Luka 12
12
Olmayın ikiüzlü
1Bu vakıt, açan çok binnän insan toplandı ölä, ani çiinärdilär biri-birini, İisus başladı üüretmää üürenicilerini, deyip: «Korunun fariseylerin mayasından, ani ikiüzlülüktür.
2Yok bişey örtülü, ani açılmasın hem yok bişey saklı, ani annaşılmasın.
3Onuştan, ne sölediniz karannıkta, o işidilecek aydınnıkta. Ne fisirdediniz içerdä, o haberlenecek evlerin örtüleri üstündän.
4Söleerim sizä, Benim dostlarım, korkmayın onnardan, kim güüdeyi öldürer, ama başka bişey yapamêêr.
5Söleerim, kimdän korkasınız: korkun Allahtan, Angısı öldürdüktän sora, kuvedi var cendemä atsın. Sizä deerim: elbetki, Ondan korkun.
6Satılmêêr mı beş saçak kuşu iki assariyä? Onnarın birisi bilä unudulmêêr Allahtan.
7Sizin başınızda hepsi saçlarınız sayılı. Onuştan korkmayın. Siz taa paalıysınız çok saçak kuşlarından.
8Söleerim sizä, ani kim şaatlık edecek Bana insanın önündä, onu Adam Oolu da şaatlık edecek Allahın angillerinin önündä.
9Ama kim atılacek Bendän insanın önündä, ondan Bän dä atılacam Allahın angillerinin önündä.
10Eer birkimsey lafedärsä Adam Ooluna karşı, afedilecek. Ama kim kötüleyecek Ayoz Duhu, afedilmeyecek.
11Açan götüreceklär sizi sinagogaların, zaabitlerin hem çorbacıların önünä, düşünmeyin, netürlü dooruluunuzu çıkarmaa eki ne cuvap etmää,
12zerä Ayoz Duh üüredecek sizi, ne lafedäsiniz ozaman».
Korunun para tamahlıından
13Birisi insandan İisusa dedi: «Üüredici, sölä benim kardaşıma, payetsin bizä bobamızdan kalma varlıı».
14«Be adam, – cuvap etti İisus, – kim koydu Beni daavacı olayım eki payedeyim varlıınızı?»
15Sora dedi: «Bakın, korunun hertürlü para tamahlıından, zerä yaşamak tutunmêêr varlıın bolluundan».
16Sora söledi bir örnek: «Bir zengin adamın merasında büük bereket oldu.
17O kendi-kendinä düşünärdi hem deyärdi: „Näbayım? Yok nereyi berekedimi toplayım.
18Tä ne yapacam: eski ambarlarımı bozacam da taa büük eni ambarlar yapacam. Orayı toplayacam hepsi ekinnerimi hem varlıımı.
19Sora deyecäm canıma: canım, var çok iilik toplu çok yıllar için; dinnen, i, iç hem şennen!“
20Ama Allah dedi ona: „Sän fikirsizsin, bu gecä senin canın alınacek. Bunnar, ne hazırladın, kimä kalacek?“
21Hep butürlü olêr onunnan da, kim toplêêr zenginnik kendisi için, ama zenginnämeer Allahta».
Kahırlanmayın
22Sora İisus dedi üürenicilerinä: «Onuştan deerim sizä, kahırlanmayın yaşamak için, düşünmeyin, ne iyeceniz hem ne güüdenizä giiyeceniz.
23Yaşamak taa paalı, nekadar imäk, hem güüdä taa paalı, nekadar ruba.
24Bakın gargalara. Onnar ne eker, ne dä biçer. Onnarın yok ne ambarları, ne dä çitleri, ama Allah onnarı doyurêr. Siz çok taa paalıysınız kuşlardan!
25Hem kim sizdän, artık kahırlanıp, var nasıl eklesin baarlem bir endezä kendi boyuna#12:25 Boyuna – yada «yaşamasına».?
26Eer yapamarsaydınız en küçük işi, ozaman neçin kahırlanêrsınız kalan işlär için?
27Esap alın, nesoy büüyer zambaklar. Onnar ne zaametlener, ne dä dokuyêr. Ama deerim sizä: artık Solomon bütün donaklıında giinämedi, nicä onnarın birisi.
28Çünkü Allah bölä giidirer otu, ani büün kırda, ama yaarın ateşä atılacek, nekadar taa çok giidirecek sizi, az inancılar?
29Aaramayın, ne imää hem ne içmää. Bunun için kasavetlenmeyin.
30Zerä hepsini bunnarı dünnä insannarı aarêêr. Bobanız biler, ani bunnar lääzım sizä.
