WƖAA DƖ-SUOMUŊ 41
41
Ijipiti tinteeŋ kuoro duosoo
1Jɩsɩŋ balɩa harɩŋ, Ijipiti tinteeŋ kuoro duosi. Ʋ duoso arɩ ʋ chɩŋ fuo-la ba sɩɩ yɩrɛ Naayɩl niiŋ, 2dɩ nɛ-duoruŋ balɩpɛ lɩɩ fuo-la lɛ a didii yaŋ. 3Nɛ-kɔnnʋŋ balɩpɛ ma lɩɩ fuo-la lɛ a kʋ lɩɩ chɩŋ a kpagɛ nɛ-duoru-la sɩ chɩŋ fuo-la niiŋ. 4Ŋɩɩ nɛ nɛ-kɔnnʋ-la paa nɛ-duoru-la balɩpɛ a liŋ, Ijipiti tinteeŋ kuoro hirige sii doŋ lɛ.
5Ʋ bɩra pɩŋ doŋ a bɩra duosi a na kuorimii-daa-bala pagɩlɛ pagɩlɩ-duoruŋ balɩpɛ. 6Ʋ harɩŋ ʋ bɩra na kuorimii-pʋgʋŋ dɩ ʋ ma pagɩlɛ pagɩlaa balɩpɛ, wulumuŋ kɛŋ ba fʋgʋmɛ. 7Ŋɩɩ nɛ kuorimii-fʋgʋmɩa-la balɩpɛ paa kuorimii-duoru-la balɩpɛ liŋ. Ijipiti tinteeŋ kuoro hirige sii, dɩ duosoo tʋɔŋ nɛ.
8Ʋ sɩ sii chʋchʋɔ-fɩɛla, ʋ tʋɔŋ kala vʋgʋmɛ. Ʋ yɩrɛ ʋ jaŋ wʋjɩnnaa arɩ nɩalɩŋ kala sɩ ŋaa chichiribe kala hɛ dɔŋɔ lɛ a bʋl ʋ duoso-la pɩba, ama nʋʋkala bɩ wuo dagɛ duoso-la bʋbʋɔŋ pʋ.
9Ŋɩɩ nɛ kuoro nyʋnyʋalɩ koruru-hɩaŋ-la bʋla pɩ kuoro, “Jɩnɩŋ mɩ liisi wɩɩ nɛ mɩ sɩ ŋaa chei. 10Kuoro, bʋa-la lɛ ŋ fa sɩ na baanɩŋ a kɛŋ mɩ dɩ ŋ boroboro wasɩrʋ-hɩaŋ kaa mʋ tɔ dɩa ŋɩɩ laalɩyuoro-la sɩɩ pɔŋ nɩhɩaŋ dɩa lɛ, 11la balɩa kala duosi duosoo tɩta-bala, duoso-na kala arɩ ʋ bʋbʋɔŋ. 12Bʋa-la lɛ dɩ Hiburu bapʋɔsɩ-bie kʋbala ma fa hɛ la tʋɔŋ a ŋaa laalɩyuoro-la sɩɩ pɔŋ nɩhɩaŋ tɩntɩnnʋ. La bʋl la duoso-la pʋ, ʋ wuo dagɛ la kʋŋkala duoso bʋbʋɔŋ pɩla. 13Ʋ sɩ bʋl wɩalɩŋ kala pɩla nɛ sɛnɛ ŋaa. Mɩ mɩɩra kɔ mɩ tɩntɩŋŋaa, ka ba lieŋi ŋ boroboro wasɩrʋ-la ma.”
14Ŋɩɩ nɛ Ijipiti tinteeŋ kuoro tɩŋ ba mʋ lɩɩsɛ Josɛf nɩtɔɔrɩ dɩa lɛ lɩma lɩma, a kaa kɔ. Ʋʋ kɔ Ijipiti tinteeŋ kuoro sɩpaaŋ dɩ ʋ fʋŋ ʋ tɔŋŋɔɔ, a wuri ʋ nɩtɔɔrɩ gɛnnɩŋ aŋ laalɛ gɛrɩ falaa.
15Ŋɩɩ nɛ Ijipiti tinteeŋ kuoro bʋla pɩ Josɛf, “Mɩ duoso nɛ, ka nʋʋkala tuo dɩ ʋ dagɛ ba bʋbʋɔŋ pɩmɛ. Ama mɩ nɩa dɩ nʋʋ nɛ bʋl ʋ duosoo pɩŋ, ŋ jaŋ wuo dagɛ ʋ bʋbʋɔŋ.” 16Ŋɩɩ nɛ Josɛf bʋla pɩ Ijipiti tinteeŋ kuoro a bʋl, “Mɩ-na bɩ doluŋ kɛnɛ, ama Wɩa nɛ jaŋ wuo dagɛ ŋ duoso-la bʋbʋɔŋ.”
