechẹrị nyima dị aa barẹẹ nị. Ịrẹẹ ọnọọ ộ sị ụya rị ọ ẹnẹmẹhị. 17Ọ màa barẹẹ, dị anyẹnẹẹ ana aa gụ ọ ụvọ kà a yọ ka, “Asị o hí angwa ka ozi ọnọrụ ọ raa ma nị.” 18Ọ mẹ̀ ma ozi ọnọọ kẹnẹ, di ee súu na nị. O mèe sú dị ọ ka ịrẹha ozi ọnọọ ọ rị Ibenoni nị. Dị ada anị ka ọnị ọ rị Ịbẹnjamịnị nị. Ibenoni: Iruvo Ibenoni ịnị ẹkụra Anihiburu vị ozi “Ọnụya” Ịbẹnjamịnị: Iruvo Ịbẹnjamịnị ịnị ẹkụra Anihiburu vị ozi ụvọrị. Ọnị ọ vị ka ịrẹsụ ọyịza. 19Irechẹrị ô wusu, di e ne e oze ana a zịị nọ Ehwirati nị. Ịzọọ aa hị́ Ịbẹtịrẹhẹmị booro aanị nị. 20Di Ijekọvụ hi ịrẹta ọnya tụ́ ịnị ikuta Irechẹrị nị. Ịrẹta ini ikuta Irechẹrị ọnọọ yị yà ịzọọ pooro ve tù ajịnị. 21Di Ijekọvụ ọnịrị aza anị sị ụsẹ ẹnịnị aa na nị. Ọ mẹ̀ sị para irehi ọgọdọ ana yà Ederi hu, dị ọ jị ajẹngụ anị tụ́ ịzọọ nị.
Ezi Ijekọvụ
(1 Ịtọ 2.1-2)
22 #
Oyn 49.4
Ijekọvụ mẹ̀ vavọọ ra ịzọọ, ẹkụhị ọnya di Irubẹnị ozi anị na sị ose ada anị ana aā hị́ Ibiriha nị. Ose ada anị ọnọọ vị ozi ahụ Irechẹrị oni Ijekọvụ vara eyi nyị. Ọ mẹ̀ vavọọ mẹ, Ijekọvụ ọ sị wụ́.
Ezi ọnị Ijekọvụ ma vị ẹwụrẹva.
23Ezi ọnị Ijekọvụ ma vị ẹwụrẹva Ezi Iriya ẹ vị: Irubẹnị (ozi Ijekọvụ ana vị ọzọkụ), Isimiyọnị, Ireevi, Ijuda, Iisaka ọnịrị Izeburuni. 24Ezi Irechẹrị ọnị vị Ijosẹẹhụ ọnịrị Ịbẹnjamịnị. 25Ezi Ibiriha ozi ahụ Irechẹrị ẹ vị, Ịdaanị ọnịrị Inahwitari nị. 26Ezi Iziripa ozi ahụ Iriya ẹnị vị: Igadi, ọnịrị Aseri. Ezi Ijekọvụ ana a maa yọ, ọ mẹ̀ yà akẹbẹẹba Imesopotemiya ẹ vị ẹnẹẹ nị.
Ayiziiki mẹmẹ sú
27 #
Oyn 13.18
Ijekọvụ o ve tù Ayiziiki ada anị ẹkụra Imamire, ọgụrị Ikiriyati Araba, Ịzọọ a rẹẹ hị́ Ihebirọnị booro aanị nị. Ịzọọ Abụrahamị ọnịrị Ayiziiki vịdị ra nị. 28Ayiziiki ô kú orubo ẹtẹẹtẹrẹ, di o ve sú. Ộ gụ ịrayị ẹchịhịnna (180). 29Ô sú, o si hu zị nọ ịdị ohiku anị. Di Iisọ ọnịrị Ijekọvụ ezi anị ne e nị. Ijekọvụ: Ini iwe ọnọnị Ijekọvụ a rẹẹ̄ hị́ Isirẹrị nị. Ama Ijekọvụ a vaa hị́ ọ ini iwe ọnọnị nị.
