Oyinyima 38
38
Ịrẹyị Ijuda ọnịrị Ịtama
1Ụmẹ ọnya Ijuda ộ hụụ ịda ẹyịnyara anị, dị ọ na kú udi pe ọta anị ana aā hị́ Ihira ịnị ẹkụra Adurami nị. 2Ịzọọ ọ ya, di o re ọnẹẹ ana vị ozi Isuwa Anikenaani nị. Di Ijuda nyị ọ dị ọnịrị ọ aa mẹ ẹvarose nị. 3Ọnẹẹ ọnọọ ô zyẹẹ dị ọ ma ozi ọnọrụ ọnya nị. Di Ijuda yị ọ Eri nị. 4O re zyẹẹ dị ọ rẹ ma ozi ọnọrụ ọsa nị. Dị ọnyị anị yị ọ Onani nị. 5Ọnẹẹ ọnọọ ọ rẹ vana ma ozi ọnọrụ, dị ọ yị ọ Isera nị. Ụmẹ ọnị ọ sị ma Isera, Ikezibu Ijuda yà nị.
6Ijuda ộ nyị ọnẹẹ yị Eri ozi anị ana vị ọzọkụ. Ịrẹha ose ozi anị ọnọọ ọ rị Ịtama nị. 7Eri ana vi ozi ọzọkụ Ijuda vị ọza odivi ini eyi agụvị avọọ dị Ẹnẹyịmavara wụ̀ ọ nị. 8Di Ijuda va hị́ Onani dị ọ ka, “Ọ̀ navọ ò ku osoku ẹnẹbẹnị anị dị ọ̀ ma ozi yị ẹnẹbenị anị.” 9Onani ộ yẹ ka ọnẹẹ ọnọọ ọ̀ọ ma ozi ẹngụ anị, ẹ yị vị ọnị ọ vaa nyị. Agụvị avọọ ọ̀ọ nọ ịda ọnẹẹ ọnọọ, dị ahịka vị ọọ̄ và enyi ẹngụ anịị hi ini eteesu nị, o yi sì ka ọnị ọ̀ ma ozi yị onku ẹnẹbẹnị anị. 10Ọ mẹ vavọọ aa mẹ o yi zee Ẹnẹyịmavara eyi, agụvị avọọ dị Ẹnẹyịmavara rẹ wụ̀ ọ nị. 11Di Ijuda kụkụ va hị́ Ịtama ose ozi anị, dị ọ ka: Ọ̀ kụkụ vavọọ vị osoku tụ́ ịda ada anị pooro di Isera ọ̀ vịra. Ijuda ô ro o ka ọnị ọ̀ọ ka Isera o re kú o ogu aanị, ọnị ọ rẹ nyayịnẹ su anka ẹnẹbẹnị anị nịnị. Ịzẹyịza di Ịtama na yà ịdị ada anị nị. 12Ịjị ọ dà ku, di ose Ijuda ana vị ozi Isuwa wusu nị. Ijuda mẹ̀ sị orere anị jị dị ẹngụ anị sị nịya, dị ọnịrị Ihira ọta anị ana vị Anadurami zị nọ Itimina nị. Eyee nee heyi aza anaā yẹrẹ ẹyị atẹmẹ anị. 13Dị a na sị ọ ka yị Ịtama dị a ka, “Ohova awụ aa nọ Itimina ộ, aa naa yẹrẹ ẹyị atẹmẹ anị.” 14Di Ịtama wụsẹ ngwa awuru orere anị tịtẹ, dị ọ na sị ubobo dị ọ và a kú eyi nị ka asị a yẹ oni nị. Dị ọ na yaayịtẹ ózee ana zị naa ngụ Enayimi nị. Ịzọọ vị ana yà oze Itimina. Iruvo ọnị ọ maanị sị mẹ ọ vị ka ô re ka Isera ọ sị vịra, ama ọza ọ yị kà a ka o ve kú ọ ogu. 15Ijuda ọnị màa na di o re Ịtama, dị ọ sị ọ hị́ ka ọsẹrẹka kẹnẹ yọ nị, agụvị ka Ịtama vị ana và ubobo ku eyirẹsụ anị. 16Di Ijuda ne tù ọ ụtọ oze dị ọ ka: Ọ̀ vẹ ka oni ee sì ka ọnịrị ọ̀ nyị ọyịmẹ̀. Ijuda ọ yị yẹ ka ose ozi anịị yọ nị. Di Ịtama ka, “Sị aā sịị yị ọnị dị ọnịrị ọ ọ̀ va mẹ.” 17Di Ijuda ka, “Ọnị aa si ozi ẹvụ ọnya hụụnị ịsụpa anịị va yọ.” Di Ịtama ka, “Áá nyị ịsị aa sịị yị ọnị ana vaa vị ivenu dị ọ̀ va sị ẹvụ ọnọọ tụ́ vẹ.” 18Di Ijuda ka Ye re ịsa ivenu ana vọrọ ka ọnị ọ̀ sị yọ. Di Ịtama ka: re ọọmẹ ọnị ọ sịị sị ụvọọ tụ́ ini iwe avọọ ọnịrị obo anị ana sịị̄ sị ọ gẹ ọbẹ ọ̀ sị yị ọnị ne beri okutẹ anị ọnị ọ sị rị ụvọ aanị. Ịzẹyịza dị Ijuda vavọọ kụ́ ọ yọ, dị ọnịrị ọ na sị sụ nị. Dị ọ sị ịrẹẹ dọ ẹngụ anị nị. 19Ịtama mẹ̀ zị nọ ini eehi, dị ọ na ngwa ubobo anị tịtẹ, dị ọ rẹ sị ịta orere anị chire nị.
