LUK 14
14
I Jisas mo vakahiki na tangaloi u lenga
1Lo Rani* na Mabuana katukwale i Jisas u vano kwara ne kanikani lolo tata na kaitomuaki katukwale nona Varisi* maira. A tangaloi rau tuku tagataga-bibia. #Luk 11.37 2A tangaloi katukwale u tu takwa-hi lo nakona u lenga, a tarabehina doluaki rau uviki. 3Hikani i Jisas mo uduhuri kina tangaloi* kikikila na Uliuli* Kokona mana Varisi maira kwara, “?A noda Tangwata* u tiraki kwehi kwara tana vakahiki na tangaloi lo Rani na Mabuana, diko hetea?” #Luk 6.9
4Vae rahe viti na kinau tea vohoki. I Jisas mo lavi na tangaloi hi mo vakahiki na tarabehina, vunu mo horae mo ngwalua tiura. 5Hikani mo halebohi mo viti lakwara kwara, “?Diko te katukwale tikamu i natuna tea diko te bulana buluki u vai saloia mo sovi tilolo kwalukwalu bua lo Rani na Mabuana, vae tulu ne vai kworohokinia? Nu domi tulu ne vano heheriki vohoki tulu ne reveluahia taliku.” #Mat 12.11; Luk 13.15 6Vae rahe daraki lavi na leona te vohoki huri na kinau hi. #a Mat 22.46; b Mat 23.6
A vai tabetabe mana lailai hivoki domi
7I Jisas u tuku tagataga-bibi na tangaloi maira rau vanamai huri kanikani. Hikani rau tuku kahi viviloki a tanotano na tangaloi lalakua maira kwara rana hugu eia. Vae mo viti na tavaluileo hika lakwara doluaki, 8mo viti kwara, “Diko te tangaloi tea ne kwareko vaki lolo kanikani na lakiana, ko hatu hugu lo tanotano na tangaloi lalakua maira. Diko u kware te tangaloi dolua ba u lakua siletiko kwara ne hugu lo tanotano hi, 9a tangaloi hi mo kwarekamurua, ne mai vanamai vaki maiko ne mai viti lakwako kwara, ‘Ko sileti na tanotano hi huri na tangaloi hika.’ Vae i nigo ko mai maemae haburu luna hi kona va hugu lo tanotano na tangaloi haroki. 10Vae diko te tangaloi tea ne kwareko vaki lolo kanikani, ko vano ko hugu lo tanotano na tangaloi haroki, vae a tangaloi aia hi mo kwareko ne vanamai vaki maiko diko ne viti lakwako kwara, ‘Koe, ko vanamai vaki lo tanotano na tangaloi lalakua.’ Lo halaki hokinia hini ne vai mavamavakinigo lolo nako na tangaloi maira hi ramo hugu huri kanikani. #Prov 25.6-7 11A tangaloi hinea rau lailai hakekinira siboga, vae i God ne lailai hivokinira. Vunu aira hinea rau lailai hivokinira siboga, vae i God ne lailai hakekinira.” #Mat 23.12; Luk 18.14
A hala huri na kware tangaloi huri kanikani
12Hikani i Jisas mo viti lakwa na tangaloi hi mo kwarekware vaki tatana huri kanikani, mo viti kwara, “Diko komo vai kanikani lo mataniaho aulu, diko te raviravi, ko hatu kware na nomu buluana, diko i ratuamu diko a nomu vakabela, diko aira hi rau hugu valuvaluiara maiko hinea aira a tangaloi hugwe, huri vae rana kwareko taliku hokinia nga, rana gele na kinau hi komo vai. 13Vae diko komo vai kanikani ko kware na tangaloi hinea rau kakaravika, aira hi a tarabehiga rau gogo, rau gwaugwau, a mataga rau dodo, rana vanamai vaki maiko. 14Vunu i God ne tabeko huri vae ranahe gele lai te lakwako. Vae lo rani aia hi i God ne rakati na tangaloi bakoto rana maraka taliku tina mateana, neri bete na kaitakwe lakwako.” #Sione 5.29
A tavaluileo huri na kanikani lakua
(Mat 22.1-10)
15A tangaloi katukwale tiura hi rau hugu lo tevo na kanikani hi mo rongo na leo hika. Vunu mo kwaha mai Jisas mo viti kwara, “A hahavutiana haburu lakwara hinea vae rana hugu lo tevo na kanikani lo Vanua Karagwa hinea i God u hugwe koroa.” #Luk 13.29
16Vae i Jisas mo viti lakwae kwara, “A tangaloi katukwale u vai na kanikani lakua. Hikani mo kware na tangaloi rusa kwara rana kanikani bulutaki maia. 17Vae lo taro na kanikani bakotoki mo hora na nona tangaloi boloki katukwale kwara ne viti lakwa na tangaloi aira hi mo kwarera kwara rana vanamai. Mo vano, mo viti kwara, ‘Tulu vanamai vaki lolo kanikani, huri a kinau savia rau raraiana ba.’ 18Vae savi na tangaloi vano hi ramo tinakaki ramo vai na leo na horahora susuni. Katukwale mo kwaha mo viti ‘!O! Nu hahakavi. I nau hika nahe venatu lai tea, huri nu voli na tano karagwa vae nu lengaia kwara na vano na va tagaia.’ 19Vunu katukwale u viti kwara, ‘!O! Nu hahakavi. I nau hika nahe venatu lai tea, huri nu voli na buluki hangavulu, vae hika na vano na va taga tabetabekinira.’ 20Katukwale u viti kwara, ‘!O! I nau hika nahe venatu lai tea, huri nomori laki karagwa.’ #1 Kor 7.33
