Oyinyima 41
41
Ijosẹẹhụ ộ kà iruvo ụra yị Ohinọyị Ijipiti
1Ịrayị ẹẹva ẹ sị para hu ọnị ịrẹyị ẹnẹẹ vavọọ mẹ. Ụmẹ ọnya di Ihwarawo ọnị rẹ va ra ụra ka ọnị ộ jẹẹ ụtọ okuha Anijipiti ana aā hi Ịnayịrị nị. 2Di o re ka imaaru ịhịmba ozoza nyọọnyọrọ ana banyị ệ jịnẹ hụụnị Oku Ovivi vẹ nị. Dị ẹ yaa rị ịkẹ ene hi ụtọ okuha nị. 3Di o ve ne re re imaaru ịhịmba gawụ-gawụ aanị ka ệ jịnẹ hụụnị okuha Ịnayịrị vẹ, dị ẹ jẹẹ pè imaaru ẹbanyị ịhịmba ịpaapa ụtọ okuha nị. 4Di imaaru ịhịmba gawụ-gawụ ẹnẹẹ za imaaru ẹbanyị ịhịmba ịpaapa ẹnẹẹ, dị ẹ rị wa nị. Di Ihwarawo sị ha nị. 5Ô kù chee dị ara rẹ sị Ihwarawo dọ nị. Dị ọ rẹ ra ụra ọsa nị. Ô re ihwiti ịrẹsụ ịhịmba ana nyị ịsa di e zoza ka ệ mẹ hi ịrẹsụ ọchị akụ nị. 6Di o re vene re ihwiti ịrẹsụ ịhịmba ọsa ẹnẹ ẹ̀ mẹ yị ẹtẹẹrẹ, dị ẹ ha hi ịrẹsụ ọchị ihwiti ọnọọ, dị ahị ịrịịra vẹ dị ọ wara a nị. 7Di ihwiti ẹnẹ ẹ̀ yị mẹ aanị, za ihwiti ịrẹsụ ịhịmba ene zoza dị ọ nyị ịsa dị ẹ mụnẹ ẹ nị. Ịjị ohinọyị sị ha, dị ọ va yẹ ka ụra ọnị aa ra nị. 8#Ịda 2.2Ịjị eyi sị nị̄, ayị anị ọ yị nẹtẹ. Di ọ va tụ́ na hị́ avaba ọvavo ene hi Ijipiti ọnịrị ọyẹrẹyị, dị ọ kà ụra ọnị ọ ra zụ̀ wa nị. Ama ẹ yị va nyị ọza ikonya ana zụ kà iruvo ụra ẹnẹẹ yị Ihwarawo.
9Dị ọga ọza anaā ká eche yị ohinọyị ve ne tù Ihwarawo dị ọ ka: ọnị ộ tamayị ajịnị ka ọnị ọ̀ mẹ̀ ebira odivi da. 10Ọ kà ọnị mẹ̀ mẹ ayị kụ́ ọ ịnị anị dị ọ kụ́ ọnịrị ọza anaā mẹ̀ ịsaa yọ ne hi ịnị ẹngwa nị. Dị ọ rẹ ka ọga isoja ene ee sere irehi ohinọyị ọ sị eyi pe ẹngwa ọnọọ nị. 11Ọ kà ịrahụ ẹkụhị ọnya ọnịrị ọ ô dudu ra ụra. Ụra ọzọza vị ana nyị iruvo anị. 12Ọ kà a nyị ozwọọmụha ọnya aanị ẹnị ẹnịrị yà ịzọọ. Anihiburu ọ vị nị, dị ahịka ọnị ọ vị ozi ahụ ọga isoja ene ee sere ẹtẹ nị. Ọ kà dị ẹnị kà ụra ẹnịnị yọ ịhị ọnọọ nị, dị ọ kà iruvo anị yị ẹnị ịsa ụra ọzọza jẹẹ yị nị. 13Ọ kà ọ mẹ̀ yị kà a yị ẹnị gẹdẹ-gẹdẹ ọ va vị nị. Â sị ọnị varẹma va tụ́ udi anị, dị a na kụ́ ọza anaā mẹ̀ ịsaa yị ohinọyị ẹ̀baachị nị.
