WƖAA DƖ-SUOMUŊ 42
42
Josɛf naambiiriŋ mʋ Ijipiti tinteeŋ
1Jekɔb sɩ nɩa dɩ kʋdiilee hɛ Ijipiti tinteeŋ lɛ, ŋɩɩ nɛ ʋ pɩɛsɛ ʋ hambolibiisiŋ, “Bɛɛ nɛ tɩɩ ma hɔnɔ bibeŋ dɔŋɔ ŋ-la?” 2Ŋɩɩ nɛ Jekɔb bɩra bʋl, “Mɩ nɩa arɩ kuori-mɩaa hɛ Ijipiti tinteeŋ lɛ. Má mʋ nɩmɛ a yɔɔ dɔnsʋŋ kɔ dɩ la ma dii a kɛŋ mɩɩsɩŋ.”
3Ŋɩɩ nɛ Josɛf naambiiri-la fii sii mʋ Ijipiti tinteeŋ dɩ ba yɔɔ kuori-mɩa-la. 4Ama Jekɔb bɩ leŋe Josɛf ŋaana Bɛnjamɩŋ to ba harɩŋ mʋ, bɛɛ wɩaa fawʋllʋŋ fa kɛnʋ nɛ arɩ ba jaŋ ŋaa ʋ ma wʋbɔŋ. 5Iziral biiriŋ ma fa hɛ nɩalɩŋ sɩ mʋa dɩ ba yɔɔ kuori-mɩaa tʋɔŋ nɛ, bɛɛ wɩaa losuŋ fa jʋʋ Kɛnaŋ tinteeŋ ma nɛ. Ŋɩɩ nɛ Jekɔb biiriŋ arɩ nɩaa dɔnsʋŋ sii mʋ dɩ ba yɔɔ.
6Josɛf nɛ fa ŋaa kʋhɩaŋ Ijipiti tinteeŋ lɛ, ʋ nɛ fa yallɛ kuori-mɩaa pɩpɩ nɩalɩŋ kala tintee-la lɛ. Josɛf naambiiriŋ sɩ kɔ, ba tuu kpirimi ʋ sɩpaaŋ a chʋɔlʋ. 7Bʋa-la lɛ Josɛf sɩ na ʋ naambiiriŋ, ʋ guu jɩmba, aŋ ŋaa a nagɛ ʋ bɩ ba jɩŋ a kpɩaba lɛ aŋ pɩɛsɛba, “Nɩɩ nɛ ma lɩɩ?”
Ŋɩɩ nɛ ba bʋl, “La lɩɩ Kɛnaŋ tinteeŋ nɛ a kɔ dɩ la yɔɔ kʋdiilee.”
8Josɛf sɩ na ʋ naambiiriŋ a jɩmba ŋɩɩ, ba-na fa bɩ ʋ jɩŋ. 9Ŋɩɩ nɛ Josɛf liise yi ʋ duoso-la lɛ ʋ sɩ duoso a tɩgɛ ʋ naambiiriŋ lɛ, ŋɩɩ nɛ ʋ bʋla pɩba, “Ma kɔ dɩ ma na wɩɩ-la la sɩ kaa hɔŋ nɛ, maa chɛ dɩ ma na la bʋbʋɔŋ nɛ.”
10Ŋɩɩ nɛ ba bʋl, “La nɩhɩaŋ, ŋɩɩ dee, la-na ŋ tɩntɩnnaa kɔ dɩ la yɔɔ kʋdiilee nɛ. 11La kala ŋaa ba-bala biiriŋ nɛ. La kɛŋ wʋtɩtɩɩ nɛ, la bɩ kɔ dɩ la na wɩɩ-la ma sɩ kaa hɔŋ.”
12Ŋɩɩ nɛ Josɛf bɩra bʋl, “Ŋɩɩ dee, ma kɔ dɩ ma na wɩɩ-la la sɩ kaa hɔŋ la tinteeŋ lɛ nɛ.”
