GENESIS 34
34
Shechem Asabare Dinah
1EKEM, Dinah eyen Leah aŋwan, emi enye akamande ɔnɔ Jacob, ɔwɔrɔ aka ndise 2nditɔ-iban idut oro. Ndien Shechem eyen Hamor Hivite, ɔbɔŋ obio oro, okut enye, onyuŋ ada enye, ɔfiɔk enye, onyuŋ 3asabade enye. Esit esie onyuŋ adiana ye Dinah eyen Jacob, enye onyuŋ ama eyen oro, onyuŋ etiŋ 4ikɔ inemesit ɔnɔ eyen oro. Ndien Shechem ɔdɔhɔ Hamor, ete esie, ete, Da eyen emi nɔ mi ndɔ. 5Ndien Jacob okop ete ke enye ama akabiat Dinah, eyen imɔ: edi nditɔ-iren esie edu ye ufene esie ke iŋwaŋ: ndien Jacob odop uyo tutu mmɔ edi.
6Ndien Hamor, ete Shechem, ɔwɔrɔ aka ebiet Jacob ndidɔhɔ 7ye enye. Ekem, nditɔ-iren Jacob eto ke iŋwaŋ edi ke ini mmɔ ekopde: mmɔ enyuŋ efut esit, esit onyuŋ ayat mmɔ eti-eti, koro enye akanamde oburobut ŋkpɔ ke Israel, ke ɔfiɔkde eyen Jacob aŋwan; koro edide ŋkpɔ 8eke mikpanamke ntre. Ndien Hamor ɔdɔhɔ mmɔ, ete, esit Shechem eyen mi adadiana ye eyen mbufo aŋwan: eda enye, 9mbɔk, enɔ enye ɔdɔ. Mbufo enyuŋ enam ndɔ ye nnyin, enɔ nnyin nditɔ-iban mbufo enyuŋ eda nditɔ-iban nnyin ke idem mbufo. 10Mbufo eyenyuŋ eduŋ ye nnyin: ndien isɔŋ ana mbufo ke iso; eduŋ, enyuŋ enyam urua ke esit, enyuŋ enyene inyene ke esit. 11Shechem onyuŋ ɔdɔhɔ ete eyen aŋwan oro ye nditɔ-ete esie ŋko, ete, Mbufo enen iso ye ami, ndien nyenɔ se mbufo edidɔhɔde mi. 12Mbufo esiak ŋkpɔ ndɔ, ye enɔ ediwak enɔ mi, ndien nyenɔ kpa nte mbufo edidɔhɔde mi: edi enɔ mi eyen emi ndɔ.
13Ndien nditɔ Jacob ebɔrɔ Shechem ye Hamor ete esie abiaŋa-abiaŋa, mmɔ enyuŋ edɔhɔ ntem, koro enye akabiatde Dinah eyen-ete mmɔ aŋwan: 14ndien mmɔ edɔhɔ mmɔ ete, Nnyin ikwe nte inamde ŋkpɔ emi, ndida eyen-ete nnyin aŋwan nnɔ owo emi edide edut; koro enye edide ŋkpɔ but 15ye nnyin: edi ntem ke idinyime inɔ mbufo: mbufo ema edi nte 16nnyin, enyuŋ enim kpukpru iren mbufo mbobi, iyenɔ ndien mbufo nditɔ-iban nnyin, inyuŋ ida nditɔ-iban mbufo ke idem nnyin, inyuŋ itie ye mbufo, inyuŋ idi oruk kiet. 17Edi ke mbufo mikopke uyo nnyin, minyuŋ inaŋa mbobi; nnyin iyeda ndien eyen nnyin inyɔŋɔ. 18Ndien ikɔ mmɔ enem Hamor, ye 19Shechem eyen Hamor. Ndien eyen oro ibigike ŋkpɔ oro ndinam, koro eyen Jacob adatde enye esit: mmɔ enyuŋ ekpono, enye ekan kpukpru ufɔk ete esie.
20Ekem Hamor ye Shechem eyen esie edi ke inua-otop obio mmɔ, edidɔhɔ ye mbio-obio mmɔ, ete, 21Ke mbon emi etie ufan-ufan ye nnyin; eyak mmɔ etie ke isɔŋ ndien, enyuŋ enyam urua ke esit; ndien isɔŋ emi, sese, enye okpon ke iso mmɔ; nnyin iyeda nditɔ-iban mmɔ ke idem nnyin idɔ, iyenyuŋ inɔ mmɔ nditɔ-iban 22nnyin. Edi ntem ke mmɔ edinyime enɔ nnyin ndiduŋ ye nnyin, ndidi oruk kiet, kpukpru eke nnyin iren ema ena mbobi, 23nte emi mmɔ enade mbobi. Nte ufene mmɔ ye inyene mmɔ, ye unam mmɔ kpukpru idige eke nnyin? Eyak nnyin inyime inɔ mmɔ, ndien mmɔ eyetie ye nnyin. 24Ndien kpukpru mmɔ eke ewɔŋɔde inua-otop obio ekop uyo Hamor ye eke Shechem eyen esie; ndien kpukpru iren ena mbobi, kpukpru mmɔ eke ewɔŋɔde ke inua-otop obio esie.
