Luka 11
11
Bizim Boba
1Bir gün İisus dua edärdi bir erdä. Açan bitirdi duasını, birisi üürenicilerdän dedi: «Saabi, üüret bizi dä dua edelim, nicä İoan üüretti kendi üürenicilerini, dua etsinnär».
2İisus dedi: «Açan dua edersiniz, deyin:
„/Ey göklerdä olan/ Boba,
Ko ayozlansın Senin adın.
Ko gelsin Senin Padişahlıın.
/Ko olsun Senin istediin, nicä göktä, ölä erdä dä./
3Hergünkü ekmeemizi her gün bizä ver.
4Baaşla bizim günahlarımızı,
Zerä biz dä baaşlêêrız hepsini, kim bizä borçlu.
Götürmä bizi denemeyä,
/Ama kurtar kötü olandan/“».
Çalışmak duada
5Sora dedi: «Eer sizin birinizin varsa dostu, da o gecä yarısı gidärsä ona da deyärsä: „Dostum, ver bana ödünç üç ekmek,
6zerä geldi yoldan benim bir dostum, da yok ne onun önünä koyayım“;
7içyandan onun dostu cuvap edärsä: „Savaştırma beni, zerä kapu kitli, uşaklarım benimnän pat üstündä, yok nasıl kalkayım da ekmek vereyim sana“.
8Söleerim sizä, eer kalkmarsaydı versin dostuna gibi, hep okadar bunun kalın üzlülüü beterinä kalkacek da hepsini, ne lääzım, verecek.
9Onun için deerim sizä: isteyin – da verilecek; aarayın – da bulacenız; urun – da açılacek.
10Zerä kim isteer – edener, kim aarêêr – bulêr, hem kim urêr – ona açılêr.
11Var mı sizin aranızdan boba, angısının oolu ekmek istärkän, versin ona taş? Osa balık istärkän, versin yılan balık erinä?
12Osa yımırta istärkän, versin skorpion?
13Eer siz, ani fenaysınız, bilärseniz uşaklarınıza ii baaşışlar vermää, nekadar taa çok sizin Gökteki Bobanız verecek Ayoz Duhu onnara, kim Ondan isteyecek».
İisus hem Veelzevul (şeytan)
14İisus bir hastadan, angısı lafedämärdi, çıkarardı fena duhu. Açan yaptı bunu, o hasta olan başladı lafetmää, da insan şaştı.
15Kimisi deyärdi: «Fena duhları çıkarêr Veelzevulun – fena duhların öndercisinin – kuvedinnän».
16Başkaları, ki denesinnär İisusu, istärdilär bir nışan göktän göstersin.
17İisus annadı onnarın neetlerini, onuştan dedi: «Herbir padişahlık, ani bölüner da karşı gider kendi-kendinä, daalêr. Hep ölä herbir ev, neredä bölünmäk olêr, daalêr.
18Eer şeytan bölündüseydi kendi-kendinä, nesoy var nasıl dursun onun padişahlıı? Siz deersiniz, ani Bän uuradarmışım fena duhları Veelzevulun kuvedinnän.
19Eer Bän çıkararsaydım fena duhları Veelzevulun kuvedinnän, ozaman sizin adamnar kimin kuvedinnän çıkarêrlar? Bunda onnar sizä daava keseceklär.
20Eer Bän çıkararsaydım fena duhları Allahın kuvedinnän, ozaman Allahın Padişahlıı sizädän etişti.
21Açan bir adam, kaavi hem islää silählı, koruyêr kendi evini, onun varlıı korkusuzlukta.
22Ama açan geler onun üstünä birkimsey, taa kaavi ondan, da enseer onu, ozaman alêr kuvetlän onun silählarını, angılarına o umutlanardı, da payeder, ne ondan aldı.
23Kim diil Benimnän, o karşı Bana. Kim toplamêêr Benimnän, o daadêr.
Fena duh döner geeri
24Açan fena duh çıkêr adamdan, o gezer susuz erlerdä, raatlık aarêêr, da çünkü bulamêêr, deer: „Döneyim evimä, neredän çıktım“.
25Geldii zaman, bulêr onu süpürülmüş hem donak.
26Sora gidip, alêr kendisinnän başka edi duh, taa fena, nekadar kendisi. Girerlär içyanına da orada erleşerlär. Butakım, adamın son halı olêr taa kötü, nekadar baştakı».
Hakına mutluluk
27Açan İisus sölärdi bu lafları, bir karı insandan büük seslän baardı: «Ne mutlu Senin anan, kim taşıdı hem emzirdi Seni!»
28İisus cuvap etti: «Taa ne mutlu onnara, angıları sesleerlär hem tamannêêrlar Allahın sözünü!»