13Ŋɩɩ nɛ ba ma bʋl, “La fa ŋaa fii arɩ balɩa nɛ a kala ŋaa ba-bala biiriŋ Kɛnaŋ tinteeŋ lɛ. La tʋɔŋ kʋbie hɛ la nyɩmma teeŋ aŋ ka dɔŋɔ ma tuo ʋ mɩɩsɩŋ lɛ.”
14Ŋɩɩ nɛ Josɛf bʋl, “Wɩɩ-la tɩtɩa mɩ sɩ bʋla nɛ ŋɩɩ, ma kɔ dɩ ma na wɩɩ-la la sɩ kaa hɔŋ la tinteeŋ lɛ nɛ. 15Wɩɩ-la ma sɩ jaŋ to a laa ma tɩtɩa nɛ ŋ-la: Ijipiti tinteeŋ kuoro sɩ hɛ ʋ mɩɩsɩŋ deeŋ lɛ, ma bɩ jaŋ kɔ dɩ ma lɩɩ tinteeŋ deeŋ lɛ see dɩ ma kɛŋ ma ŋaana kaa kɔ daha. 16Má leŋ dɩ ma dɔŋɔ mʋ kɛŋ ma ŋaana kɔ. Ba jaŋ kɛŋ ma kʋkaanaa tɔ dɩa, dɩ la na wɩalɩŋ ma sɩ bʋla ŋaa wʋtɩtɩɩ nɛ, dɩ ŋɩɩ dee, Ijipiti tinteeŋ kuoro sɩ hɛ ʋ mɩɩsɩŋ lɛ, ma ŋaa nɩalɩŋ sɩ kɔ dɩ ma na wɩɩ-la la sɩ kaa hɔŋ la tinteeŋ lɛ nɛ.” 17Ŋɩɩ nɛ ʋ kɛmba kala tɔ dɩa tapʋlaa batori.
18Ŋɩɩ nɛ Josɛf bʋla pɩba tapʋl tori-la chɛɛŋ, “Mɩ ŋaa nʋʋ sɩɩ fá Wɩa nɛ, má ŋaa ŋ-la aŋ kɛŋ mɩɩsɩŋ: 19Dɩ ma nɛ kɛŋ wʋtɩtɩɩ, ma dɔŋɔ jaŋ hɛ bɩnɩŋ dɩa lɛ, ka dɩ ma kʋkaanaa kɛŋ kʋdiilee mʋ pɩ ma dɩa nɩalɩŋ sɩɩ sʋʋ losuŋ. 20Ama ʋ maga dɩ ma kɛŋ ma naambiiriŋ tʋɔŋ kʋbie-la a kaa kɔ mɩ teeŋ, ŋɩɩ nɛ jaŋ dagɛ arɩ wɩalɩŋ ma sɩ bʋla ŋaa wʋtɩtɩɩ nɛ. Dɩ ma nɛ ŋaa ŋɩɩ, ma bɩ jaŋ sʋʋ.” Ŋɩɩ nɛ ba ŋaa wɩɩ-la Josɛf sɩ bʋla.
21Ŋɩɩ nɛ ba bʋla pɩ dɔŋɔ, “Wʋtɩtɩɩ, hɛɛŋ deeŋ la sɩɩ na tɩgɛ wɩɩ-la la sɩ joŋo ŋaa la naambie lɛ nɛ. La na ʋ sɩ chaasa sʋlla ŋɩɩ woruŋ a tɩgɛ ʋ mɩɩsɩŋ lɛ, ka la bɩ jegile nɩɩ, ŋɩɩ nɛ tɩɩ hɛɛŋ deeŋ puula ŋɩɩ.”
22Ŋɩɩ nɛ Rubiŋ pɩɛsɛ, “Mɩ fa bɩ bʋla pɩma arɩ má sɩ́ wʋbɔŋ joŋo ŋaa bile deeŋ lɛ? Ama ma bɩ jegile. Ʋ chɩmɩŋ nɩɩ tiŋ la lɛ ŋɩɩ.” 23Ba fa bɩ jɩŋ dɩ Josɛf nɩɩ wɩalɩŋ kala ba sɩɩ bʋl, bɛɛ wɩaa ʋ fa bʋl wɩaa nʋʋ nɛ laa bʋla pɩba.