17Ŋɩɩ nɛ Ijipiti tinteeŋ kuoro bʋla pɩ Josɛf, “Mɩ duosoo lɛ, mɩ na arɩ mɩ chɩŋ fuo-la ba sɩɩ yɩrɛ Naayɩl niiŋ nɛ. 18Ŋɩɩ nɛ nɛ-duoruŋ balɩpɛ kʋ lɩɩ fuo-la lɛ a didii yaŋ. 19Ʋ ŋɩɩ harɩŋ, nɛ-kɔnnʋŋ balɩpɛ ma lɩɩ fuo-la lɛ, mɩ ha bɩ nɛ-lɔrʋnʋŋ deemba doho na Ijipiti tinteeŋ kala lɛ. 20Nɛ-kɔnnʋ-la paa nɛ-duoru-la balɩpɛ sɩ laa sɩpaaŋ kʋ lɩɩ a liŋ. 21Ba paa liŋ aŋ ha nagɛ ba nagɩsɩŋ arɩ ba bɩ kʋŋkala die. Ŋɩɩ nɛ mɩ sii doŋ lɛ.
22Mɩ bɩra duoso na arɩ kuorimii-daa-bala pagɩlɛ pagɩlɩ-duoruŋ balɩpɛ. 23Ʋ ŋɩɩ harɩŋ, kuorimii-daa-la tɩtɩa bɩra pagɩlɛ pagɩlaa balɩpɛ, wulumuŋ kɛŋ ba fʋgʋmɛ a hɩl. 24Ŋɩɩ nɛ kuorimii-fʋgʋmɩa-la paa kuorimii-duoru-la liŋ. Mɩ bʋl wɩɩŋ deeŋ pɩ mɩ tinteeŋ chichiribe kala, ama ba kʋŋkala bɩ wuo dagɛ ʋ bʋbʋɔŋ.”
25Ŋɩɩ nɛ Josɛf bʋla pɩ Ijipiti tinteeŋ kuoro, “Kuoro, ŋ duoso-la balɩa kala bʋbʋɔŋ ŋaa kʋbala nɛ. Wɩa joŋ wɩɩ-la ʋ sɩɩ chɛ ʋ ŋaa nɛ a dagɩŋ. 26Nɛ-duoru-la balɩpɛ ŋaa jɩsɩŋ balɩpɛ nɛ, kuorimii-duoru-la balɩpɛ ma ŋaa jɩsɩŋ balɩpɛ nɛ. Duoso-la balɩa kala bʋbʋɔŋ ŋaa wʋbala nɛ. 27Nɛ-kɔnnʋ-la balɩpɛ sɩ lɔrɔ arɩ kuorimii-pagɩlɛ-la balɩpɛ wulumuŋ sɩ kɛnɛ ba fʋgʋmɛ a hɩl kala ŋaa jɩsɩŋ balɩpɛ nɛ losuŋ sɩ jaŋ jʋʋ.
28Ʋ nɛ mɩ laa sɩpaaŋ bʋla pɩ ŋ-na Ijipiti tinteeŋ kuoro ŋɩɩ arɩ wɩɩ nɛ Wɩa joŋo dagɩŋ ʋ sɩɩ chɛ dɩ ʋ ŋaa. 29Jɩsɩŋ balɩpɛ bʋa lɛ kʋdiilee jaŋ pʋrɩgɛ Ijipiti tinteeŋ woruŋ. 30Ama a lɩɩ ŋɩɩ harɩŋ lɛ, losuŋ jaŋ jʋʋ Ijipiti tinteeŋ woruŋ jɩsɩŋ balɩpɛ ma. Ba jaŋ yʋ kʋdii-dandaŋ-la fa sɩ jʋʋ Ijipiti tinteeŋ lɛ wɩaa. Losuŋ jaŋ chei tintee-la. 31Kʋdii-daŋ-la fa sɩ jʋʋ Ijipiti tinteeŋ, ba jaŋ yʋ ba wɩaa, bɛɛ wɩaa, losu-la sɩ jaŋ jʋʋ Ijipiti tinteeŋ jaŋ chaasa-lɔrɛ kɩŋkɛŋ. 32Wɩɩ-la sɩ tɩɩ ŋ-na Ijipiti tinteeŋ kuoro duoso-la ŋaa balɩa bʋbʋɔŋ nɛ Wɩa chaasɛ kɛŋ ʋ tɩtɩa hɛ dɔŋɔ nɛ dɩ ʋ ŋaa wɩɩ, ʋ bɩ jaŋ dieni.
