GENESIS 45
45
Joseph Ayarade Idem Ɔnɔ Nditɔ Eka Esie
1NDIEN Joseph ikwe nte odopde ke iso kpukpru mmɔ emi edade ye enye: ndien enye ofiori, ete, Enam kpukpru owo ewɔŋɔ ekpɔŋ imɔ. Ndien baba owo kiet idaha ye enye, ke ini Joseph ayararede idem esie ɔnɔ nditɔ-ete esie. 2Ndien Joseph emen uyo atua eyet: 3nditɔ Egypt enyuŋ ekop, ufɔk Pharaoh onyuŋ okop. Ndien Joseph ɔdɔhɔ nditɔ ete esie, ete, Ami ndi Joseph; nte ete mi ke odudu uwem osuk? Ndien nditɔ-ete esie ikwe nte ebɔrɔde enye: koro idem akpade mmɔ ke iso esie. 4Ndien Joseph ɔdɔhɔ nditɔ-ete esie, ete, Mbufo esaŋa ekpere mi, mbɔk. Ndien mmɔ esaŋa ekpere. Ndien enye ete, Ami ndi Joseph, eyen-ete mbufo, emi mbufo ekenyamde enɔ ke Egypt. 5Edi mbufo ekufuhɔ, ekunyuŋ eyat esit koro ekenyamde mi ken: koro edi Abasi ɔkɔdɔŋ mi ete mbem mbufo iso ndinim uwem. 6Koro akaŋ ama odu ke isɔŋ ke isua iba emi: isua ition enyuŋ esuk eke utɔ ye ukpeŋe mididuhe. 7Ndien Abasi ɔkɔdɔŋ mi ete mben mbufo iso, man nnim ubon mbufo ke isɔŋ, nnyuŋ nnyaŋa mbufo uwem ke akamba erinyaŋa. 8Mmɔdo, idige mbufo edɔŋ mi ete ndi ken, edi Abasi; Enye ama onyuŋ onim mi ke ete ɔnɔ Pharaoh, ye ɔbɔŋ ofuri ufɔk esie, ye andikara ofuri isɔŋ Egypt. 9Mbufo ewara edɔk etiene ete mi, enyuŋ edɔhɔ enye ete, Ntem ke eyen fo Joseph ɔdɔhɔ, ete, Abasi ama onim mi ke ɔbɔŋ ofuri Egypt: suhɔre tiene mi kubigi: 10ndien afo eyeduŋ ke isɔŋ Goshen, eyenyuŋ ekpere mi, afo ye nditɔ fo, ye nditɔ nditɔ fo, ye otu erɔŋ fo, ye udim enaŋ fo, ye kpukpru se afo enyenede: 11nyenyuŋ mbɔk fi do: koro esukde kaŋa isua akaŋ ition; mbak afo edikabare obuene ye ufɔk fo, ye kpukpru se afo enyenede. 12Ndien, sese, enyin mbufo, ye enyin Benjamin eyeneka mi ekut, ete ke edi inua mi ɔdɔhɔ ye mbufo. 13Mbufo enyuŋ emen kpukpru ubɔŋ mi ke Egypt, ye kpukpru se mbufo ekutde, etiŋ enɔ ete mi; enyuŋ ewara eda ete mi esuhɔre edi ken.
14Ndien enye ɔkɔŋɔ Benjamin eyen-eka esie ke itɔŋ, atua eyet; Benjamin onyuŋ atua eyet ke itɔŋ esie ŋko. 15Enye onyuŋ otim kpukpru nditɔ-ete esie inua, atua ke itɔŋ mmɔ; ndien nditɔ-ete esie eneme nneme ye enye.
16Ekem, ekop etop oro ke ufɔk Pharaoh, ete, ke nditɔ-ete Joseph emedi: ndien enem Pharaoh ye ikɔt esie esit. 17Ndien Pharaoh ete Joseph, dɔhɔ nditɔ usɔ, ete, Mbufo enam emi; edori mbiomo ke mme ass mbufo, enyɔŋɔ, eka isɔŋ Canaan; 18enyuŋ eda ete mbufo ye mme ufɔk mbufo, editiene mi: ndien nyenɔ mbufo se ifɔnde ke isɔŋ Egypt, mbufo eyenyuŋ edia isek isɔŋ emi. 19Mmeteme fi ndien; mbufo enam emi; eda ukpat-ŋkpɔ ke idem mbufo ke isɔŋ Egypt enɔ ŋkpri nditɔwɔŋ mbufo, ye iban mbufo, ndien emen ete mbufo ekama edi. 20Ndien ekukere ŋkpɔ nduŋufɔk mbufo, koro se ifɔnde ke ofuri isɔŋ Egypt edide eke mbufo.