24Ŋɩɩ nɛ Josɛf jɩɩgɛ mʋa aŋ yel, aŋ mɩɩra kɔ a bʋl wɩaa ʋ naambiiriŋ teeŋ. Ʋ leŋ ba kɛŋ Simioŋ vɔɔ ʋ naambiiri-la sɩpaaŋ a kɛnʋ viiri.
25Ŋɩɩ nɛ Josɛf leŋ ba ŋaa kuori-mɩaa su ba bɔtɔba aŋ bɩra joŋ kʋŋkala moribiee ma hɛ ba bɔtɔba tʋɔŋ, aŋ pɛ pɩba kʋdiilee dɩ ba kaa dii vɩvɛŋ wombiiŋ lɛ. Ba ŋaa ŋɩɩ a pɩba, 26ŋɩɩ nɛ ba paa kuori-mɩa-la daŋ ba kakusuŋ lɛ a viiri. 27Lee-la ba sɩ mʋa dɩ ba chʋa, ba dɔŋɔ puri ʋ bɔtɔ dɩ ʋ ŋaa kuori-mɩaa pɩ ʋ kakumo, a na ʋ moribiiŋ bɔtɔ-la lɛ. 28Ŋɩɩ nɛ ʋ bʋla pɩ ʋ naambiiriŋ, “Ba mɩɩra joŋ mɩ moribiiŋ pɩmɛ nɛ, na ʋ nɛ hɛ bɔtɔ tʋɔŋ.”
Ŋɩɩ nɛ ba hirigi, ba bɔɩsɩŋ joŋ, ba pɩɛsɛ dɔŋɔ, “Bɛɛ nɛ Wɩa ŋaala lɛ ŋ-la?”
29Ba sɩ kɔ ba nyɩmma Jekɔb teeŋ Kɛnaŋ tinteeŋ lɛ, ba bʋl wɩɩ-la kala sɩ ŋaaba lɛ a pʋ. Ba sɩ, 30“Kʋhɩaŋ-la sɩɩ beŋ Ijipiti tinteeŋ na baanɩŋ a chaasa bʋl wɩaa la teeŋ a nagɛ la ŋaa nɩa sɩ kɔ dɩ la na wɩɩ-la ba sɩ kaa hɔŋ ba tinteeŋ lɛ nɛ. 31Ŋɩɩ nɛ la bʋla pʋ, ‘La ŋaa nɩtɩtɩɩba nɛ. La bɩ kɔ dɩ la na wɩɩ-la ma sɩ kaa hɔŋ ma tinteeŋ lɛ. 32La fa ŋaa naambiiriŋ fii arɩ balɩa nɛ la nyɩmma lʋl, dɔŋɔ tuo ʋ mɩɩsɩŋ lɛ, aŋ ka la kala kʋbie hɛ la nyɩmma teeŋ Kɛnaŋ tinteeŋ lɛ ŋ-la.’
33Ŋɩɩ nɛ taŋ-la kʋhɩaŋ-la bʋla pɩla, ‘Ŋ-la lɛ nɛ mɩ jaŋ wuo to jɩŋ arɩ ma ŋaa nɩtɩtɩɩba nɛ. Má leŋ ma naambie dɔŋɔ hɔŋ mɩ teeŋ, ka dɩ ma kʋkaanaa kɛŋ kʋdiilee mʋ pɩ ma dɩa nɩaa dɩ ba sɩ́ losuŋ sʋʋ. 34Dɩ ma nɛ kɛŋ ma tʋɔŋ kʋbie kaa kʋ dagɛmɛ, mɩ jaŋ jɩŋ arɩ ma bɩ kɔ dɩ ma na wɩɩ-la la sɩ kaa hɔŋ la tinteeŋ lɛ, ama ma ŋaa nɩtɩtɩɩba nɛ. Ŋɩɩ nɛ mɩ jaŋ joŋ ma naambie pɩma ka dɩ ma didii yɔbɔ la tinteeŋ lɛ.’ ”
35Ŋɩɩ nɛ ba chusi ba bɔtɔba. Ba sɩ chusi ba bɔtɔba, ba kʋŋkala na moribie-la ba bɔtɔba tʋɔŋ. Ŋɩɩ nɛ fawʋllʋŋ kɛŋ ba dɩ ba nyɩmma Jekɔb kala. 36Ŋɩɩ nɛ ba nyɩmma Jekɔb bʋl, “Maa chɛ dɩ mɩ biiriŋ kala lɛl mɩ nɩsɩŋ lɛ nɛɛ? Josɛf tuo, Simioŋ ma tuo, aŋ ka ma bɩraa chɛ dɩ ma kɛŋ Bɛnjamɩŋ ma ŋ-la. Wɩaa deemba kala ma kaa jʋʋ mɩ lɛ nɛ.”
