Oyinyima 36

Ezi Iisọ

(1 Ịtọ 1.34-37)

1Ịrẹha ọnị maa vaa hị́ aanị vị ịrẹha ezi Iisọ, ana a rẹẹ̄ hị́ Edomi. 2#Oyn 26.34Iisọ ộ nyị ezi Anikenaani. Ịrẹha ese anị ẹnẹẹ ẹ rị Ada ana vị ozi Ẹrọnị Anihiti, Ọsa ọ rị Ohoribama ozi Aana ana ada anị rị Izibeyọnị. Anihivi ọ vị nị. 3#Oyn 28.9Ịrẹha ose anị ọsa ọ rẹ rị Ibasemati. Isimẹrị ọ ma a nị! Ọyịnyara anị ọ rị Inebayoti nị. 4Ada ộ ma Eripazi yi Iisọ, di Ibasemati ọnị rẹ ma Iruweri yọ 5dị Ohoribama ọnị rẹ ma Ijewusi, Ijaramị ọnịrị Ikora yị Iisọ nị. Ezi eni ese Iisọ ma yọ ọ mẹ̀ yà ịnị ẹtẹ Ikanaani ẹ vị ẹnẹẹ nị.

6Ụmẹ ọnya di Iisọ kụ́ ese anị ne beri avaba ezi anị ọnịrị avaba anineehi anị, ne chire imaaru ọnịrị ịsụpa ana vọ ọnịrị avaba ogu ọnị ọ nyị ọ mẹ̀ yà Ikanaani, dị ọ kụ́ wa dị ọ hụụ ịda Ijekọvụ ọyịnyara anị di o si hu aa nọ ịnị ẹtẹ ọsa nị. 7Ịsị ẹ mẹ ka ọ kụ́ ẹnya kwooze ọ vị ka ogu ẹnị ẹnị ẹyịva nyị ọ sị dẹngụ. Ịsụpa ẹnịnị ệ rụrụ ẹnẹmẹhị. Ẹtẹ ene e vịdị dudu ra ịnị anị ọ yị kụkụ dọ wa. Ẹnịnị ẹ yị kụkụ zụ yà aha ọnya. 8Di Iisọ na ra ịnị ẹkụra ịnị ataba ana aā hị́ Ịsẹyị nị. Ịzọọ a rẹẹ̄ hị́ Edomi nị.

9Iisọ ọ vị ohiku Anedomi nị. Ẹnị ẹ ra hi ịnị ẹkụra ataba ana aā hị́ Ịsẹyị avọọ nị. 10Aza ana chị hụrẹ ịpa Iisọ vẹ m maa vaa hị́ aanị nị. Ẹnị ẹ vị Eripazi ozi ana Ada ma yị Iisọ, ọnịrị Iruweri ozi oni Ibasemati ma yị Iisọ. 11Ezi eni Eripazi ọnị rẹ ma ẹ vị Itemani, Ọma, Izehwọ, Igatami ọnịrị Ikenazi. 12Eripazi ozi Iisọ ộ rẹ nyị ọnẹẹ ọsa ana aā hị́ Itimina. Itimina ọnọọ ọ ma Amarẹkị yi Iisọ nị. Ezi ana hụụnị ịpa Ada ose Iisọ vẹ ẹ vị ẹnẹẹ nị. 13Ezi Iruweri ẹ vị Inahati, Ịzẹra, Isama ọnịrị Imiza. Ẹsẹnị ẹnị vị ana hụrẹ ịpa Ibasemati ana rẹ vị ose Iisọ vẹ. 14Ose Iisọ ọsa aā hị́ Ohoribama nị. Ozi Aana ọ vị nị. Aana ọnọọ vị ozi Izibeyọnị, ozi ọnị ọ ma yị Iisọ ẹ vị Iyewusi, Ijarami ọnịrị Ikora.

15Ịpa ịrẹsụ ana chị hụrẹ obooro Iisọ vẹ yị: Eripazi ozi Iisọ ana vị ọzọkụ ọ vị ohiku Itemani, Ọma, Izehwọ, Ikenazi, 16Ikora, Igatami ọnịrị Amarẹkị nị. Ẹnịnị vị ene hi Edomi Ọnyị ẹnịnị ọ vị Ada ọnya ini ose Iisọ nị. 17Iruweri ozi Iisọ ọsa ọ rẹ vị ohiku aza ẹnẹnị nị: Inahati, Ịzẹra, Isama ọnịrị Imiza. Ẹnị ẹ chị hụrẹ ịpa Iruweri vẹ nị. Ẹnịnị vi ene hi Edomi. Ọnyị ẹnịnị ọ vị Ibasemati ana rẹ vị ọnya ịnị ose Iisọ nị. 18Ịrẹsụ ọsa ana rẹ chị hụrẹ ịpa Iisọ vẹ yị. Ijewusi, Ijaramị ọnịrị Ikora. Ọnyị ẹnịnị ọ vị Ohoribama ana rẹ vị ọnya ini ose Iisọ. Ohoribama vi ozi Aana. 19Avaba aza ọnị mị hị́ aanị ọnịrị ohinọyị ẹnịnị vị ana chị hụrẹ ịpa Iisọ vẹ. Avaba ẹnịnị aā hi Anedomi nị.