31Hepsindän öncä aarayın Allahın Padişahlıını, kalan işlär dä verilecek sizä.
32Korkma, sän, küçük sürü. Sizin Gökteki Bobanız havezliklän verer Padişahlıı sizä.
33Satın ne var sizdä, da yapın iilik. Kendinizä eskimäz keselär hazırlayın – geçmäz zenginnik göklerdä, nereyi hırsız sokulmêêr hem güvä imeer.
34Zerä neredä sizin zenginniiniz, orada sizin üreeniz dä olacek.
Kuşku izmetkerlär
35Olun hazır, beliniz kuşaklı olsun, şafklarınız yansın.
36Olun, nicä adamnar, ani çorbacılarını bekleerlär, düündän dönsün, ki gelip, kapuya urduynan, çabuk açsınnar.
37Ne mutlu çıraklar, angılarını çorbacı gelmesindä açıkgöz bulacek! Dooru söleerim sizä, ani oturdacek sofraya da, kuşanıp, izmet edecek onnara.
38Eer gelmiş olarsaydı ikinci eki üçüncü gecä bekçiliindä, ne mutlu olacek izmetkerlerä, angılarını çorbacı açıkgöz bulacek!
39Bunu bilin, eer bileydi ev çorbacısı, ne saatta hırsız gelecek, kuşku duraceydı da evini soysun brakmayaceydı.
40Siz dä olun hazır, zerä Adam Oolu gelecek o saatta, açan hiç düşünmeersiniz».
Aarif hem inanç çırak
41«Saabi, bizim için mi söleersin bu örnää osa hepsi için mi?» – sordu Petri.
42Saabi cuvap etti: «Kimdir inanç hem aarif vekil, angısını çorbacısı koyacek cuvapçı kendi evindä hepsi çırakların üstünä, vakıdında imää versin onnara deyni?
43Mutlu çırak, angısını çorbacısı, gelmesindä, bulacek bölä yaparkan!
44Dooru söleerim sizä, ani koyacek onu cuvapçı bütün kendi varlıı üstünä.
45Ama çırak akılca deyärseydi: „Çorbacım oyalanêr gelmää“, da başlarsaydı düümää izmetkerleri hem izmetçiykaları, imää, içmää hem sarfoşluk etmää,
46onun çorbacısı gelecek bir gün, nezaman hiç beklämeer hem o saatta, nezaman hiç düşünmeer, çok düüyecek da onu inansız olannarlan bir erä koyacek.
47O çırak, angısı bilärdi çorbacının istediini, ama hazırlanmadı hem işi yapmadı, nicä çorbacı istärdi, bu çırak çok düülmüş olacek.
48Ama o, kim bilmeyeräk kabaat yaptı, az düülmüş olacek; zerä kimä çok verildi, çok istenecek dä, hem kimä çok inandırıldı, ondan taa çok cuvap istenecek.
Bölümnük sebepleri
49Geldim ateş getireyim er üstünä da pek isteerim, ki şindi tutuşsun!
50Bir vaatizlik var, angısından lääzım geçeyim. Bu tamannanınca, çok zeetlenerim.
51Sanêrsınız, geldim, usluluk mu getireyim erä? Söleerim sizä: diil usluluk, ama bölünmäk.
52Zerä büündän ötää beş kişidän, ani yaşayaceklar bir ev içindä, üçü kalkacek karşı ikisinä, ikisi dä üçünä.
53Boba kalkacek ooluna karşı, ool da bobasına, ana – kızına karşı, kız da anasına, kaynana – gelinä karşı kalkacek, gelin dä kaynanasına».
Vakıdın nışannarı
54İisus bunu da dedi insana: «Açan görersiniz, günbatısından kalkêr bulut, siz hemen deersiniz: „Yaamur yaayacek“, ölä dä olêr.
55Açan lüzgär eser üülendän, deersiniz: „Sıcak olacek“, ölä dä olêr.
56İkiüzlülär, erin hem gökün üzünü annamaa bilersiniz. Nasıl bu vakıtları tanımêêrsınız?
57Nesoy siz kendi-kendinizdän tanımêêrsınız, ne dooru?
58Nezaman daavacının önünä gidersin senin karşı duranınnan, bak taa yolda annaş onunnan, ki sürümesin seni daavacının önünä, daavacı da vermesin seni zındancıya, angısı kapayacek seni zındana.
59Söleerim sana, ani çıkmayacan oradan, ödämeyincä bitki leptonu#12:59 Lepton – en ufak para.».