37Ŋɩɩ nɛ Rubiŋ bʋla pɩ ʋ nyɩmma, “Kpʋ mɩ hambolibiisiŋ balɩa-la, dɩ mɩ nɛ bɩ mɩɩra kɛŋ Bɛnjamɩŋ kaa kɔ. Joŋ Bɛnjamɩŋ hɛ mɩ nɩsɩŋ lɛ, mɩ jaŋ kɛnʋ kɔ.”
38Ŋɩɩ nɛ Jekɔb bʋl, “Mɩ bie bɩ jaŋ to ma harɩŋ mʋ nɩmɛ, ʋ malɩma sʋba nɛ aŋ ka ʋ dʋndʋŋa. Dɩ ma nɩɩ mʋ, dɩ wɩɩ ŋaaʋ wombiiŋ lɛ, ŋɩɩ jaŋ leŋ dɩ mɩ kɛŋ mɩ nyu-pʋmpʋllʋŋ deemba kaa tuu bʋa arɩ tʋɔ-cheeŋ.”
Currently Selected:
WƖAA DƖ-SUOMUŊ 42: SIS
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014
WƖAA DƖ-SUOMUŊ 42
42
Josɛf naambiiriŋ mʋ Ijipiti tinteeŋ
1Jekɔb sɩ nɩa dɩ kʋdiilee hɛ Ijipiti tinteeŋ lɛ, ŋɩɩ nɛ ʋ pɩɛsɛ ʋ hambolibiisiŋ, “Bɛɛ nɛ tɩɩ ma hɔnɔ bibeŋ dɔŋɔ ŋ-la?” 2Ŋɩɩ nɛ Jekɔb bɩra bʋl, “Mɩ nɩa arɩ kuori-mɩaa hɛ Ijipiti tinteeŋ lɛ. Má mʋ nɩmɛ a yɔɔ dɔnsʋŋ kɔ dɩ la ma dii a kɛŋ mɩɩsɩŋ.”
3Ŋɩɩ nɛ Josɛf naambiiri-la fii sii mʋ Ijipiti tinteeŋ dɩ ba yɔɔ kuori-mɩa-la. 4Ama Jekɔb bɩ leŋe Josɛf ŋaana Bɛnjamɩŋ to ba harɩŋ mʋ, bɛɛ wɩaa fawʋllʋŋ fa kɛnʋ nɛ arɩ ba jaŋ ŋaa ʋ ma wʋbɔŋ. 5Iziral biiriŋ ma fa hɛ nɩalɩŋ sɩ mʋa dɩ ba yɔɔ kuori-mɩaa tʋɔŋ nɛ, bɛɛ wɩaa losuŋ fa jʋʋ Kɛnaŋ tinteeŋ ma nɛ. Ŋɩɩ nɛ Jekɔb biiriŋ arɩ nɩaa dɔnsʋŋ sii mʋ dɩ ba yɔɔ.