33Lɛɛlɛ ʋ maga dɩ ŋ-na Ijipiti tinteeŋ kuoro lɩɩsɛ nɩɩ-la sɩ jegile nɩɩ wɩaa a kɛŋ wʋjɩmɩŋ a leŋ dɩ tɩɩna bibeŋ Ijipiti tinteeŋ. 34Kuoro, leŋ dɩ ba liisi nɩhɩasɩŋ dɩ ba bibeŋ Ijipiti tinteeŋ. Jɩsɩ-la balɩpɛ kʋdiilee sɩ jaŋ pʋrɩgɛ tintee-la lɛ, dɩ ba kɛŋ kʋdiile-la kaa kpaa leree banɔŋ a joŋ kʋbala tʋɔlɛ. 35Nɩhɩasɩŋ deemba maga dɩ ba laa kʋdiilee jɩsɩŋ deemba balɩpɛ kɩaa sɩ jaŋ pʋrɩgɛ lɛ a tʋɔlɛ Ijipiti tinteeŋ kuoro yɩrɩŋ lɛ tabalaa kala lɛ. 36Kʋdiilee deemba nɛ ma jaŋ joŋo tʋɔlɛ a pɔ jɩsɩ-la balɩpɛ losuŋ sɩ jaŋ jʋʋ dɩ ʋ sɩ́ tintee-la chei.”
37Wɩɩ-la sɩŋ woruŋ a pɩ kuoro arɩ ʋ nɩhɩasɩŋ kala. 38Ŋɩɩ nɛ Ijipiti tinteeŋ kuoro pɩɛsɛ ʋ nɩhɩasɩŋ, “La jaŋ bɩra wuo na nʋʋ sɩ nagɛ baala deeŋ Wɩa dɩma-la hɛ ʋ lɛ?”
39Ŋɩɩ nɛ Ijipiti tinteeŋ kuoro bʋla pɩ Josɛf, “Wɩa sɩ leŋe ŋ wuo jɩŋ wɩaa deemba kala, nʋʋkala bɩra tuo sɩ jaŋ wuo jɩŋ wɩaa bʋbʋɔŋ a kɛŋ wʋjɩmɩŋ a magɩŋ. 40Ŋ nɛ jaŋ bibeŋ mɩ kuoru-dɩa, mɩ nɩaa kala jaŋ tuto ŋ niiŋ. Mɩ kuoru kpasa dʋndʋŋa nɛ mɩ jaŋ kaa kɩɩŋ.”
Ba joŋ Ijipiti tinteeŋ hɛ Josɛf nɩsɩŋ lɛ
41Ŋɩɩ nɛ Ijipiti tinteeŋ kuoro bʋla pɩ Josɛf, “Mɩ joŋ Ijipiti tinteeŋ kala hɛ ŋ nɩsɩŋ lɛ nɛ dɩ ŋ bibeŋ.” 42Ŋɩɩ nɛ Ijipiti tinteeŋ kuoro lɩɩsɛ ʋ kuori-nenii-pɩrɩŋ a hɛ Josɛf neniiŋ lɛ a leŋ ba laalʋ gɛrɩ-balaa a joŋ sɛlɩmɛ banzɔlɔ a hɛ ʋ baŋŋaa. 43Ʋ leŋ ba joŋu hɛ jaaba toruko lɛ, a kaa gɔllɔ dagɛ arɩ ʋ nɛ tɩgɛ ʋ lɛ, ka nɩaa ŋɩŋaa goŋ, aa bʋl, “Má ka wombiiŋ, má ka wombiiŋ. Baala deeŋ nɛ ba joŋo hɛ dɩ ʋ bibeŋ Ijipiti tinteeŋ kala.”
44Ŋɩɩ nɛ Ijipiti tinteeŋ kuoro bʋla pɩ Josɛf, “Mɩ nɛ ŋaa kuoro, ama dɩ ŋ nɛ bɩ wombiiŋ pa, nʋʋkala tuo Ijipiti tinteeŋ lɛ sɩ jaŋ ŋaa wɩɩ.” 45Ŋɩɩ nɛ Ijipiti tinteeŋ kuoro hɛ Josɛf yɩrɩŋ Zefena-Panɩa. Ʋ joŋ Pɔtɩfɛra tolo Asɛnaf pʋ ʋ jaa. Pɔtɩfɛra nɛ ŋaa Wɩɩsʋllɩ sɩpaalaara taŋ-la ba sɩɩ yɩrɛ Ɔŋ lɛ. Ŋɩɩ nɛ Josɛf sii gɔllɛ Ijipiti tinteeŋ kala.
