Luka 13
13
Pişman olun günahlarınızdan
1Kimisi onnardan söledilär İisusa, ne oldu birkaç Galileyadan adamnarlan, angılarını Pilat, öldürüp, kannarını karıştırmış onnarın kurbannarınnan.
2«Sanêrsınız, ani bu galileyalılar taa günahkerdilär kalanından mı, da butürlü razgeldi? – sordu İisus. –
3Diil! Ama, Bän söleerim, eer siz dä pişman olmarsaydınız günahlarınızdan, hep ölä kaybeleceniz.
4Osa o onsekiz kişi, kimin üstünä Siloam külesi düştü da öldürdü onnarı, sanêrsınız, ani taa günahkerdilär mi hepsi kalan insandan İerusalimdän?
5Bän söleerim sizä: diil. Ama eer siz dä pişman olmarsaydınız günahlarınızdan, hep ölä kaybeleceniz».
Meyvasız fidan
6İisus söledi bu örnää: «Bir adamın vardı bir incir fidanı, koyulu kendi baasında. Gelip, fidanda aaradı meyva, ama bulmadı.
7Da dedi baacıya: „Üç yıl var, nicä bän gelip aarêêrım meyva bu fidanda, ama bulamêêrım. Kes onu, neçin boşuna eri emsin?“
8„Saabi, beklä taa bir yıl, kazacam onu doz-dolay, koyacam kökünä fışkı, – cuvap etti baacı. –
9Beki ondan sora getirir meyva, ama eer getirmärseydi, gelän yıla kesärsin onu“».
Cumertesi günü hasta karı alıştırıldı
10İisus üüredärdi insanı bir cumertesi günü sinagogaların birindä.
11Orada bulunardı bir karı, angısında onsekiz yıl hastalık duhu vardı. O kamburlanmıştı da hiç uzlanamardı.
12Açan İisus gördü onu, çaardı da dedi: «Karı, kurtuldun derdindän».
13Koydu ellerini onun üstünä. Karı çabuk dooruldu da başladı Allahı metinnemää.
14Ama sinagoganın öndercisi üfkelendi, ani İisus cumertesi günü alıştırêr, onuştan dedi insana: «Var altı gün, nezaman lääzım işlenilsin. Gelin o günnerdä, alışmaa hastalıklardan, ama diil cumertesi!»
15Saabi cuvap etti ona: «İkiüzlülär, herkeziniz cumertesi günü götürmeersiniz mi, çözüp ahırdan öküzü eki eşää, sulayasınız?
16Bu karı, Avraamın kızı, angısını şeytan tuttu baalı onsekiz yıl, acaba düşmärdi mi onu cumertesi günü boşandırmaa bu derttän?»
17Açan İisus butürlü lafetti, hepsi karşı durannar utanmış kaldılar. Herkezi sevinärdi hepsi metin işlerä, ani yapardı İisus.
Hardal toomu hem hamur mayası
18Sora İisus dedi: «Neyä benzär olur Allahın Padişahlıı, neylän benzedeyim onu?
19Benzeer bir hardal toomuna, ani adam, alıp, eker aulu içinä. Toom büüyer da aaç gibi olêr. Gök kuşları yuva yapêrlar onun dallarında».
20Sora enidän dedi: «Neyä benzedeyim Allahın Padişahlıını?
21O benzeer bir parça hamur mayasına, ani alêr bir karı da karıştırêr üç ölçü unnan, bütün hamuru kabartsın».
Dar kapu
22İisus gezärdi küüdän küüyä hem kasabadan kasabaya, üüredärdi insanı, gideräk İerusalimä.
23Birkimsey sordu Ona: «Saabi, sanki kurtulmuşlar azlık mı olaceklar?»
24O cuvap etti: «Çalışın girmää dar kapudan. Zerä sizä deerim: çoyu çalışacek, ama girämeyecek.
25Nezaman evin çorbacısı kalkıp kapuyu kapayacek, siz duracenız dışanda, uracenız kapuya da deyeceniz: „Saabi, aç bizä!“ Ama O cuvap edecek: „Tanımêêrım sizi, neredän geldiniz“.