Currently Selected:
Luka 12: GagNTL
Highlight
Share
Copy
Want to have your highlights saved across all your devices? Sign up or sign in
© Bіblіyayı çevіrän İnstіtut, Moskva, 2006
Luka 12
12
Olmayın ikiüzlü
1Bu vakıt, açan çok binnän insan toplandı ölä, ani çiinärdilär biri-birini, İisus başladı üüretmää üürenicilerini, deyip: «Korunun fariseylerin mayasından, ani ikiüzlülüktür.
2Yok bişey örtülü, ani açılmasın hem yok bişey saklı, ani annaşılmasın.
3Onuştan, ne sölediniz karannıkta, o işidilecek aydınnıkta. Ne fisirdediniz içerdä, o haberlenecek evlerin örtüleri üstündän.
4Söleerim sizä, Benim dostlarım, korkmayın onnardan, kim güüdeyi öldürer, ama başka bişey yapamêêr.
5Söleerim, kimdän korkasınız: korkun Allahtan, Angısı öldürdüktän sora, kuvedi var cendemä atsın. Sizä deerim: elbetki, Ondan korkun.
6Satılmêêr mı beş saçak kuşu iki assariyä? Onnarın birisi bilä unudulmêêr Allahtan.
7Sizin başınızda hepsi saçlarınız sayılı. Onuştan korkmayın. Siz taa paalıysınız çok saçak kuşlarından.
8Söleerim sizä, ani kim şaatlık edecek Bana insanın önündä, onu Adam Oolu da şaatlık edecek Allahın angillerinin önündä.
9Ama kim atılacek Bendän insanın önündä, ondan Bän dä atılacam Allahın angillerinin önündä.
10Eer birkimsey lafedärsä Adam Ooluna karşı, afedilecek. Ama kim kötüleyecek Ayoz Duhu, afedilmeyecek.
11Açan götüreceklär sizi sinagogaların, zaabitlerin hem çorbacıların önünä, düşünmeyin, netürlü dooruluunuzu çıkarmaa eki ne cuvap etmää,
12zerä Ayoz Duh üüredecek sizi, ne lafedäsiniz ozaman».
Korunun para tamahlıından
13Birisi insandan İisusa dedi: «Üüredici, sölä benim kardaşıma, payetsin bizä bobamızdan kalma varlıı».
14«Be adam, – cuvap etti İisus, – kim koydu Beni daavacı olayım eki payedeyim varlıınızı?»
15Sora dedi: «Bakın, korunun hertürlü para tamahlıından, zerä yaşamak tutunmêêr varlıın bolluundan».
16Sora söledi bir örnek: «Bir zengin adamın merasında büük bereket oldu.
17O kendi-kendinä düşünärdi hem deyärdi: „Näbayım? Yok nereyi berekedimi toplayım.
18Tä ne yapacam: eski ambarlarımı bozacam da taa büük eni ambarlar yapacam. Orayı toplayacam hepsi ekinnerimi hem varlıımı.
19Sora deyecäm canıma: canım, var çok iilik toplu çok yıllar için; dinnen, i, iç hem şennen!“
20Ama Allah dedi ona: „Sän fikirsizsin, bu gecä senin canın alınacek. Bunnar, ne hazırladın, kimä kalacek?“
21Hep butürlü olêr onunnan da, kim toplêêr zenginnik kendisi için, ama zenginnämeer Allahta».
Kahırlanmayın
22Sora İisus dedi üürenicilerinä: «Onuştan deerim sizä, kahırlanmayın yaşamak için, düşünmeyin, ne iyeceniz hem ne güüdenizä giiyeceniz.
23Yaşamak taa paalı, nekadar imäk, hem güüdä taa paalı, nekadar ruba.
24Bakın gargalara. Onnar ne eker, ne dä biçer. Onnarın yok ne ambarları, ne dä çitleri, ama Allah onnarı doyurêr. Siz çok taa paalıysınız kuşlardan!
25Hem kim sizdän, artık kahırlanıp, var nasıl eklesin baarlem bir endezä kendi boyuna#12:25 Boyuna – yada «yaşamasına».?
26Eer yapamarsaydınız en küçük işi, ozaman neçin kahırlanêrsınız kalan işlär için?
27Esap alın, nesoy büüyer zambaklar. Onnar ne zaametlener, ne dä dokuyêr. Ama deerim sizä: artık Solomon bütün donaklıında giinämedi, nicä onnarın birisi.
28Çünkü Allah bölä giidirer otu, ani büün kırda, ama yaarın ateşä atılacek, nekadar taa çok giidirecek sizi, az inancılar?
29Aaramayın, ne imää hem ne içmää. Bunun için kasavetlenmeyin.
30Zerä hepsini bunnarı dünnä insannarı aarêêr. Bobanız biler, ani bunnar lääzım sizä.