6Josɛf nɛ fa ŋaa kʋhɩaŋ Ijipiti tinteeŋ lɛ, ʋ nɛ fa yallɛ kuori-mɩaa pɩpɩ nɩalɩŋ kala tintee-la lɛ. Josɛf naambiiriŋ sɩ kɔ, ba tuu kpirimi ʋ sɩpaaŋ a chʋɔlʋ. 7Bʋa-la lɛ Josɛf sɩ na ʋ naambiiriŋ, ʋ guu jɩmba, aŋ ŋaa a nagɛ ʋ bɩ ba jɩŋ a kpɩaba lɛ aŋ pɩɛsɛba, “Nɩɩ nɛ ma lɩɩ?”
Ŋɩɩ nɛ ba bʋl, “La lɩɩ Kɛnaŋ tinteeŋ nɛ a kɔ dɩ la yɔɔ kʋdiilee.”
8Josɛf sɩ na ʋ naambiiriŋ a jɩmba ŋɩɩ, ba-na fa bɩ ʋ jɩŋ. 9Ŋɩɩ nɛ Josɛf liise yi ʋ duoso-la lɛ ʋ sɩ duoso a tɩgɛ ʋ naambiiriŋ lɛ, ŋɩɩ nɛ ʋ bʋla pɩba, “Ma kɔ dɩ ma na wɩɩ-la la sɩ kaa hɔŋ nɛ, maa chɛ dɩ ma na la bʋbʋɔŋ nɛ.”
10Ŋɩɩ nɛ ba bʋl, “La nɩhɩaŋ, ŋɩɩ dee, la-na ŋ tɩntɩnnaa kɔ dɩ la yɔɔ kʋdiilee nɛ. 11La kala ŋaa ba-bala biiriŋ nɛ. La kɛŋ wʋtɩtɩɩ nɛ, la bɩ kɔ dɩ la na wɩɩ-la ma sɩ kaa hɔŋ.”
12Ŋɩɩ nɛ Josɛf bɩra bʋl, “Ŋɩɩ dee, ma kɔ dɩ ma na wɩɩ-la la sɩ kaa hɔŋ la tinteeŋ lɛ nɛ.”
13Ŋɩɩ nɛ ba ma bʋl, “La fa ŋaa fii arɩ balɩa nɛ a kala ŋaa ba-bala biiriŋ Kɛnaŋ tinteeŋ lɛ. La tʋɔŋ kʋbie hɛ la nyɩmma teeŋ aŋ ka dɔŋɔ ma tuo ʋ mɩɩsɩŋ lɛ.”
14Ŋɩɩ nɛ Josɛf bʋl, “Wɩɩ-la tɩtɩa mɩ sɩ bʋla nɛ ŋɩɩ, ma kɔ dɩ ma na wɩɩ-la la sɩ kaa hɔŋ la tinteeŋ lɛ nɛ. 15Wɩɩ-la ma sɩ jaŋ to a laa ma tɩtɩa nɛ ŋ-la: Ijipiti tinteeŋ kuoro sɩ hɛ ʋ mɩɩsɩŋ deeŋ lɛ, ma bɩ jaŋ kɔ dɩ ma lɩɩ tinteeŋ deeŋ lɛ see dɩ ma kɛŋ ma ŋaana kaa kɔ daha. 16Má leŋ dɩ ma dɔŋɔ mʋ kɛŋ ma ŋaana kɔ. Ba jaŋ kɛŋ ma kʋkaanaa tɔ dɩa, dɩ la na wɩalɩŋ ma sɩ bʋla ŋaa wʋtɩtɩɩ nɛ, dɩ ŋɩɩ dee, Ijipiti tinteeŋ kuoro sɩ hɛ ʋ mɩɩsɩŋ lɛ, ma ŋaa nɩalɩŋ sɩ kɔ dɩ ma na wɩɩ-la la sɩ kaa hɔŋ la tinteeŋ lɛ nɛ.” 17Ŋɩɩ nɛ ʋ kɛmba kala tɔ dɩa tapʋlaa batori.