26Ozaman başlayacenız Ona demää: „Biz idik hem içtik Seninnän barabar. Bizim sokaklarda Sän üürettin insanı“.
27Da O cuvap edecek: „Bilmeerim, neredänsiniz, uzaklaşın Bendän hepsiniz, ani zakonsuz yaşadınız“.
28Orada olacek aalamak hem diş gıcırdatması. Göreceniz Avraamı, İsaakı, İakovu hem hepsi prorokları Allahın Padişahlıında, ama kendiniz dışanda kalacenız.
29Geleceklär günduusundan hem günbatısından, poyrazdan hem üülendän, Allahın Padişahlıında sofraya oturaceklar.
30Kimisi, ani şindi bitki, orada ilk olacek, hem kimisi, ani şindi ilk, bitki olacek».
İisus aalêêr İerusalim için
31O saat geldi birkaç farisey da dedilär İisusa: «Çık da git buradan, zerä İrod öldürmää isteer Seni».
32«Gidin da söleyin o tilkiyä: „Tä, çıkarêrım fena duhları hem alıştırêrım hastaları büün hem yaarın, öbürgünä bitirerim“.
33Bana lääzım büün, yaarın hem öbürgünä yolda gideyim, zerä yok nicä prorok ölsün İerusalimdän dışarı.
34İerusalim, İerusalim, ani öldürersin prorokları hem taşlan düüyersin sana yollanılmışları! Kaç sıra istedim toplayım senin uşaklarını, nicä kloçka toplêêr piliçlerini kanatları altına, ama siz istämediniz!
35Tä, eviniz sizä boş brakılêr. Söleerim sizä, ani görmeyeceniz Beni gelmeyincä o vakıt, açan deyeceniz: „İisözlenmiş olsun, kim geler Saabinin adına!“»
Currently Selected:
Luka 13: GagNTL
Highlight
Share
Copy
Want to have your highlights saved across all your devices? Sign up or sign in
© Bіblіyayı çevіrän İnstіtut, Moskva, 2006
Luka 13
13
Pişman olun günahlarınızdan
1Kimisi onnardan söledilär İisusa, ne oldu birkaç Galileyadan adamnarlan, angılarını Pilat, öldürüp, kannarını karıştırmış onnarın kurbannarınnan.
2«Sanêrsınız, ani bu galileyalılar taa günahkerdilär kalanından mı, da butürlü razgeldi? – sordu İisus. –
3Diil! Ama, Bän söleerim, eer siz dä pişman olmarsaydınız günahlarınızdan, hep ölä kaybeleceniz.
4Osa o onsekiz kişi, kimin üstünä Siloam külesi düştü da öldürdü onnarı, sanêrsınız, ani taa günahkerdilär mi hepsi kalan insandan İerusalimdän?
5Bän söleerim sizä: diil. Ama eer siz dä pişman olmarsaydınız günahlarınızdan, hep ölä kaybeleceniz».
Meyvasız fidan
6İisus söledi bu örnää: «Bir adamın vardı bir incir fidanı, koyulu kendi baasında. Gelip, fidanda aaradı meyva, ama bulmadı.
7Da dedi baacıya: „Üç yıl var, nicä bän gelip aarêêrım meyva bu fidanda, ama bulamêêrım. Kes onu, neçin boşuna eri emsin?“
8„Saabi, beklä taa bir yıl, kazacam onu doz-dolay, koyacam kökünä fışkı, – cuvap etti baacı. –
9Beki ondan sora getirir meyva, ama eer getirmärseydi, gelän yıla kesärsin onu“».
Cumertesi günü hasta karı alıştırıldı
10İisus üüredärdi insanı bir cumertesi günü sinagogaların birindä.
11Orada bulunardı bir karı, angısında onsekiz yıl hastalık duhu vardı. O kamburlanmıştı da hiç uzlanamardı.
12Açan İisus gördü onu, çaardı da dedi: «Karı, kurtuldun derdindän».