14Di Ihwarawo tụ́ na hị́ Ijosẹẹhụ, di a wụsẹ na sị ọ hụụnị ẹngwa vẹ nị. Ịjị ọ sị ịrẹsụ anị kụ́, dị ọ sị awuru ọsa chire, di o ve tù Ihwarawo nị. 15Di Ihwarawo kà a yị Ijosẹẹhụ dị ọ ka, “Ọnị ọ ra ụra ọnya, ana ẹ yị nyị ọza ana zụ kà iruvo anị yị ọnị. Ọ kà ọnị ọ va wụ́ ka ọza ọ̀ọ kà a yọ ụra ọnị ọ ra ọ zụ sị iruvo anị zụ̀ ọ.” 16Di Ijosẹẹhụ tụ́ ohi dị ọ ka, “Taarụ ẹ yị vị ọnị ọ vavọọ yà. Ọ kà Ohomorihi vaa sị iruvo ụra ọnọọ zụ̀ ọ vaa nyị ịrẹyị.” 17Di Ihwarawo kà ụra anị yị Ijosẹẹhụ dị ọ ka, “Ọnị ọ ra ụra ka ọnị jẹẹ ụtọ okuha Ịnayịrị, 18di ọnị re ka imaaru ịhịmba ẹbanyị-ẹbanyị nyọọnyọrọ aanị ệ jịnẹ hụụnị okuha Ịnayịrị vẹ, dị ẹ yaa rị ịkẹ ụtọ okuha nị. 19Di oni vene re imaaru ịhịmba ọsa gawụ-gawụ aanị nị. Ọ kà ọnị ọọ yị vịdị vavọọ re ẹngụ imaaru ana vavọọ kwọrọ da ịnị ẹtẹ Ijipiti. 20Di imaaru gawụ-gawụ ẹnẹẹ za imaaru ịhịmba ẹbanyị-ẹbanyị ịpaapa ẹnẹẹ, dị ẹ rị wa nị. 21Ẹ mẹ̀ vavọọ sị wa rị wèe re wa wẹ yị yẹ ka â nyị ịsị ẹ rị. Vị ẹnịnị tị tịtẹ gawụ-gawụ anka ẹ mẹ̀ vịdị yà nị. Ọ kà dị ọnị sị ha nị. 22Ọ kà ọnị ọ rẹ ra ụra ọsa. Ọ kà ọnị ô re ihwiti ịrẹsụ ịhịmba ịrẹsụ ọchị ihwiti ọnya. Ẹnịnị ệ nyị ịsa ẹtẹẹtẹrẹ. 23Dị ịrẹsụ akụ ịhịmba ọsa hyeke-hyeke aanị ana ahị sị banyị va ha chị pè akụ ozoza ẹnẹẹ nị. 24Dị ihwiti hyeke-hyeke ẹnẹẹ za akụ ozoza ẹnẹẹ dị ẹ mụnẹ wa nị. Dị ọ ka ọnị ộ ka ụra ọnọnị yị ọnịvọpa nịnị, ama ẹ yị nyị ọza ikonya ana zụ sị iruvo anị zụ̀ ọnị.”
25Di Ijosẹẹhụ ka, “Taarụ, Ohomorihi ọ ra à sị zụ ọ ịsị aa vaa mẹ. Ụra ẹnẹnị vị ikonya. 26Ọ kà imaaru ịhịmba nyọọnyọrọ ẹnẹẹ ọnịrị ịrẹsụ akụ ịhịmba ene zoza avọọ vị ana jẹẹ yị ịrayị ịhịmba. Ụra ọnya ẹnị ẹyịva vị nị. 27Imaaru gawụ-gawụ ịhịmba ẹnẹẹ ọnịrị ịrẹsụ akụ ịhịmba hyeke-hyeke ẹnẹẹ ana ahị sị banyị ha avọọ ana chị pè akụ ozoza vị ana jẹẹ yị ịrayị ịhịmba ọnị ụngwẹ vaa kụ̀. 28Di Ijosẹẹhụ rẹ ka Taarụ anka ọnị mẹ̀ vịdị kà a yọ ịsọọnị, Ohomorihi ọ ra à sị zụ̀ ọ ịsa ana aa vaa mẹ. 29A vaa nyị ịrayị ịhịmba ọnị ịsọyịrị vaa chakaa hi ẹtẹ ịnị avaba ẹtẹ Ijipiti. 30Ịrẹma ọnọọ dị ịrayị ịhịmba ọsa tụra a vẹ ọnị ụngwẹ vaa kụ̀ dị ayị hi ka â vịdị nyị ịsọyịrị gwẹtẹ ịnị ẹtẹ Ijipiti da. Ụngwẹ ọnọọ vaa kụ̀ ẹnẹmẹhị. 