Oyinyima 42
42
Ẹnẹbẹnị Ijosẹẹhụ ệ nọ Ijipiti na hị̀ ịsa.
1Ijekọvụ ộ wụ́ ka â nyị akụ ịnị ẹtẹ Ijipiti. Dị ọ va hị́ ezi anị dị ọ ka: Vị e hi ẹtẹ ee re ẹngụ nịị? 2#Ụkọ 7.12Ọ kà ẹ́ẹ́ yẹ ka ọnị ộ wụ́ ka a ka â nyị akụ Ijipiti. Ọ kà a nọ ịzọọ dị ẹ na hị́ akụ vẹ, dị ẹnị ẹ rị ọ di asị ẹnị su va ha. 3Ịzẹyịza dị ẹnẹbẹnị Ijosẹẹhụ ẹẹwụ si hu aa nọ Ijipiti ka ẹnị ẹ̀ na hị́ akụ nị. 4Ama Ijekọvụ ọ yị tụ́ Ịbẹnjamịnị ọyịnyara Ijosẹẹhụ saasa wa. Angwa ee hi ọ ka ọnị ọ yị yẹ ịsa odivi ọ zụ na mẹ Ịbẹnjamịnị. 5Avọọ ezi Ijekọvụ ẹnị mẹ̀ rẹ saasa aza ana aa nọ Ijipiti na hị́ ịsa nị. Ụngwẹ ọnị vị ana rẹ tụra ịnị ẹtẹ Ikanaani.
6Ijosẹẹhụ ọ kụkụ sị eyi pè ẹtẹ Ijipiti nị. Ọnị aa ná ịsaa yị avaba aza ana àa vẹ ka ọnị àa vaa hị́ ịsa nị. Dị ẹnẹbẹnị Ijosẹẹhụ nịnị vẹ, dị ẹ tana tụra ẹtẹ kụ́ ọ nị. 7Ijosẹẹhụ mè re ẹnẹbẹnị anị, ộ yẹ wa, ama dị ọ mẹ̀ ebira hi wa anka ọza ọnị ọza ọ̀ yị yẹ avọọ nị. Dị ọ kara eyi hi wa dị ọ ka: Ịzị ẹ hụrẹ vẹ? Dị ẹ ka, “Ịnị ẹtẹ Ikanaani ẹnị hụrẹ vẹ ka ẹnị ẹ̀ va hị́ ịsọyịrị nọ. 8Ịzẹyịza di Ijosẹẹhụ sị yẹ ka ẹnẹbẹnị anị ẹ vị nị. Ama ẹnịnị ẹnị ẹ yị yẹ Ijosẹẹhụ. 9#Oyn 37.5-10Di Ijosẹẹhụ raà tamayị ụra ọnị ọ vịdị ra ịyẹẹyẹ ini oze ẹnịnị nị. Dị ọ kà a yị wa dị ọ ka: Oyn ẹ vị nị. Ọ kà vị ẹ vẹ ka ẹnị è ve re ẹtẹ ọnọnị ẹnya ịrẹkụ ẹnịnị ọ̀ọ mẹmẹ yà nị.” 10Dị ẹnịnị ka, “Eyiye, ada ayị, ịsọyịrị kẹnẹ ẹnị ka ẹnị ẹ va hị́ nọ. 11Ẹ ka Ada ọnya ọ ma avaba ẹnịnị nị, ka ẹnị e mē cheeche. Ẹ rẹ ka ẹnị e yi ve yi ẹtẹ re.” 12Di Ijosẹẹhụ ka, “Ireche yọ, vị ẹ vẹ ka ẹnị è ve re ẹnya ịrẹkụ ẹnịnị mẹmẹ yà nị.” 13Di e re tụ́ ohi dị ẹ ka, “Nda, ẹyị ẹwụrẹva áda ayị ma nị. Ada ayị vị ana ra ịnị ẹtẹ Ikanaani. Ajịmọ ayịị yà pè ada ayị tụ́ eehi. Ọza ịnyara ayị kụkụ yà ịzọọ.” 14Di Ijosẹẹhụ ka, “Ọnị ọ kị kà a ka vi e ve yi ẹtẹ ọnọnị re nị. 15Dị ọ ka ịsị ọnị aa vaa kà aanị ọnị vaa sị yẹ iruvo ẹnịnị nị. Dị ọ ka ọnị ộ sị ịrẹsụ ohinọyị hị́ eku ka à yị vị ọhụva ẹnịnị ana vị ozweyi vẹ ịzẹnị, ẹ yị nyị ọza ẹnịnị ana aa hụụ ịzẹnị. 16Dị ọ ka ọ Tụ́ ọza ịnyara ẹnịnị dị ọ̀ na sị ọhụva ẹnịnị ọnọọ vẹ dị ẹnịnị ana vọ ò hi ịnị ẹngwa ịzẹnị. Ọ kà ọnọọ ẹnị vaa sị zama ịrẹyị ẹnịnị re àa vị ịzẹyịza yọ nị. Ọ kà à yị vị avọọ, ọnị ộ sị ịrẹsụ ohinọyị hị́ eku tụ́ ọ ka vi e ve yi ẹtẹ ọnọnị re nị.” 17Dị ọ kụ́ wa ne hi ini otumare, dị ẹ mẹ ẹkụhị ẹẹta ịzọọ nị.
