GENESIS 29

Jacob Anam Utom Ɔnɔ Laban man Enye Ayak Rachel Ye Leah Ɔnɔ Enye Ɔdɔ

1NDIEN Jacob ada isaŋ, aka ke idut nditɔ edem usiaha utin. 2Enye onyuŋ ese, ndien, sese, obube mmɔŋ odu ke ɔtɔ oro, ndien, sese, otu erɔŋ ita ena do ekpere enye; koro ekotde mmɔŋ ke obube oro enɔ erɔŋ eŋwɔŋ: akamba itiat onyuŋ ɔkubɔ ke inua obube oro. 3Ndien adaŋemi kpukpru otu erɔŋ ebonode do, mmɔ ekpat itiat oro ke inua obube efep, enɔ erɔŋ mmɔŋ eŋwɔŋ, ndien ekpat itiat efiak ke inua obube ke itie esie. 4Ndien Jacob ɔdɔhɔ mmɔ ete, Nditɔ-ete mi, mbufo eto mmɔŋ? Ndien mmɔ ete, Nnyin 5ito ke Haran. Ndien enye obup mmɔ ete, Nte mbufo emɔfiɔk Laban eyen Nahor? Mmɔ ete, 6ke imɔfiɔk. Ndien enye ete mmɔ, nte idem ɔsɔŋ enye? Mmɔ ete, ke ɔsɔŋ; se Rachel eyen esie aŋwan ko ke edi ŋko ye ufene 7esie. Ndien enye ete, Sese, nte uwemeyo odude kaŋa, ikemke ke ini eke ufene ebonode: mbufo enɔ erɔŋ mmɔŋ eŋwɔŋ, ndien eka 8ekebɔk mmɔ. Ndien mmɔ ete, Nnyin ikemeke tutu kpukpru otu erɔŋ edibono, ndien ekpat itiat ke inua obube efep; ndien nnyin inɔ ufene mmɔŋ eŋwɔŋ.

9Ke ini enye okosuk ɔdɔhɔde ye mmɔ, Rachel edi ye erɔŋ ete esie; koro enye edide andikpeme mmɔ. 10Edikem ndien ke ini Jacob okutde Rachel eyen Laban aŋwan, eyen-eka eka esie, ye ufene Laban eyen-eka eka esie, ndien Jacob asaŋa ekpere, akakpat itiat ke inua obube efep, ndien ɔnɔ ufene Laban eyen- 11eka eka esie mmɔŋ eŋwɔŋ. Ndien Jacob otim Rachel inua, onyuŋ 12emen uyo esie atua eyet. Ndien Jacob ɔdɔhɔ Rachel ete, Ke imɔ idi eyen-ete usɔ, imɔ inyuŋ idi eyen Rebekah; ndien Rachel efehe eketiŋ ɔnɔ ete esie.

13Edikem ke adaŋoro Laban okopde mbuk Jacob eyen eyen-eka esie aŋwan, enye efehe okosobo ye enye, onyuŋ afat enye, onyuŋ otim enye inua, onyuŋ ada enye aka ke ufɔk esie. Ndien enye etiŋ kpukpru ŋkpɔ oro ɔnɔ 14Laban. Ndien Laban ɔdɔhɔ enye ete, Afo edi kpasuk ɔkpɔ mi, ye obuk mi. Ndien Jacob etie ye enye adaŋa ɔfiɔŋ kiet.

15Ndien Laban ɔdɔhɔ Jacob ete, Ŋkɔm afo edi eyen-eka mi, ndien anam ŋkpɔ ɔnɔ mi ke ikpikpu? 16siak utip fo nɔ mi. Ndien Laban enyene nditɔ-iban iba: enyiŋ adiaha ekere Leah, enyiŋ uduŋwan 17onyuŋ ekere Rachel. Ndien enyin Leah emem; edi Rachel 18eye idem onyuŋ eye ndise. Ndien Jacob ama Rachel; onyuŋ ɔdɔhɔ ete, Nyenam ŋkpɔ nnɔ fi ke isua itiaba ke Rachel uduŋwan fo. 19Ndien Laban ɔdɔhɔ ete, Ɔfɔn mi ndida enye nnɔ fi utu ke nda enye 20nnɔ owo efen: tie ye ami. Ndien Jacob anam ŋkpɔ ke Rachel ke isua itiaba; enye onyuŋ ese mmɔ ke ekpri ini, koro amade enye.

21Ekem Jacob ɔdɔhɔ Laban ete, Nɔ mi ŋwan mi, koro ini mi 22ekemde man ndɔ enye. Ndien Laban obon kpukpru mbio-obio, 23onyuŋ anam akwa udia. Edikem ke mbubreyo, ndien enye emen Leah adiaha esie ada ɔsɔk enye; 24ndien enye ɔdɔ Leah. Laban onyuŋ ada Zilpah ofin aŋwan esie kiet ɔnɔ Leah eyen esie ke ofin aŋwan esie.

25Edikem ke usenubɔk ndien, sese, edi Leah: ndien enye ɔdɔhɔ Laban, ete, Nso ke afo anam emi ye ami? nte nnamke ŋkpɔ nnɔ fi ke Rachel? ke nso ndien ke 26abiaŋa mi ntem? Ndien Laban ɔdɔhɔ, ete, Isinamke ntre ke edem nnyin, ndibem iso nnɔ uduŋwan ŋkpɔŋ adiaha. 27Nam urua esie emi ɔyɔhɔ, ndien nnyin iyenɔ fi emi ŋko, ke utom emi edinamde ɔnɔ mi kaŋa ke isua itiaba eŋwen. 28Ndien Jacob anam ntre, onyuŋ ɔyɔhɔ urua esie emi: ndien Laban ɔnɔ enye Rachel eyen esie 29ɔdɔ. Laban onyuŋ ada Bilhah ofin aŋwan esie kiet, ɔnɔ Rachel eyen esie ke ofin aŋwan esie. 30Ndien enye ɔdɔ Rachel ŋko, onyuŋ ama Rachel ŋko akan Leah, onyuŋ anam ŋkpɔ ɔnɔ Laban kaŋa ke isua itiaba efen.

31Ndien adaŋemi Jehovah okutde ete esua Leah, Enye aŋwaŋa Leah idibi, edi Rachel 32edi ada. Ndien Leah oyomo onyuŋ aman eyen-eren; ndien osio enye enyiŋ Reuben; koro enye ɔdɔhɔde ete, Jehovah emese ukut mi; oto oro ebe mi eyema 33mi ke emi. Ndien enye ɔtɔŋɔ ntak oyomo, onyuŋ aman eyen-eren; onyuŋ ɔdɔhɔ ete, Koro Jehovah okopde ete esua mi, Enye ɔnɔ mi eyen emi ŋko: ndien osio enye 34enyiŋ Simeon. Ndien enye ɔtɔŋɔ ntak oyomo, onyuŋ aman eyen-eren; ndien ɔdɔhɔ ete, ke ini emi ebe mi eyediana ye ami, koro mma nnim nditɔ-iren ita nnɔ enye; mmɔdo osiode enye enyiŋ Levi. 35Ndien enye ɔtɔŋɔ ntak oyomo, onyuŋ aman eyen-eren; ndien ɔdɔhɔ ete, Ke ini emi nyetoro Jehovah: mmɔdo esiode enye enyiŋ Judah; ndien enye etre uman.

Currently Selected:

GENESIS 29: ENA

Highlight

Copy