Currently Selected:
Oyinyima 35: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Oyinyima 35
35
Ohomorihi ộ mẹ̀ aduwa yi Ijekọvụ Ị́bẹtẹrị
1 #
Oyn 28.11-17
Di Ohomorihi hị́ Ijekọvụ dị ọ ka: ọ̀ kwẹẹtẹ dị ọ hịrẹ nọ Ịbẹtẹrị, dị ọ̀ na ra ịzọọ. Ọ kà òo tụ́ ịzọọ, dị ọ mẹ aha ịsọvọ ịzị ọ vaa yaà mẹ̀ ịsọvọ yị ọnị Ohomorihi ana sị ẹngụ zụ̀ ọ o mè zwe huu ịda Iisọ ẹnẹbẹnị anị. 2Di Ijekọvụ va hị́ anineehi anị ọnịrị avaba aza ana yà pè e dị ọ ka, “Ori ẹnị ẹẹ nyị ẹ kụ́ ọ kwooze. Ọ kà ọ̀ nyịna ẹngụ ẹnịnị dị ẹ̀ vara ịta ẹnịnị; 3dị ẹnị ẹ̀ kwẹẹtẹ dị ẹnị ẹẹ nọ Ịbẹtẹrị. Ọ kà ẹnị èe tù ịzọọ ọnị ee hi ụta yị Ohomorihi ịzị ọnị vaa yàa mẹ̀ ịsọvọ yọ. Ọ kà Ohomorihi ọnọọ ộ ba ọnị owu ịnị ụmẹ ọnị ọ sị kata ọnị ẹngụ. Ọ kà ọ rẹ jẹẹ ọnị ịrẹma aha tụra aha ọnị ọnị àa nọ.” 4Ịzẹyịza dị ẹ kụ́ avaba ori ana yarị wa yị Ijekọvụ nị. Dị ẹ rẹ kụ́ ịsụtọ ẹnịnị ana vị ahọ̀nọ yọ nị. Di Ijekọvụ kụ́ wa chire ẹtẹ iruvo ọchị ana aā hi Era ana gụrị Ịsẹkẹmị nị. 5Ijekọvụ nịnị màa na, Ohomorihi ộ mẹ̀ ka ivóvō ọ̀ ngụ avaba anẹkụra ana kara wa ẹngụ. Ẹnịnị ẹ yị nyayịnẹ dụ wa. 6Ijekọvụ ọnịrị aza anị ẹ va sị ngụ ẹkụra ana aā hị́ Iruzi ana yà ịnị ẹtẹ Ikanaani. Ịzọọ a kụkụ aa hị́ Ịbẹtẹrị booro aanị nị. 7Di Ijekọvụ mẹ aha ịsọvọ ọnya tụ́ ịzọọ dị aa, hị́ ịzọọ Ohomorihi Ịbẹtẹrị nị. Iruvo ọ vị ka Ijekọvụ me zwe hụụ ịda ẹnẹbẹnị anị ịzọọ Ohomorihi yà sị ẹngụ zụ̀ ọ nị. 8Ịzọọ Idebora ana vịdị kà Irebeka ịrẹva yà sú nị. Di e ne e tụ́ iruvo ọchị ana aā hị́ aroni ana yà akẹtẹ Ịbẹtẹrị nị. Di a kụkụ aa hị́ ịzọọ Eerọnị orere nị.
9Ijekọvụ mẹ̀ hụrẹ akẹbẹẹba Imesopotemiya vẹ, Ohomorihi ọ rẹ sị ẹngụ zụ̀ ọ, dị ọ mẹ̀ aduwaa yọ nị. 10#Oyn 32.28Di Ohomorihi kà a yọ dị ọ ka, “Ịrẹha anị ọvịdị rị Ijekọvụ nị. Ama ẹ yị kụkụ vị ọnị ọ rị Ijekọvụ, ọnị ọ kụkụ rị Isirẹrị nị.” Dị ọ kụkụ aa hị́ ọ Isirẹrị nị. 11#Oyn 17.4-8Di Ohomorihi rẹ kà a yọ dị ọ ka, “Ọnị ọ vị Ohomorihi Ochẹtẹẹngụ nị. Ọ kà ọọ̄ ma ezi dị ẹ̀ẹ rụrụ. Dị ọ rẹ ka ezi anị ẹ vaa vị ohiku anẹkụra ọrụrụ-ọrụrụ nị. Ọ kà ezi anị ẹnyị vaa vị ohinọyị. 12Ọ kà ẹtẹ ọnị ọnị sị yị Abụrahamị ọnịrị Ayiziiki avọọ, vị ọnị ọnị rẹ sị yị ọ. Ọ kà ẹtẹ ọnọọ vị ọnị ọnị aa sịị yị ezi anị ịrẹma-ịrẹma.” 13Ịjị Ohomorihi vavọọ sị ịrẹyị kà yọ, di Ohomorihi hụụ ịzọọ nị. 14#Oyn 28.18,19Di Ijekọvụ hi ịrẹta ọnya jẹẹ ịzị Ohomorihi yà kà ịrẹyịị yọ nị. Di ọ ka eche kú ịrẹta ọnọọ, dị ọ rẹ ká angwẹ kụ́ ọ mị. 15Di Ijekọvụ hị́ ịzị Ohomorihi yà pè e kà ịrẹyị aanị Ịbẹtẹrị nị.