18Ịhyẹgwẹta anị di Ijosẹẹhụ va hị́ wa dị ọ ka, “Ọnị ộ nyị angwahi Ohomorihi. Ẹ̀ẹ mẹ ịsị ọnị kà ọza ọ yị vaa wụ̀ wa. 19Ọ kà ẹ̀ẹ ka ẹnị ẹ nyị ịzẹyịza, ẹ̀ navọ ọza ịnyara ẹnịnị ọ̀ yà ini otumare. Ọ kà ẹnịnị ana vọ ọ̀ sị akụ na yị anda ẹnịnị agụvị ngwẹ ana aa kụ̀ wa. 20Dị ọ rẹ ka ẹ sị ọhụva ẹnịnị ana vi ozweyi keekere vẹ. Ọ kà ọnị ọ vaa mẹ ka ọnị ẹ yẹ àa vị ịzẹyịza ẹ yaa kà di asị e sú nị.” Dị ẹnịnị ka ooho nị. 21Dị ẹnẹbẹnị Ijosẹẹhụ vaa kà a yị ẹngụ dị ẹ ka, ẹnị ẹ yẹ ka ẹnị ẹ sị ịvị rị agụvị ebira ọnị ẹnị mẹ hi ọhụva ẹnịnị. Ọ kà ẹnị ê re ọ màa rị ụya, dị aa dá ịpẹẹ yị ẹnị, ama ẹnị e yi tụ́ ohi. Dị ọ ka ọnị ọ mẹ ka ịrẹyị ẹnẹnị ẹ maanị tù ẹnị aanị nị. 22#Oyn 37.21,22Di Irubẹnị ve tụ́ wa ohi dị ọ ka, “Aanị ka ọnị ọ yị kà a ka asị ẹnị mẹ̀ ebira odivi hi ozi ọnọọ ịhị ọnọọ di è yi tụ́ ohi. Dị ọ ka éē re ka vi Ohomorihi aa họ̀ ẹnị oponu anị aanị nị. 23Ẹ mẹ̀ maanị aa ka, ẹ yị yẹ ka Ijosẹẹhụ ộ wụ́ ẹkụra ẹnịnị. Vị a vịdị aa dọ Ijosẹẹhụ ịrẹyịị kà a yị wa nị. 24Di Ijosẹẹhụ hụụ ịda ẹnịnị, dị ọ na jị òrèrè nị. Di o re ve tù wa di o pè wa kà ịrẹyị nị. Dị ọ yà eyi ẹnịnị dị ọ za Isimiyọnị dị ọ ka à sị ẹba tụ́ ọ nị. 25Di Ijosẹẹhụ va hi ezi ahụ anị dị ọ ka ẹ̀ kụ́ ayị hi ịnị achuchu ẹnịnị ohihi nị. Ọ kà à sị ẹkẹhị ọzọza varẹma tụ́ ịnị achuchu anịị yọ, dị à sị ịsa yị wa ẹnẹ vaa rị ẹ̀ẹ yaa na oze. Ịzẹyịza dị a vavọọ mẹ̀ ẹ yị wa nị. 26Dị ẹ kụ́ akụ tụra ịkẹrịkẹtẹ ẹnị ẹ za vẹ nị, di e si hu aa na nị. 27É mè tù ịzị azaā chi, dị ọza ịnyara ẹnịnị ngwara achuchu anị ka ọnị ọ̀ sị ịsa yị ịkẹrịkẹtẹ anị nị. Di o ne tù ka â sị ẹkẹhị anị tụ́ irenu achuchu anị. 28Dị ọ hị́ anda ẹnịnị ana vọ dị ọ ka: Ẹkẹhị anị a sị varẹma tụ́ ịzẹnị aanị nọ. Ọnị ọ yà ịnị irenu achuchu anị aanị nị. Ịjị ẹ maanị wụ́, ayị ẹnịnị ẹ sị sụ enyi”. Dị ẹngụ ẹnịnị aa dá ẹgahị, dị ẹ va eyi kà ẹngụ dị ẹ ka: Si Ohomorihi mẹ ẹnị aanị.
