NUMBERS 2
2
Itie Nna NditÉ” Israel ye mme Etubom MmÉ”
1EKEM Jehovah ɔdɔhɔ Moses ye Aaron, ete Yak kpukpru nditɔ Israel kiet, 2kiet, etiene ɔfɔŋ etak ubom mmɔ, ke ɔtɔ idiɔŋɔ ufɔk mme ete mmɔ, ewuk tent: yak ewuk nsan-nsan ekan efe esop ekuk.
3Ndien yak mmɔ emi etienede ɔfɔŋ etak ubom, nna Judah ewuk ke iso, ke edem usiaha-utin, nte mme udim mmɔ edide: ndien Nahshon eyen Amminadab edidi etubom nditɔ Judah. 4Ndien udim esie, ye owo mmɔ emi ekebatde, edi tɔsin owo ata ye duopenaŋ, ye ikie itiɔkiet. 5Ndien mme mmɔ emi ediwukde ediana enye edi esien Issachar: ndien Nethaneel eyen Zuar edidi etubom nditɔ Issachar. 6Ndien udim esie, ye owo esie emi ekebatde, edi tɔsin aba, ye duopenaŋ, ye ikie inaŋ. 7Ndien esien Zebulun: ndien Eliab eyen Helon edidi etubom nditɔ Zebulun. 8Udim esie ŋko, ye owo esie emi ekebatde, edi tɔsin aba ye efurenaŋ, ye ikie inaŋ. 9Kpukpru mbio nna Judah emi ekebatde, edi tɔsin owo ke itie ikie ye anaŋ, ye tɔsin itiokiet, ye ikie inaŋ, nte mme udim mmɔ esaŋade. Mme mmɔ emi edibem iso ewuhɔre.
10Ɔfɔŋ etak ubom nna Reuben edidu ke edem usuk, nte mme udim mmɔ esaŋade: ndien Elizur ye Shedeur edidi etubom nditɔ Rueben. 11Ndien udim esie, ye owo esie emi ekebatde, edi tɔsin aba ye itiokiet, ye ikie ition. 12Ndien mmɔ emi ediwukde ediana enye edidi esien Simeon: ndien Shelumiel eyen Zurishaddai etubom nditɔ Simeon. 13Ndien udim esie, ye owo esie emi ekebatde, edi tɔsin aba ye efurenaŋ, ye ikie ita. 14Ndien esien Gad: ndien etubom nditɔ Gad edidi Eliasaph eyen Reuel. 15Ndien udim esie, ye owo esie emi ekebatde, edi tɔsin aba ye ition, ye ikie itiokiet ye aba ye udop. 16Kpukpru mmɔ emi ekebatde ke nna Reuben edi tɔsin owo ke itie ikie ye aba ye duopekiet, ye ikie inaŋ ye aba ye udop, nte mme udim mmɔ esaŋade. Ndien yak mme mmɔ emi ewuhɔre ediana.
17Ndien ewuhɔre efe esop, ye nna mme Levite ke ufɔt ata nna; kpa nte emi ekewukde, kpa ntre ke kpukpru owo ediwuhɔre ke ɔtɔ mmɔ, Nte ɔfɔŋ etak ubom esaŋade.
18Ɔfɔŋ etak ubom nna Ephraim edidu ke edem usop-utin, nte mme udim mmɔ esaŋade: ndien Elishama eyen Ammihud edidi etubom nditɔ Ephraim. 19Ndien udim esie, ye owo esie emi ekebatde, edi tɔsin owo aba, ye ikie ition. 20Ndien esien Manasseh adiana enye: ndien Gamaliel eyen Pedahzur edidi etubom nditɔ Manasseh. 21Ndien udim esie, ye owo esie emi ekebatde, edi tɔsin edip ye duopeba, ye ikie iba. 22Ndien esien Benjamin: Abidan eyen Gideoni edinyuŋ edi etubom nditɔ Benjamin. 23Ndien udim esie ye owo esie emi ekebatde, edi tɔsin edip ye efut, ye ikie inaŋ. 24Kpukpru mme mmɔ emi ekebatde ke nna Ephraim edi tɔsin owo ke itie ikie ye itiaita, ye ikie, nte mme udim mmɔ esaŋade. Yak mme mmɔ emi ewuhɔre ndien ke ɔyɔhɔ udim ita.
25Ɔfɔŋ etak ubom nna Dan edidu ke edem edere, nte udim mmɔ esaŋade: ndien Ahiezer eyen Ammishaddai edidi etubom nditɔ Dan. 26Ndien udim esie, ye owo esie emi ekebatde, edi tɔsin ata ye iba, ye ikie itiaita. 27Ndien mme mmɔ emi ediwukde ediana enye edidi esien Asher: ndien Pagiel eyen Ochran edidi etubom nditɔ Asher. 28Ndien udim esie, ye owo esie emi ekebatde, edi tɔsin aba ye kiet ye ikie ition. 29Ndien esien Naphtali: ndien Ahira eyen Enan edidi etubom nditɔ Naphtali. 30Ndien udim esie, ye owo esie emi ekebatde, edi tɔsin aba ye duopeta, ye ikie inaŋ. 31Kpukpru mme mmɔ emi ekebatde ke nna Dan edi tɔsin owo ke itie ikie, ye tɔsin aba ye efureba, ye ikie itiokiet. Mme mmɔ emi ediwuhɔre ke ukperedem, Nte ɔfɔŋ etak ubom mmɔ esaŋade.
32Mme mmɔ emi ke mmɔ ekebat ke otu nditɔ Israel, ke ufɔk mme ete mmɔ: kpukpru mme mmɔ emi ekebatde ke mme nna, nte mme udim mmɔ esaŋade, edi tɔsin owo ke itie ikie itiokiet ye tɔsin ita, ye ikie ition ye aba ye udop. 33Edi mmɔ ikabtke mme Levite isin ke otu nditɔ Israel; kpa nte emi Jehovah eketemede Moses. 34Ndien nditɔ Israel enam kpukpru se Jehovah eketemede Moses: kpa nte mmɔ ekewukde ekpere ɔfɔŋ etak ubom mmɔ, kpa ntre ke mmɔ ewuhɔre, kpukpru owo ke oruk, ke oruk, ye ke ufɔk mme ete mmɔ.
Currently Selected:
NUMBERS 2: ENA
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.