18Ŋɩɩ nɛ Josɛf bʋla pɩba tapʋl tori-la chɛɛŋ, “Mɩ ŋaa nʋʋ sɩɩ fá Wɩa nɛ, má ŋaa ŋ-la aŋ kɛŋ mɩɩsɩŋ: 19Dɩ ma nɛ kɛŋ wʋtɩtɩɩ, ma dɔŋɔ jaŋ hɛ bɩnɩŋ dɩa lɛ, ka dɩ ma kʋkaanaa kɛŋ kʋdiilee mʋ pɩ ma dɩa nɩalɩŋ sɩɩ sʋʋ losuŋ. 20Ama ʋ maga dɩ ma kɛŋ ma naambiiriŋ tʋɔŋ kʋbie-la a kaa kɔ mɩ teeŋ, ŋɩɩ nɛ jaŋ dagɛ arɩ wɩalɩŋ ma sɩ bʋla ŋaa wʋtɩtɩɩ nɛ. Dɩ ma nɛ ŋaa ŋɩɩ, ma bɩ jaŋ sʋʋ.” Ŋɩɩ nɛ ba ŋaa wɩɩ-la Josɛf sɩ bʋla.
21Ŋɩɩ nɛ ba bʋla pɩ dɔŋɔ, “Wʋtɩtɩɩ, hɛɛŋ deeŋ la sɩɩ na tɩgɛ wɩɩ-la la sɩ joŋo ŋaa la naambie lɛ nɛ. La na ʋ sɩ chaasa sʋlla ŋɩɩ woruŋ a tɩgɛ ʋ mɩɩsɩŋ lɛ, ka la bɩ jegile nɩɩ, ŋɩɩ nɛ tɩɩ hɛɛŋ deeŋ puula ŋɩɩ.”
22Ŋɩɩ nɛ Rubiŋ pɩɛsɛ, “Mɩ fa bɩ bʋla pɩma arɩ má sɩ́ wʋbɔŋ joŋo ŋaa bile deeŋ lɛ? Ama ma bɩ jegile. Ʋ chɩmɩŋ nɩɩ tiŋ la lɛ ŋɩɩ.” 23Ba fa bɩ jɩŋ dɩ Josɛf nɩɩ wɩalɩŋ kala ba sɩɩ bʋl, bɛɛ wɩaa ʋ fa bʋl wɩaa nʋʋ nɛ laa bʋla pɩba.
24Ŋɩɩ nɛ Josɛf jɩɩgɛ mʋa aŋ yel, aŋ mɩɩra kɔ a bʋl wɩaa ʋ naambiiriŋ teeŋ. Ʋ leŋ ba kɛŋ Simioŋ vɔɔ ʋ naambiiri-la sɩpaaŋ a kɛnʋ viiri.
25Ŋɩɩ nɛ Josɛf leŋ ba ŋaa kuori-mɩaa su ba bɔtɔba aŋ bɩra joŋ kʋŋkala moribiee ma hɛ ba bɔtɔba tʋɔŋ, aŋ pɛ pɩba kʋdiilee dɩ ba kaa dii vɩvɛŋ wombiiŋ lɛ. Ba ŋaa ŋɩɩ a pɩba, 26ŋɩɩ nɛ ba paa kuori-mɩa-la daŋ ba kakusuŋ lɛ a viiri. 27Lee-la ba sɩ mʋa dɩ ba chʋa, ba dɔŋɔ puri ʋ bɔtɔ dɩ ʋ ŋaa kuori-mɩaa pɩ ʋ kakumo, a na ʋ moribiiŋ bɔtɔ-la lɛ. 28Ŋɩɩ nɛ ʋ bʋla pɩ ʋ naambiiriŋ, “Ba mɩɩra joŋ mɩ moribiiŋ pɩmɛ nɛ, na ʋ nɛ hɛ bɔtɔ tʋɔŋ.”
Ŋɩɩ nɛ ba hirigi, ba bɔɩsɩŋ joŋ, ba pɩɛsɛ dɔŋɔ, “Bɛɛ nɛ Wɩa ŋaala lɛ ŋ-la?”
