GENESIS 44
44
Joseph Ɔkɔk Afia Ɔnɔ Nditɔ Eka Esie Onyuŋ Omum Benjamin Onim
1EKEM, enye ɔdɔhɔ akama ŋkpɔ ufɔk esie, ete, Sin udia ke ekpat mmɔ oro yɔhɔ, adaŋa nte ekemede ndibiom, nyuŋ da silver owo kpukpru nyuŋ sin ke inua ekpat mmɔ. 2Ndien, da cup mi, cup silver, sin ke inua ekpat ekpri eyen, ye urua ibokpot esie. Ndien enye anam ke ikɔ oro Joseph ɔkɔdɔhɔde.
3Eyo esiere, ndien eyak mmɔ enyɔŋɔ, ye mme ass mmɔ. 4Mmɔ ewɔŋɔ ke obio, ikaisimke anyan ebiet, ndien Joseph ɔdɔhɔ akama-ŋkpɔ ufɔk esie ete, Daha ke enyɔŋ, bine mmɔ; ndien ke ini afo osimde mmɔ, dɔhɔ mmɔ ete, Ke nso ke mbufo eda idiɔk-ŋkpɔ esio usiene eti? 5Nte idige emi ke ete mi ɔŋwɔŋ ke esit; enye onyuŋ ada enye ayarare ŋkpɔ; emi mbufo enamde ntem emediɔk.
6Ndien enye osim mmɔ, onyuŋ emen ikɔ emi etiŋ ye mmɔ. 7Ndien mmɔ edɔhɔ enye ete, Ke didie ke ɔbɔŋ nnyin ɔdɔhɔ ikɔ emi? nsa nnyin ikɔt fo inamke oruk ŋkpɔ emi. 8Sese, silver oro ikokutde ke inua ekpat nnyin, ke nnyin ima ida ke idut Canaan ifiak isɔk fi; nnyin ikpanam didie iyip silver mme gold ke ufɔk usɔ? 9Owo ke otu ifin fo emi cup odude ye enye, yak enye akpa, ndien nnyin ŋko iyedi ifin usɔ. 10Ndien enye ɔdɔhɔ ete, Yak akam edi ntre ŋko ke ikɔ mbufo: owo emi cup odude ye enye, eyedi ofin mi; ndien mbufo eyebɔhɔ. 11Ndien mmɔ ewara ebiomore ekpat mmɔ enim ke isɔŋ, ndien kpukpru owo etat ekpat mmɔ. 12Ndien enye oyom, ɔtɔŋɔ ke akpan, onyuŋ etre ke ekpri: ndien ekut cup oro ke ekpat Benjamin. 13Ndien mmɔ ewai edisine-ŋkpɔ mmɔ, kpukpru owo enyuŋ emen ekpat edori ke ass mmɔ, ndien efiak eka ke obio.
14Ekem, Judah ye nditɔ-ete esie edi ke ufɔk Joseph; enye onyuŋ odu do kaŋa, ndien mmɔ eduɔŋɔ enye ke iso ke isɔŋ. 15Ndien Joseph obup mmɔ ete, Nso ke mbufo enam ntem? nte mbufo ifiɔkke ite owo nte ami ikpuhɔ ndiyarare ŋkpɔ? 16Ndien Judah ɔdɔhɔ ete, Nnyin ididɔhɔ didie ye ɔbɔŋ mi? nnyin iditiŋ nso? inam didie ikaŋ idem nnyin? Abasi ama okut idiɔk-ŋkpɔ ifin fo: sese, nnyin idi ifin ɔbɔŋ mi, ye nnyin, ye owo emi ekutde enye cup ke ubɔk. 17Ndien Joseph ete, Nsa mi! nnamke ŋkpɔ emi: owo oro ekekutde enye cup oro ke ubɔk, eyedi ofin mi; edi mbufo esaŋa ke ifure edɔk etiene ete mbufo.
18Ndien Judah asaŋa ekpere, edidɔhɔ ete, Ɔbɔŋ mi, mbɔk, yak ofin fo etiŋ ikɔ esin ɔbɔŋ mi ke utɔŋ, esit fo okunyuŋ ofiop ye ofin fo: koro afo etiede nte Pharaoh. 19Ɔbɔŋ mi okobup ifin esie ete, Nte mbufo emenyene ete, mme eyenete? 20Nnyin inyuŋ idɔhɔ ɔbɔŋ mi, ite Nnyin imenyene ete, akani owo, ye eyen usɔŋ esie, emi ekpride; eyen-eka esie omonyuŋ akpa, ndien enye osuk ikpɔŋ-ikpɔŋ ke eke eka esie, ete esie onyuŋ ama enye. 21Ndien afo ɔkɔdɔhɔ ifin fo, ete, Mbufo eda enye esuhɔre esɔk mi, man ŋwuk enyin nse enye. 22Nnyin inyuŋ idɔhɔ ɔbɔŋ mi, ite, Ke eyen oro ikwe nte ɔkpɔŋde ete esie: koro enye ama ɔkpɔŋ ete esie, ete eyekpa. 23Ndien afo ɔdɔhɔ ifin fo, ete, Ekpri eyen-ete mbufo mitieneke mbufo isuhɔre idi, mbufo iditɔŋɔke aba ntak ikut iso mi.
