EXODUS 30
30
Itie Uwa Incense
1NDIEN nam itie-ufɔp incense; nam enye ke eto shittim. 2Uniɔn esie edidi ibio idomo-okuk kiet, ye ubom esie, ibio idomo-okuk kiet, ukukem; idaha esie edinyuŋ edi ibio idomo-okuk iba; nduk esie esaŋa idem kiet ye enye. 3Nyuŋ da ata eti gold fuk enye, enyɔŋ esie ye ŋkaŋ esie kanade kuk, ye nduk esie; nyuŋ nam mkpuk-mkpuk mben o-gold ke esit kanade kuk. 4Nyuŋ nam mkpanuen gold iba, sin ke esit ke idak mkpuk-mkpuk esie, ke inuk esie iba: ye ke ŋkaŋ esie iba ke afo edinam mmɔ; ndien mmɔ edidi itie esaŋ eke edidade ebiom enye. 5Nyuŋ da eto shittim nam esaŋ oro, nyuŋ da gold fuk mmɔ. 6Ndien diɔk enye ke iso ukara emi ekperede ekebe ntiense, ke iso itie usio-isop, emi ɔkubɔde ŋkpɔ-ntiense, emi ndisobode ye afo do. 7Ndien Aaron edifɔp edifuɔŋ incense ke esit; yak enye ɔfɔp incense ke esit kpukpru usenubɔk, ke ini enye ɔdiɔŋde utuen-ikaŋ. 8Ndien ŋko ke ini Aaron onyuŋ odomode utuenikaŋ ke mbubreyo, yak enye ɔfɔp incense ke esit; nte nsinsi incense ke iso Jehovah, ke ofuri emana mbufo. 9Mbufo ekufɔp esen incense ke esit, ye edifɔp uwa, ye enɔ; ekunyuŋ etɔhɔ ediŋwɔŋ uwa ke esit. 10Ndien yak Aaron ada iyip uwa idiɔk ido usio-isop, osio isop ke nduk esie ini kiet ke isua; ini kiet ke isua ke enye edinam usio-isop ke esit, ke ofuri emana mbufo: enye edi ata edisana ŋkpɔ Jehovah.
11Ndien Jehovah ɔdɔhɔ Moses, ete, 12Ke ini afo edibatde nditɔ Israel, kpa mmɔ emi ekam ebatde, yak kpukpru owo eda ndien usio isop uwem mmɔ esɔk Jehovah, ke ini ebatde mmɔ; man ufen okuduk ke otu mmɔ, ke ini ebatde mmɔ. 13Emi ke kpukpru owo emi ebede eduk ke otu mmɔ emi ebatde mmɔ, edinɔ, kpa ibio shekel, nte asaŋade ye edisana shekel; (shekel oro oduk gerah edip;) ibio shekel oro edidi enɔ Jehovah. 14Yak kpukpru owo eke ebede ediana ye mmɔ eke ebatde ɔtɔŋɔde ke owo isua edip, ye mmɔ eke ebede oro, enɔ enɔ Jehovah. 15Owo inyene okudian, ubuene okunyuŋ osio ke ibio shekel oro, ke erinɔ Jehovah enɔ, man esio isop ukpɔŋ mbufo. 16Ntem ke afo edibɔ nditɔ Israel silver usio-isop, onyuŋ ada enye ɔnɔ ke utom tent esop; man nditɔ Israel enyene enye ke ŋkpɔ eriti ke iso Jehovah, ke erisio isop ukpɔŋ mbufo.
17Ndien Jehovah ɔdɔhɔ Moses, ete, 18Nyuŋ da okpoho nam akpaŋ-ŋkpaŋ uyere mmɔŋ, ye ukot esie; ndien diɔk enye ke ufɔt tent esop ye itie-uwa, nyuŋ sin mmɔŋ ke esit. 19Ndien Aaron ye nditɔ esie ediyet ubɔk mmɔ, ye ukot mmɔ ke esit: 20ke ini mmɔ edukde ke tent esop, yak mmɔ eyere mmɔŋ, man ekukpa; ye ke ini mmɔ esaŋande ekpere itie-uwa ndinam ŋkpɔ, ndifɔp uwa ikaŋ nnɔ Jehovah. 21Ntre ke mmɔ ediyet ubɔk mmɔ ye ukot mmɔ, man ekukpa; ndien edidi nsinsi ewuhɔ mmɔ, kpa esie ye eke ubon esie ke ofuri emana mmɔ.
