GENESIS 31

Jacob Efeghe Ke Ufɔk Laban

1EKEM, enye okop nte nditɔ-iren Laban edɔhɔde ete, Jacob amada kpukpru se inyenede ete nnyin; omonyuŋ anam kpukpru ubɔŋ emi ke se inyenede 2ete nnyin. Jacob onyuŋ okut iso Laban, ndien, sese, itiehe ye enye 3nte akpa. Ndien Jehovah ɔdɔhɔ Jacob, ete, Nyɔŋ ke isɔŋ mme ete fo, ye obio emana fo; nyenyuŋ 4ndu ye afo. Ekem, Jacob ɔdɔŋ ekekot Rachel ye Leah edi ke iŋwaŋ ke ebiet ufene esie; onyuŋ 5ɔdɔhɔ mmɔ ete, Mmokut iso ete mbufo, nte isehe mi nte akpa; edi Abasi ete mi omodu ye ami. 6Mbufo emenyuŋ efiɔk, ete ke mma nnam utom nnɔ ete mbufo ke 7ofuri odudu mi. Edi ete mbufo ama abiaŋa mi, ama onyuŋ ɔkpuhɔre utip mi utim ikoduop: edi Abasi ikayakke enye anam mi 8idiɔk. Edieke enye ɔdɔhɔde ntem ete, Mme ntɔi-ntɔi edi utip fo; ndien kpukpru ufene eman ntɔi-ntɔi: edi edieke enye ɔdɔhɔde ntem, ete, Mme ekpaŋ-ekpaŋ edi utip fo; ndien kpukpru ufene 9eman ekpaŋ-ekpaŋ. Ke ntem ke Abasi ɔbɔ ete mbufo ufene, emen 10ɔnɔ mi. Ekem, ke ini ufene oyomode, mmenere enyin mi ŋkut ke ndap, ndien sese, okpo ebot eke odorode ufene edi ekpaŋ-ekpaŋ, 11ye ntɔi-ntɔi ye iwat-iwat. Angel Abasi onyuŋ ɔdɔhɔ mi ke ndap, 12ete, Jacob. Ndien ami mbɔrɔ nte, Se ami mi. Ndien enye ete, menere enyin fo, ndien, nyuŋ se, kpukpru okpo ebot emi odorode ufene edi ntɔi-ntɔi, ye ekpaŋ-ekpaŋ, ye iwat-iwat: koro mmokut kpukpru se Laban anamde fi. 13Ami ndi Abasi Beth-el, emi afo ekeyetde adaha aran do, emi afo akaŋade akaŋa ɔnɔ mi do: kam, daha ke enyɔŋ, wɔrɔ ke isɔŋ emi, nyuŋ fiak ka ke isɔŋ emana fo. 14Ndien Rachel ye Leah ebɔrɔ enye ete, Nte nnyin imenyene kaŋa udeme ye inyene ke ufɔk ete 15nnyin? Nte enye ibatke nnyin ke isen owo? koro enye ama anyam nnyin onyuŋ adia kpukpru 16inyene nnyin ama. Ŋkɔm kpukpru inyene emi Abasi ama ɔkɔbɔ ete nnyin, oro edi eke nnyin, ye eke nditɔ nnyin: kam nam kpukpru se Abasi ɔdɔhɔde fi.

17Ndien Jacob adaha ke enyɔŋ, ada nditɔ esie ye iban esie odori 18ke edem camel. Enye onyuŋ ada kpukpru ufene esie, ye kpukpru inyene esie emi enye enyenede, ufene ukɔ esie, emi enye enyenede ke Paddan-aram, ɔnyɔŋ, ete, itiene Isaac ete esie ke isɔŋ Canaan. 19Ndien Laban ama adaha aka ndifat ufene esie idet: ndien 20Rachel oyip ibɔk ete esie. Ndien Jacob abiaŋa Laban eyen Aram, koro misianke enye, ete, Imɔŋ 21inyɔŋ. Ekem, enye efehe ɔnyɔŋ ye kpukpru ŋkpɔ esie; ndien enye adaha ke enyɔŋ, ebe akpa, onyuŋ onim iso esie ese obot 22Gilead. Edikem ke ɔyɔhɔ usen ita, etiŋ enɔ Laban, ete, Jacob 23ama efehe ɔnyɔŋ. Ndien enye ada nditɔ - ete esie asaŋa ebine enye isaŋ usen itiaba; onyuŋ 24osim enye ke obot Gilead. Ndien Abasi editiene Laban eyen Aram ke ndap ke okoneyo oro, onyuŋ ɔdɔhɔ enye, ete, Kpeme idem fo mbak edidɔhɔ ekpedi eti ekpedi idiɔk ye Jacob.