24Ekem, ke ini nnyin idɔkde ikosim owo fo ete nnyin, nnyin inyuŋ itiŋ ikɔ ɔbɔŋ mi inɔ enye. 25Ekem, ete nnyin ɔdɔhɔ ete, Mbufo efiak ekedep ekpri udia enɔ nnyin. 26Nnyin inyuŋ idɔhɔ ite, Ke nnyin ikwe nte isuhɔrede: ekpri eyen-ete nnyin ama asaŋa ye nnyin iyesuhɔre ndien: koro nnyin midikemeke ndikut iso owo oro, ke ekpri eyen-ete nnyin midige ye nnyin. 27Ndien ete mi, owo fo ɔdɔhɔ nnyin, ete, Ŋkɔm mbufo emɔfiɔk ete ke ŋwan mi akaman nditɔ iba ɔnɔ mi: 28ekem, kiet ɔwɔrɔ ɔkpɔŋ mi, ndien, ndɔhɔ, nte, Ke ewewai enye; ŋka nnyuŋ 29ŋkwe enye tutu osim emi: mbufo ema enyuŋ ebɔ mi emi ŋko, ŋkpɔ ama onyuŋ anam enye, ndien mbufo eyenam iwat mi osuhɔre ke udi ke idiɔk-ŋkpɔ. 30Mmɔdo, ke ndisimde owo fo ete mi, eyen-ɔwɔŋ oro midige ye nnyin; sia ukpɔŋ esie eyirede ye ukpɔŋ eyen-ɔwɔŋ; 31ndien edidi, ke enye okutde ete ke eyen oro iduhe, eyekpa: ifin fo eyenyuŋ enam iwat owo fo, ete nnyin, ɔsuhɔre ke udi ke mfuhɔ. 32Koro ofin fo eketiede ubiɔŋ ke eyen emi ye ete mi, nte, Mmendaha enye nsɔk fi, ndien nyenyene ikɔ ye ete mi ke nsinsi. 33Mmɔdo, mbɔk, yak ofin fo etie ke ofin ɔbɔŋ mi ke ibuot eyen oro; ndien yak eyen oro etiene nditɔ-ete esie ɔdɔk. 34Koro ndinam didie ndɔk ntiene ete mi, ndien eyen oro midige ye ami, mbak ndikut idiɔk-ŋkpɔ eke edinamde ete mi.
Currently Selected:
GENESIS 44: ENA
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.
GENESIS 44
44
Joseph Ɔkɔk Afia Ɔnɔ Nditɔ Eka Esie Onyuŋ Omum Benjamin Onim
1EKEM, enye ɔdɔhɔ akama ŋkpɔ ufɔk esie, ete, Sin udia ke ekpat mmɔ oro yɔhɔ, adaŋa nte ekemede ndibiom, nyuŋ da silver owo kpukpru nyuŋ sin ke inua ekpat mmɔ. 2Ndien, da cup mi, cup silver, sin ke inua ekpat ekpri eyen, ye urua ibokpot esie. Ndien enye anam ke ikɔ oro Joseph ɔkɔdɔhɔde.
3Eyo esiere, ndien eyak mmɔ enyɔŋɔ, ye mme ass mmɔ. 4Mmɔ ewɔŋɔ ke obio, ikaisimke anyan ebiet, ndien Joseph ɔdɔhɔ akama-ŋkpɔ ufɔk esie ete, Daha ke enyɔŋ, bine mmɔ; ndien ke ini afo osimde mmɔ, dɔhɔ mmɔ ete, Ke nso ke mbufo eda idiɔk-ŋkpɔ esio usiene eti? 5Nte idige emi ke ete mi ɔŋwɔŋ ke esit; enye onyuŋ ada enye ayarare ŋkpɔ; emi mbufo enamde ntem emediɔk.
6Ndien enye osim mmɔ, onyuŋ emen ikɔ emi etiŋ ye mmɔ. 7Ndien mmɔ edɔhɔ enye ete, Ke didie ke ɔbɔŋ nnyin ɔdɔhɔ ikɔ emi? nsa nnyin ikɔt fo inamke oruk ŋkpɔ emi. 8Sese, silver oro ikokutde ke inua ekpat nnyin, ke nnyin ima ida ke idut Canaan ifiak isɔk fi; nnyin ikpanam didie iyip silver mme gold ke ufɔk usɔ? 9Owo ke otu ifin fo emi cup odude ye enye, yak enye akpa, ndien nnyin ŋko iyedi ifin usɔ. 10Ndien enye ɔdɔhɔ ete, Yak akam edi ntre ŋko ke ikɔ mbufo: owo emi cup odude ye enye, eyedi ofin mi; ndien mbufo eyebɔhɔ. 11Ndien mmɔ ewara ebiomore ekpat mmɔ enim ke isɔŋ, ndien kpukpru owo etat ekpat mmɔ. 12Ndien enye oyom, ɔtɔŋɔ ke akpan, onyuŋ etre ke ekpri: ndien ekut cup oro ke ekpat Benjamin. 13Ndien mmɔ ewai edisine-ŋkpɔ mmɔ, kpukpru owo enyuŋ emen ekpat edori ke ass mmɔ, ndien efiak eka ke obio.