20Aza ana vịdị ra hi ịnị ẹtẹ Ịsẹyị ẹnị ẹ rẹ nyị ịrẹsụ ẹnịnị nị. Ohiku ẹnịnị ọ vị Ịsẹyị ana vị Anihori nị. Aza ẹnẹẹ ẹ vị Irotani, Isobari, Izibeyọnị, Aana 21Idisoni, Ezeri ọnịrị Idisoni. Ezi Ịsẹyị ẹnẹnị ẹ vị ohiku Anihori tụ́ Edomi nị. Ezi Ịsẹyị ẹnẹnị ẹ rị ohiku Anihori tụ́ Edomi nị. 22Ezi Irotani ẹ vị Ihori ọnịrị Ihemani nị. Ọyịnyara Irotani ana vị ọnẹẹ ọ rị Itimina nị. 23Ezi Isobari yị: Arivani, Imanahati, Ẹba, Iseho ọnịrị Onami. 24Ezi Izibeyọnị yị: Aya ọnịrị Aana. Aana ọnọọ ọ na jịrị enyi ẹtẹ ịnị ụnọmị nị. Ọ mẹ̀ kụ́ ịkẹrịkẹtẹ Izibeyọnị ada anị aa naa rị ọ vavọọ na jịrị ọ nị. 25Ezi Aana ẹ vị Idisoni ọnịrị Ohoribama ana vi ozi ọnẹẹ ana Aana ma. 26Ezi Idisoni yị: Ihemidani, Esibani, Itirani ọnịrị Ikerani. 27Ezi Ezeri ẹ vị Ibirahani, Ịzaavanị ọnịrị Akanị nị. 28Ezi Idisoni ẹnị vị Uzi ọnịrị Arani. 29Aza ọnị mị hị́ aanị ẹ vị ịrẹsụ ene hi Ihori nị. Ohiku ẹnịnị ẹ vị Irotani, Isobari, Izibeyọnị, Aana, 30Idisoni, Ezeri ọnịrị Idisani. Ịrẹsụ ene hi Ihori ẹ vị ẹnẹẹ nị. Ẹnị ẹnẹẹ e hi ịnị ẹtẹ Ịsẹyị nị.

Ịrẹha ohinọyị Anedomi

(1 Ịtọ 1.43-54)

31Dị a va nyị ohinọyị ọnyọọnyị ịnị Anisirẹrị, ohinọyị ana vịdị yà ịnị ẹtẹ Edomi m maa vaa hị́ aanị nị. 32Ibera ozi Ịbẹyọ ộ rị ohinọyị tụ́ ịnị ẹtẹ Edomi. Ịrẹha ẹkụra anị ọ rị Idinihaba nị. 33Ibera mè sú, di Ijowabi ozi Ịzẹra ana ya Ibozira dọ ọ ịrẹsụ nị. 34Ijowabi mè re sú di Ihusami ana vị anẹkụra Itemani ọnị rẹ rị ohinọyị tụ́ udi anị nị. 35Ihusami ọnị mè re sú, di Ihadadi ọnị rẹ dọ ọ ịrẹsụ nị. Ihadadi ọnọọ o ne hu Animidiya ẹtẹ ịnị ịrẹkụ ana a kụ̀ ịnị ẹtẹ Imowabi nị. Ẹkụra Ihadadi ọ vị Aviti nị. 36Ihadadi ọnị o re sú, di Isamira Animasireka ọnị rẹ rị ohinọyị tụ́ udi anị nị. 37Isamira ọnị o re sú, di Ịsọọrụ anẹkụra Irehoboti ana yà Iyuhwuretisi dọ ọ ịrẹsụ nị. 38Ịsọọrụ mè sú, dị ahịka Ịbaarị-Ịhananị ozi Akibọ ọ rị ohinọyị tụ́ udi anị nị. 39Ịbaarị-Ịhananị ozi Akibọ ọnị o re su, di Ihadari dọ ọ ịrẹsụ nị. Ịrẹha ẹkụra anị aā hị́ Ipawu nị. Ose anị ọ rị Imehetaberi nị. Ọnyị ose anị ọnọọ ọ rị Imatiredi ana vi ozi Imezahabi nị. 40Ịrẹha ịrẹsụ ana chị hụrẹ ịpa Iisọ vẹ ẹ vị ẹnẹẹ nị. Ovwoovu ọzọza ọnịrị ịzị ọzọza ra a sị hị́ wa avọọ nị. Ẹ mẹmẹ vị ịrẹsụ-ịrẹsụ yị: Itimina, Ariva, Ijẹtẹti, 41Ohoribama, Era, Ipinoni, 42Ikenazi, Itemani, Imibizari, 43Imagiditeri ọnịrị Irami. Iisọ (ana aā hị́ Edomi) ọ vị ohiku ẹnịnị nị. Ịrẹha ịzị ẹ ra ọnịrị ẹtẹ ọnị ọzọza nyị a sị hị́ wa nị.

Currently Selected:

Oyinyima 36: EBTP

Highlight

Copy