22Ndien Jehovah ɔdɔhɔ Moses, ete, 23Ndien ŋko da ata akpan ufuɔŋ-ŋkpɔ ke idem fo, ata eti myrrh shekel ikie ition, ye cinnamon eti utebe ekem ye ubak myrrh, shekel ikie iba ye aba ye duop, ye calamus eti utebe shekel 24ikie iba ye duop, ye cassia shekel ikie ition, (asaŋa ye edisana shekel,) ye aran olive ke quart iba ye ubak. 25Ndien da enye nam edisana aran-nyere, mbuaha eke ebuakde ke ubɔk-usɔ abuak-ufuɔŋ-ŋkpɔ: edidi edisana aran-nyere. 26Ndien da enye yet ke tent esop, ye ke ekebe ntiense, 27ye ke okpokoro, ye itie, ufɔp incense; 28ye ke itie-ufɔp uwa ye kpukpru ŋkpɔ esie, ye ke akpaŋkpaŋ ye ukot esie. 29Nyuŋ nim mmɔ ke edisana ŋkpɔ, man esana eti-eti; yak kpukpru owo eke etukde mmɔ edi edisana. 30Nyuŋ da enye yet Aaron ye nditɔ esie ke idem, nyuŋ nam mmɔ esana, 31man eda oku mi. Nyuŋ dɔhɔ nditɔ Israel, ete, Emi edidi edisana aran-nyere mi ke ofuri emana mbufo. 32Ekuda enye eduɔk owo ke idem, ekunyuŋ enam se ibietde enye, oruk mbuaha esie; enye edi edisana; mbufo enim enye ke edisana. 33Ama edi owo eke edibuakde se ibietde enye, ye owo ŋko eke adade enye eyet esen owo ke idem, yak esibe enye efep ke otu mbio-obio mmɔ.
34Ndien Jehovah ɔdɔhɔ Moses, ete, Da ufuɔŋ-ŋkpɔ ke idem fo, stacte, ye onycha, ye galbanum; ufuɔŋ-ŋkpɔ emi, ye ata frankincense; kpukpru edide ukem-ukem: 35nyuŋ da enye nam incense, mbuaha ke ubɔk-usɔ abuak-ufuɔŋ-ŋkpɔ, sin inuŋ, nam enye ata eti ye edisana. 36Ndien wobi esisit kɔk emem, nyuŋ diɔk enye ke iso ŋkpɔ ntiense, ke tent esop, emi ndisobode ye afo do; mbufo ese enye ke ata edisana ŋkpɔ. 37Ndien ama edi incense emi afo edinamde, mbufo ekuman oruk mbuaha oro enɔ idem mbufo; bat enye ke edisana ŋkpɔ Jehovah. 38Owo anam se ibietde enye ete iŋwune enye, yak esibe enye efep ke otu mbio-obio mmɔ.
Currently Selected:
EXODUS 30: ENA
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.
EXODUS 30
30
Itie Uwa Incense
1NDIEN nam itie-ufɔp incense; nam enye ke eto shittim. 2Uniɔn esie edidi ibio idomo-okuk kiet, ye ubom esie, ibio idomo-okuk kiet, ukukem; idaha esie edinyuŋ edi ibio idomo-okuk iba; nduk esie esaŋa idem kiet ye enye. 3Nyuŋ da ata eti gold fuk enye, enyɔŋ esie ye ŋkaŋ esie kanade kuk, ye nduk esie; nyuŋ nam mkpuk-mkpuk mben o-gold ke esit kanade kuk. 4Nyuŋ nam mkpanuen gold iba, sin ke esit ke idak mkpuk-mkpuk esie, ke inuk esie iba: ye ke ŋkaŋ esie iba ke afo edinam mmɔ; ndien mmɔ edidi itie esaŋ eke edidade ebiom enye. 5Nyuŋ da eto shittim nam esaŋ oro, nyuŋ da gold fuk mmɔ. 6Ndien diɔk enye ke iso ukara emi ekperede ekebe ntiense, ke iso itie usio-isop, emi ɔkubɔde ŋkpɔ-ntiense, emi ndisobode ye afo do. 7Ndien Aaron edifɔp edifuɔŋ incense ke esit; yak enye ɔfɔp incense ke esit kpukpru usenubɔk, ke ini enye ɔdiɔŋde utuen-ikaŋ. 8Ndien ŋko ke ini Aaron onyuŋ odomode utuenikaŋ ke mbubreyo, yak enye ɔfɔp incense ke esit; nte nsinsi incense ke iso Jehovah, ke ofuri emana mbufo. 9Mbufo ekufɔp esen incense ke esit, ye edifɔp uwa, ye enɔ; ekunyuŋ etɔhɔ ediŋwɔŋ uwa ke esit. 10Ndien yak Aaron ada iyip uwa idiɔk ido usio-isop, osio isop ke nduk esie ini kiet ke isua; ini kiet ke isua ke enye edinam usio-isop ke esit, ke ofuri emana mbufo: enye edi ata edisana ŋkpɔ Jehovah.