31Ayị vee hi ka ịsọyịrị ộ vịdị pọ̀ hi ẹtẹ ịnị ẹtẹ Ijipiti da, ịsị ụngwẹ ọ̀ọ sị ọza mẹ. 32Dị ọ rẹ ka Taarụ iruvo ọnị ọ sị ra ụra ọnọọ ụpẹ ẹẹva ọ vị ka Ohomorihi ọ mẹ eto ịrẹyị ọnọnị nị. Ọ yị vaa za a tụra ẹtẹ dị ọ̀ mẹ̀ ẹ. 33Dị ọ rẹ ka Taarụ, ịsị ọ zụ mẹ ọ vị ka ọ yaanị sì ọza ana yẹ ịrẹyị ẹtẹẹtẹrẹ, dị wa sị ọ ka ò sị eyi pè ẹtẹ Ijipiti. 34Dị ọ̀ nyị aza dị ẹ̀ sị eyi pe okokooro-okokooro ịnị ẹtẹ Ijipiti. Dị ọ̀ sị eyi pè ẹtẹ Ijipiti ịnị avaba ịrayị ịhịmba ọnị ịsọyịrị vaa chakaa hi ẹtẹ aanị, ọ kà a ka è tenyi ẹtẹ Ijipiti; ọza ọ yị yẹ iruvo ịrẹyị ọnọnị ẹtẹẹrẹ. Dị ẹ dọ agẹhị ịsa ịnị aarẹ ini ẹtẹ Ijipiti. 35Ịsa ọyịrị ẹnị ẹ̀ẹ vavọọ dọ ịnị ịrayị ọnị ịsọyịrị sị pō hi ẹtẹ aanị, ẹ̀ kụ́ ọ tẹ tụ́ ịnị ụhwọ ịnị ẹkụra. Taarụ, dị ahịka ẹwụ ụvọta ọ mẹ ọda ka à vavọọ kụ ọ tẹ nị. 36Aanị a mẹ̀ zụ kụ́ ịsọyịrị tẹ zi ịrayị ịhịmba ana aa vẹ ọnị ụngwẹ vaa kụ̀ ịnị ẹtẹ Ijipiti nị. Ọ kà àa maanị mẹ, ụngwẹ ọ yị vaa wu avaba aza ha.”
 sị Ijosẹẹhụ mẹ ọga tụ́ Ijipiti.
37Ịrẹyị oni Ijosẹẹhụ kà ô hine Ihwarawo ọnịrị aza ene ee pè e juwe. 38Di Ihwarawo hị́ ezi ahụ anị dị ọ ka, “Ẹnị ẹẹ kụkụ zụ maanị re ọza ẹnẹsa ana maanị nyị ịrẹyọyẹ Ohomorihi.” 39Di Ihwarawo va hị́ Ijosẹẹhụ dị ọ ka, “A mẹ̀ hị́ ka ọnị Ohomorihi maanị sị ịsa ẹnẹnị zụ̀ aanị nị, ẹ yị nyị ọza ẹnẹsa ana maanị nyị ịrẹyọyẹ ọnị ọ nyị aanị. 40#Ụkọ 7.10Ọ kà ọnị ọ vaa sị eyi pè ẹkụra anị nị. Ọ kà ịsị ọọ ka aza anị ẹ̀ mẹ kẹnẹ avaba ẹnịnị vaa mẹ nị. Ọ kà ini oze ka ọnị vị ohinọyị nị kẹnẹ oni ve sii huna a nị.” 41Dị ọ rẹ kà a yị Ijosẹẹhụ dị ọ ka, “Ọnị ọ raà sị avaba ẹtẹ Ijipiti chire e ụvọ.” 42#Ịda 5.29Di Ihwarawo tụ̀ ochirigege anị, dị ọ sị tụ́ Ijosẹẹhụ ụvọ nị. Dị ọ kụ́ ịta ozoza dị ọ kụ́ ọ hi Ijosẹẹhụ ẹngụ nị. Dị ọ sị ịsọbẹ igooru tụ́ ọ ọrọkọ nị. 43Dị ọ sị ọ tụra ịkẹkẹ oni umaataā tura ọnị ọgụ ọhụva ohinọyịị̄ tụra nị. Dị aza hi ọvịdị Ijosẹẹhụ di eyee nowu dị ẹ ka, “Hụrẹ oze nịnị!” Avọọ Ihwarawo mẹ̀ sị avaba ẹtẹ Ijipiti chire Ijosẹẹhụ ụvọ nị. 44Dị Ihwarawo kà a yị Ijosẹẹhụ dị ọ ka, “Ịzẹyịza ọnị ọ vị ohinọyị nị. Ama ẹ yị nyị ọza ana va nyayịnẹ sị ụvọ ọ̀ọ vị ahụ ịnị ẹtẹ Ijipiti à yị vị Ijosẹẹhụ ọ sị oze yọ.” 45Di Ihwarawo ka Ijosẹẹhụ ọ kụkụ rị Izahwenati Ipaniya nị. Di ohinọyị sị Asenati ozi Ipotihera gà Ijosẹẹhụ dị ọ nyị ọ nị. Ipotihera ọnọọ ọ vị ohirẹsụ irehi Ohomorihi tụ́ ẹkụra Oni nị. Di aza sị yẹ ka Ijosẹẹhụ ọ kụkụ sị eyi pe Ijipiti nị. 46Ijosẹẹhụ vị ịrayị ohurẹẹwụ di o nyima ee pè ohinọyị Anijipiti mẹ̀ ụkọrọ.