Irechẹrị mẹmẹ sú
16Di Ijekọvụ ọnịrị aza nị sị ụsẹ ẹnịnị hụrẹ Ịbẹtẹrị nị; ẹ yaa vaa ngụ ẹkụra ana aā hị́ Ehwirati, di Irechẹrị nyima dị aa barẹẹ nị. Ịrẹẹ ọnọọ ộ sị ụya rị ọ ẹnẹmẹhị. 17Ọ màa barẹẹ, dị anyẹnẹẹ ana aa gụ ọ ụvọ kà a yọ ka, “Asị o hí angwa ka ozi ọnọrụ ọ raa ma nị.” 18Ọ mẹ̀ ma ozi ọnọọ kẹnẹ, di ee súu na nị. O mèe sú dị ọ ka ịrẹha ozi ọnọọ ọ rị Ibenoni nị. Dị ada anị ka ọnị ọ rị Ịbẹnjamịnị nị. Ibenoni: Iruvo Ibenoni ịnị ẹkụra Anihiburu vị ozi “Ọnụya” Ịbẹnjamịnị: Iruvo Ịbẹnjamịnị ịnị ẹkụra Anihiburu vị ozi ụvọrị. Ọnị ọ vị ka ịrẹsụ ọyịza. 19Irechẹrị ô wusu, di e ne e oze ana a zịị nọ Ehwirati nị. Ịzọọ aa hị́ Ịbẹtịrẹhẹmị booro aanị nị. 20Di Ijekọvụ hi ịrẹta ọnya tụ́ ịnị ikuta Irechẹrị nị. Ịrẹta ini ikuta Irechẹrị ọnọọ yị yà ịzọọ pooro ve tù ajịnị. 21Di Ijekọvụ ọnịrị aza anị sị ụsẹ ẹnịnị aa na nị. Ọ mẹ̀ sị para irehi ọgọdọ ana yà Ederi hu, dị ọ jị ajẹngụ anị tụ́ ịzọọ nị.
Ezi Ijekọvụ
(1 Ịtọ 2.1-2)
22 #
Oyn 49.4
Ijekọvụ mẹ̀ vavọọ ra ịzọọ, ẹkụhị ọnya di Irubẹnị ozi anị na sị ose ada anị ana aā hị́ Ibiriha nị. Ose ada anị ọnọọ vị ozi ahụ Irechẹrị oni Ijekọvụ vara eyi nyị. Ọ mẹ̀ vavọọ mẹ, Ijekọvụ ọ sị wụ́.
Ezi ọnị Ijekọvụ ma vị ẹwụrẹva.
23Ezi ọnị Ijekọvụ ma vị ẹwụrẹva Ezi Iriya ẹ vị: Irubẹnị (ozi Ijekọvụ ana vị ọzọkụ), Isimiyọnị, Ireevi, Ijuda, Iisaka ọnịrị Izeburuni. 24Ezi Irechẹrị ọnị vị Ijosẹẹhụ ọnịrị Ịbẹnjamịnị. 25Ezi Ibiriha ozi ahụ Irechẹrị ẹ vị, Ịdaanị ọnịrị Inahwitari nị. 26Ezi Iziripa ozi ahụ Iriya ẹnị vị: Igadi, ọnịrị Aseri. Ezi Ijekọvụ ana a maa yọ, ọ mẹ̀ yà akẹbẹẹba Imesopotemiya ẹ vị ẹnẹẹ nị.
Ayiziiki mẹmẹ sú
27 #
Oyn 13.18
Ijekọvụ o ve tù Ayiziiki ada anị ẹkụra Imamire, ọgụrị Ikiriyati Araba, Ịzọọ a rẹẹ hị́ Ihebirọnị booro aanị nị. Ịzọọ Abụrahamị ọnịrị Ayiziiki vịdị ra nị. 28Ayiziiki ô kú orubo ẹtẹẹtẹrẹ, di o ve sú. Ộ gụ ịrayị ẹchịhịnna (180). 29Ô sú, o si hu zị nọ ịdị ohiku anị. Di Iisọ ọnịrị Ijekọvụ ezi anị ne e nị. Ijekọvụ: Ini iwe ọnọnị Ijekọvụ a rẹẹ̄ hị́ Isirẹrị nị. Ama Ijekọvụ a vaa hị́ ọ ini iwe ọnọnị nị.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.