25Ekem Laban osim Jacob. Jacob okonyuŋ owuk tent esie ke obot oro: Laban ŋko ye nditɔ-ete esie ewuk eke mmɔ ke obot Gilead. 26Ndien Laban ɔdɔhɔ Jacob, ete, Afo anam didie abiaŋa mi, onyuŋ ada nditɔ-iban mi ɔnyɔŋ, nte mmɔ 27eke emumde ke ekɔŋ? Ke nso ke afo edibe ɔnyɔŋ, onyuŋ abiaŋa mi, unyuŋ utiŋke unɔ mi, man nda fi nyak ke idara, ye ke ikwɔ, ye ke 28ndido, ye harp? Unyuŋ uyakke mi ntim nditɔ-iren mi ye nditɔ-iban mi inua? Ke emi afo amanam ndisime. 29Ubɔk mi enyene odudu ndinam idiɔk-ŋkpɔ ye mbufo: edi ke okoneyo Abasi ete mbufo ɔkɔdɔhɔ mi, ete, Kpeme idem fo mbak edidɔhɔ ekpedi eti 30ekpedi idiɔk ye Jacob. Ŋkɔm afo ɔnyɔnyɔŋ, koro itɔŋ ufɔk usɔ ɔdɔŋde fi ɔkpɔsɔŋ, edi nsinam afo oyipde mme abasi mi?

31Ndien Jacob ɔbɔrɔ Laban, ete, Koro mfehede ndik: koro ndɔhɔde nte, Mbak afo edibɔ mi 32nditɔ-iban fo ke ŋkanubɔk. Owo eke afo edikutde mme abasi fo ke ubɔk esie enyene ndikpa: ke iso nditɔ-ete nnyin, diɔŋɔ okuo eke odude ye ami, nyuŋ bɔ ke idem fo. Edi Jacob ifiɔkke ite ke 33Rachel ama okoyip mmɔ. Ndien Laban ediduk ke tent Jacob, onyuŋ oduk ke tent Leah, ye ke tent ifin iban iba oro; edi ikwe. Ndien enye oto ke tent Leah, 34okoduk ke tent Rachel. Ndien Rachel ama akada ibɔk oro esin ke ŋkpɔ camel esie, onyuŋ etie mmɔ ke enyɔŋ. Ndien Laban ɔduŋɔ ofuri tent, edi ikwe. 35Ndien Rachel ɔdɔhɔ ete esie, ete, Esit okuyat ɔbɔŋ mi koro mmeŋkwe nte ndidahade ke enyɔŋ; koro ami ndude ke ido iban. Enye ɔduŋɔ ntre, edi ikwe ibɔk esie.