Di Ijosẹẹhụ hụụ ịda Ihwarawo, di o ne chire avaba ẹtẹ Ijipiti ahụ nị. 47Ịnị ịrayị ịhịmba ọnị ịsọyịrị chaka hi ẹtẹ aanị, ịsa ịnị aarẹ vị ana nyayịnẹ mẹ ẹtẹẹtẹrẹ. 48Di Ijosẹẹhụ ka à kụ́ ịsọyịrị gụ ịnị avaba ẹtẹ Ijipiti ịnị ịrayị ịhịmba ẹnẹẹ ọnị ịsọyịrị pọ̀ hi ẹtẹ nị. Dị ọ kụ́ ịsa ẹnẹẹ tẹ hi ịnị ẹkụra nị. Ịsa ana àa kụ́ hụụnị aarẹ ana gụrị ẹkụra ọzọza, dị aa kụ́ ọ tẹ ịnị ẹkụra ọnọọ. 49Ijosẹẹhụ vị ana nyayịnẹ hara ihwiti tẹ; wèe re e vị ọ sị mẹẹ ààrẹ ụtọ ókụ̄ avọọ nị. Ô tù ụpẹ ọnya ọ yị kụkụ za a ịrịka agụvị ka ọza ọ yị kụkụ zụ za a. 50Dị ịrayị ọnị ụngwẹ aa sịị kụ̀ vavẹ, Ijosẹẹhụ ộ ma ezi anọrụ ẹẹva. Asenati ozi Ipotihera ana vi ohirẹsụ irehi Ohomorihi tụ́ Oni ộ ma ezi ẹnẹẹ yọ nị. 51Ịpaapa vị oni Ijosẹẹhụ hị́ Ịmanasẹ. Iruvo Ịmanasẹ ọ vị, “Ộ mẹ ka me hi ayị.” Ọ kà, Ohomorihi ọ ra à mẹ ka ọnị o hi ayị ụya ọnị ọnị rị ọnịrị aneehi ada anị. 52Dị ọ ka ọsa ọ rị Ehwireemi nị. Ọ kà, Ohomorihi ọ ra si ozi yi ọnị ịnị ẹtẹ ịzị ọnị va ya aa rị ụya.
53Ịrayị ịhịmba ọnị ịsọyịrị chaka hi ẹtẹ ịnị ẹtẹ Ijipiti ộ vẹ, ộ ta. 54#Ụkọ 7.11Dị ụngwẹ ịrayị ịhịmba sị nyima nị anka Ijosẹẹhụ mẹ̀ vịdị kà a. Ụngwẹ vị ana aa kụ̀ avaba aha ana vọ, ama â nyị ịsọyịrị ịnị avaba ẹtẹ Ijipiti. 55#Ịjọ 2.5Ịjị ụngwẹ aa kụ̀ avaba Anijipiti, di e nowu na za Ihwarawo ka ọ̀ sị ịsọyịrị yị ẹnị nị. Avaba Anijipiti ene ee ve tụ̀ Ihwarawo dị ọ rẹ kà a yị wa ka, “Ne tù Ijosẹẹhụ nịnị, ịsị ọ̀ọ ka wa mẹ dị ụ mẹ̀ ẹ nịnị.” 56Ịjị ụngwẹ sị ngụ avaba aha, di Ijosẹẹhụ ka à nā avaba ụhwọ dị à ná ịsọyịrị yị Anijipiti. Ụngwẹ ọnọọ ộ kụ̀ ẹtẹẹtẹrẹ ịnị ẹtẹ Ijipiti. 57Ụmẹ ọnọọ dị avaba anẹhẹ aa nọ Ijipiti nee tù Ijosẹẹhụ ka ẹnị ẹ̀ na hị́ akụ nị, agụvị ka ụngwẹ ọnọọ vị ana nyayịnẹ aa kụ̀ avaba aha.