21Ndien nditɔ Israel enam ntre: Joseph onyuŋ ɔnɔ mmɔ ukpat-ŋkpɔ, ke uyo Pharaoh, onyuŋ ɔnɔ mmɔ udia usuŋ. 22Enye ada edisine-ŋkpɔ ɔnɔ mmɔ kpukpru kiet kiet; edi ɔnɔ Benjamin silver ikie 23ita, ye edisine-ŋkpɔ ition. Onyuŋ ɔnɔ ŋkpɔ ntem ɔsɔk ete esie: ass duop eke ebiomde nti ŋkpɔ Egypt, ye uman ass duop eke ebiomde ibokpot ye uyo, ye udia usuŋ ete esie. 24Ndien enye ayak nditɔ-ete esie enyɔŋɔ: onyuŋ ɔdɔhɔ mmɔ ete mbufo ekutɔhɔ utɔk ke usuŋ.
25Ndien mmɔ edaha ke Egypt, edɔk ekesim ete mmɔ Jacob ke isɔŋ Canaan; 26enyuŋ edɔhɔ enye ete, Joseph ke osuk odu uwem kaŋa, enye onyuŋ edi andikara ofuri isɔŋ Egypt. Ndien ibikpai omum enye esit, koro enye minimke ikɔ mmɔ ke akpanikɔ. 27Ndien mmɔ emen kpukpru ikɔ oro Joseph ɔkɔdɔhɔde mmɔ, etiŋ enɔ enye: enye onyuŋ okut ukpat-ŋkpɔ oro Joseph ɔkɔdɔŋde ete edimen enye, ndien esit Jacob ete mmɔ edemere. 28Ndien Israel ete, Ekem; Joseph eyen mi ke osuk odu uwem: nyeka ŋkese enye, ndien ndikpa.
Currently Selected:
GENESIS 45: ENA
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.
GENESIS 45
45
Joseph Ayarade Idem Ɔnɔ Nditɔ Eka Esie
1NDIEN Joseph ikwe nte odopde ke iso kpukpru mmɔ emi edade ye enye: ndien enye ofiori, ete, Enam kpukpru owo ewɔŋɔ ekpɔŋ imɔ. Ndien baba owo kiet idaha ye enye, ke ini Joseph ayararede idem esie ɔnɔ nditɔ-ete esie. 2Ndien Joseph emen uyo atua eyet: 3nditɔ Egypt enyuŋ ekop, ufɔk Pharaoh onyuŋ okop. Ndien Joseph ɔdɔhɔ nditɔ ete esie, ete, Ami ndi Joseph; nte ete mi ke odudu uwem osuk? Ndien nditɔ-ete esie ikwe nte ebɔrɔde enye: koro idem akpade mmɔ ke iso esie. 4Ndien Joseph ɔdɔhɔ nditɔ-ete esie, ete, Mbufo esaŋa ekpere mi, mbɔk. Ndien mmɔ esaŋa ekpere. Ndien enye ete, Ami ndi Joseph, eyen-ete mbufo, emi mbufo ekenyamde enɔ ke Egypt. 5Edi mbufo ekufuhɔ, ekunyuŋ eyat esit koro ekenyamde mi ken: koro edi Abasi ɔkɔdɔŋ mi ete mbem mbufo iso ndinim uwem. 6Koro akaŋ ama odu ke isɔŋ ke isua iba emi: isua ition enyuŋ esuk eke utɔ ye ukpeŋe mididuhe. 7Ndien Abasi ɔkɔdɔŋ mi ete mben mbufo iso, man nnim ubon mbufo ke isɔŋ, nnyuŋ nnyaŋa mbufo uwem ke akamba erinyaŋa. 8Mmɔdo, idige mbufo edɔŋ mi ete ndi ken, edi Abasi; Enye ama onyuŋ onim mi ke ete ɔnɔ Pharaoh, ye ɔbɔŋ ofuri ufɔk esie, ye andikara ofuri isɔŋ Egypt. 9Mbufo ewara edɔk etiene ete mi, enyuŋ edɔhɔ enye ete, Ntem ke eyen fo Joseph ɔdɔhɔ, ete, Abasi ama onim mi ke ɔbɔŋ ofuri Egypt: suhɔre tiene mi kubigi: 10ndien afo eyeduŋ ke isɔŋ Goshen, eyenyuŋ ekpere mi, afo ye nditɔ fo, ye nditɔ nditɔ fo, ye otu erɔŋ fo, ye udim enaŋ fo, ye kpukpru se afo enyenede: 11nyenyuŋ mbɔk fi do: koro esukde kaŋa isua akaŋ ition; mbak afo edikabare obuene ye ufɔk fo, ye kpukpru se afo enyenede. 12Ndien, sese, enyin mbufo, ye enyin Benjamin eyeneka mi ekut, ete ke edi inua mi ɔdɔhɔ ye mbufo. 13Mbufo enyuŋ emen kpukpru ubɔŋ mi ke Egypt, ye kpukpru se mbufo ekutde, etiŋ enɔ ete mi; enyuŋ ewara eda ete mi esuhɔre edi ken.