46Josɛf fa ŋaa jɩsɩŋ mara arɩ fii nɛ, ka ʋ dɩ Ijipiti tinteeŋ kuoro suomo tɩtɩŋ. Josɛf sii Ijipiti tinteeŋ kuoro sɩpaaŋ, a gɔllɛ Ijipiti tinteeŋ kala. 47Jɩsɩ-la balɩpɛ sɩ zɔmɔ tʋɔŋ kʋdiilee faasa pʋrɩgɛ woruŋ. 48Ŋɩɩ nɛ Josɛf laa kʋdiilee jɩsɩ-la balɩpɛ-la tʋɔŋ kʋdiilee sɩ pʋrɩga Ijipiti tinteeŋ lɛ a hɛ dɔŋɔ lɛ a tʋɔlɛba tabalaa lɛ. Taŋ-kala nɩaa kɛŋ kʋdiilee mʋ hɛ tabal-la sɩ kpagʋ lɛ nɛ. 49Ŋɩɩ nɛ Josɛf laa kʋdiile-la a tʋɔlɛ ba chʋɔrɛ woruŋ a nagɛ hagɩlɩ-bumbugulo sɩ chʋɔrɛ mʋga niiŋ. A tɩŋ kʋdiilee sɩ faasa yʋgɛ a kɩɩ magɩsɩŋ ŋɩɩ, ʋ bɩra bɩ magɩsɛ.
50Josɛf arɩ ʋ haala Asɛnaf sɩ ŋaa Pɔtɩfɛra tolo fa kɛŋ hambolibiisiŋ balɩa nɛ, ka losu-la-na jʋʋ. Pɔtɩfɛra nɛ ŋaa Wɩɩsʋllɩ sɩpaalaara Ɔŋ lɛ. 51Josɛf hɛ ʋ bii-hɩaŋ yɩrɩŋ Manasɛ, aŋ bʋl, “Wɩa leŋe mɩ yʋ mɩ hɛɛ-la kala mɩ sɩ na, arɩ mɩ nyɩmma dɩa ma wɩaa kala nɛ.” 52Ŋɩɩ nɛ ʋ hɛ ʋ bii-lɩa-la ma yɩrɩŋ Efirem aŋ bʋl, “Wɩa leŋe mɩ dʋa nɛ tintee-la lɛ mɩ sɩ na hɛɛŋ.”
53Jɩsɩ-la balɩpɛ lɛ, kʋdiilee sɩ pʋrɩgɛ Ijipiti tinteeŋ lɛ kʋ kieli, 54aŋ ka jɩsɩŋ balɩpɛ-la losuŋ sɩ jaŋ jʋʋ suomi arɩ Josɛf fa sɩ bʋl ŋɩɩ. Ŋɩɩ nɛ losuŋ jʋʋ tintee-la kala sɩ kpagɛ Ijipiti tinteeŋ, ama kʋdiilee hɛ Ijipiti tinteeŋ kala lɛ. 55Losuŋ sɩ suomo jʋjʋʋ Ijipiti tinteeŋ, nɩalɩŋ suomo yele pɩ Ijipiti tinteeŋ kuoro a chɩchɛ kʋdiilee. Ŋɩɩ nɛ Ijipiti tinteeŋ kuoro bʋla pɩ Ijipiti tinteeŋ nɩaa kala, “Má mʋ Josɛf teeŋ, ʋ sɩ bʋl wɩɩ-la kala pɩma, ma ŋaa.”
56Losuŋ sɩ jʋʋ Ijipiti tinteeŋ kala, ŋɩɩ nɛ Josɛf suri lere-la ba sɩ tʋɔlɛ kʋdiile-la a suomo yallɛ kʋdiile-la pɩpɩ Ijipiti tɩŋŋaa, bɛɛ wɩaa losuŋ chaasɛ jʋʋ Ijipiti tinteeŋ nɛ. 57Ŋɩɩ nɛ dʋnɩa nɩaa kala kɔ Ijipiti tinteeŋ dɩ ba yɔɔ kʋdiilee Josɛf leriŋ.