Currently Selected:
Oyinyima 41: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Oyinyima 41
41
Ijosẹẹhụ ộ kà iruvo ụra yị Ohinọyị Ijipiti
1Ịrayị ẹẹva ẹ sị para hu ọnị ịrẹyị ẹnẹẹ vavọọ mẹ. Ụmẹ ọnya di Ihwarawo ọnị rẹ va ra ụra ka ọnị ộ jẹẹ ụtọ okuha Anijipiti ana aā hi Ịnayịrị nị. 2Di o re ka imaaru ịhịmba ozoza nyọọnyọrọ ana banyị ệ jịnẹ hụụnị Oku Ovivi vẹ nị. Dị ẹ yaa rị ịkẹ ene hi ụtọ okuha nị. 3Di o ve ne re re imaaru ịhịmba gawụ-gawụ aanị ka ệ jịnẹ hụụnị okuha Ịnayịrị vẹ, dị ẹ jẹẹ pè imaaru ẹbanyị ịhịmba ịpaapa ụtọ okuha nị. 4Di imaaru ịhịmba gawụ-gawụ ẹnẹẹ za imaaru ẹbanyị ịhịmba ịpaapa ẹnẹẹ, dị ẹ rị wa nị. Di Ihwarawo sị ha nị. 5Ô kù chee dị ara rẹ sị Ihwarawo dọ nị. Dị ọ rẹ ra ụra ọsa nị. Ô re ihwiti ịrẹsụ ịhịmba ana nyị ịsa di e zoza ka ệ mẹ hi ịrẹsụ ọchị akụ nị. 6Di o re vene re ihwiti ịrẹsụ ịhịmba ọsa ẹnẹ ẹ̀ mẹ yị ẹtẹẹrẹ, dị ẹ ha hi ịrẹsụ ọchị ihwiti ọnọọ, dị ahị ịrịịra vẹ dị ọ wara a nị. 7Di ihwiti ẹnẹ ẹ̀ yị mẹ aanị, za ihwiti ịrẹsụ ịhịmba ene zoza dị ọ nyị ịsa dị ẹ mụnẹ ẹ nị. Ịjị ohinọyị sị ha, dị ọ va yẹ ka ụra ọnị aa ra nị. 8#Ịda 2.2Ịjị eyi sị nị̄, ayị anị ọ yị nẹtẹ. Di ọ va tụ́ na hị́ avaba ọvavo ene hi Ijipiti ọnịrị ọyẹrẹyị, dị ọ kà ụra ọnị ọ ra zụ̀ wa nị. Ama ẹ yị va nyị ọza ikonya ana zụ kà iruvo ụra ẹnẹẹ yị Ihwarawo.
9Dị ọga ọza anaā ká eche yị ohinọyị ve ne tù Ihwarawo dị ọ ka: ọnị ộ tamayị ajịnị ka ọnị ọ̀ mẹ̀ ebira odivi da. 10Ọ kà ọnị mẹ̀ mẹ ayị kụ́ ọ ịnị anị dị ọ kụ́ ọnịrị ọza anaā mẹ̀ ịsaa yọ ne hi ịnị ẹngwa nị. Dị ọ rẹ ka ọga isoja ene ee sere irehi ohinọyị ọ sị eyi pe ẹngwa ọnọọ nị. 11Ọ kà ịrahụ ẹkụhị ọnya ọnịrị ọ ô dudu ra ụra. Ụra ọzọza vị ana nyị iruvo anị. 12Ọ kà a nyị ozwọọmụha ọnya aanị ẹnị ẹnịrị yà ịzọọ. Anihiburu ọ vị nị, dị ahịka ọnị ọ vị ozi ahụ ọga isoja ene ee sere ẹtẹ nị. Ọ kà dị ẹnị kà ụra ẹnịnị yọ ịhị ọnọọ nị, dị ọ kà iruvo anị yị ẹnị ịsa ụra ọzọza jẹẹ yị nị. 13Ọ kà ọ mẹ̀ yị kà a yị ẹnị gẹdẹ-gẹdẹ ọ va vị nị. Â sị ọnị varẹma va tụ́ udi anị, dị a na kụ́ ọza anaā mẹ̀ ịsaa yị ohinọyị ẹ̀baachị nị.