25Edikem, ke ɔyɔhɔ usen ita, ke mmɔ ekopde ubiak, ndien nditɔ-iren Jacob iba, Simeon ye Levi, nditɔ eka Dinah, eda ofut mmɔ, edi ke obio uko-uko, ediwot kpukpru iren owo. 26Mmɔ enyuŋ ewot Hamor ye Shechem eyen esie ke iso ofut, enyuŋ esio Dinah ke ufɔk Shechem, ndien ewɔŋɔ. 27Nditɔ Jacob edi ke ɔtɔ mme akpa mkpa, edibume kpukpru ŋkpɔ obio, koro ema ekebiat eyen-ete 28mmɔ aŋwan. Eda erɔŋ mmɔ, ye enaŋ mmɔ, ye ass mmɔ, ye se idude ke obio, ye se idude ke iŋwaŋ. 29Mmɔ enyuŋ etaŋ kpukpru inyene mmɔ, ye kpukpru nditɔwɔŋ mmɔ, ye iban mmɔ, enyɔŋɔ, enyuŋ ebume kpukpru se idude ke ufɔk ŋko.
30Ndien Jacob ɔdɔhɔ Simeon ye Levi, ete, Mbufo emesin mi ke afanikɔŋ ke erinam mi ŋwaha ke otu mme andiduŋ isɔŋ emi mme Canaanite ye mme Perizzite: ndien ami ŋwakke owo, mmɔ eyenyuŋ esop idem etiene mi, enyuŋ ewot mi; ami nnyuŋ ntak 31ye ufɔk mi. Ndien mmɔ edɔhɔ, ete, Nte enye akpanam ye eyen-ete nnyin nte enamde ye ŋwan use?
Currently Selected:
GENESIS 34: ENA
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.
GENESIS 34
34
Shechem Asabare Dinah
1EKEM, Dinah eyen Leah aŋwan, emi enye akamande ɔnɔ Jacob, ɔwɔrɔ aka ndise 2nditɔ-iban idut oro. Ndien Shechem eyen Hamor Hivite, ɔbɔŋ obio oro, okut enye, onyuŋ ada enye, ɔfiɔk enye, onyuŋ 3asabade enye. Esit esie onyuŋ adiana ye Dinah eyen Jacob, enye onyuŋ ama eyen oro, onyuŋ etiŋ 4ikɔ inemesit ɔnɔ eyen oro. Ndien Shechem ɔdɔhɔ Hamor, ete esie, ete, Da eyen emi nɔ mi ndɔ. 5Ndien Jacob okop ete ke enye ama akabiat Dinah, eyen imɔ: edi nditɔ-iren esie edu ye ufene esie ke iŋwaŋ: ndien Jacob odop uyo tutu mmɔ edi.
6Ndien Hamor, ete Shechem, ɔwɔrɔ aka ebiet Jacob ndidɔhɔ 7ye enye. Ekem, nditɔ-iren Jacob eto ke iŋwaŋ edi ke ini mmɔ ekopde: mmɔ enyuŋ efut esit, esit onyuŋ ayat mmɔ eti-eti, koro enye akanamde oburobut ŋkpɔ ke Israel, ke ɔfiɔkde eyen Jacob aŋwan; koro edide ŋkpɔ 8eke mikpanamke ntre. Ndien Hamor ɔdɔhɔ mmɔ, ete, esit Shechem eyen mi adadiana ye eyen mbufo aŋwan: eda enye, 9mbɔk, enɔ enye ɔdɔ. Mbufo enyuŋ enam ndɔ ye nnyin, enɔ nnyin nditɔ-iban mbufo enyuŋ eda nditɔ-iban nnyin ke idem mbufo. 10Mbufo eyenyuŋ eduŋ ye nnyin: ndien isɔŋ ana mbufo ke iso; eduŋ, enyuŋ enyam urua ke esit, enyuŋ enyene inyene ke esit. 11Shechem onyuŋ ɔdɔhɔ ete eyen aŋwan oro ye nditɔ-ete esie ŋko, ete, Mbufo enen iso ye ami, ndien nyenɔ se mbufo edidɔhɔde mi. 12Mbufo esiak ŋkpɔ ndɔ, ye enɔ ediwak enɔ mi, ndien nyenɔ kpa nte mbufo edidɔhɔde mi: edi enɔ mi eyen emi ndɔ.