14Ekem, Judah ye nditɔ-ete esie edi ke ufɔk Joseph; enye onyuŋ odu do kaŋa, ndien mmɔ eduɔŋɔ enye ke iso ke isɔŋ. 15Ndien Joseph obup mmɔ ete, Nso ke mbufo enam ntem? nte mbufo ifiɔkke ite owo nte ami ikpuhɔ ndiyarare ŋkpɔ? 16Ndien Judah ɔdɔhɔ ete, Nnyin ididɔhɔ didie ye ɔbɔŋ mi? nnyin iditiŋ nso? inam didie ikaŋ idem nnyin? Abasi ama okut idiɔk-ŋkpɔ ifin fo: sese, nnyin idi ifin ɔbɔŋ mi, ye nnyin, ye owo emi ekutde enye cup ke ubɔk. 17Ndien Joseph ete, Nsa mi! nnamke ŋkpɔ emi: owo oro ekekutde enye cup oro ke ubɔk, eyedi ofin mi; edi mbufo esaŋa ke ifure edɔk etiene ete mbufo.
18Ndien Judah asaŋa ekpere, edidɔhɔ ete, Ɔbɔŋ mi, mbɔk, yak ofin fo etiŋ ikɔ esin ɔbɔŋ mi ke utɔŋ, esit fo okunyuŋ ofiop ye ofin fo: koro afo etiede nte Pharaoh. 19Ɔbɔŋ mi okobup ifin esie ete, Nte mbufo emenyene ete, mme eyenete? 20Nnyin inyuŋ idɔhɔ ɔbɔŋ mi, ite Nnyin imenyene ete, akani owo, ye eyen usɔŋ esie, emi ekpride; eyen-eka esie omonyuŋ akpa, ndien enye osuk ikpɔŋ-ikpɔŋ ke eke eka esie, ete esie onyuŋ ama enye. 21Ndien afo ɔkɔdɔhɔ ifin fo, ete, Mbufo eda enye esuhɔre esɔk mi, man ŋwuk enyin nse enye. 22Nnyin inyuŋ idɔhɔ ɔbɔŋ mi, ite, Ke eyen oro ikwe nte ɔkpɔŋde ete esie: koro enye ama ɔkpɔŋ ete esie, ete eyekpa. 23Ndien afo ɔdɔhɔ ifin fo, ete, Ekpri eyen-ete mbufo mitieneke mbufo isuhɔre idi, mbufo iditɔŋɔke aba ntak ikut iso mi.
24Ekem, ke ini nnyin idɔkde ikosim owo fo ete nnyin, nnyin inyuŋ itiŋ ikɔ ɔbɔŋ mi inɔ enye. 25Ekem, ete nnyin ɔdɔhɔ ete, Mbufo efiak ekedep ekpri udia enɔ nnyin. 26Nnyin inyuŋ idɔhɔ ite, Ke nnyin ikwe nte isuhɔrede: ekpri eyen-ete nnyin ama asaŋa ye nnyin iyesuhɔre ndien: koro nnyin midikemeke ndikut iso owo oro, ke ekpri eyen-ete nnyin midige ye nnyin. 27Ndien ete mi, owo fo ɔdɔhɔ nnyin, ete, Ŋkɔm mbufo emɔfiɔk ete ke ŋwan mi akaman nditɔ iba ɔnɔ mi: 28ekem, kiet ɔwɔrɔ ɔkpɔŋ mi, ndien, ndɔhɔ, nte, Ke ewewai enye; ŋka nnyuŋ 29ŋkwe enye tutu osim emi: mbufo ema enyuŋ ebɔ mi emi ŋko, ŋkpɔ ama onyuŋ anam enye, ndien mbufo eyenam iwat mi osuhɔre ke udi ke idiɔk-ŋkpɔ. 30Mmɔdo, ke ndisimde owo fo ete mi, eyen-ɔwɔŋ oro midige ye nnyin; sia ukpɔŋ esie eyirede ye ukpɔŋ eyen-ɔwɔŋ; 31ndien edidi, ke enye okutde ete ke eyen oro iduhe, eyekpa: ifin fo eyenyuŋ enam iwat owo fo, ete nnyin, ɔsuhɔre ke udi ke mfuhɔ. 32Koro ofin fo eketiede ubiɔŋ ke eyen emi ye ete mi, nte, Mmendaha enye nsɔk fi, ndien nyenyene ikɔ ye ete mi ke nsinsi. 33Mmɔdo, mbɔk, yak ofin fo etie ke ofin ɔbɔŋ mi ke ibuot eyen oro; ndien yak eyen oro etiene nditɔ-ete esie ɔdɔk. 34Koro ndinam didie ndɔk ntiene ete mi, ndien eyen oro midige ye ami, mbak ndikut idiɔk-ŋkpɔ eke edinamde ete mi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.