14Di Ihwarawo tụ́ na hị́ Ijosẹẹhụ, di a wụsẹ na sị ọ hụụnị ẹngwa vẹ nị. Ịjị ọ sị ịrẹsụ anị kụ́, dị ọ sị awuru ọsa chire, di o ve tù Ihwarawo nị. 15Di Ihwarawo kà a yị Ijosẹẹhụ dị ọ ka, “Ọnị ọ ra ụra ọnya, ana ẹ yị nyị ọza ana zụ kà iruvo anị yị ọnị. Ọ kà ọnị ọ va wụ́ ka ọza ọ̀ọ kà a yọ ụra ọnị ọ ra ọ zụ sị iruvo anị zụ̀ ọ.” 16Di Ijosẹẹhụ tụ́ ohi dị ọ ka, “Taarụ ẹ yị vị ọnị ọ vavọọ yà. Ọ kà Ohomorihi vaa sị iruvo ụra ọnọọ zụ̀ ọ vaa nyị ịrẹyị.” 17Di Ihwarawo kà ụra anị yị Ijosẹẹhụ dị ọ ka, “Ọnị ọ ra ụra ka ọnị jẹẹ ụtọ okuha Ịnayịrị, 18di ọnị re ka imaaru ịhịmba ẹbanyị-ẹbanyị nyọọnyọrọ aanị ệ jịnẹ hụụnị okuha Ịnayịrị vẹ, dị ẹ yaa rị ịkẹ ụtọ okuha nị. 19Di oni vene re imaaru ịhịmba ọsa gawụ-gawụ aanị nị. Ọ kà ọnị ọọ yị vịdị vavọọ re ẹngụ imaaru ana vavọọ kwọrọ da ịnị ẹtẹ Ijipiti. 20Di imaaru gawụ-gawụ ẹnẹẹ za imaaru ịhịmba ẹbanyị-ẹbanyị ịpaapa ẹnẹẹ, dị ẹ rị wa nị. 21Ẹ mẹ̀ vavọọ sị wa rị wèe re wa wẹ yị yẹ ka â nyị ịsị ẹ rị. Vị ẹnịnị tị tịtẹ gawụ-gawụ anka ẹ mẹ̀ vịdị yà nị. Ọ kà dị ọnị sị ha nị. 22Ọ kà ọnị ọ rẹ ra ụra ọsa. Ọ kà ọnị ô re ihwiti ịrẹsụ ịhịmba ịrẹsụ ọchị ihwiti ọnya. Ẹnịnị ệ nyị ịsa ẹtẹẹtẹrẹ. 23Dị ịrẹsụ akụ ịhịmba ọsa hyeke-hyeke aanị ana ahị sị banyị va ha chị pè akụ ozoza ẹnẹẹ nị. 24Dị ihwiti hyeke-hyeke ẹnẹẹ za akụ ozoza ẹnẹẹ dị ẹ mụnẹ wa nị. Dị ọ ka ọnị ộ ka ụra ọnọnị yị ọnịvọpa nịnị, ama ẹ yị nyị ọza ikonya ana zụ sị iruvo anị zụ̀ ọnị.”
25Di Ijosẹẹhụ ka, “Taarụ, Ohomorihi ọ ra à sị zụ ọ ịsị aa vaa mẹ. Ụra ẹnẹnị vị ikonya. 26Ọ kà imaaru ịhịmba nyọọnyọrọ ẹnẹẹ ọnịrị ịrẹsụ akụ ịhịmba ene zoza avọọ vị ana jẹẹ yị ịrayị ịhịmba. Ụra ọnya ẹnị ẹyịva vị nị. 27Imaaru gawụ-gawụ ịhịmba ẹnẹẹ ọnịrị ịrẹsụ akụ ịhịmba hyeke-hyeke ẹnẹẹ ana ahị sị banyị ha avọọ ana chị pè akụ ozoza vị ana jẹẹ yị ịrayị ịhịmba ọnị ụngwẹ vaa kụ̀. 28Di Ijosẹẹhụ rẹ ka Taarụ anka ọnị mẹ̀ vịdị kà a yọ ịsọọnị, Ohomorihi ọ ra à sị zụ̀ ọ ịsa ana aa vaa mẹ. 29A vaa nyị ịrayị ịhịmba ọnị ịsọyịrị vaa chakaa hi ẹtẹ ịnị avaba ẹtẹ Ijipiti. 30Ịrẹma ọnọọ dị ịrayị ịhịmba ọsa tụra a vẹ ọnị ụngwẹ vaa kụ̀ dị ayị hi ka â vịdị nyị ịsọyịrị gwẹtẹ ịnị ẹtẹ Ijipiti da. Ụngwẹ ọnọọ vaa kụ̀ ẹnẹmẹhị. 