Currently Selected:
WƖAA DƖ-SUOMUŊ 41: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
WƖAA DƖ-SUOMUŊ 41
41
Ijipiti tinteeŋ kuoro duosoo
1Jɩsɩŋ balɩa harɩŋ, Ijipiti tinteeŋ kuoro duosi. Ʋ duoso arɩ ʋ chɩŋ fuo-la ba sɩɩ yɩrɛ Naayɩl niiŋ, 2dɩ nɛ-duoruŋ balɩpɛ lɩɩ fuo-la lɛ a didii yaŋ. 3Nɛ-kɔnnʋŋ balɩpɛ ma lɩɩ fuo-la lɛ a kʋ lɩɩ chɩŋ a kpagɛ nɛ-duoru-la sɩ chɩŋ fuo-la niiŋ. 4Ŋɩɩ nɛ nɛ-kɔnnʋ-la paa nɛ-duoru-la balɩpɛ a liŋ, Ijipiti tinteeŋ kuoro hirige sii doŋ lɛ.
5Ʋ bɩra pɩŋ doŋ a bɩra duosi a na kuorimii-daa-bala pagɩlɛ pagɩlɩ-duoruŋ balɩpɛ. 6Ʋ harɩŋ ʋ bɩra na kuorimii-pʋgʋŋ dɩ ʋ ma pagɩlɛ pagɩlaa balɩpɛ, wulumuŋ kɛŋ ba fʋgʋmɛ. 7Ŋɩɩ nɛ kuorimii-fʋgʋmɩa-la balɩpɛ paa kuorimii-duoru-la balɩpɛ liŋ. Ijipiti tinteeŋ kuoro hirige sii, dɩ duosoo tʋɔŋ nɛ.
8Ʋ sɩ sii chʋchʋɔ-fɩɛla, ʋ tʋɔŋ kala vʋgʋmɛ. Ʋ yɩrɛ ʋ jaŋ wʋjɩnnaa arɩ nɩalɩŋ kala sɩ ŋaa chichiribe kala hɛ dɔŋɔ lɛ a bʋl ʋ duoso-la pɩba, ama nʋʋkala bɩ wuo dagɛ duoso-la bʋbʋɔŋ pʋ.
9Ŋɩɩ nɛ kuoro nyʋnyʋalɩ koruru-hɩaŋ-la bʋla pɩ kuoro, “Jɩnɩŋ mɩ liisi wɩɩ nɛ mɩ sɩ ŋaa chei. 10Kuoro, bʋa-la lɛ ŋ fa sɩ na baanɩŋ a kɛŋ mɩ dɩ ŋ boroboro wasɩrʋ-hɩaŋ kaa mʋ tɔ dɩa ŋɩɩ laalɩyuoro-la sɩɩ pɔŋ nɩhɩaŋ dɩa lɛ, 11la balɩa kala duosi duosoo tɩta-bala, duoso-na kala arɩ ʋ bʋbʋɔŋ. 12Bʋa-la lɛ dɩ Hiburu bapʋɔsɩ-bie kʋbala ma fa hɛ la tʋɔŋ a ŋaa laalɩyuoro-la sɩɩ pɔŋ nɩhɩaŋ tɩntɩnnʋ. La bʋl la duoso-la pʋ, ʋ wuo dagɛ la kʋŋkala duoso bʋbʋɔŋ pɩla. 13Ʋ sɩ bʋl wɩalɩŋ kala pɩla nɛ sɛnɛ ŋaa. Mɩ mɩɩra kɔ mɩ tɩntɩŋŋaa, ka ba lieŋi ŋ boroboro wasɩrʋ-la ma.”
14Ŋɩɩ nɛ Ijipiti tinteeŋ kuoro tɩŋ ba mʋ lɩɩsɛ Josɛf nɩtɔɔrɩ dɩa lɛ lɩma lɩma, a kaa kɔ. Ʋʋ kɔ Ijipiti tinteeŋ kuoro sɩpaaŋ dɩ ʋ fʋŋ ʋ tɔŋŋɔɔ, a wuri ʋ nɩtɔɔrɩ gɛnnɩŋ aŋ laalɛ gɛrɩ falaa.
15Ŋɩɩ nɛ Ijipiti tinteeŋ kuoro bʋla pɩ Josɛf, “Mɩ duoso nɛ, ka nʋʋkala tuo dɩ ʋ dagɛ ba bʋbʋɔŋ pɩmɛ. Ama mɩ nɩa dɩ nʋʋ nɛ bʋl ʋ duosoo pɩŋ, ŋ jaŋ wuo dagɛ ʋ bʋbʋɔŋ.” 16Ŋɩɩ nɛ Josɛf bʋla pɩ Ijipiti tinteeŋ kuoro a bʋl, “Mɩ-na bɩ doluŋ kɛnɛ, ama Wɩa nɛ jaŋ wuo dagɛ ŋ duoso-la bʋbʋɔŋ.”
