उत्पत्ति 10

रास्ट्र बाढ़इ अउ फइल जाइ

1नूह क पूत सेम। हाम अउ येपेत रहेन। बाढ़ क पाछे इ तीनउँ बहोत स पूतन क बाप भएन। हिआँ सेम, हाम अउ येपेत स पइदा होइवालन पूतन क सूची दीन्ह जात अहइ:

येपेत क संतानन

2येपेत क पूत रहेन: गोमेर, मागोग, मादै, यावान, तूबल, मेसेक अउ तीरास।

3गोमेर क पूत रहेन: असकनज, रीपत अउ तोगर्मा

4यावान क पूत रहेन: एलीसा, तर्सीस, कित्ती अउ दोदानी।

5भूमध्य सागर क चारिहुँ कइँती तटे प जउन मनई रहइ लागेन उ पचे येपेत क संतान ही रहेन। हर एक पूत क आपन अलग प्रदेस रहा। सब परिवार बाढ़ेन अउ अलग अलग रास्ट्र बन गएन। हर एक रास्ट्र क आपन आपन भाखा रही।

हाम क संतानन

6हाम क पूत रहेन: कूस, मिस्र, फूत अउ कनान,

7कूस क पूत रहेन: सबा, हवीला, सबता, रामा, सबूतका।

रामा क पूत रहेन: सबा अउ ददान।

8कूस क एक पूत निम्रोद नाउं क भी रहा। निम्रोद भुइँया प बहोत बरिआर मनई भवा रहा। 9यहोवा क समन्वा निम्रोद, एक बड़का सिकरी रहा। ऍह बरे लोग दूसर मनइयन क बराबरी निम्रोद स करत ही अउर कहत हीं, “इ मनई, यहोवा क समन्वा बड़का सिकारी निम्रोद क तरह अहइ।”

10निम्रोद क राज्ज सिनार देस मँ बाबुल, एरेख, कलना अउ अक्कद प्रदेस स सुरु भवा। 11निम्रोद अस्सूर मँ भी गवा। हुवाँ उ नीनवे, रहोबोतीर, कालह अउ 12रेसेन नाउँ क नगरन क बसाएस। (रेसेन, नीनवे अउ बड़का सहर कालह, क बीच क सहर बाटइ।)

13मिस्रप (मिस्र) – लूद, अनाम, लहाब, नप्तूह, 14पत्रूस, कसलूह अउ कप्तोर देसन क लोगन क बाप रहा। (पलिस्ती लोग कसलूह लोगन स आए रहेन।)

15कनान सीदोन क बाप रहा। सिदोन कनान क पहिला पूत रहा। कनान, हित क भी बाप रहा। हित, हित्ती लोगन क बाप रहा। 16अउर कनान, यबूसी, एमोरी, गिर्गासी, 17हिव्वी, अर्की, सीनी, 18अर्वदी, समारी, हमाती लोगन क भी बाप रहा।

कनान क परिवार संसार क अलग अलग हीसा मँ फइला रहेन, 19कनान लोगन क भुइँया उत्तर मँ सीदोन स दक्खिन मँ गरार तलक, पच्छिम मँ अज्जा स पूरब मँ सदोम अउ अमोरा तलक, अदमा अउ सबोयीम स लासा तलक रहा।

20इ सबइ लोग हाम क संतानन रहेन। उ पचे परिवारन, भाखान, देसन अउर रास्ट्रन क अनुसार व्यवस्थित रहेन।

सेम क संतानन

21सेम येपेत क बड़का भाई रहा। सेम क एक संतानन एबेर हिब्रू लोगन क बाप रहा।

22सेम्त पूत एलाम, अस्सूर, अर्पखद, लूद अउ अराम रहेन।

23अराम क पूत ऊस, हूल, गेतेर अउ मस रहेन।

24अर्पखद सेलह क बाप रहा।

सेलह एबेर क बाप रहा।

25एबेर क दुइ पूत रहेन। एक पूत क नाउँ पेलेग रहा। ओका इ नाउँ ऍह बरे दीन्ह गवा काहेकि जिन्नगी क टेम मँ धरती क बटवारा भवा। दूसर भाई क नाउँ योक्तान रहा।

26योक्तान अल्मोदाद, सेलेप, हसर्मावेत, येरह, 27यदोरवाम, ऊजाल, दिला, 28ओबाल, अबीमाएल, सबा, 29ओपीर हवीला अउ योबाब क बाप रहा। इ सबहि लोग योकतान क संतान भएन। 30इ सबइ लोग मेसा अउ पुर्बिहा पहाड़ी प्रदेस क बीच क भुइँया मँ रहत रहेन। मेसा सपारा प्रदेस कइँती रहा।

31उ लोग सेम क परिवारे स रहेन। उ सबइ परिवार, परिवार क आधार पइ, भाखा क आधार पइ, देस क आधार पइ अउर रास्ट्र क आधार पइ बँटा भवा रहा।

32नूह क पूतन स चलइ वाला परिवारन क इ सूची अहइ। उ पचे आपन आपन रास्ट्र मँ बँटा भवा रहत रहेन। बाढ़ क पाछे सारी भुइँया प फइलइवाला लोग भी एनही परिवारे स निकरि आएन।

Currently Selected:

उत्पत्ति 10: AERV

Highlight

Copy