LEVITICUS 13
13
Mme Ewuhɔ Emi Abaŋade Mme Udɔŋɔ Emi Odude Owo ke Ikpaidem
1NDIEN Jehovah ɔdɔhɔ Moses ye Aaron, ete, 2Adaŋemi mkpuk, mme ŋkikan, mme afia ŋkem odude owo ke ikpɔhidem, ama onyuŋ ebiet udɔŋɔ akpa-mfia ke ikpɔhidem esie; yak eda enye esɔk Aaron oku, mme owo nditɔ esie, mme oku kiet; 3ndien yak oku ese udɔŋɔ oro ke ikpɔhidem esie: ndien edieke idet ke udɔŋɔ oro akabarede edi afia, enye ama onyuŋ okut nte udɔŋɔ oro ɔbuhɔde ke esit ikpɔhidem esie, enye edi udɔŋɔ akpa-mfia: ndien yak oku ese enye, onyuŋ onim enye ke edidehe. 4Edieke afia ŋkem esemde ke ikpɔhidem esie, onyuŋ ebiet ete ke enye ibuhɔke ke esit ikpɔhidem, idet esie minyuŋ ikabakede idi afia; yak oku okuk owo udɔŋɔ oro ke ofuri usen itiaba. 5Ndien ke ɔyɔhɔ usen itiaba, yak oku ese enye: ndien sese, edieke enye esede ete ke udɔŋɔ oro atuak ada, udɔŋɔ minyuŋ itarake ke ikpɔhidem; ndien yak oku ɔtɔŋɔ ntak okuk enye ke usen itiaba efen. 6Ndien yak ese enye ŋko ke ɔyɔhɔ usen itiaba; ndien, sese, edieke udɔŋɔ oro ebierede, udɔŋɔ minyuŋ itarake ke ikpɔhidem, yak oku onim enye ke edisana: ke edi ŋkikan: ndien enye eyet edisine-ŋkpɔ esiemɔ, ndien edidi edisana. 7Edi edieke ŋkikan oro atarade ke ikpɔhidem, adaŋemi oku ama okukut enye man onim enye ke edisana, yak oku ɔtɔŋɔ ntak ese enye. 8Ndien oku okut enye, ndien sese, edieke ŋkikan oro atarade ke ikpɔhidem, yak oku onim enye ke edidehe: akpa-mfia edi oro.
9Adaŋemi udɔŋɔ akpa-mfia odude owo ke idem, yak eda enye esɔk oku; yak oku onyuŋ ese enye: 10ndien, sese, edieke afia mkpuk odude ke ikpɔhidem, enye ama onyuŋ anam idet akabare edi afia, inia onyuŋ odu ke mkpuk oro; 11akani akpa-mfia edi oro ke ikpɔhidem esie; ndien yak oku onim enye ke edidehe, okukuk enye: koro enye edehede. 12Ndien edieke akpa-mfia oro ɔtɔtde ke ikpɔhidem, akpa-mfia onyuŋ ofuk ofuri ikpɔhidem owo udɔŋɔ oro, ɔtɔŋɔde ke ibuot esie tutu osim ukot esie, adaŋa nte enye oku okutde; 13ndien yak oku ese enye ndien, sese, edieke akpa-mfia ofukde ofuri obukidem esie, yak enye onim owo udɔŋɔ oro ke edisana: kpukpru ama akabara afia: enye asana. 14Edi ke usen emi ekutde enye inia ke idem, enye edehe. 15Ndien yak oku ese inia oro, onyuŋ onim enye ke edidehe: inia edehe: akpa-mfia edi oro. 16Edi edieke inia oro ɔtɔŋɔde ntak akabare edi afia, yak enye etiene oku; 17ndien yak oku ese enye: ndien, sese, udɔŋɔ oro ama akabare edi afia, yak oku onim owo udɔŋɔ oro ke edisana: enye asana.
18Ndien ŋko adaŋemi ifire ofutde ke obukidem, ke ikpɔk esie, ndien okurede, 19ndien afia mkpasip ɔmuhɔre ke ɔtɔ ifire oro, mme edi ediyama ŋkem, afia ye iduot, yak eda enye ekewut oku; 20yak oku ese, ndien sese, ama ebiet ŋkpɔ eke ɔbuhɔde ke esit ikpɔhidem, idet esie ama onyuŋ akabare afia; yak oku onim enye ndien ke edidehe; ke edi udɔŋɔ akpa-mfia eke asiahade ke itie ifire. 21Edi edieke oku esede enye, ndien, sese, afia idet miduhe ke esit, enye minyuŋ ibuhɔke ke esit ikpɔhidem, edi etie edibire-edibire; yak oku okuk enye ofuri usen itiaba: 22ndien edieke enye atarade tara ke ikpɔhidem, yak oku onim enye ke edidehe: ke edi udɔŋɔ. 23Edi edieke ediyama ŋkem atakde tak ke itie esie, minyuŋ itarake, nde ifire edi oro; ndien oku onim enye ke edisana.