13Koydu ellerini onun üstünä. Karı çabuk dooruldu da başladı Allahı metinnemää.
14Ama sinagoganın öndercisi üfkelendi, ani İisus cumertesi günü alıştırêr, onuştan dedi insana: «Var altı gün, nezaman lääzım işlenilsin. Gelin o günnerdä, alışmaa hastalıklardan, ama diil cumertesi!»
15Saabi cuvap etti ona: «İkiüzlülär, herkeziniz cumertesi günü götürmeersiniz mi, çözüp ahırdan öküzü eki eşää, sulayasınız?
16Bu karı, Avraamın kızı, angısını şeytan tuttu baalı onsekiz yıl, acaba düşmärdi mi onu cumertesi günü boşandırmaa bu derttän?»
17Açan İisus butürlü lafetti, hepsi karşı durannar utanmış kaldılar. Herkezi sevinärdi hepsi metin işlerä, ani yapardı İisus.
Hardal toomu hem hamur mayası
18Sora İisus dedi: «Neyä benzär olur Allahın Padişahlıı, neylän benzedeyim onu?
19Benzeer bir hardal toomuna, ani adam, alıp, eker aulu içinä. Toom büüyer da aaç gibi olêr. Gök kuşları yuva yapêrlar onun dallarında».
20Sora enidän dedi: «Neyä benzedeyim Allahın Padişahlıını?
21O benzeer bir parça hamur mayasına, ani alêr bir karı da karıştırêr üç ölçü unnan, bütün hamuru kabartsın».
Dar kapu
22İisus gezärdi küüdän küüyä hem kasabadan kasabaya, üüredärdi insanı, gideräk İerusalimä.
23Birkimsey sordu Ona: «Saabi, sanki kurtulmuşlar azlık mı olaceklar?»
24O cuvap etti: «Çalışın girmää dar kapudan. Zerä sizä deerim: çoyu çalışacek, ama girämeyecek.
25Nezaman evin çorbacısı kalkıp kapuyu kapayacek, siz duracenız dışanda, uracenız kapuya da deyeceniz: „Saabi, aç bizä!“ Ama O cuvap edecek: „Tanımêêrım sizi, neredän geldiniz“.
26Ozaman başlayacenız Ona demää: „Biz idik hem içtik Seninnän barabar. Bizim sokaklarda Sän üürettin insanı“.
27Da O cuvap edecek: „Bilmeerim, neredänsiniz, uzaklaşın Bendän hepsiniz, ani zakonsuz yaşadınız“.
28Orada olacek aalamak hem diş gıcırdatması. Göreceniz Avraamı, İsaakı, İakovu hem hepsi prorokları Allahın Padişahlıında, ama kendiniz dışanda kalacenız.
29Geleceklär günduusundan hem günbatısından, poyrazdan hem üülendän, Allahın Padişahlıında sofraya oturaceklar.
30Kimisi, ani şindi bitki, orada ilk olacek, hem kimisi, ani şindi ilk, bitki olacek».
İisus aalêêr İerusalim için
31O saat geldi birkaç farisey da dedilär İisusa: «Çık da git buradan, zerä İrod öldürmää isteer Seni».
32«Gidin da söleyin o tilkiyä: „Tä, çıkarêrım fena duhları hem alıştırêrım hastaları büün hem yaarın, öbürgünä bitirerim“.
33Bana lääzım büün, yaarın hem öbürgünä yolda gideyim, zerä yok nicä prorok ölsün İerusalimdän dışarı.
34İerusalim, İerusalim, ani öldürersin prorokları hem taşlan düüyersin sana yollanılmışları! Kaç sıra istedim toplayım senin uşaklarını, nicä kloçka toplêêr piliçlerini kanatları altına, ama siz istämediniz!
35Tä, eviniz sizä boş brakılêr. Söleerim sizä, ani görmeyeceniz Beni gelmeyincä o vakıt, açan deyeceniz: „İisözlenmiş olsun, kim geler Saabinin adına!“»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bіblіyayı çevіrän İnstіtut, Moskva, 2006