GENESIS 20

Abraham ye Abimelech ke Isɔŋ Gerar

1NDIEN Abraham adaha ɔkpɔŋ ebiet oro aka ke idut edem usuk, onyuŋ oduŋ ke ufɔt Kadesh ye Shur, ndien adaŋ 2ke Gerar. Ndien Abraham ɔdɔhɔ abaŋa Sarah ŋwan esie, ete, ke enye edi eyen ete imɔ aŋwan: ndien Abimelech ɔbɔŋ Gerar ɔdɔŋ ekada Sarah. 3Edi Abasi etiene Abimelech ke ndap ke okoneyo kiet, ndien ɔdɔhɔ enye ete, Sese afo amakpa abaŋa ŋwan emi afo adade, koro enye edide ŋwan owo. 4Edi Abimelech iketieneke enye: ndien enye ɔdɔhɔ, ete, Ɔbɔŋ, nte afo eyewot idut emi 5enende ŋko? Nte enye ikɔdɔhɔke mi ite, Enye edi eyen eka imɔ aŋwan? Ŋwan ke idem esie onyuŋ ɔdɔhɔ ete, Enye edi eyen eka imɔ eren: mmanam ŋkpɔ emi ke eti esit, ye ke edisana 6ubɔk. Ndien Abasi ɔdɔhɔ enye ke ndap, ete, Ami ŋko mmɔfiɔk nte afo anam ŋkpɔ emi ke eti esit; Ami ŋkonyuŋ ŋkpan fi ndidue mi: mmɔdo mmeŋkayakke fi otuk enye. 7Yak ŋwan owo oro afiak, ndien; koro owo oro edide prophet, eyenyuŋ anam mkpe-ubɔk ɔnɔ fi, ndien afo eyedu uwem: edi ke muyakke enye afiak, fiɔk ete ke afo ye kpukpru se idide okuo eyekpaŋa. 8Ndien Abimelech abak adaha ke enyɔŋ ke usenubɔk, okot kpukpru nditɔ ufɔk esie, etiŋ kpukpru ikɔ emi ke utɔŋ mmɔ: ndien mbon oro efehe ndik eti-eti.

9Ndien Abimelech okot Abraham onyuŋ ɔdɔhɔ enye ete, Afo anam nso ntem ye nnyin, ami nnyuŋ ndue fi nso, eke esinde fi ada akamba idiɔk-ŋkpɔ adian mi ye obio mi? ŋkpɔ eke misinamke 10ke afo amanam ye ami. Abimelech onyuŋ ɔdɔhɔ Abraham, ete, Nso ke afo okokut, eke esinde fi anam ŋkpɔ emi? 11Ndien Abraham ɔdɔhɔ, ete, Koro ŋkɔdɔhɔde, nte, Baba uteŋe Abasi iduhe ke ebiet emi; ndien eyewot mi ebaŋa 12ŋwan mi. Edi ke akpan, enye edi eyen ete mi aŋwan: edi idige eyen eka mi aŋwan; ndien enye 13akabare edi ŋwan mi. Ndien ke adaŋa oro Abasi anamde mi ndiyo ŋkpɔŋ ufɔk ete mi, ndɔhɔ enye ndien, nte, Emi edi mfɔn fo eke afo edifɔnde ye ami: ke kpukpru ebiet eke nnyin idikade do, dɔhɔ baŋa mi, ete, Enye edi eyen eka mi. 14Ndien Abimelech ada erɔŋ, ye enaŋ, ye ifin iren, ye ifin iban, ɔnɔ Abraham, onyuŋ ayak Sarah, ŋwan esie ɔnɔ enye. 15Abimelech onyuŋ ɔdɔhɔ, ete, Sese isɔŋ mi ana fi ke iso: duŋ ke ebiet eke 16enemde fi. Enye onyuŋ ɔdɔhɔ Sarah, ete, Sese, mmɔnɔ eyen-usɔ tɔsin mbak silver: sese oro edi okuo ke eke ufuk-enyin, abaŋa kpukpru se ema ekenam fi, ndien afo emenen ke kpukpru.

17Ndien Abraham ekpe Abasi ubɔk: ndien Abasi anam idem ɔsɔŋ Abimelech, ye ŋwan esie, ye nditɔ-iban ufɔk esie; ndien mmɔ 18ediman nditɔ. Koro Jehovah ama ekesiri kpukpru iban ufɔk Abimelech idibi, abaŋa Sarah ŋwan Abraham.

Currently Selected:

GENESIS 20: ENA

Highlight

Copy