29E mè ne si tù Ijekọvụ ada ẹnịnị Ikanaani, dị ẹ kà avaba ịsa ene tù wa ózee yọ nị. 30Dị ẹ ka, “Ọnọrụ ọnọọ ana sị eyi pè Ijipiti aanị vi ana nyayịnẹ kara eyi hi ẹnị. Ẹ ka Ọ kà vi ẹnị ve yi ẹtẹ ẹnịnị re nị. 31Ẹ ka dị ẹnị va kà a yọ dị ẹnị ka ẹnị e mē cheeche, ẹnị e yi ve yi ẹtẹ re. 32Dị ẹ rẹ ka dị ẹnị ka ẹnị ẹwụrẹva ada ẹnịnị ma nị. Dị ẹnị ka ọza ịnya ẹnịnị ô wusu di ozweyi ẹnịnị yà pè ada ẹnịnị tụ́ ịnị ẹtẹ Ikanaani nị. 33Dị ẹ ka dị ọza ọnọọ ana sị eyi pe ẹtẹ ọnọọ va ka ọnị vaa yẹ àa vị ịzẹyịza ẹnị aa kà nị, dị ẹ ka ọ ka ẹnị ẹ navọ ọhụva ẹnịnị ọnya pè ọnị, dị ẹnị ẹ sị akụ va yị anda ayị ẹnịnị ọnị ụngwẹ aa kụ̀. Ẹ ka ọ ka, 34ẹnị ẹ va sị ọhụva ẹnịnị ana vị ozweyi vẹ. Ọnị ọ vaa mẹ ka ọnị ọ̀ yẹ ka ẹ yị vị ẹnị ve yi ẹtẹ re nị, ka ẹnị ệ nyị ịzẹyịza. Dị ẹ ka ọ ka ẹ̀ẹ vẹ dị ẹnị sị ọhụva ẹnịnị yị ọnị di ẹnị kụkụ re oze aa ngụ ịnị ẹtẹ ọnọọ zị.”
35Ẹ maa và akụụ hụụnị achuchu ẹnịnị, dị ọzọza ne tù ka â sụ́ ẹkẹhị anị varẹma tụ́ ini achuchu anị nị. Ịjị ẹnịrị ada ẹnịnị vavọọ ree ẹkẹhị ẹnẹẹ, angwahi ọ sị ngụ wa ẹngụ. 36Di Ijekọvụ ada ẹnịnị va hị́ wa dị ọ ka, “Ẹ kụ́ ọnị ezi dọ wụ. Ọ kà Ijosẹẹhụ ọ yị kụkụ ya ịzọọ, Isimiyọnị ọnị ọ yị rẹ kụkụ yà ịzọọ, e ree sì ka ẹnị ẹ̀ va sị Ịbẹnjamịnị. Ọ kà Ịrẹsụ anị ịnya avaba ẹsẹnị maanị vẹ nị.” 37Di Irubẹnị ka, “Ọnị ọ yị sị ọ vavẹ va yọ, ọ wụ ezi anị ọnọrụ ẹyịva dọ ọ ịrẹsụ. Ọ kà ọ̀ navọ ọ̀ sị chire ọnị ụvọ, ka ọnị aa sị ọ vaa vẹ vaa yọ.” 38Di Ijekọvụ ka, “Ọchọnọyịrẹsụ! Ozi anị ọ yị saasa wa na. Ọ kà ọyịnyara anị ô wusu, ọnị ịnya ọ kụkụ vọ nị. Àa na nyị ịsị ẹ mẹ̀ ẹ ózee ẹ̀ẹ yaa na e va a mẹ ka ọnịrị orere ọ vaa zị naa ngụ ẹtẹ ini unobo anị avọọ nị.”
Currently Selected:
Oyinyima 42: EBTP
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.