13Ndien nditɔ Jacob ebɔrɔ Shechem ye Hamor ete esie abiaŋa-abiaŋa, mmɔ enyuŋ edɔhɔ ntem, koro enye akabiatde Dinah eyen-ete mmɔ aŋwan: 14ndien mmɔ edɔhɔ mmɔ ete, Nnyin ikwe nte inamde ŋkpɔ emi, ndida eyen-ete nnyin aŋwan nnɔ owo emi edide edut; koro enye edide ŋkpɔ but 15ye nnyin: edi ntem ke idinyime inɔ mbufo: mbufo ema edi nte 16nnyin, enyuŋ enim kpukpru iren mbufo mbobi, iyenɔ ndien mbufo nditɔ-iban nnyin, inyuŋ ida nditɔ-iban mbufo ke idem nnyin, inyuŋ itie ye mbufo, inyuŋ idi oruk kiet. 17Edi ke mbufo mikopke uyo nnyin, minyuŋ inaŋa mbobi; nnyin iyeda ndien eyen nnyin inyɔŋɔ. 18Ndien ikɔ mmɔ enem Hamor, ye 19Shechem eyen Hamor. Ndien eyen oro ibigike ŋkpɔ oro ndinam, koro eyen Jacob adatde enye esit: mmɔ enyuŋ ekpono, enye ekan kpukpru ufɔk ete esie.
20Ekem Hamor ye Shechem eyen esie edi ke inua-otop obio mmɔ, edidɔhɔ ye mbio-obio mmɔ, ete, 21Ke mbon emi etie ufan-ufan ye nnyin; eyak mmɔ etie ke isɔŋ ndien, enyuŋ enyam urua ke esit; ndien isɔŋ emi, sese, enye okpon ke iso mmɔ; nnyin iyeda nditɔ-iban mmɔ ke idem nnyin idɔ, iyenyuŋ inɔ mmɔ nditɔ-iban 22nnyin. Edi ntem ke mmɔ edinyime enɔ nnyin ndiduŋ ye nnyin, ndidi oruk kiet, kpukpru eke nnyin iren ema ena mbobi, 23nte emi mmɔ enade mbobi. Nte ufene mmɔ ye inyene mmɔ, ye unam mmɔ kpukpru idige eke nnyin? Eyak nnyin inyime inɔ mmɔ, ndien mmɔ eyetie ye nnyin. 24Ndien kpukpru mmɔ eke ewɔŋɔde inua-otop obio ekop uyo Hamor ye eke Shechem eyen esie; ndien kpukpru iren ena mbobi, kpukpru mmɔ eke ewɔŋɔde ke inua-otop obio esie.
25Edikem, ke ɔyɔhɔ usen ita, ke mmɔ ekopde ubiak, ndien nditɔ-iren Jacob iba, Simeon ye Levi, nditɔ eka Dinah, eda ofut mmɔ, edi ke obio uko-uko, ediwot kpukpru iren owo. 26Mmɔ enyuŋ ewot Hamor ye Shechem eyen esie ke iso ofut, enyuŋ esio Dinah ke ufɔk Shechem, ndien ewɔŋɔ. 27Nditɔ Jacob edi ke ɔtɔ mme akpa mkpa, edibume kpukpru ŋkpɔ obio, koro ema ekebiat eyen-ete 28mmɔ aŋwan. Eda erɔŋ mmɔ, ye enaŋ mmɔ, ye ass mmɔ, ye se idude ke obio, ye se idude ke iŋwaŋ. 29Mmɔ enyuŋ etaŋ kpukpru inyene mmɔ, ye kpukpru nditɔwɔŋ mmɔ, ye iban mmɔ, enyɔŋɔ, enyuŋ ebume kpukpru se idude ke ufɔk ŋko.
30Ndien Jacob ɔdɔhɔ Simeon ye Levi, ete, Mbufo emesin mi ke afanikɔŋ ke erinam mi ŋwaha ke otu mme andiduŋ isɔŋ emi mme Canaanite ye mme Perizzite: ndien ami ŋwakke owo, mmɔ eyenyuŋ esop idem etiene mi, enyuŋ ewot mi; ami nnyuŋ ntak 31ye ufɔk mi. Ndien mmɔ edɔhɔ, ete, Nte enye akpanam ye eyen-ete nnyin nte enamde ye ŋwan use?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.