20Di Ijuda sị ẹvụ ọnọọ, dị ọ sị tụ́ ọta anị Anadurami ọnọọ ka ọ̀ sị na yị ọnẹẹ ọnọọ, dị ọ̀ dọ ịsa ivenu ọnị ọnị sị yọ va yị ọnị nị. O mè tù ịzọọ, o yi kuku re ọnẹẹ ọnọọ. 21Dị ọ va họ̀ anọrụ ene hi ịzọọ use dị ọ ka, “Ọsẹrẹka ini eehi ori ana yà oze Enayimi avọọ yọ, ịzị ọ yà ịzẹnị.” Dị ẹ ka ẹ yị vavọọ nyị ọsẹrẹka ịzẹnị. 22Dị Ihira varẹma ne tù Ijuda dị ọ ka me yi re e ộ! Dị anọrụ ẹnẹẹ ka ẹ yị vavọọ nyị ọsẹrẹka ini eehi ori ịzọọ. 23Di Ijuda ka, “Ịsị ọnị kụ́ yọ avọọ ọ̀ọ kụ́, ọ̀ sị mẹ aanị. Ọ kà à naavọ yọ ka aza ve nyị ẹnị unyi. Ọ rẹ ka ọnị ọ raà sị ozi ẹvụ ka à sị naa yọ, o ama yi re e.”
24Ọ sị mẹ ẹhụ ụhwẹ ẹẹta kwooze, di a va kà a yị Ijuda dị a ka: Ịtama ose ozi anị ọ na sẹ̀ ịrẹka ka ộ hyakụ sị ịrẹẹ dọ bẹẹ. Di Ijuda ka, “Tura a tụ́ ẹhẹ nịnị dị à rị ọ ịra.” 25A mẹ̀ sị ọ aa jịnẹẹ vẹ, dị ọ kụ́ ịsa ẹnẹẹ tụ́ ne tụ́ ohova anị nị. Dị ọ ka: Ọza ana nyị ịsa ẹnẹnị ọnị ọnị dọ ịrẹẹ hụụnị ụvọ anị. Ọ kà aarịhịnị ẹ zama ịsa ẹnẹnị re dị ẹ̀ yẹ ọza ana nyị. Ọọmẹ ana a sịị sị ụvọọ tụ́ ini iwe obo anị ne beri okutẹ ẹ vị nị. 26Ijuda mè re wa, ọ sị yẹ. Dị ọ kụkụ ka: Ọnẹẹ ọnọọ ọ nyị ịzẹyịza hu ọnị nọ. Dị ọ rẹ ka vị a vọrọ ka ọnị ọ̀ yaanị sị ọ yi Isera ozi anị dị ọ kụ́ ọ ogu nị. Ijuda ọnịrị Ịtama ẹ yị vana ma akaha tụ́ aha ọnya.
27Ịjị o si tù ka ọ̀ ma ozi, dị ahịka adẹgụnẹva ẹ vị nị. 28Ọ maà barẹẹ, di ozi anị ọnya dà ụvọ tụ́ ẹhẹ nị. Dị ọza ana aā dọ ọza ozii ma za ụvọ ozi ọnọọ, dị ọ dà ịta ovivi sụ́ ọ nị. Dị ọ ka, “Ọnọnị ọ vịdị jịnẹ vẹ nị.” 29Ama ọnọọ mẹ̀ và ụvọ anị ngụ eehi, dị ọhụva jịnẹ vẹ nị. Dị ọnẹẹ ana aā dọ ọza ozii ma ka: Eē re ọ mẹ sị ụkata jịnẹ vẹ. Agụvị avọọ a sịị hị́ ịrẹha ọnọọ Ịpẹrẹzị nị. 30Ịrẹma anị dị ọyịnyara anị jịnẹ vẹ beri ịta ovivi ana a sị sụ́ ọ ụvọ nị. Dị aa hị́ ọnọọ Ịzẹra nị.