31Ayị vee hi ka ịsọyịrị ộ vịdị pọ̀ hi ẹtẹ ịnị ẹtẹ Ijipiti da, ịsị ụngwẹ ọ̀ọ sị ọza mẹ. 32Dị ọ rẹ ka Taarụ iruvo ọnị ọ sị ra ụra ọnọọ ụpẹ ẹẹva ọ vị ka Ohomorihi ọ mẹ eto ịrẹyị ọnọnị nị. Ọ yị vaa za a tụra ẹtẹ dị ọ̀ mẹ̀ ẹ. 33Dị ọ rẹ ka Taarụ, ịsị ọ zụ mẹ ọ vị ka ọ yaanị sì ọza ana yẹ ịrẹyị ẹtẹẹtẹrẹ, dị wa sị ọ ka ò sị eyi pè ẹtẹ Ijipiti. 34Dị ọ̀ nyị aza dị ẹ̀ sị eyi pe okokooro-okokooro ịnị ẹtẹ Ijipiti. Dị ọ̀ sị eyi pè ẹtẹ Ijipiti ịnị avaba ịrayị ịhịmba ọnị ịsọyịrị vaa chakaa hi ẹtẹ aanị, ọ kà a ka è tenyi ẹtẹ Ijipiti; ọza ọ yị yẹ iruvo ịrẹyị ọnọnị ẹtẹẹrẹ. Dị ẹ dọ agẹhị ịsa ịnị aarẹ ini ẹtẹ Ijipiti. 35Ịsa ọyịrị ẹnị ẹ̀ẹ vavọọ dọ ịnị ịrayị ọnị ịsọyịrị sị pō hi ẹtẹ aanị, ẹ̀ kụ́ ọ tẹ tụ́ ịnị ụhwọ ịnị ẹkụra. Taarụ, dị ahịka ẹwụ ụvọta ọ mẹ ọda ka à vavọọ kụ ọ tẹ nị. 36Aanị a mẹ̀ zụ kụ́ ịsọyịrị tẹ zi ịrayị ịhịmba ana aa vẹ ọnị ụngwẹ vaa kụ̀ ịnị ẹtẹ Ijipiti nị. Ọ kà àa maanị mẹ, ụngwẹ ọ yị vaa wu avaba aza ha.”
 sị Ijosẹẹhụ mẹ ọga tụ́ Ijipiti.
37Ịrẹyị oni Ijosẹẹhụ kà ô hine Ihwarawo ọnịrị aza ene ee pè e juwe. 38Di Ihwarawo hị́ ezi ahụ anị dị ọ ka, “Ẹnị ẹẹ kụkụ zụ maanị re ọza ẹnẹsa ana maanị nyị ịrẹyọyẹ Ohomorihi.” 39Di Ihwarawo va hị́ Ijosẹẹhụ dị ọ ka, “A mẹ̀ hị́ ka ọnị Ohomorihi maanị sị ịsa ẹnẹnị zụ̀ aanị nị, ẹ yị nyị ọza ẹnẹsa ana maanị nyị ịrẹyọyẹ ọnị ọ nyị aanị. 40#Ụkọ 7.10Ọ kà ọnị ọ vaa sị eyi pè ẹkụra anị nị. Ọ kà ịsị ọọ ka aza anị ẹ̀ mẹ kẹnẹ avaba ẹnịnị vaa mẹ nị. Ọ kà ini oze ka ọnị vị ohinọyị nị kẹnẹ oni ve sii huna a nị.” 41Dị ọ rẹ kà a yị Ijosẹẹhụ dị ọ ka, “Ọnị ọ raà sị avaba ẹtẹ Ijipiti chire e ụvọ.” 42#Ịda 5.29Di Ihwarawo tụ̀ ochirigege anị, dị ọ sị tụ́ Ijosẹẹhụ ụvọ nị. Dị ọ kụ́ ịta ozoza dị ọ kụ́ ọ hi Ijosẹẹhụ ẹngụ nị. Dị ọ sị ịsọbẹ igooru tụ́ ọ ọrọkọ nị. 43Dị ọ sị ọ tụra ịkẹkẹ oni umaataā tura ọnị ọgụ ọhụva ohinọyịị̄ tụra nị. Dị aza hi ọvịdị Ijosẹẹhụ di eyee nowu dị ẹ ka, “Hụrẹ oze nịnị!” Avọọ Ihwarawo mẹ̀ sị avaba ẹtẹ Ijipiti chire Ijosẹẹhụ ụvọ nị. 44Dị Ihwarawo kà a yị Ijosẹẹhụ dị ọ ka, “Ịzẹyịza ọnị ọ vị ohinọyị nị. Ama ẹ yị nyị ọza ana va nyayịnẹ sị ụvọ ọ̀ọ vị ahụ ịnị ẹtẹ Ijipiti à yị vị Ijosẹẹhụ ọ sị oze yọ.” 45Di Ihwarawo ka Ijosẹẹhụ ọ kụkụ rị Izahwenati Ipaniya nị. Di ohinọyị sị Asenati ozi Ipotihera gà Ijosẹẹhụ dị ọ nyị ọ nị. Ipotihera ọnọọ ọ vị ohirẹsụ irehi Ohomorihi tụ́ ẹkụra Oni nị. Di aza sị yẹ ka Ijosẹẹhụ ọ kụkụ sị eyi pe Ijipiti nị. 46Ijosẹẹhụ vị ịrayị ohurẹẹwụ di o nyima ee pè ohinọyị Anijipiti mẹ̀ ụkọrọ.