17Ŋɩɩ nɛ Ijipiti tinteeŋ kuoro bʋla pɩ Josɛf, “Mɩ duosoo lɛ, mɩ na arɩ mɩ chɩŋ fuo-la ba sɩɩ yɩrɛ Naayɩl niiŋ nɛ. 18Ŋɩɩ nɛ nɛ-duoruŋ balɩpɛ kʋ lɩɩ fuo-la lɛ a didii yaŋ. 19Ʋ ŋɩɩ harɩŋ, nɛ-kɔnnʋŋ balɩpɛ ma lɩɩ fuo-la lɛ, mɩ ha bɩ nɛ-lɔrʋnʋŋ deemba doho na Ijipiti tinteeŋ kala lɛ. 20Nɛ-kɔnnʋ-la paa nɛ-duoru-la balɩpɛ sɩ laa sɩpaaŋ kʋ lɩɩ a liŋ. 21Ba paa liŋ aŋ ha nagɛ ba nagɩsɩŋ arɩ ba bɩ kʋŋkala die. Ŋɩɩ nɛ mɩ sii doŋ lɛ.
22Mɩ bɩra duoso na arɩ kuorimii-daa-bala pagɩlɛ pagɩlɩ-duoruŋ balɩpɛ. 23Ʋ ŋɩɩ harɩŋ, kuorimii-daa-la tɩtɩa bɩra pagɩlɛ pagɩlaa balɩpɛ, wulumuŋ kɛŋ ba fʋgʋmɛ a hɩl. 24Ŋɩɩ nɛ kuorimii-fʋgʋmɩa-la paa kuorimii-duoru-la liŋ. Mɩ bʋl wɩɩŋ deeŋ pɩ mɩ tinteeŋ chichiribe kala, ama ba kʋŋkala bɩ wuo dagɛ ʋ bʋbʋɔŋ.”
25Ŋɩɩ nɛ Josɛf bʋla pɩ Ijipiti tinteeŋ kuoro, “Kuoro, ŋ duoso-la balɩa kala bʋbʋɔŋ ŋaa kʋbala nɛ. Wɩa joŋ wɩɩ-la ʋ sɩɩ chɛ ʋ ŋaa nɛ a dagɩŋ. 26Nɛ-duoru-la balɩpɛ ŋaa jɩsɩŋ balɩpɛ nɛ, kuorimii-duoru-la balɩpɛ ma ŋaa jɩsɩŋ balɩpɛ nɛ. Duoso-la balɩa kala bʋbʋɔŋ ŋaa wʋbala nɛ. 27Nɛ-kɔnnʋ-la balɩpɛ sɩ lɔrɔ arɩ kuorimii-pagɩlɛ-la balɩpɛ wulumuŋ sɩ kɛnɛ ba fʋgʋmɛ a hɩl kala ŋaa jɩsɩŋ balɩpɛ nɛ losuŋ sɩ jaŋ jʋʋ.
28Ʋ nɛ mɩ laa sɩpaaŋ bʋla pɩ ŋ-na Ijipiti tinteeŋ kuoro ŋɩɩ arɩ wɩɩ nɛ Wɩa joŋo dagɩŋ ʋ sɩɩ chɛ dɩ ʋ ŋaa. 29Jɩsɩŋ balɩpɛ bʋa lɛ kʋdiilee jaŋ pʋrɩgɛ Ijipiti tinteeŋ woruŋ. 30Ama a lɩɩ ŋɩɩ harɩŋ lɛ, losuŋ jaŋ jʋʋ Ijipiti tinteeŋ woruŋ jɩsɩŋ balɩpɛ ma. Ba jaŋ yʋ kʋdii-dandaŋ-la fa sɩ jʋʋ Ijipiti tinteeŋ lɛ wɩaa. Losuŋ jaŋ chei tintee-la. 31Kʋdii-daŋ-la fa sɩ jʋʋ Ijipiti tinteeŋ, ba jaŋ yʋ ba wɩaa, bɛɛ wɩaa, losu-la sɩ jaŋ jʋʋ Ijipiti tinteeŋ jaŋ chaasa-lɔrɛ kɩŋkɛŋ. 32Wɩɩ-la sɩ tɩɩ ŋ-na Ijipiti tinteeŋ kuoro duoso-la ŋaa balɩa bʋbʋɔŋ nɛ Wɩa chaasɛ kɛŋ ʋ tɩtɩa hɛ dɔŋɔ nɛ dɩ ʋ ŋaa wɩɩ, ʋ bɩ jaŋ dieni.