Currently Selected:
Oyinyima 38: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Oyinyima 38
38
Ịrẹyị Ijuda ọnịrị Ịtama
1Ụmẹ ọnya Ijuda ộ hụụ ịda ẹyịnyara anị, dị ọ na kú udi pe ọta anị ana aā hị́ Ihira ịnị ẹkụra Adurami nị. 2Ịzọọ ọ ya, di o re ọnẹẹ ana vị ozi Isuwa Anikenaani nị. Di Ijuda nyị ọ dị ọnịrị ọ aa mẹ ẹvarose nị. 3Ọnẹẹ ọnọọ ô zyẹẹ dị ọ ma ozi ọnọrụ ọnya nị. Di Ijuda yị ọ Eri nị. 4O re zyẹẹ dị ọ rẹ ma ozi ọnọrụ ọsa nị. Dị ọnyị anị yị ọ Onani nị. 5Ọnẹẹ ọnọọ ọ rẹ vana ma ozi ọnọrụ, dị ọ yị ọ Isera nị. Ụmẹ ọnị ọ sị ma Isera, Ikezibu Ijuda yà nị.
6Ijuda ộ nyị ọnẹẹ yị Eri ozi anị ana vị ọzọkụ. Ịrẹha ose ozi anị ọnọọ ọ rị Ịtama nị. 7Eri ana vi ozi ọzọkụ Ijuda vị ọza odivi ini eyi agụvị avọọ dị Ẹnẹyịmavara wụ̀ ọ nị. 8Di Ijuda va hị́ Onani dị ọ ka, “Ọ̀ navọ ò ku osoku ẹnẹbẹnị anị dị ọ̀ ma ozi yị ẹnẹbenị anị.” 9Onani ộ yẹ ka ọnẹẹ ọnọọ ọ̀ọ ma ozi ẹngụ anị, ẹ yị vị ọnị ọ vaa nyị. Agụvị avọọ ọ̀ọ nọ ịda ọnẹẹ ọnọọ, dị ahịka vị ọọ̄ và enyi ẹngụ anịị hi ini eteesu nị, o yi sì ka ọnị ọ̀ ma ozi yị onku ẹnẹbẹnị anị. 10Ọ mẹ vavọọ aa mẹ o yi zee Ẹnẹyịmavara eyi, agụvị avọọ dị Ẹnẹyịmavara rẹ wụ̀ ọ nị. 11Di Ijuda kụkụ va hị́ Ịtama ose ozi anị, dị ọ ka: Ọ̀ kụkụ vavọọ vị osoku tụ́ ịda ada anị pooro di Isera ọ̀ vịra. Ijuda ô ro o ka ọnị ọ̀ọ ka Isera o re kú o ogu aanị, ọnị ọ rẹ nyayịnẹ su anka ẹnẹbẹnị anị nịnị. Ịzẹyịza di Ịtama na yà ịdị ada anị nị. 12Ịjị ọ dà ku, di ose Ijuda ana vị ozi Isuwa wusu nị. Ijuda mẹ̀ sị orere anị jị dị ẹngụ anị sị nịya, dị ọnịrị Ihira ọta anị ana vị Anadurami zị nọ Itimina nị. Eyee nee heyi aza anaā yẹrẹ ẹyị atẹmẹ anị. 13Dị a na sị ọ ka yị Ịtama dị a ka, “Ohova awụ aa nọ Itimina ộ, aa naa yẹrẹ ẹyị atẹmẹ anị.” 14Di Ịtama wụsẹ ngwa awuru orere anị tịtẹ, dị ọ na sị ubobo dị ọ và a kú eyi nị ka asị a yẹ oni nị. Dị ọ na yaayịtẹ ózee ana zị naa ngụ Enayimi nị. Ịzọọ vị ana yà oze Itimina. Iruvo ọnị ọ maanị sị mẹ ọ vị ka ô re ka Isera ọ sị vịra, ama ọza ọ yị kà a ka o ve kú ọ ogu. 15Ijuda ọnị màa na di o re Ịtama, dị ọ sị ọ hị́ ka ọsẹrẹka kẹnẹ yọ nị, agụvị ka Ịtama vị ana và ubobo ku eyirẹsụ anị. 16Di Ijuda ne tù ọ ụtọ oze dị ọ ka: Ọ̀ vẹ ka oni ee sì ka ọnịrị ọ̀ nyị ọyịmẹ̀. Ijuda ọ yị yẹ ka ose ozi anịị yọ nị. Di Ịtama ka, “Sị aā sịị yị ọnị dị ọnịrị ọ ọ̀ va mẹ.” 17Di Ijuda ka, “Ọnị aa si ozi ẹvụ ọnya hụụnị ịsụpa anịị va yọ.” Di Ịtama ka, “Áá nyị ịsị aa sịị yị ọnị ana vaa vị ivenu dị ọ̀ va sị ẹvụ ọnọọ tụ́ vẹ.” 18Di Ijuda ka Ye re ịsa ivenu ana vọrọ ka ọnị ọ̀ sị yọ. Di Ịtama ka: re ọọmẹ ọnị ọ sịị sị ụvọọ tụ́ ini iwe avọọ ọnịrị obo anị ana sịị̄ sị ọ gẹ ọbẹ ọ̀ sị yị ọnị ne beri okutẹ anị ọnị ọ sị rị ụvọ aanị. Ịzẹyịza dị Ijuda vavọọ kụ́ ọ yọ, dị ọnịrị ọ na sị sụ nị. Dị ọ sị ịrẹẹ dọ ẹngụ anị nị. 19Ịtama mẹ̀ zị nọ ini eehi, dị ọ na ngwa ubobo anị tịtẹ, dị ọ rẹ sị ịta orere anị chire nị.