Oyinyima 42
42
Ẹnẹbẹnị Ijosẹẹhụ ệ nọ Ijipiti na hị̀ ịsa.
1Ijekọvụ ộ wụ́ ka â nyị akụ ịnị ẹtẹ Ijipiti. Dị ọ va hị́ ezi anị dị ọ ka: Vị e hi ẹtẹ ee re ẹngụ nịị? 2#Ụkọ 7.12Ọ kà ẹ́ẹ́ yẹ ka ọnị ộ wụ́ ka a ka â nyị akụ Ijipiti. Ọ kà a nọ ịzọọ dị ẹ na hị́ akụ vẹ, dị ẹnị ẹ rị ọ di asị ẹnị su va ha. 3Ịzẹyịza dị ẹnẹbẹnị Ijosẹẹhụ ẹẹwụ si hu aa nọ Ijipiti ka ẹnị ẹ̀ na hị́ akụ nị. 4Ama Ijekọvụ ọ yị tụ́ Ịbẹnjamịnị ọyịnyara Ijosẹẹhụ saasa wa. Angwa ee hi ọ ka ọnị ọ yị yẹ ịsa odivi ọ zụ na mẹ Ịbẹnjamịnị. 5Avọọ ezi Ijekọvụ ẹnị mẹ̀ rẹ saasa aza ana aa nọ Ijipiti na hị́ ịsa nị. Ụngwẹ ọnị vị ana rẹ tụra ịnị ẹtẹ Ikanaani.
6Ijosẹẹhụ ọ kụkụ sị eyi pè ẹtẹ Ijipiti nị. Ọnị aa ná ịsaa yị avaba aza ana àa vẹ ka ọnị àa vaa hị́ ịsa nị. Dị ẹnẹbẹnị Ijosẹẹhụ nịnị vẹ, dị ẹ tana tụra ẹtẹ kụ́ ọ nị. 7Ijosẹẹhụ mè re ẹnẹbẹnị anị, ộ yẹ wa, ama dị ọ mẹ̀ ebira hi wa anka ọza ọnị ọza ọ̀ yị yẹ avọọ nị. Dị ọ kara eyi hi wa dị ọ ka: Ịzị ẹ hụrẹ vẹ? Dị ẹ ka, “Ịnị ẹtẹ Ikanaani ẹnị hụrẹ vẹ ka ẹnị ẹ̀ va hị́ ịsọyịrị nọ. 8Ịzẹyịza di Ijosẹẹhụ sị yẹ ka ẹnẹbẹnị anị ẹ vị nị. Ama ẹnịnị ẹnị ẹ yị yẹ Ijosẹẹhụ. 9#Oyn 37.5-10Di Ijosẹẹhụ raà tamayị ụra ọnị ọ vịdị ra ịyẹẹyẹ ini oze ẹnịnị nị. Dị ọ kà a yị wa dị ọ ka: Oyn ẹ vị nị. Ọ kà vị ẹ vẹ ka ẹnị è ve re ẹtẹ ọnọnị ẹnya ịrẹkụ ẹnịnị ọ̀ọ mẹmẹ yà nị.” 10Dị ẹnịnị ka, “Eyiye, ada ayị, ịsọyịrị kẹnẹ ẹnị ka ẹnị ẹ va hị́ nọ. 11Ẹ ka Ada ọnya ọ ma avaba ẹnịnị nị, ka ẹnị e mē cheeche. Ẹ rẹ ka ẹnị e yi ve yi ẹtẹ re.” 12Di Ijosẹẹhụ ka, “Ireche yọ, vị ẹ vẹ ka ẹnị è ve re ẹnya ịrẹkụ ẹnịnị mẹmẹ yà nị.” 13Di e re tụ́ ohi dị ẹ ka, “Nda, ẹyị ẹwụrẹva áda ayị ma nị. Ada ayị vị ana ra ịnị ẹtẹ Ikanaani. Ajịmọ ayịị yà pè ada ayị tụ́ eehi. Ọza ịnyara ayị kụkụ yà ịzọọ.” 14Di Ijosẹẹhụ ka, “Ọnị ọ kị kà a ka vi e ve yi ẹtẹ ọnọnị re nị. 15Dị ọ ka ịsị ọnị aa vaa kà aanị ọnị vaa sị yẹ iruvo ẹnịnị nị. Dị ọ ka ọnị ộ sị ịrẹsụ ohinọyị hị́ eku ka à yị vị ọhụva ẹnịnị ana vị ozweyi vẹ ịzẹnị, ẹ yị nyị ọza ẹnịnị ana aa hụụ ịzẹnị. 16Dị ọ ka ọ Tụ́ ọza ịnyara ẹnịnị dị ọ̀ na sị ọhụva ẹnịnị ọnọọ vẹ dị ẹnịnị ana vọ ò hi ịnị ẹngwa ịzẹnị. Ọ kà ọnọọ ẹnị vaa sị zama ịrẹyị ẹnịnị re àa vị ịzẹyịza yọ nị. Ọ kà à yị vị avọọ, ọnị ộ sị ịrẹsụ ohinọyị hị́ eku tụ́ ọ ka vi e ve yi ẹtẹ ọnọnị re nị.” 17Dị ọ kụ́ wa ne hi ini otumare, dị ẹ mẹ ẹkụhị ẹẹta ịzọọ nị.