24Mme adaŋemi obukidem enyenede nde ikaŋ, nde ikaŋ oro edinyuŋ akabare adat ayama oyibe; 25yak oku ese enye; ndien, sese, edieke idet ama akabare afia ke ediyama nde oro, onyuŋ ebiet nte ŋkpɔ ɔbuhɔde ke esit ikpɔhidem; enye edi akpa-mfia eke asiahade ke nde ikaŋ oro: mmɔdo yak oku onim enye ke edidehe: udɔŋɔ akpa-mfia edi oro. 26Edi edieke oku esede enye, ndien, sese, afia idet miduhe ke ediyama ŋkem oro, ŋkpɔ minyuŋ ibuhɔke ke esit ikpɔhidem, ndien etie edibire; yak oku okuk enye ke usen itiaba. 27Ndien ke ɔyɔhɔ usen itiaita, yak oku ese enye: edieke ŋkem atarade ke ikpɔhidem, yak oku onim enye ke edidehe: udɔŋɔ akpa-mfia edi oro. 28Ndien edieke ediyama ŋkem oro atuakde ada ke itie esie, mitarake ke ikpɔhidem, ndien etie edibire-edibire; enye edi mkpuk ke nde ikaŋ, ndien yak oku onim enye ke edisana: koro enye edibe nde ikaŋ.
29Ndien edieke eren mme ŋwan enyenede udɔŋɔ ke ibuot mme ke ebek; 30ndien yak oku ese udɔŋɔ oro: ndien, sese, ama ebiet ŋkpɔ eke ɔbuhɔde ke esit ikpɔhidem; mfefere uto-uto idet onyuŋ odude ke esit; yak oku onim enye ke edidehe: oro edi ikpɔk, ke edi akpa-mfia ibuot mme eke ebek. 31Ndien adaŋemi oku okutde udɔŋɔ ikpɔk oro, ndien, sese, mibietke ŋkpɔ eke ɔbuhɔde ke esit ikpɔhidem, obubit idet minyuŋ iduhe ke esit; yak oku okuk owo udɔŋɔ ikpɔk oro ke usen itiaba. 32Ndien yak oku ese udɔŋɔ oro ke ɔyɔhɔ usen itiaba; ndien, sese, ikpɔk oro mitarake, uto-uto idet minyuŋ iduhe ke esit, onyuŋ ebiet nte ikpɔk oro mibuhɔke ke esit ikpɔhidem; 33yak enye okporo ndien idem esie, edi okukporo ikpɔk oro; ndien yak oku okuk owo ikpɔk oro ke usen itiaba efen. 34Ndien oku ese ikpɔk ke ɔyɔhɔ usen itiaba; ndien, sese, ikpɔk mitarake ke ikpɔhidem, onyuŋ ebiet nte mibuhɔke ke esit ikpɔhidem; yak oku onim enye ke edisana: yak enye onyuŋ eyet edisine-ŋkpɔ esie, ndien asana. 35Edi ikpɔk oro ama atara ke ikpɔhidem, ke ema ekenim enye ke edisana; 36yak oku ndien ese enye: ndien, sese, ikpɔk oro ama atara ke ikpɔhidem, oku okukpa ndiyom uto-uto idet; owo oro edehe. 37Edi edieke ebietde nte ikpɔk atuakde ada, ndien obubit idet otibe ke esit, ikpɔk oro omokure: enye asana: ndien yak oku onim enye ke edisana.
38Ndien ŋko edide eren-owo, onyuŋ edide ŋwan, ke afia ŋkem, kpa afia ŋkem eke esemde, odude mmɔ ke ikpɔhidem; ndien yak oku ese: 39ndien, sese, edieke ediyama ŋkem ke ikpɔhidem mmɔ edide ntɔŋ-ntɔŋ; oro edi ndiɔŋ eke atade ikpɔhidem; enye asana.
40Ndien adaŋemi ibuot owo ɔdɔnɔde, ibɔ edi oro; enye asana. 41Ndien ama edi owo eke ɔdɔnɔde ke mben iso esie, enye edi ibɔ ke ɔkpɔ-iso; enye asana. 42Edi adaŋemi afia udɔŋɔ eke oyibede odude ke ibɔ, edide eke ekɔt, onyuŋ edide ɔkpɔ-iso, oro edi akpa-mfia eke asiahade enye ke ibɔ ekɔt, mme ke eke ɔkpɔ-iso. 43Ndien yak oku ese enye: ndien, sese, edieke mkpuk udɔŋɔ oro afiade, onyuŋ oyibede ke ibɔ ekɔt, mme ke ibɔ ɔkpɔ-iso esie, nte akpa-mfia ke ikpɔhidem etiede; 44owo oro ɔdɔŋɔ akpa-mfia, enye edehe: yak oku onim enye ke edidehe; udɔŋɔ esie odu enye ke ibuot.