20Di Ijuda sị ẹvụ ọnọọ, dị ọ sị tụ́ ọta anị Anadurami ọnọọ ka ọ̀ sị na yị ọnẹẹ ọnọọ, dị ọ̀ dọ ịsa ivenu ọnị ọnị sị yọ va yị ọnị nị. O mè tù ịzọọ, o yi kuku re ọnẹẹ ọnọọ. 21Dị ọ va họ̀ anọrụ ene hi ịzọọ use dị ọ ka, “Ọsẹrẹka ini eehi ori ana yà oze Enayimi avọọ yọ, ịzị ọ yà ịzẹnị.” Dị ẹ ka ẹ yị vavọọ nyị ọsẹrẹka ịzẹnị. 22Dị Ihira varẹma ne tù Ijuda dị ọ ka me yi re e ộ! Dị anọrụ ẹnẹẹ ka ẹ yị vavọọ nyị ọsẹrẹka ini eehi ori ịzọọ. 23Di Ijuda ka, “Ịsị ọnị kụ́ yọ avọọ ọ̀ọ kụ́, ọ̀ sị mẹ aanị. Ọ kà à naavọ yọ ka aza ve nyị ẹnị unyi. Ọ rẹ ka ọnị ọ raà sị ozi ẹvụ ka à sị naa yọ, o ama yi re e.”
24Ọ sị mẹ ẹhụ ụhwẹ ẹẹta kwooze, di a va kà a yị Ijuda dị a ka: Ịtama ose ozi anị ọ na sẹ̀ ịrẹka ka ộ hyakụ sị ịrẹẹ dọ bẹẹ. Di Ijuda ka, “Tura a tụ́ ẹhẹ nịnị dị à rị ọ ịra.” 25A mẹ̀ sị ọ aa jịnẹẹ vẹ, dị ọ kụ́ ịsa ẹnẹẹ tụ́ ne tụ́ ohova anị nị. Dị ọ ka: Ọza ana nyị ịsa ẹnẹnị ọnị ọnị dọ ịrẹẹ hụụnị ụvọ anị. Ọ kà aarịhịnị ẹ zama ịsa ẹnẹnị re dị ẹ̀ yẹ ọza ana nyị. Ọọmẹ ana a sịị sị ụvọọ tụ́ ini iwe obo anị ne beri okutẹ ẹ vị nị. 26Ijuda mè re wa, ọ sị yẹ. Dị ọ kụkụ ka: Ọnẹẹ ọnọọ ọ nyị ịzẹyịza hu ọnị nọ. Dị ọ rẹ ka vị a vọrọ ka ọnị ọ̀ yaanị sị ọ yi Isera ozi anị dị ọ kụ́ ọ ogu nị. Ijuda ọnịrị Ịtama ẹ yị vana ma akaha tụ́ aha ọnya.
27Ịjị o si tù ka ọ̀ ma ozi, dị ahịka adẹgụnẹva ẹ vị nị. 28Ọ maà barẹẹ, di ozi anị ọnya dà ụvọ tụ́ ẹhẹ nị. Dị ọza ana aā dọ ọza ozii ma za ụvọ ozi ọnọọ, dị ọ dà ịta ovivi sụ́ ọ nị. Dị ọ ka, “Ọnọnị ọ vịdị jịnẹ vẹ nị.” 29Ama ọnọọ mẹ̀ và ụvọ anị ngụ eehi, dị ọhụva jịnẹ vẹ nị. Dị ọnẹẹ ana aā dọ ọza ozii ma ka: Eē re ọ mẹ sị ụkata jịnẹ vẹ. Agụvị avọọ a sịị hị́ ịrẹha ọnọọ Ịpẹrẹzị nị. 30Ịrẹma anị dị ọyịnyara anị jịnẹ vẹ beri ịta ovivi ana a sị sụ́ ọ ụvọ nị. Dị aa hị́ ọnọọ Ịzẹra nị.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.