14Ndien enye ɔkɔŋɔ Benjamin eyen-eka esie ke itɔŋ, atua eyet; Benjamin onyuŋ atua eyet ke itɔŋ esie ŋko. 15Enye onyuŋ otim kpukpru nditɔ-ete esie inua, atua ke itɔŋ mmɔ; ndien nditɔ-ete esie eneme nneme ye enye.
16Ekem, ekop etop oro ke ufɔk Pharaoh, ete, ke nditɔ-ete Joseph emedi: ndien enem Pharaoh ye ikɔt esie esit. 17Ndien Pharaoh ete Joseph, dɔhɔ nditɔ usɔ, ete, Mbufo enam emi; edori mbiomo ke mme ass mbufo, enyɔŋɔ, eka isɔŋ Canaan; 18enyuŋ eda ete mbufo ye mme ufɔk mbufo, editiene mi: ndien nyenɔ mbufo se ifɔnde ke isɔŋ Egypt, mbufo eyenyuŋ edia isek isɔŋ emi. 19Mmeteme fi ndien; mbufo enam emi; eda ukpat-ŋkpɔ ke idem mbufo ke isɔŋ Egypt enɔ ŋkpri nditɔwɔŋ mbufo, ye iban mbufo, ndien emen ete mbufo ekama edi. 20Ndien ekukere ŋkpɔ nduŋufɔk mbufo, koro se ifɔnde ke ofuri isɔŋ Egypt edide eke mbufo.
21Ndien nditɔ Israel enam ntre: Joseph onyuŋ ɔnɔ mmɔ ukpat-ŋkpɔ, ke uyo Pharaoh, onyuŋ ɔnɔ mmɔ udia usuŋ. 22Enye ada edisine-ŋkpɔ ɔnɔ mmɔ kpukpru kiet kiet; edi ɔnɔ Benjamin silver ikie 23ita, ye edisine-ŋkpɔ ition. Onyuŋ ɔnɔ ŋkpɔ ntem ɔsɔk ete esie: ass duop eke ebiomde nti ŋkpɔ Egypt, ye uman ass duop eke ebiomde ibokpot ye uyo, ye udia usuŋ ete esie. 24Ndien enye ayak nditɔ-ete esie enyɔŋɔ: onyuŋ ɔdɔhɔ mmɔ ete mbufo ekutɔhɔ utɔk ke usuŋ.
25Ndien mmɔ edaha ke Egypt, edɔk ekesim ete mmɔ Jacob ke isɔŋ Canaan; 26enyuŋ edɔhɔ enye ete, Joseph ke osuk odu uwem kaŋa, enye onyuŋ edi andikara ofuri isɔŋ Egypt. Ndien ibikpai omum enye esit, koro enye minimke ikɔ mmɔ ke akpanikɔ. 27Ndien mmɔ emen kpukpru ikɔ oro Joseph ɔkɔdɔhɔde mmɔ, etiŋ enɔ enye: enye onyuŋ okut ukpat-ŋkpɔ oro Joseph ɔkɔdɔŋde ete edimen enye, ndien esit Jacob ete mmɔ edemere. 28Ndien Israel ete, Ekem; Joseph eyen mi ke osuk odu uwem: nyeka ŋkese enye, ndien ndikpa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.