İonanın nışanı
29Açan çok insan toplandı, İisus lafetmää başladı: «Bu senselä – kötü bir senselä, isteer bir nışan, ama ona verilmeyecek başka nışan, prorok İonanın nışanından kaarä.
30Zerä, nicä İona oldu bir nışan Nineviya kasabasının insanı için, hep ölä Adam Oolu da olacek nışan bu senselä için.
31Üülendän padişahka kalkacek daava günündä bu senselenin adamnarınnan da kabaatlandıracek onnarı, zerä o geldi dünneyin kenarından, ki işitsin Solomonun aarifliini, ama büün burada durêr Birisi, Angısı taa büük Solomondan.
32Nineviya kasabasından insannar daava günündä kalkaceklar bu senselenin adamnarınnan da kabaatlandıraceklar onnarı, zerä onnar, İonanın nasaadını işidip, kendi günahlarından Allaha döndülär, ama büün burada durêr Birisi, Angısı taa büük İonadan.
Güüdenin aydınnıı
33Kimsey tutuşturmêêr şafkı, ki koysun onu bir saklı erä eki küp altına, ama koyêr onu kandillik üstünä, ki kim girer, görsünnär aydınnıı.
34Göz – güüdenin aydınnıı. Eer senin gözün saa olarsaydı, bütün güüdän aydınnıkta olacek. Ama senin gözün kötüseydi, bütün güüdän karannıkta kalacek.
35Onun için bak aydınnık, ani sendä, karannık olmasın.
36Eer bütün senin güüdän aydınnıksa, da hiç bir tarafı karannıklı diilsä, bu taman bir aydınnık olacek, ölä nicä bir şafk yalabıklıınnan seni aydınnadêr».
Bilgiçleri hem fariseyleri takazalamak
37Açan İisus bunnarı sölärdi, bir farisey Onu buyur etti kendisinä konaa. İisus geldi da sofraya oturdu.
38Açan farisey gördü, ani İisus imektän öncä ellerini yıkamadı, şaştı.
39Ama Saabi dedi: «Siz, fariseylär, yıkêêrsınız çölmään hem çanaan dışansını, ama içyansı hırsızlıklan hem fenalıklan dolu.
40Fikirsizlär! Kim yarattı dışansını, yaratmadı mı içyansını da?
41Yapın iilik, ne var sizdä, ozaman sizin için hepsi temiz olacek.
42Vay sizä, fariseylär, zerä siz verersiniz onuncu payını naanedän, sedef otundan hem başka eşilliklerdän, ama unudêrsınız dooruluu hem Allahın sevgiliini. Bunnarı lääzım yapasınız, kalanını da brakmayasınız!
43Vay sizä, fariseylär! Zerä siz sinagogalarda seversiniz oturmaa ilk skemnelerä, beenersiniz, insan seläm versin sizä meydannarda.
44Vay sizä, /bilgiçlär hem ikiüzlü fariseylär/! Siz nışansız mezarlar gibi, ani görünmeerlär, da insan bilmeyeräk, çiineer onnarı».
45Zakon üüredicilerindän birisi dedi: «Üüredici, sölärkän bunnarı, bizi dä gücendirersin».
46İisus cuvap etti: «Vay sizä, zakon üüredicileri! Zerä siz aar üklär insan taşısın koyêrsınız, ama kendiniz o üklerä baarlem parmaanızlan diimeersiniz.
47Vay sizä, ani proroklara mezar kurêrsınız, kimi öldürdü sizin bobalarınız.
48Butakım, gösterersiniz, ani bobalarınızın işlerinnän kayılsınız, çünkü onnar prorokları öldürdülär, siz dä mezar düzersiniz.
49Onuştan Allahın Aariflii deer: „Yollayacam onnara Benim proroklarımı hem apostollarımı: kimisini öldüreceklär, kimisini koolayaceklar!“.
50Onun için bu senseledän esap sorulacek prorokların kannarı için, ani döküldü taa dünneyin kurulmasından,
51Avelin kanından Zahariyanın kanınadan, angısı öldürüldü Ayoz binanın hem kurbannıın arasında. Aslı söleerim sizä: esap sorulacek bu boy insandan!
52Vay sizä, zakon üüredicileri, zerä siz aldınız elinizä bilgi kapusunun anatarını, ama ne kendiniz girersiniz, ne dä, kim isteer girsin, brakêrsınız!»
53Açan İisus çıktı oradan, bilgiçlär hem fariseylär, dakılıp, çok sormaklar koydular, ki sölesin çok işlär için.
54Çalıştılar, kıstırsınnar Onu bir yannış laflan, ki sora kabaatlandırsınnar.