18Ịhyẹgwẹta anị di Ijosẹẹhụ va hị́ wa dị ọ ka, “Ọnị ộ nyị angwahi Ohomorihi. Ẹ̀ẹ mẹ ịsị ọnị kà ọza ọ yị vaa wụ̀ wa. 19Ọ kà ẹ̀ẹ ka ẹnị ẹ nyị ịzẹyịza, ẹ̀ navọ ọza ịnyara ẹnịnị ọ̀ yà ini otumare. Ọ kà ẹnịnị ana vọ ọ̀ sị akụ na yị anda ẹnịnị agụvị ngwẹ ana aa kụ̀ wa. 20Dị ọ rẹ ka ẹ sị ọhụva ẹnịnị ana vi ozweyi keekere vẹ. Ọ kà ọnị ọ vaa mẹ ka ọnị ẹ yẹ àa vị ịzẹyịza ẹ yaa kà di asị e sú nị.” Dị ẹnịnị ka ooho nị. 21Dị ẹnẹbẹnị Ijosẹẹhụ vaa kà a yị ẹngụ dị ẹ ka, ẹnị ẹ yẹ ka ẹnị ẹ sị ịvị rị agụvị ebira ọnị ẹnị mẹ hi ọhụva ẹnịnị. Ọ kà ẹnị ê re ọ màa rị ụya, dị aa dá ịpẹẹ yị ẹnị, ama ẹnị e yi tụ́ ohi. Dị ọ ka ọnị ọ mẹ ka ịrẹyị ẹnẹnị ẹ maanị tù ẹnị aanị nị. 22#Oyn 37.21,22Di Irubẹnị ve tụ́ wa ohi dị ọ ka, “Aanị ka ọnị ọ yị kà a ka asị ẹnị mẹ̀ ebira odivi hi ozi ọnọọ ịhị ọnọọ di è yi tụ́ ohi. Dị ọ ka éē re ka vi Ohomorihi aa họ̀ ẹnị oponu anị aanị nị. 23Ẹ mẹ̀ maanị aa ka, ẹ yị yẹ ka Ijosẹẹhụ ộ wụ́ ẹkụra ẹnịnị. Vị a vịdị aa dọ Ijosẹẹhụ ịrẹyịị kà a yị wa nị. 24Di Ijosẹẹhụ hụụ ịda ẹnịnị, dị ọ na jị òrèrè nị. Di o re ve tù wa di o pè wa kà ịrẹyị nị. Dị ọ yà eyi ẹnịnị dị ọ za Isimiyọnị dị ọ ka à sị ẹba tụ́ ọ nị. 25Di Ijosẹẹhụ va hi ezi ahụ anị dị ọ ka ẹ̀ kụ́ ayị hi ịnị achuchu ẹnịnị ohihi nị. Ọ kà à sị ẹkẹhị ọzọza varẹma tụ́ ịnị achuchu anịị yọ, dị à sị ịsa yị wa ẹnẹ vaa rị ẹ̀ẹ yaa na oze. Ịzẹyịza dị a vavọọ mẹ̀ ẹ yị wa nị. 26Dị ẹ kụ́ akụ tụra ịkẹrịkẹtẹ ẹnị ẹ za vẹ nị, di e si hu aa na nị. 27É mè tù ịzị azaā chi, dị ọza ịnyara ẹnịnị ngwara achuchu anị ka ọnị ọ̀ sị ịsa yị ịkẹrịkẹtẹ anị nị. Di o ne tù ka â sị ẹkẹhị anị tụ́ irenu achuchu anị. 28Dị ọ hị́ anda ẹnịnị ana vọ dị ọ ka: Ẹkẹhị anị a sị varẹma tụ́ ịzẹnị aanị nọ. Ọnị ọ yà ịnị irenu achuchu anị aanị nị. Ịjị ẹ maanị wụ́, ayị ẹnịnị ẹ sị sụ enyi”. Dị ẹngụ ẹnịnị aa dá ẹgahị, dị ẹ va eyi kà ẹngụ dị ẹ ka: Si Ohomorihi mẹ ẹnị aanị.