Di Ijosẹẹhụ hụụ ịda Ihwarawo, di o ne chire avaba ẹtẹ Ijipiti ahụ nị. 47Ịnị ịrayị ịhịmba ọnị ịsọyịrị chaka hi ẹtẹ aanị, ịsa ịnị aarẹ vị ana nyayịnẹ mẹ ẹtẹẹtẹrẹ. 48Di Ijosẹẹhụ ka à kụ́ ịsọyịrị gụ ịnị avaba ẹtẹ Ijipiti ịnị ịrayị ịhịmba ẹnẹẹ ọnị ịsọyịrị pọ̀ hi ẹtẹ nị. Dị ọ kụ́ ịsa ẹnẹẹ tẹ hi ịnị ẹkụra nị. Ịsa ana àa kụ́ hụụnị aarẹ ana gụrị ẹkụra ọzọza, dị aa kụ́ ọ tẹ ịnị ẹkụra ọnọọ. 49Ijosẹẹhụ vị ana nyayịnẹ hara ihwiti tẹ; wèe re e vị ọ sị mẹẹ ààrẹ ụtọ ókụ̄ avọọ nị. Ô tù ụpẹ ọnya ọ yị kụkụ za a ịrịka agụvị ka ọza ọ yị kụkụ zụ za a. 50Dị ịrayị ọnị ụngwẹ aa sịị kụ̀ vavẹ, Ijosẹẹhụ ộ ma ezi anọrụ ẹẹva. Asenati ozi Ipotihera ana vi ohirẹsụ irehi Ohomorihi tụ́ Oni ộ ma ezi ẹnẹẹ yọ nị. 51Ịpaapa vị oni Ijosẹẹhụ hị́ Ịmanasẹ. Iruvo Ịmanasẹ ọ vị, “Ộ mẹ ka me hi ayị.” Ọ kà, Ohomorihi ọ ra à mẹ ka ọnị o hi ayị ụya ọnị ọnị rị ọnịrị aneehi ada anị. 52Dị ọ ka ọsa ọ rị Ehwireemi nị. Ọ kà, Ohomorihi ọ ra si ozi yi ọnị ịnị ẹtẹ ịzị ọnị va ya aa rị ụya.
53Ịrayị ịhịmba ọnị ịsọyịrị chaka hi ẹtẹ ịnị ẹtẹ Ijipiti ộ vẹ, ộ ta. 54#Ụkọ 7.11Dị ụngwẹ ịrayị ịhịmba sị nyima nị anka Ijosẹẹhụ mẹ̀ vịdị kà a. Ụngwẹ vị ana aa kụ̀ avaba aha ana vọ, ama â nyị ịsọyịrị ịnị avaba ẹtẹ Ijipiti. 55#Ịjọ 2.5Ịjị ụngwẹ aa kụ̀ avaba Anijipiti, di e nowu na za Ihwarawo ka ọ̀ sị ịsọyịrị yị ẹnị nị. Avaba Anijipiti ene ee ve tụ̀ Ihwarawo dị ọ rẹ kà a yị wa ka, “Ne tù Ijosẹẹhụ nịnị, ịsị ọ̀ọ ka wa mẹ dị ụ mẹ̀ ẹ nịnị.” 56Ịjị ụngwẹ sị ngụ avaba aha, di Ijosẹẹhụ ka à nā avaba ụhwọ dị à ná ịsọyịrị yị Anijipiti. Ụngwẹ ọnọọ ộ kụ̀ ẹtẹẹtẹrẹ ịnị ẹtẹ Ijipiti. 57Ụmẹ ọnọọ dị avaba anẹhẹ aa nọ Ijipiti nee tù Ijosẹẹhụ ka ẹnị ẹ̀ na hị́ akụ nị, agụvị ka ụngwẹ ọnọọ vị ana nyayịnẹ aa kụ̀ avaba aha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.