31Hepsindän öncä aarayın Allahın Padişahlıını, kalan işlär dä verilecek sizä.
32Korkma, sän, küçük sürü. Sizin Gökteki Bobanız havezliklän verer Padişahlıı sizä.
33Satın ne var sizdä, da yapın iilik. Kendinizä eskimäz keselär hazırlayın – geçmäz zenginnik göklerdä, nereyi hırsız sokulmêêr hem güvä imeer.
34Zerä neredä sizin zenginniiniz, orada sizin üreeniz dä olacek.
Kuşku izmetkerlär
35Olun hazır, beliniz kuşaklı olsun, şafklarınız yansın.
36Olun, nicä adamnar, ani çorbacılarını bekleerlär, düündän dönsün, ki gelip, kapuya urduynan, çabuk açsınnar.
37Ne mutlu çıraklar, angılarını çorbacı gelmesindä açıkgöz bulacek! Dooru söleerim sizä, ani oturdacek sofraya da, kuşanıp, izmet edecek onnara.
38Eer gelmiş olarsaydı ikinci eki üçüncü gecä bekçiliindä, ne mutlu olacek izmetkerlerä, angılarını çorbacı açıkgöz bulacek!
39Bunu bilin, eer bileydi ev çorbacısı, ne saatta hırsız gelecek, kuşku duraceydı da evini soysun brakmayaceydı.
40Siz dä olun hazır, zerä Adam Oolu gelecek o saatta, açan hiç düşünmeersiniz».
Aarif hem inanç çırak
41«Saabi, bizim için mi söleersin bu örnää osa hepsi için mi?» – sordu Petri.
42Saabi cuvap etti: «Kimdir inanç hem aarif vekil, angısını çorbacısı koyacek cuvapçı kendi evindä hepsi çırakların üstünä, vakıdında imää versin onnara deyni?
43Mutlu çırak, angısını çorbacısı, gelmesindä, bulacek bölä yaparkan!
44Dooru söleerim sizä, ani koyacek onu cuvapçı bütün kendi varlıı üstünä.
45Ama çırak akılca deyärseydi: „Çorbacım oyalanêr gelmää“, da başlarsaydı düümää izmetkerleri hem izmetçiykaları, imää, içmää hem sarfoşluk etmää,
46onun çorbacısı gelecek bir gün, nezaman hiç beklämeer hem o saatta, nezaman hiç düşünmeer, çok düüyecek da onu inansız olannarlan bir erä koyacek.
47O çırak, angısı bilärdi çorbacının istediini, ama hazırlanmadı hem işi yapmadı, nicä çorbacı istärdi, bu çırak çok düülmüş olacek.
48Ama o, kim bilmeyeräk kabaat yaptı, az düülmüş olacek; zerä kimä çok verildi, çok istenecek dä, hem kimä çok inandırıldı, ondan taa çok cuvap istenecek.
Bölümnük sebepleri
49Geldim ateş getireyim er üstünä da pek isteerim, ki şindi tutuşsun!
50Bir vaatizlik var, angısından lääzım geçeyim. Bu tamannanınca, çok zeetlenerim.
51Sanêrsınız, geldim, usluluk mu getireyim erä? Söleerim sizä: diil usluluk, ama bölünmäk.
52Zerä büündän ötää beş kişidän, ani yaşayaceklar bir ev içindä, üçü kalkacek karşı ikisinä, ikisi dä üçünä.
53Boba kalkacek ooluna karşı, ool da bobasına, ana – kızına karşı, kız da anasına, kaynana – gelinä karşı kalkacek, gelin dä kaynanasına».
Vakıdın nışannarı
54İisus bunu da dedi insana: «Açan görersiniz, günbatısından kalkêr bulut, siz hemen deersiniz: „Yaamur yaayacek“, ölä dä olêr.
55Açan lüzgär eser üülendän, deersiniz: „Sıcak olacek“, ölä dä olêr.
56İkiüzlülär, erin hem gökün üzünü annamaa bilersiniz. Nasıl bu vakıtları tanımêêrsınız?
57Nesoy siz kendi-kendinizdän tanımêêrsınız, ne dooru?
58Nezaman daavacının önünä gidersin senin karşı duranınnan, bak taa yolda annaş onunnan, ki sürümesin seni daavacının önünä, daavacı da vermesin seni zındancıya, angısı kapayacek seni zındana.
59Söleerim sana, ani çıkmayacan oradan, ödämeyincä bitki leptonu#12:59 Lepton – en ufak para.».
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bіblіyayı çevіrän İnstіtut, Moskva, 2006