29Ba sɩ kɔ ba nyɩmma Jekɔb teeŋ Kɛnaŋ tinteeŋ lɛ, ba bʋl wɩɩ-la kala sɩ ŋaaba lɛ a pʋ. Ba sɩ, 30“Kʋhɩaŋ-la sɩɩ beŋ Ijipiti tinteeŋ na baanɩŋ a chaasa bʋl wɩaa la teeŋ a nagɛ la ŋaa nɩa sɩ kɔ dɩ la na wɩɩ-la ba sɩ kaa hɔŋ ba tinteeŋ lɛ nɛ. 31Ŋɩɩ nɛ la bʋla pʋ, ‘La ŋaa nɩtɩtɩɩba nɛ. La bɩ kɔ dɩ la na wɩɩ-la ma sɩ kaa hɔŋ ma tinteeŋ lɛ. 32La fa ŋaa naambiiriŋ fii arɩ balɩa nɛ la nyɩmma lʋl, dɔŋɔ tuo ʋ mɩɩsɩŋ lɛ, aŋ ka la kala kʋbie hɛ la nyɩmma teeŋ Kɛnaŋ tinteeŋ lɛ ŋ-la.’
33Ŋɩɩ nɛ taŋ-la kʋhɩaŋ-la bʋla pɩla, ‘Ŋ-la lɛ nɛ mɩ jaŋ wuo to jɩŋ arɩ ma ŋaa nɩtɩtɩɩba nɛ. Má leŋ ma naambie dɔŋɔ hɔŋ mɩ teeŋ, ka dɩ ma kʋkaanaa kɛŋ kʋdiilee mʋ pɩ ma dɩa nɩaa dɩ ba sɩ́ losuŋ sʋʋ. 34Dɩ ma nɛ kɛŋ ma tʋɔŋ kʋbie kaa kʋ dagɛmɛ, mɩ jaŋ jɩŋ arɩ ma bɩ kɔ dɩ ma na wɩɩ-la la sɩ kaa hɔŋ la tinteeŋ lɛ, ama ma ŋaa nɩtɩtɩɩba nɛ. Ŋɩɩ nɛ mɩ jaŋ joŋ ma naambie pɩma ka dɩ ma didii yɔbɔ la tinteeŋ lɛ.’ ”
35Ŋɩɩ nɛ ba chusi ba bɔtɔba. Ba sɩ chusi ba bɔtɔba, ba kʋŋkala na moribie-la ba bɔtɔba tʋɔŋ. Ŋɩɩ nɛ fawʋllʋŋ kɛŋ ba dɩ ba nyɩmma Jekɔb kala. 36Ŋɩɩ nɛ ba nyɩmma Jekɔb bʋl, “Maa chɛ dɩ mɩ biiriŋ kala lɛl mɩ nɩsɩŋ lɛ nɛɛ? Josɛf tuo, Simioŋ ma tuo, aŋ ka ma bɩraa chɛ dɩ ma kɛŋ Bɛnjamɩŋ ma ŋ-la. Wɩaa deemba kala ma kaa jʋʋ mɩ lɛ nɛ.”
37Ŋɩɩ nɛ Rubiŋ bʋla pɩ ʋ nyɩmma, “Kpʋ mɩ hambolibiisiŋ balɩa-la, dɩ mɩ nɛ bɩ mɩɩra kɛŋ Bɛnjamɩŋ kaa kɔ. Joŋ Bɛnjamɩŋ hɛ mɩ nɩsɩŋ lɛ, mɩ jaŋ kɛnʋ kɔ.”
38Ŋɩɩ nɛ Jekɔb bʋl, “Mɩ bie bɩ jaŋ to ma harɩŋ mʋ nɩmɛ, ʋ malɩma sʋba nɛ aŋ ka ʋ dʋndʋŋa. Dɩ ma nɩɩ mʋ, dɩ wɩɩ ŋaaʋ wombiiŋ lɛ, ŋɩɩ jaŋ leŋ dɩ mɩ kɛŋ mɩ nyu-pʋmpʋllʋŋ deemba kaa tuu bʋa arɩ tʋɔ-cheeŋ.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Ghana Institute of Linguistics Literacy and Bible Translation 1984, 2014