NUMBERS 17
17
Esaŋ Aaron Esehe, Onyuŋ Oŋwum Mfri Almond.
1NDIEN ekem Jehovah ɔdɔhɔ Moses, ete, Dɔhɔ nditɔ Israel, 2nyuŋ bɔ mmɔ kpukpru esaŋ kiet kiet, ke adaŋa ibat ufɔk mme ete mmɔ, bɔ kpukpru ŋkwa owo mmɔ esaŋ duopeba, ke adaŋa ibat ufɔk mme ete mmɔ: wet enyiŋ kpukpru owo sin ke esaŋ mmɔ. 3Afo nyuŋ wet enyiŋ Aaron sin ke esaŋ Levi: koro esaŋ kiet editiede ke ibuot ufɔk mme ete mmɔ. 4Ndien nim mmɔ ke efe esop ke iso ŋkpɔ-ntiense, emi ndisobode ye mbufo do. 5Ndien ama ekem esaŋ owo eke ndimekde, eyesehe: ntem ke ndisuk nsukuyo nditɔ Israel emi mmɔ esukde mbufo, nnam enye ɔkpɔŋ mi.
6Ndien Moses ɔdɔhɔ ye nditɔ Israel, ndien kpukpru mme ikpɔ owo mmɔ kiet kiet enɔ enye esaŋ kiet, ke akwa owo kiet, ke adaŋa ibat owo mme ete mmɔ, esaŋ duopeba: esaŋ Aaron onyuŋ esine ke otu mme esaŋ mmɔ. 7Ndien Moses ada mme esaŋ oro okonim ke iso Jehovah ke efe ntiense.
8Edikem ke eyo esierede, Moses ediduk ke efe ntiense; ndien, sese, esaŋ Aaron eke ufɔk Levi esehe, onyuŋ asiaha ikɔŋ, onyuŋ osioŋo mfri, ndien oŋwum almond. 9Ndien Moses ataŋ kpukpru esaŋ oro ke iso Jehovah ɔwɔrɔ edisɔk kpukpru nditɔ Israel: ndien mmɔ ese, kpukpru owo enyuŋ eda esaŋ mmɔ.
10Ekem Jehovah ɔdɔhɔ Moses, ete Da, esaŋ Aaron fiak dinim ke iso ŋkpɔ-ntiense, man enye etie ke idiɔŋɔ ɔnɔ mbon nsɔŋ-ibuot; ntem ke afo edimen ofuri nsuk-uyo mmɔ ke iso mi efep, mbak mmɔ edikpaŋa. 11Ndien Moses anam ntre, kpa nte emi Jehovah eketemede enye, ntem ke enye akanam. 12Ndien nditɔ Israel edɔhɔ Moses, ete, Sese, nnyin imɔŋ ikpaŋa, nnyin imɔŋ itak, kpukpru nnyin imɔŋ itak. 13Kpukpru mmɔ eke esaŋade ekpere ebiet-iduŋ Jehovah eyekpaŋa: nte nnyin imɔŋ ikpaŋa kpukpru ima?
Currently Selected:
NUMBERS 17: ENA
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.