EXODUS 18
18
Ete Aŋwan Moses (Jethro) Edise Moses Onyuŋ Ɔnɔ Enye Item
1EKEM adaŋemi Jethro oku Midian, ukot Moses, okopde kpukpru se Abasi akanamde ɔnɔ Moses, ye Israel ikɔt esie, ete ke Jehovah ama osio Israel efep ke Egypt: 2Jethro, ukot Moses, ada Zipporah, ŋwan Moses, ke enye ama ɔkɔdɔŋ enye afiak, 3ye nditɔ-iren esie iba, emi enyiŋ kiet ekerede Gershom: koro enye ɔkɔdɔhɔde ete, Mmedi esen owo ke esen idut: 4enyiŋ kiet eken onyuŋ ekere Eliezer: koro Abasi ete mi edide andinyaŋa mi, onyuŋ anamde mi mbɔhɔ ofut Pharaoh: 5ndien Jethro ukot Moses, ye nditɔ esie, ye ŋwan esie eka ɔtɔ Moses ke wilderness, emi enye anade do ekpere obot Abasi: 6ndien enye ɔdɔhɔ Moses ete, Ami ukot fo Jethro ndi ke ɔtɔ fo, ye ŋwan fo, ye nditɔ esie iba ŋko. 7Ndien Moses ɔwɔrɔ okosobo ye ukot esie, onyuŋ ɔnuhɔ, onyuŋ otim enye inua: kiet onyuŋ obup kiet mme idem ɔsɔŋ enye; ndien mmɔ eduk ke tent esie.
8Ndien Moses emen kpukpru se Jehovah akanamde Pharaoh ye Egypt abaŋa Israel, ye kpukpru ukut emi mmɔ ekekutde ke usuŋ, ye nte Jehovah okonyuŋ anyaŋade mmɔ, obuk ɔnɔ ukɔt esie. 9Ndien Jethro adat esit abaŋa kpukpru ufɔn emi Jehovah ɔkɔfɔnde Israel, emi Enye okosiode nditɔ Egypt ke ubɔk. 10Ndien Jethro ɔdɔhɔ ete, Ekɔm Jehovah emi okosioŋode mbufo nditɔ Egypt ke ubɔk, ye ke ubɔk Pharaoh; emi okosioŋode mbio emi ke ubɔk nditɔ Egypt efep. 11Ke emi mmɔfiɔk nte Jehovah okponde akan kpukpru mme abasi: kpa ke idem ŋkpɔ emi mmɔ ekeseride ye mmɔ. 12Ndien Jethro, ukot Moses ada edifɔp uwa ye uwa-ekɔm ɔsɔk Abasi: ndien Aaron ye kpukpru mbiowo Israel, edidia ŋkpɔ ye ukot Moses ke iso Abasi.
13Edikem eyo esiere, ndien Moses etie do ekpe ikpe kpukpru owo: ndien mmɔ eda ke ɔtɔ Moses, ɔtɔŋɔde ke usenubɔk tutu osim mbubreyo. 14Ndien adaŋemi ukot Moses okutde kpukpru se anamde ye mbon oro, enye ɔdɔhɔ ete, Nso ŋkpɔ edi emi afo anamde ye mme mmɔ emi? Nsinam afo etiede ikpɔŋ, kpukpru owo enyuŋ edade ye afo ɔtɔŋɔde ke usenubɔk tutu osim ke mbubreyo? 15Ndien Moses ɔbɔrɔ ukot esie ete, Koro kpukpru owo etienede mi man ebup Abasi. 16Adaŋemi mmɔ enyenede ikɔ, mmɔ ebine mi; ami nnyuŋ ŋkpe ikpe ke ufɔt owo ye mbɔhiduŋ esie, nnyuŋ nsian mme ewuhɔ Abasi ye mbet esiemɔ nnɔ mmɔ.