33Lɛɛlɛ ʋ maga dɩ ŋ-na Ijipiti tinteeŋ kuoro lɩɩsɛ nɩɩ-la sɩ jegile nɩɩ wɩaa a kɛŋ wʋjɩmɩŋ a leŋ dɩ tɩɩna bibeŋ Ijipiti tinteeŋ. 34Kuoro, leŋ dɩ ba liisi nɩhɩasɩŋ dɩ ba bibeŋ Ijipiti tinteeŋ. Jɩsɩ-la balɩpɛ kʋdiilee sɩ jaŋ pʋrɩgɛ tintee-la lɛ, dɩ ba kɛŋ kʋdiile-la kaa kpaa leree banɔŋ a joŋ kʋbala tʋɔlɛ. 35Nɩhɩasɩŋ deemba maga dɩ ba laa kʋdiilee jɩsɩŋ deemba balɩpɛ kɩaa sɩ jaŋ pʋrɩgɛ lɛ a tʋɔlɛ Ijipiti tinteeŋ kuoro yɩrɩŋ lɛ tabalaa kala lɛ. 36Kʋdiilee deemba nɛ ma jaŋ joŋo tʋɔlɛ a pɔ jɩsɩ-la balɩpɛ losuŋ sɩ jaŋ jʋʋ dɩ ʋ sɩ́ tintee-la chei.”
37Wɩɩ-la sɩŋ woruŋ a pɩ kuoro arɩ ʋ nɩhɩasɩŋ kala. 38Ŋɩɩ nɛ Ijipiti tinteeŋ kuoro pɩɛsɛ ʋ nɩhɩasɩŋ, “La jaŋ bɩra wuo na nʋʋ sɩ nagɛ baala deeŋ Wɩa dɩma-la hɛ ʋ lɛ?”
39Ŋɩɩ nɛ Ijipiti tinteeŋ kuoro bʋla pɩ Josɛf, “Wɩa sɩ leŋe ŋ wuo jɩŋ wɩaa deemba kala, nʋʋkala bɩra tuo sɩ jaŋ wuo jɩŋ wɩaa bʋbʋɔŋ a kɛŋ wʋjɩmɩŋ a magɩŋ. 40Ŋ nɛ jaŋ bibeŋ mɩ kuoru-dɩa, mɩ nɩaa kala jaŋ tuto ŋ niiŋ. Mɩ kuoru kpasa dʋndʋŋa nɛ mɩ jaŋ kaa kɩɩŋ.”
Ba joŋ Ijipiti tinteeŋ hɛ Josɛf nɩsɩŋ lɛ
41Ŋɩɩ nɛ Ijipiti tinteeŋ kuoro bʋla pɩ Josɛf, “Mɩ joŋ Ijipiti tinteeŋ kala hɛ ŋ nɩsɩŋ lɛ nɛ dɩ ŋ bibeŋ.” 42Ŋɩɩ nɛ Ijipiti tinteeŋ kuoro lɩɩsɛ ʋ kuori-nenii-pɩrɩŋ a hɛ Josɛf neniiŋ lɛ a leŋ ba laalʋ gɛrɩ-balaa a joŋ sɛlɩmɛ banzɔlɔ a hɛ ʋ baŋŋaa. 43Ʋ leŋ ba joŋu hɛ jaaba toruko lɛ, a kaa gɔllɔ dagɛ arɩ ʋ nɛ tɩgɛ ʋ lɛ, ka nɩaa ŋɩŋaa goŋ, aa bʋl, “Má ka wombiiŋ, má ka wombiiŋ. Baala deeŋ nɛ ba joŋo hɛ dɩ ʋ bibeŋ Ijipiti tinteeŋ kala.”