Currently Selected:
Luka 11: GagNTL
Highlight
Share
Copy
Want to have your highlights saved across all your devices? Sign up or sign in
© Bіblіyayı çevіrän İnstіtut, Moskva, 2006
Luka 11
11
Bizim Boba
1Bir gün İisus dua edärdi bir erdä. Açan bitirdi duasını, birisi üürenicilerdän dedi: «Saabi, üüret bizi dä dua edelim, nicä İoan üüretti kendi üürenicilerini, dua etsinnär».
2İisus dedi: «Açan dua edersiniz, deyin:
„/Ey göklerdä olan/ Boba,
Ko ayozlansın Senin adın.
Ko gelsin Senin Padişahlıın.
/Ko olsun Senin istediin, nicä göktä, ölä erdä dä./
3Hergünkü ekmeemizi her gün bizä ver.
4Baaşla bizim günahlarımızı,
Zerä biz dä baaşlêêrız hepsini, kim bizä borçlu.
Götürmä bizi denemeyä,
/Ama kurtar kötü olandan/“».
Çalışmak duada
5Sora dedi: «Eer sizin birinizin varsa dostu, da o gecä yarısı gidärsä ona da deyärsä: „Dostum, ver bana ödünç üç ekmek,
6zerä geldi yoldan benim bir dostum, da yok ne onun önünä koyayım“;
7içyandan onun dostu cuvap edärsä: „Savaştırma beni, zerä kapu kitli, uşaklarım benimnän pat üstündä, yok nasıl kalkayım da ekmek vereyim sana“.
8Söleerim sizä, eer kalkmarsaydı versin dostuna gibi, hep okadar bunun kalın üzlülüü beterinä kalkacek da hepsini, ne lääzım, verecek.
9Onun için deerim sizä: isteyin – da verilecek; aarayın – da bulacenız; urun – da açılacek.
10Zerä kim isteer – edener, kim aarêêr – bulêr, hem kim urêr – ona açılêr.
11Var mı sizin aranızdan boba, angısının oolu ekmek istärkän, versin ona taş? Osa balık istärkän, versin yılan balık erinä?
12Osa yımırta istärkän, versin skorpion?
13Eer siz, ani fenaysınız, bilärseniz uşaklarınıza ii baaşışlar vermää, nekadar taa çok sizin Gökteki Bobanız verecek Ayoz Duhu onnara, kim Ondan isteyecek».
İisus hem Veelzevul (şeytan)
14İisus bir hastadan, angısı lafedämärdi, çıkarardı fena duhu. Açan yaptı bunu, o hasta olan başladı lafetmää, da insan şaştı.
15Kimisi deyärdi: «Fena duhları çıkarêr Veelzevulun – fena duhların öndercisinin – kuvedinnän».
16Başkaları, ki denesinnär İisusu, istärdilär bir nışan göktän göstersin.
17İisus annadı onnarın neetlerini, onuştan dedi: «Herbir padişahlık, ani bölüner da karşı gider kendi-kendinä, daalêr. Hep ölä herbir ev, neredä bölünmäk olêr, daalêr.
18Eer şeytan bölündüseydi kendi-kendinä, nesoy var nasıl dursun onun padişahlıı? Siz deersiniz, ani Bän uuradarmışım fena duhları Veelzevulun kuvedinnän.
19Eer Bän çıkararsaydım fena duhları Veelzevulun kuvedinnän, ozaman sizin adamnar kimin kuvedinnän çıkarêrlar? Bunda onnar sizä daava keseceklär.
20Eer Bän çıkararsaydım fena duhları Allahın kuvedinnän, ozaman Allahın Padişahlıı sizädän etişti.
21Açan bir adam, kaavi hem islää silählı, koruyêr kendi evini, onun varlıı korkusuzlukta.
22Ama açan geler onun üstünä birkimsey, taa kaavi ondan, da enseer onu, ozaman alêr kuvetlän onun silählarını, angılarına o umutlanardı, da payeder, ne ondan aldı.
23Kim diil Benimnän, o karşı Bana. Kim toplamêêr Benimnän, o daadêr.
Fena duh döner geeri
24Açan fena duh çıkêr adamdan, o gezer susuz erlerdä, raatlık aarêêr, da çünkü bulamêêr, deer: „Döneyim evimä, neredän çıktım“.
25Geldii zaman, bulêr onu süpürülmüş hem donak.
26Sora gidip, alêr kendisinnän başka edi duh, taa fena, nekadar kendisi. Girerlär içyanına da orada erleşerlär. Butakım, adamın son halı olêr taa kötü, nekadar baştakı».
Hakına mutluluk
27Açan İisus sölärdi bu lafları, bir karı insandan büük seslän baardı: «Ne mutlu Senin anan, kim taşıdı hem emzirdi Seni!»
28İisus cuvap etti: «Taa ne mutlu onnara, angıları sesleerlär hem tamannêêrlar Allahın sözünü!»