11Ndien Jehovah ɔdɔhɔ Moses, ete, 12Ke ini afo edibatde nditɔ Israel, kpa mmɔ emi ekam ebatde, yak kpukpru owo eda ndien usio isop uwem mmɔ esɔk Jehovah, ke ini ebatde mmɔ; man ufen okuduk ke otu mmɔ, ke ini ebatde mmɔ. 13Emi ke kpukpru owo emi ebede eduk ke otu mmɔ emi ebatde mmɔ, edinɔ, kpa ibio shekel, nte asaŋade ye edisana shekel; (shekel oro oduk gerah edip;) ibio shekel oro edidi enɔ Jehovah. 14Yak kpukpru owo eke ebede ediana ye mmɔ eke ebatde ɔtɔŋɔde ke owo isua edip, ye mmɔ eke ebede oro, enɔ enɔ Jehovah. 15Owo inyene okudian, ubuene okunyuŋ osio ke ibio shekel oro, ke erinɔ Jehovah enɔ, man esio isop ukpɔŋ mbufo. 16Ntem ke afo edibɔ nditɔ Israel silver usio-isop, onyuŋ ada enye ɔnɔ ke utom tent esop; man nditɔ Israel enyene enye ke ŋkpɔ eriti ke iso Jehovah, ke erisio isop ukpɔŋ mbufo.
17Ndien Jehovah ɔdɔhɔ Moses, ete, 18Nyuŋ da okpoho nam akpaŋ-ŋkpaŋ uyere mmɔŋ, ye ukot esie; ndien diɔk enye ke ufɔt tent esop ye itie-uwa, nyuŋ sin mmɔŋ ke esit. 19Ndien Aaron ye nditɔ esie ediyet ubɔk mmɔ, ye ukot mmɔ ke esit: 20ke ini mmɔ edukde ke tent esop, yak mmɔ eyere mmɔŋ, man ekukpa; ye ke ini mmɔ esaŋande ekpere itie-uwa ndinam ŋkpɔ, ndifɔp uwa ikaŋ nnɔ Jehovah. 21Ntre ke mmɔ ediyet ubɔk mmɔ ye ukot mmɔ, man ekukpa; ndien edidi nsinsi ewuhɔ mmɔ, kpa esie ye eke ubon esie ke ofuri emana mmɔ.
22Ndien Jehovah ɔdɔhɔ Moses, ete, 23Ndien ŋko da ata akpan ufuɔŋ-ŋkpɔ ke idem fo, ata eti myrrh shekel ikie ition, ye cinnamon eti utebe ekem ye ubak myrrh, shekel ikie iba ye aba ye duop, ye calamus eti utebe shekel 24ikie iba ye duop, ye cassia shekel ikie ition, (asaŋa ye edisana shekel,) ye aran olive ke quart iba ye ubak. 25Ndien da enye nam edisana aran-nyere, mbuaha eke ebuakde ke ubɔk-usɔ abuak-ufuɔŋ-ŋkpɔ: edidi edisana aran-nyere. 26Ndien da enye yet ke tent esop, ye ke ekebe ntiense, 27ye ke okpokoro, ye itie, ufɔp incense; 28ye ke itie-ufɔp uwa ye kpukpru ŋkpɔ esie, ye ke akpaŋkpaŋ ye ukot esie. 29Nyuŋ nim mmɔ ke edisana ŋkpɔ, man esana eti-eti; yak kpukpru owo eke etukde mmɔ edi edisana. 30Nyuŋ da enye yet Aaron ye nditɔ esie ke idem, nyuŋ nam mmɔ esana, 31man eda oku mi. Nyuŋ dɔhɔ nditɔ Israel, ete, Emi edidi edisana aran-nyere mi ke ofuri emana mbufo. 32Ekuda enye eduɔk owo ke idem, ekunyuŋ enam se ibietde enye, oruk mbuaha esie; enye edi edisana; mbufo enim enye ke edisana. 33Ama edi owo eke edibuakde se ibietde enye, ye owo ŋko eke adade enye eyet esen owo ke idem, yak esibe enye efep ke otu mbio-obio mmɔ.
34Ndien Jehovah ɔdɔhɔ Moses, ete, Da ufuɔŋ-ŋkpɔ ke idem fo, stacte, ye onycha, ye galbanum; ufuɔŋ-ŋkpɔ emi, ye ata frankincense; kpukpru edide ukem-ukem: 35nyuŋ da enye nam incense, mbuaha ke ubɔk-usɔ abuak-ufuɔŋ-ŋkpɔ, sin inuŋ, nam enye ata eti ye edisana. 36Ndien wobi esisit kɔk emem, nyuŋ diɔk enye ke iso ŋkpɔ ntiense, ke tent esop, emi ndisobode ye afo do; mbufo ese enye ke ata edisana ŋkpɔ. 37Ndien ama edi incense emi afo edinamde, mbufo ekuman oruk mbuaha oro enɔ idem mbufo; bat enye ke edisana ŋkpɔ Jehovah. 38Owo anam se ibietde enye ete iŋwune enye, yak esibe enye efep ke otu mbio-obio mmɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.