45Ndien yak ewai edisine-ŋkpɔ owo akpa-mfia emi udɔŋɔ oro anamde enye, ibuot esie onyuŋ etie iferi, yak enye onyuŋ ofuk ŋkpɔ ke ebek esie, onyuŋ ofiori ete, Edidehe, edidehe. 46Kpukpru usen eke udɔŋɔ oro anamde enye, enye ama asabare; enye emedehe; yak enye etie ikpɔŋ-ikpɔŋ; yak iduŋ esie odu ke edem nna.
47Ndien ŋko, ama edi ɔfɔŋ idem, ke ini udɔŋɔ akpa-mfia odude enye ke esit, edide ɔfɔŋidem idet erɔŋ, onyuŋ edide ɔfɔŋidem linen; 48edide ke nnyan-nnyan ndidi, onyuŋ edide ke mbiɔŋ-mbiɔŋ; ke linen ye ke idet erɔŋ; edide ke ikpa, onyuŋ edide ke ŋkpɔ ekededi eke enamde ke ikpa; 49ndien edieke udɔŋɔ oro edide awa ntɔŋ, mme iduot ntɔŋ, ke ɔfɔŋ idem, mme ke ikpa, mme ke nnyan-nnyan, mme ke mbiɔŋ-mbiɔŋ, mme ke ŋkpɔ ikpa ekededi; udɔŋɔ akpa-mfia edi oro, yak enyuŋ eda enye ewut oku: 50ndien yak oku ese udɔŋɔ oro, onyuŋ okuk ŋkpɔ udɔŋɔ oro ke usen itiaba. 51Ndien ke ɔyɔhɔ usen itiaba, yak enye ese ŋkpɔ udɔŋɔ oro: ke ini udɔŋɔ oro atarade ke ɔfɔŋidem, edide ke nnyan-nnyan, onyuŋ edide ke mbiɔŋ-mbiɔŋ, edide ke ikpa, mme ke ŋkpɔ ekededi eke enamde ke ikpa, udɔŋɔ oro edi idiɔk akpa-mfia; enye edi edidehe. 52Ndien yak enye ɔfɔp ɔfɔŋidem oro, edide nnyan-nnyan, onyuŋ edide mbiɔŋ-mbiɔŋ, edide idet erɔŋ, onyuŋ edide linen, mme ŋkpɔ ikpa ekededi, eke udɔŋɔ oro odude ke esit: koro enye edide idiɔk akpa-mfia; yak efɔp enye ke ikaŋ.
53Edi edieke oku esede, ndien, sese, udɔŋɔ oro mitarake ke ɔfɔŋidem edide ke nnyan-nnyan, onyuŋ edide ke mbiɔŋ-mbiɔŋ, mme ke ŋkpɔ ikpa ekededi; 54ndien yak oku ɔdɔhɔ ete eyet se udɔŋɔ odude ke esit, onyuŋ ɔtɔŋɔ ntak okuk enye ke usen itiaba eŋwen; 55ndien yak oku ese adaŋemi ema ekeyet udɔŋɔ oro ema: ndien, sese, udɔŋɔ oro mikabakede iso esie, udɔŋɔ minyuŋ itarake tara; enye edehe; fɔp ke ikaŋ; atata ke esit ye ke edem. 56Edi edieke oku esede, ndien, sese, udɔŋɔ oro ama etie edibire-edibire, ke ema ekeyet enye ema; yak enye awai enye ndien efep ke ɔfɔŋidem oro, mme ke ikpa oro, edide ke nnyan-nnyan, onyuŋ edide ke mbiɔŋ-mbiɔŋ: 57ndien edieke etɔŋɔde ntak ekut enye ke ɔfɔŋidem oro, edide ke nnyan-nnyan, onyuŋ edide ke mbiɔŋ-mbiɔŋ, onyuŋ edide ke ŋkpɔ ikpa ekededi; ke edi udɔŋɔ eke atarade; men se udɔŋɔ odude ke esit fɔp ke ikaŋ. 58Ndien ama edi ɔfɔŋ idem oro, edide nnyan-nnyan, onyuŋ edide mbiɔŋ-mbiɔŋ, onyuŋ edide ŋkpɔ ikpa ekededi, eke afo ediyetde, ndien udɔŋɔ ama okure ke esit, yak etɔŋɔ ntak eyet enye, ndien enye edidi edisana.
59Emi edi udɔŋɔ akpa-mfia ke ɔfɔŋidem idet erɔŋ, mme eke linen, edide ke nnyan-nnyan, onyuŋ edide ke mbiɔŋ-mbiɔŋ, mme ke ŋkpɔ ikpa ekededi, man enim enye ke edisana, mme ke edidehe.
Currently Selected:
LEVITICUS 13: ENA
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.