44Ŋɩɩ nɛ Ijipiti tinteeŋ kuoro bʋla pɩ Josɛf, “Mɩ nɛ ŋaa kuoro, ama dɩ ŋ nɛ bɩ wombiiŋ pa, nʋʋkala tuo Ijipiti tinteeŋ lɛ sɩ jaŋ ŋaa wɩɩ.” 45Ŋɩɩ nɛ Ijipiti tinteeŋ kuoro hɛ Josɛf yɩrɩŋ Zefena-Panɩa. Ʋ joŋ Pɔtɩfɛra tolo Asɛnaf pʋ ʋ jaa. Pɔtɩfɛra nɛ ŋaa Wɩɩsʋllɩ sɩpaalaara taŋ-la ba sɩɩ yɩrɛ Ɔŋ lɛ. Ŋɩɩ nɛ Josɛf sii gɔllɛ Ijipiti tinteeŋ kala.
46Josɛf fa ŋaa jɩsɩŋ mara arɩ fii nɛ, ka ʋ dɩ Ijipiti tinteeŋ kuoro suomo tɩtɩŋ. Josɛf sii Ijipiti tinteeŋ kuoro sɩpaaŋ, a gɔllɛ Ijipiti tinteeŋ kala. 47Jɩsɩ-la balɩpɛ sɩ zɔmɔ tʋɔŋ kʋdiilee faasa pʋrɩgɛ woruŋ. 48Ŋɩɩ nɛ Josɛf laa kʋdiilee jɩsɩ-la balɩpɛ-la tʋɔŋ kʋdiilee sɩ pʋrɩga Ijipiti tinteeŋ lɛ a hɛ dɔŋɔ lɛ a tʋɔlɛba tabalaa lɛ. Taŋ-kala nɩaa kɛŋ kʋdiilee mʋ hɛ tabal-la sɩ kpagʋ lɛ nɛ. 49Ŋɩɩ nɛ Josɛf laa kʋdiile-la a tʋɔlɛ ba chʋɔrɛ woruŋ a nagɛ hagɩlɩ-bumbugulo sɩ chʋɔrɛ mʋga niiŋ. A tɩŋ kʋdiilee sɩ faasa yʋgɛ a kɩɩ magɩsɩŋ ŋɩɩ, ʋ bɩra bɩ magɩsɛ.
50Josɛf arɩ ʋ haala Asɛnaf sɩ ŋaa Pɔtɩfɛra tolo fa kɛŋ hambolibiisiŋ balɩa nɛ, ka losu-la-na jʋʋ. Pɔtɩfɛra nɛ ŋaa Wɩɩsʋllɩ sɩpaalaara Ɔŋ lɛ. 51Josɛf hɛ ʋ bii-hɩaŋ yɩrɩŋ Manasɛ, aŋ bʋl, “Wɩa leŋe mɩ yʋ mɩ hɛɛ-la kala mɩ sɩ na, arɩ mɩ nyɩmma dɩa ma wɩaa kala nɛ.” 52Ŋɩɩ nɛ ʋ hɛ ʋ bii-lɩa-la ma yɩrɩŋ Efirem aŋ bʋl, “Wɩa leŋe mɩ dʋa nɛ tintee-la lɛ mɩ sɩ na hɛɛŋ.”
53Jɩsɩ-la balɩpɛ lɛ, kʋdiilee sɩ pʋrɩgɛ Ijipiti tinteeŋ lɛ kʋ kieli, 54aŋ ka jɩsɩŋ balɩpɛ-la losuŋ sɩ jaŋ jʋʋ suomi arɩ Josɛf fa sɩ bʋl ŋɩɩ. Ŋɩɩ nɛ losuŋ jʋʋ tintee-la kala sɩ kpagɛ Ijipiti tinteeŋ, ama kʋdiilee hɛ Ijipiti tinteeŋ kala lɛ. 55Losuŋ sɩ suomo jʋjʋʋ Ijipiti tinteeŋ, nɩalɩŋ suomo yele pɩ Ijipiti tinteeŋ kuoro a chɩchɛ kʋdiilee. Ŋɩɩ nɛ Ijipiti tinteeŋ kuoro bʋla pɩ Ijipiti tinteeŋ nɩaa kala, “Má mʋ Josɛf teeŋ, ʋ sɩ bʋl wɩɩ-la kala pɩma, ma ŋaa.”
56Losuŋ sɩ jʋʋ Ijipiti tinteeŋ kala, ŋɩɩ nɛ Josɛf suri lere-la ba sɩ tʋɔlɛ kʋdiile-la a suomo yallɛ kʋdiile-la pɩpɩ Ijipiti tɩŋŋaa, bɛɛ wɩaa losuŋ chaasɛ jʋʋ Ijipiti tinteeŋ nɛ. 57Ŋɩɩ nɛ dʋnɩa nɩaa kala kɔ Ijipiti tinteeŋ dɩ ba yɔɔ kʋdiilee Josɛf leriŋ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014