17Ndien ukot Moses ɔdɔhɔ enye ete, Ŋkpɔ emi afo anamde ifɔnke. 18Afo udutreke ndikpa mba, kpa afo ye mme mmɔ emi edude ye afo: koro ŋkpɔ emi odobide akan fi; afo ukwe nte anamde enye ke idem fo ikpɔŋ. 19Kop uyo mi ndien; nyenɔ fi item, Abasi eyenyuŋ odu ye afo: afo du ke itie Abasi nɔ mbio emi, man afo ada ikɔ mmɔ etiene Abasi: 20nyuŋ teme mmɔ mme ewuhɔ esie ye mbet, nyuŋ sian mmɔ usuŋ eke mmɔ ekpesaŋde ke esit, ye utom eke mmɔ ekpenamde. 21Afo nyuŋ mek mbon ikike ke otu kpukpru owo, owo eke ebakde Abasi, mbon akpanikɔ eke esuade ŋwo: nyuŋ dori mmɔ ete edi mme etubom mme tɔsin, ye mme etubom mme ikie, ye mme etubom mme aba ye udop, ye mme etubom mme duop. 22Ndien yak mmɔ ekpe ikpe mbio emi kpukpru ini: ndien ama ekem, mmɔ eyeda kpukpru ikɔ eke ekponde etiene fi, edi yak mmɔ ekpe kpukpru ikɔ eke ekpride: ntem ke edifere fi, ndien mmɔ eyetiene fi ebiom. 23Edieke afo anamde ŋkpɔ emi, Abasi onyuŋ eteme fi (ntre), afo eyekeme ndien ndibigi, kpukpru mbio emi eyenyuŋ eka ke ebiet mmɔ ke ifure.
24Ndien Moses okop uyo ukot esie, onyuŋ anam kpukpru se enye ɔkɔdɔhɔde. 25Ndien Moses emek mbon ikike ke otu ofuri Israel, onyuŋ odori mmɔ ete edi mbuot mbio oro, mme etubom mme tɔsin, ye mme etubom mme ikie, ye mme etubom mme aba ye udop, ye mme etubom mme duop. 26Ndien mmɔ ekpe ikpe kpukpru owo kpukpru ini: eda ikɔ eke esɔŋde etiene Moses, edi mmɔ ke idem mmɔ ebiere kpukpru ikɔ eke ekpride. 27Ekem Moses ada ukot esie akayak; ndien enye ɔnyɔŋ ke edem mmɔ.
Currently Selected:
EXODUS 18: ENA
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.
EXODUS 18
18
Ete Aŋwan Moses (Jethro) Edise Moses Onyuŋ Ɔnɔ Enye Item
1EKEM adaŋemi Jethro oku Midian, ukot Moses, okopde kpukpru se Abasi akanamde ɔnɔ Moses, ye Israel ikɔt esie, ete ke Jehovah ama osio Israel efep ke Egypt: 2Jethro, ukot Moses, ada Zipporah, ŋwan Moses, ke enye ama ɔkɔdɔŋ enye afiak, 3ye nditɔ-iren esie iba, emi enyiŋ kiet ekerede Gershom: koro enye ɔkɔdɔhɔde ete, Mmedi esen owo ke esen idut: 4enyiŋ kiet eken onyuŋ ekere Eliezer: koro Abasi ete mi edide andinyaŋa mi, onyuŋ anamde mi mbɔhɔ ofut Pharaoh: 5ndien Jethro ukot Moses, ye nditɔ esie, ye ŋwan esie eka ɔtɔ Moses ke wilderness, emi enye anade do ekpere obot Abasi: 6ndien enye ɔdɔhɔ Moses ete, Ami ukot fo Jethro ndi ke ɔtɔ fo, ye ŋwan fo, ye nditɔ esie iba ŋko. 7Ndien Moses ɔwɔrɔ okosobo ye ukot esie, onyuŋ ɔnuhɔ, onyuŋ otim enye inua: kiet onyuŋ obup kiet mme idem ɔsɔŋ enye; ndien mmɔ eduk ke tent esie.