29E mè ne si tù Ijekọvụ ada ẹnịnị Ikanaani, dị ẹ kà avaba ịsa ene tù wa ózee yọ nị. 30Dị ẹ ka, “Ọnọrụ ọnọọ ana sị eyi pè Ijipiti aanị vi ana nyayịnẹ kara eyi hi ẹnị. Ẹ ka Ọ kà vi ẹnị ve yi ẹtẹ ẹnịnị re nị. 31Ẹ ka dị ẹnị va kà a yọ dị ẹnị ka ẹnị e mē cheeche, ẹnị e yi ve yi ẹtẹ re. 32Dị ẹ rẹ ka dị ẹnị ka ẹnị ẹwụrẹva ada ẹnịnị ma nị. Dị ẹnị ka ọza ịnya ẹnịnị ô wusu di ozweyi ẹnịnị yà pè ada ẹnịnị tụ́ ịnị ẹtẹ Ikanaani nị. 33Dị ẹ ka dị ọza ọnọọ ana sị eyi pe ẹtẹ ọnọọ va ka ọnị vaa yẹ àa vị ịzẹyịza ẹnị aa kà nị, dị ẹ ka ọ ka ẹnị ẹ navọ ọhụva ẹnịnị ọnya pè ọnị, dị ẹnị ẹ sị akụ va yị anda ayị ẹnịnị ọnị ụngwẹ aa kụ̀. Ẹ ka ọ ka, 34ẹnị ẹ va sị ọhụva ẹnịnị ana vị ozweyi vẹ. Ọnị ọ vaa mẹ ka ọnị ọ̀ yẹ ka ẹ yị vị ẹnị ve yi ẹtẹ re nị, ka ẹnị ệ nyị ịzẹyịza. Dị ẹ ka ọ ka ẹ̀ẹ vẹ dị ẹnị sị ọhụva ẹnịnị yị ọnị di ẹnị kụkụ re oze aa ngụ ịnị ẹtẹ ọnọọ zị.”
35Ẹ maa và akụụ hụụnị achuchu ẹnịnị, dị ọzọza ne tù ka â sụ́ ẹkẹhị anị varẹma tụ́ ini achuchu anị nị. Ịjị ẹnịrị ada ẹnịnị vavọọ ree ẹkẹhị ẹnẹẹ, angwahi ọ sị ngụ wa ẹngụ. 36Di Ijekọvụ ada ẹnịnị va hị́ wa dị ọ ka, “Ẹ kụ́ ọnị ezi dọ wụ. Ọ kà Ijosẹẹhụ ọ yị kụkụ ya ịzọọ, Isimiyọnị ọnị ọ yị rẹ kụkụ yà ịzọọ, e ree sì ka ẹnị ẹ̀ va sị Ịbẹnjamịnị. Ọ kà Ịrẹsụ anị ịnya avaba ẹsẹnị maanị vẹ nị.” 37Di Irubẹnị ka, “Ọnị ọ yị sị ọ vavẹ va yọ, ọ wụ ezi anị ọnọrụ ẹyịva dọ ọ ịrẹsụ. Ọ kà ọ̀ navọ ọ̀ sị chire ọnị ụvọ, ka ọnị aa sị ọ vaa vẹ vaa yọ.” 38Di Ijekọvụ ka, “Ọchọnọyịrẹsụ! Ozi anị ọ yị saasa wa na. Ọ kà ọyịnyara anị ô wusu, ọnị ịnya ọ kụkụ vọ nị. Àa na nyị ịsị ẹ mẹ̀ ẹ ózee ẹ̀ẹ yaa na e va a mẹ ka ọnịrị orere ọ vaa zị naa ngụ ẹtẹ ini unobo anị avọọ nị.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ebira First Bible © Bible Society of Nigeria, 2014.