21“A tangaloi boloki hi mo mule taliku mo viti savi na leo vano hi lakwa na nona masi. Hikani a nona masi hi u lologute haburu mo viti lakwa na nona tangaloi boloki kwara, ‘Heheri ko kwalao vataha na hala lalakua mana hala kwaririgi lo gwatuivanua lakua, komo lavi na tangaloi aira hinea rau kakaravika, aira hi a tarabehiga rau gogo, a mataga rau dodo, rau gwaugwau rana vanamai.’ 22Vunu a nona tangaloi boloki hi mo vai hokinia hi. Vunu mo mulemai mo viti ‘Hugwe, a kinau hi komo vitira, vae hika keu vai luna. Vae a tanotano u lakua radu nga huri na tangaloi te vake.’ 23Hikani a masi hi mo kwaha mana nona tangaloi boloki taliku mo viti kwara, ‘Kote vano vataha na hala lalakua mana hala kwaririgi tavalavarea tina gwatuivanua lakua. Vunu komo hagwe te tangaloi komo seseaka hurira kwara rana vanamai, a nogu ingwa vae ne kukwere ne karea. 24Vae na viti lakwako, hete kwara te katukwale vohoki tiura hinea nomo kwarera, kwara vae ne kani na mavuri hinaka tea lolo nogu kanikani.’ ”
A tangaloi ne domidomi vunu ne huri i Jisas
(Mat 10.37-38)
25A vao lakua lengalenga ramo lakao harago mai Jisas lo hala. Hikani mo halebohi mo kwaha maira 26mo viti kwara, “Diko te katukwale u lengaia kwara ne huriau, ne tauau tomua lo nona mauriana. Ne tauau tomua ti tamana, i retahina, i vavinehina, i raranatuna, i ratuana mai rahagwena. Aia ne halebohi tina doridorina tuai savia. Diko hetea, nehe kwareki te nogu ngwalagelo. #Dut 33.9; Mat 16.24; Mak 8.34; Luk 9.23; 18.29; Sione 12.25 27Diko te tangaloi he kwali na kaibetuna tea kwara ne huriau nehe kwareki te nogu ngwalagelo. #Mat 10.37-38 #Mat 10.38; 16.24; Mak 8.34; Luk 9.23
28“Diko te katukwale tikamu u lengaia kwara ne tabe na ingwa lakua, tomuaki ne hugu hivo ne domi harihariki na mata na kinau savia kwara vae ne boloki luna. Ne taga kwara vae a maneki ne taritarisa ne vai savia kinia. 29Vae diko hetea, nehe vai lai tea kwara ne vai vunuhi na ingwa hi vaki aulu, ne va rivuki na beruki kehekeheki, vae a tangaloi rana tagai na nona boloki rana mana tiehia luna. 30Rana viti kwara, ‘A tangaloi hikani mo tinakaki mo tabe na ingwa hi, vae he vai lai tea kwara ne vai rovonaki na bolokiki.’
31“Diko te hugwe lakua ne vano mana nona tangaloi u tari vakahangavulu, kwara ne vai vuro mana hugwe lakua dolua vake u vanamai vovohia mana nona tangaloi u tari vakangavu kairua, vae ne hugu tabetabeki, ne taga ba kwara u huira kwara ne vai lavi na vuro maia, diko he huira tea. 32Vae diko hetea, ne hora leo vaki mana hugwe lakua hi kairuaki lolona aia u vakahao radu nga, ne viti lakwae kwara, ‘Nahe tu hariko tea. ?Te havakinau kwara na vai ne tangwatahaki-kitarua?’ ”
33I Jisas mo gweregwerei na nona leo mo viti kwara, “Vae ne hokinia hi vohoki maikamu. Diko tulu nehe tiraki savi na nomiu kinau tea, tulu nehe huri laviau tea kwara tulu ne kwareki nogu ngwalagelo.”
A tavaluileo huri na kokoneana
(Mat 5.13; Mak 9.50)
34Vunu i Jisas mo viti kwara, “A solo #14.34: A solo. Lo vanua Isrel rau lai a solo tina tano, vae a tano u rokeroke mana solo, vunu lo taroki a solo u huki tiua, a tano vuroki u eno. Vunu a kokonaki tikei vae a tangaloi rau vohoki na tano hi letiu. u kokona a kinau karea, vae diko a kokonaki ne tikei, a halaki tikei kwara tana vaia ne kokona taliku. 35He karea tea kwara tana taua lo tano na rivurivu, vake he karea tea kwara tana rokea mana tae na buluki tana taua lo tano na rivurivu lo taroki. U karea kwara tana va vohokinia letiu. A gweromiu eia. Tulu rongohuri tabetabeki na leo vano hi.” #Mat 11.15; 13.9; 13.43; Mak 4.9,23; Luk 8.8
Currently Selected:
LUK 14: HWT
Highlight
Share
Copy
Want to have your highlights saved across all your devices? Sign up or sign in
Havakinau New Testament © Bible Society of the South Pacific, 2016.