8Ndien Moses emen kpukpru se Jehovah akanamde Pharaoh ye Egypt abaŋa Israel, ye kpukpru ukut emi mmɔ ekekutde ke usuŋ, ye nte Jehovah okonyuŋ anyaŋade mmɔ, obuk ɔnɔ ukɔt esie. 9Ndien Jethro adat esit abaŋa kpukpru ufɔn emi Jehovah ɔkɔfɔnde Israel, emi Enye okosiode nditɔ Egypt ke ubɔk. 10Ndien Jethro ɔdɔhɔ ete, Ekɔm Jehovah emi okosioŋode mbufo nditɔ Egypt ke ubɔk, ye ke ubɔk Pharaoh; emi okosioŋode mbio emi ke ubɔk nditɔ Egypt efep. 11Ke emi mmɔfiɔk nte Jehovah okponde akan kpukpru mme abasi: kpa ke idem ŋkpɔ emi mmɔ ekeseride ye mmɔ. 12Ndien Jethro, ukot Moses ada edifɔp uwa ye uwa-ekɔm ɔsɔk Abasi: ndien Aaron ye kpukpru mbiowo Israel, edidia ŋkpɔ ye ukot Moses ke iso Abasi.
13Edikem eyo esiere, ndien Moses etie do ekpe ikpe kpukpru owo: ndien mmɔ eda ke ɔtɔ Moses, ɔtɔŋɔde ke usenubɔk tutu osim mbubreyo. 14Ndien adaŋemi ukot Moses okutde kpukpru se anamde ye mbon oro, enye ɔdɔhɔ ete, Nso ŋkpɔ edi emi afo anamde ye mme mmɔ emi? Nsinam afo etiede ikpɔŋ, kpukpru owo enyuŋ edade ye afo ɔtɔŋɔde ke usenubɔk tutu osim ke mbubreyo? 15Ndien Moses ɔbɔrɔ ukot esie ete, Koro kpukpru owo etienede mi man ebup Abasi. 16Adaŋemi mmɔ enyenede ikɔ, mmɔ ebine mi; ami nnyuŋ ŋkpe ikpe ke ufɔt owo ye mbɔhiduŋ esie, nnyuŋ nsian mme ewuhɔ Abasi ye mbet esiemɔ nnɔ mmɔ.
17Ndien ukot Moses ɔdɔhɔ enye ete, Ŋkpɔ emi afo anamde ifɔnke. 18Afo udutreke ndikpa mba, kpa afo ye mme mmɔ emi edude ye afo: koro ŋkpɔ emi odobide akan fi; afo ukwe nte anamde enye ke idem fo ikpɔŋ. 19Kop uyo mi ndien; nyenɔ fi item, Abasi eyenyuŋ odu ye afo: afo du ke itie Abasi nɔ mbio emi, man afo ada ikɔ mmɔ etiene Abasi: 20nyuŋ teme mmɔ mme ewuhɔ esie ye mbet, nyuŋ sian mmɔ usuŋ eke mmɔ ekpesaŋde ke esit, ye utom eke mmɔ ekpenamde. 21Afo nyuŋ mek mbon ikike ke otu kpukpru owo, owo eke ebakde Abasi, mbon akpanikɔ eke esuade ŋwo: nyuŋ dori mmɔ ete edi mme etubom mme tɔsin, ye mme etubom mme ikie, ye mme etubom mme aba ye udop, ye mme etubom mme duop. 22Ndien yak mmɔ ekpe ikpe mbio emi kpukpru ini: ndien ama ekem, mmɔ eyeda kpukpru ikɔ eke ekponde etiene fi, edi yak mmɔ ekpe kpukpru ikɔ eke ekpride: ntem ke edifere fi, ndien mmɔ eyetiene fi ebiom. 23Edieke afo anamde ŋkpɔ emi, Abasi onyuŋ eteme fi (ntre), afo eyekeme ndien ndibigi, kpukpru mbio emi eyenyuŋ eka ke ebiet mmɔ ke ifure.
24Ndien Moses okop uyo ukot esie, onyuŋ anam kpukpru se enye ɔkɔdɔhɔde. 25Ndien Moses emek mbon ikike ke otu ofuri Israel, onyuŋ odori mmɔ ete edi mbuot mbio oro, mme etubom mme tɔsin, ye mme etubom mme ikie, ye mme etubom mme aba ye udop, ye mme etubom mme duop. 26Ndien mmɔ ekpe ikpe kpukpru owo kpukpru ini: eda ikɔ eke esɔŋde etiene Moses, edi mmɔ ke idem mmɔ ebiere kpukpru ikɔ eke ekpride. 27Ekem Moses ada ukot esie akayak; ndien enye ɔnyɔŋ ke edem mmɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.