36Ndien esit ayat Jacob, enye onyuŋ ɔtɔhɔ ye Laban: Jacob onyuŋ ɔbɔrɔ Laban ete, Nsidi ndudue mi? nsidi idiɔk-ŋkpɔ mi, eke esinde fi ofiop ndibine mi 37ntem? Emi afo ɔduŋɔde kpukpru ŋkpɔ mi, nso ke afo okut eke otode ke kpukpru ŋkpɔ ufɔk fo? nim enye ke iso nditɔ-ete mi, ye nditɔ-ete fo mi, ndien yak mmɔ ekpe ikpe ke ufɔt nnyin mbiba. 38Ke isua edip emi ke ami ŋkodu ye afo; uman erɔŋ fo ye uman ebot fo ikawakke eyen, ŋkonyuŋ 39ntaha okukim erɔŋ fo. Se iwahade, ŋkadaha nsɔk fi; ami ŋkosio usiene: afo okoyom enye ke ubɔk mi, ekpeyip ke uwemeyo, ekpenyuŋ eyip ke okoneyo. 40Ŋketie ntem: ke uwemeyo mfɔbɔ ufiop, ndien ke okoneyo ŋwebe tuep; idap mi onyuŋ atam mi ke enyin. 41Mma ndu ntem isua edip ke ufɔk fo; mma nnam utom nnɔ fi isua duopenaŋ ke nditɔ-iban fo iba, ye isua itiokiet ke ufene fo: afo ama onyuŋ ɔkpuhɔre utip mi 42utim ikoduop. Abasi ete mi, Abasi Abraham, ye Enye emi Isaac eteŋede, mikpeduhe ye ami, ke emi ke afo ekpenam mi nnyɔŋ ubɔk-ubɔk. Abasi ama okut ukut mi ye utom ubɔk mi, onyuŋ ekpe edinen-edinen ke okoneyo mkpɔŋ.

43Ndien Laban ɔbɔrɔ, onyuŋ ɔdɔhɔ Jacob, ete, Nditɔ-iban emi edi nditɔ-iban mi, nditɔ-iren emi enyuŋ edi nditɔ-iren mi, ufene enyuŋ edi ufene mi, kpukpru se afo okutde, onyuŋ edi okimmɔ: ndinam nso ndien mfin emi ye nditɔ-iban mi emi, mme ye nditɔ 44mmɔ emi mmɔ emande? Di ndien, inam ediomi, ami ye afo; nyuŋ yak enye edi ntiense ke 45ufɔt mi ye afo. Ndien Jacob ada itiat, owuk adaha. 46Ndien Jacob ɔdɔhɔ nditɔ-ete esie, ete, Etaŋ itiat ebon; mmɔ eda itiat, enam ebok: enyuŋ edia ŋkpɔ do ke 47ebok oro. Ndien Laban osio enye enyiŋ Jegar-sahadutha: Jacob 48onyuŋ osio enye Galeed. Laban onyuŋ ɔdɔhɔ, ete, Ebok emi edi ntiense ke ufɔt mi ye afo mfin emi. Mmɔdo enyiŋ esie ekerede 49Galeed; ye Mizpah; koro enye ɔdɔhɔde ete, Jehovah osuk ekpeme ke ufɔt mi ye afo, ke adaŋemi kiet mikwe aba kiet. 50Ekpedi nte afo ɔdiɔkde ye nditɔ-iban mi, onyuŋ adade iban efen ɔkɔrɔ ye nditɔ-iban mi, idige owo odu ye nnyin: se, Abasi edi ntiense ke 51ufɔt mi ye afo. Laban onyuŋ ɔdɔhɔ Jacob ete, Se ebok emi, nyuŋ se adaha emi nnimde ke 52ufɔt mi ye afo; ebok emi edi ntiense, adaha emi onyuŋ edi ntiense ŋko, ete ami ndibehe ebok emi ntiene fi, afo udunyuŋ ubehe ebok emi ye adaha emi utiene mi, 53ndinam idiɔk. Abasi Abraham, ye Abasi Nahor, Abasi ete mmɔ, osuk ekpe ikpe ke ufɔt nnyin. Ndien Jacob otomo Enye emi 54Isaac ete esie eteŋede. Ndien Jacob awa uwa ke obot oro, onyuŋ okot nditɔ-ete esie, ete, edi edidia ŋkpɔ: ndien mmɔ edia ŋkpɔ, enyuŋ edaŋ ke obot. 55Ndien Laban abak adaha ke usenubɔk, editim nditɔ-iren ye nditɔ-iban esie inua, onyuŋ ɔdiɔŋ mmɔ: ndien Laban asaŋa ɔnyɔŋ ebiet esiemɔ.

Currently Selected:

GENESIS 31: ENA

Highlight

Copy