JENESIS 35
35
1Go Sup̃e e noa ki Yakob, e naga, P̃a tuleana, p̃a sake paki Beth‐el pano, po doko asa doko: go p̃a magi Sup̃e mari wede ni naviriana sikai asa, waina e pakilina ki‐go ragi waina ku sava dua ki narae ni taim̃a Esau pano. 2Go Yakob e noa ki tea ni nasum̃a aneana maga, go ki tea mamau puti waina eu sikoti a doko, e naga, Kuga mari puoli ki sup̃e p̃ota maga waina eu doko m̃aleoputo kakamu, go kuga tum̃amu mari mu kuga tautau, go kuga suni oli sugoro animu maga: 3Go tuga tuleana, po sake paki Beth‐el pano; go aga wo magi Sup̃e mari wede ni naviriana sikai asa, waina e pasadara au naaleatia ni nariesokiau‐ana, po sikoti au napua waina a pae asa pano. 4Go eu dua Yakob sup̃e p̃ota maga mamau puti waina eu doko nam̃elearuda, go vakadaliga maga waina eu doko nadaligada; go Yakob e dasuru ki da nalake ni oak waina e doko pisari Shekem. 5Go eu surata pano: go namatakuana warua sikai e doko natokoana maga waina eu doko dalivirigoro ra, go eu da sava dausi Yakob natuna maga mau. 6Go Yakob e umai paki Lus, waina e doko navanua ni Kanaan (nae e pei Beth‐el), nara ma naatam̃oli mamau puti waina eu sikoti a doko. 7Go e davagi wede ni naviriana sikai asa, po soso tokora wanogoe ki El‐beth‐el: nalakena Sup̃e e pakilina ki nia asa, ragi waina e sava dua ki narae ni taina pano. 8Go Deborah nagoroi waina e pakale Rebekah e mate, go e pei tea ovakiana etano ni Beth‐el nalake ni oak: go nagisa ni oak wanogoe e pei tea sosoana ki Allon‐bakuth.
9Go Sup̃e e moro pakilina ki Yakob, ragi waina e pae Padan‐aram umai sua, go e pasa m̃ata ki nia, e naga, Nagisam̃a e pei Yakob: 10Nagisam̃a ega ta moro pei tea sosoana ki Yakob mau, ma Israel ega vei nagisam̃a: go e soso nagisana ki Israel. 11Go Sup̃e e noa ki nia, e naga, Kinau a pei Sup̃e Kasua Mau: p̃a vavakawora po laapa; p̃a wo pei nalake ni nalauna sikai go ni taua sikai ni nalauna maga, go nawota maga euga wo m̃elu nawarem̃a umai; 12Go navanua waina a dua Abraham go Isaak asa, aga wo dua ko asa, go naworaworam̃a waina euga wo edaku ki‐go aga wo dua ra navanua wanogoe. 13Go Sup̃e e sake m̃elu dua ki nia pano tokora waina e pasa ki nia asa. 14Go Yakob e lawo ki tea lawodu sikai tokora waina e pasa ki nia asa, tea lawodu ni vatu: go e daki navituaana sikai ni namunuana asa, go e daki naroro asa. 15Go Yakob e soso nagisa ni tokora waina Sup̃e e pasa ki nia asa, ki Beth‐el. 16Go eu surata pae Beth‐el pano; go namalopa kiki e ko doko namawota kakada go ni Efrath; go Rahel e dogo navisolaana, go e pitinu p̃arua asa. 17Go ragi waina e pitinu p̃arua, nagoroi waina e maneana pisola e noa ki nia, e naga, P̃a ta mataku mau; nalakena p̃a wo moro peani natum̃a naanoai waia. 18Go ragi waina naatana e do m̃elu (nalakena e mate), e soso nagisana ki Ben‐oni: ma tamana e soso e ki Benyamin. 19Go Rahel e mate, po pei tea ovakiana napua ni Efrath (nae e pei Bethlehem). 20Go Yakob e lawo ki tea lawodu sikai matigo aneana: nae e pei tea lawodu ni matigo ki Rahel pa pa paki masoso. 21Go Israel e surata pano, po pukesi tap̃aup̃au aneana taleva kerua ni nasum̃a varau pakilagi ni Eder. 22Go ragi waina Israel e doko navanua wanogoe, Reuben e pano po one sikoti Bilhah narup̃a ki tamana: go Israel e dogo e.
23Go Yakob natuna naanoai maga eu pei rualima sikai tamate dua: Leah natuna naanoai maga; Reuben, Yakob natuna takalapa, go Simeon, go Levi, go Yudah, go Issakar, go Sebulun: 24Rahel natuna naanoai maga; Yosef go Benyamin: 25Go Bilhah natuna naanoai maga, tea suasua nagoroi ki Rahel; Dan go Naftali: 26Go Silpah natuna naanoai maga, tea suasua nagoroi ki Leah; Cad go Asher: tea maga wanogoe eu pei Yakob natuna naanoai maga, waina eu maneana pakilina Padan‐aram. 27Go Yakob e umai paki Mamre punusi tamana Isaak, paki Kiriath‐arba (nae e pei Hebron), tokora waina Abraham go Isaak ero m̃enaki‐atatoko asa. 28Go naaleatia maga ki Isaak eu pei natau p̃onotia sikai rualima takuna latolu. 29Go Isaak e marodua ki namerona, po mate, po pei tea saisaikiana paki namatarau aneana maga, e pei tea matua po pura ki naaleatia maga: go natuna naanoai dua Esau go Yakob ero ova ki nia.
Currently Selected:
JENESIS 35: NTB
Highlight
Share
Copy
Want to have your highlights saved across all your devices? Sign up or sign in
Bible Society of the South Pacific