İonanın nışanı
29Açan çok insan toplandı, İisus lafetmää başladı: «Bu senselä – kötü bir senselä, isteer bir nışan, ama ona verilmeyecek başka nışan, prorok İonanın nışanından kaarä.
30Zerä, nicä İona oldu bir nışan Nineviya kasabasının insanı için, hep ölä Adam Oolu da olacek nışan bu senselä için.
31Üülendän padişahka kalkacek daava günündä bu senselenin adamnarınnan da kabaatlandıracek onnarı, zerä o geldi dünneyin kenarından, ki işitsin Solomonun aarifliini, ama büün burada durêr Birisi, Angısı taa büük Solomondan.
32Nineviya kasabasından insannar daava günündä kalkaceklar bu senselenin adamnarınnan da kabaatlandıraceklar onnarı, zerä onnar, İonanın nasaadını işidip, kendi günahlarından Allaha döndülär, ama büün burada durêr Birisi, Angısı taa büük İonadan.
Güüdenin aydınnıı
33Kimsey tutuşturmêêr şafkı, ki koysun onu bir saklı erä eki küp altına, ama koyêr onu kandillik üstünä, ki kim girer, görsünnär aydınnıı.
34Göz – güüdenin aydınnıı. Eer senin gözün saa olarsaydı, bütün güüdän aydınnıkta olacek. Ama senin gözün kötüseydi, bütün güüdän karannıkta kalacek.
35Onun için bak aydınnık, ani sendä, karannık olmasın.
36Eer bütün senin güüdän aydınnıksa, da hiç bir tarafı karannıklı diilsä, bu taman bir aydınnık olacek, ölä nicä bir şafk yalabıklıınnan seni aydınnadêr».
Bilgiçleri hem fariseyleri takazalamak
37Açan İisus bunnarı sölärdi, bir farisey Onu buyur etti kendisinä konaa. İisus geldi da sofraya oturdu.
38Açan farisey gördü, ani İisus imektän öncä ellerini yıkamadı, şaştı.
39Ama Saabi dedi: «Siz, fariseylär, yıkêêrsınız çölmään hem çanaan dışansını, ama içyansı hırsızlıklan hem fenalıklan dolu.
40Fikirsizlär! Kim yarattı dışansını, yaratmadı mı içyansını da?
41Yapın iilik, ne var sizdä, ozaman sizin için hepsi temiz olacek.
42Vay sizä, fariseylär, zerä siz verersiniz onuncu payını naanedän, sedef otundan hem başka eşilliklerdän, ama unudêrsınız dooruluu hem Allahın sevgiliini. Bunnarı lääzım yapasınız, kalanını da brakmayasınız!
43Vay sizä, fariseylär! Zerä siz sinagogalarda seversiniz oturmaa ilk skemnelerä, beenersiniz, insan seläm versin sizä meydannarda.
44Vay sizä, /bilgiçlär hem ikiüzlü fariseylär/! Siz nışansız mezarlar gibi, ani görünmeerlär, da insan bilmeyeräk, çiineer onnarı».
45Zakon üüredicilerindän birisi dedi: «Üüredici, sölärkän bunnarı, bizi dä gücendirersin».
46İisus cuvap etti: «Vay sizä, zakon üüredicileri! Zerä siz aar üklär insan taşısın koyêrsınız, ama kendiniz o üklerä baarlem parmaanızlan diimeersiniz.
47Vay sizä, ani proroklara mezar kurêrsınız, kimi öldürdü sizin bobalarınız.
48Butakım, gösterersiniz, ani bobalarınızın işlerinnän kayılsınız, çünkü onnar prorokları öldürdülär, siz dä mezar düzersiniz.
49Onuştan Allahın Aariflii deer: „Yollayacam onnara Benim proroklarımı hem apostollarımı: kimisini öldüreceklär, kimisini koolayaceklar!“.
50Onun için bu senseledän esap sorulacek prorokların kannarı için, ani döküldü taa dünneyin kurulmasından,
51Avelin kanından Zahariyanın kanınadan, angısı öldürüldü Ayoz binanın hem kurbannıın arasında. Aslı söleerim sizä: esap sorulacek bu boy insandan!
52Vay sizä, zakon üüredicileri, zerä siz aldınız elinizä bilgi kapusunun anatarını, ama ne kendiniz girersiniz, ne dä, kim isteer girsin, brakêrsınız!»
53Açan İisus çıktı oradan, bilgiçlär hem fariseylär, dakılıp, çok sormaklar koydular, ki sölesin çok işlär için.
54Çalıştılar, kıstırsınnar Onu bir yannış laflan, ki sora kabaatlandırsınnar.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Bіblіyayı çevіrän İnstіtut, Moskva, 2006