NUMBERS 7
7
Mme Mbɔŋ Israel Enɔ Enɔ Ndida Nnam Utom Efe Esop
1EDIKEM ke usen emi Moses ama okowuk ebiet-iduŋ oro ama, onyuŋ eyet enye aran, onyuŋ, anam enye asana, ye kpukpru ŋkpɔ unam-utom esie, ye itie-uwa, ye kpukpru ŋkpɔ unam utom esie, onyuŋ eyet mmɔ aran, onyuŋ anam mmɔ esana ama: 2ndien mbɔŋ Israel, mme etubom ufɔk mme ete mmɔ, emi edide mbɔŋ ke esien mmɔ, enyuŋ edide mme etubom mme mmɔ emi mmɔ ekebatde, eda enɔ edi: 3eda enɔ mmɔ edi ke iso Jehovah, ukpat ŋkpɔ enyene awning itiokiet, ye enaŋ duopeba, mbɔŋ iba enɔ ukpatŋkpɔ kiet, ɔbɔŋ kiet ɔnɔ enaŋ kiet: ndien eda mmɔ edi ke iso ebiet-iduŋ. 4Ndien Jehovah ɔdɔhɔ Moses, ete, 5Bɔ mmɔ, man eda mmɔ enam utom efe esop; nyuŋ men mmɔ nɔ mme Levite, owo kiet kiet ke adaŋa utom mmɔ. 6Ndien Moses ada mme ukpatŋkpɔ ye mme enaŋ oro ɔnɔ mme Levite. 7Enye ada ukpatŋkpɔ iba ye enaŋ inaŋ ɔnɔ nditɔ Gershon, ke adaŋa utom mmɔ: 8Onyuŋ ada ukpatŋkpɔ inaŋ ye enaŋ itiaita ɔnɔ nditɔ Merari ke adaŋa utom mmɔ, esin ke ubɔk Ithamar eyen Aaron oku. 9Edi inɔŋɔ nditɔ Kohath: koro utom edisana ebiet enyenede mmɔ, mmɔ ebiom ke afara.
10Ndien mbɔŋ oro enyuŋ enɔ ŋkpɔ udianare itie-uwa, ke usen emi eyetde enye aran, mbɔŋ oro enyuŋ eda enɔ mmɔ edi ke iso itie-uwa. 11Ndien Jehovah ɔdɔhɔ Moses, ete, Yak mmɔ enɔ enɔ mmɔ, kpukpru mbɔŋ kiet kiet ke usen mmɔ, ke udianare itie uwa.
12Ndien edi Nahshon eyen Amminadab, ke esien Judah, akada enɔ esie edi ke akpa usen: 13ndien enɔ esie edi bason silver kiet, udop esie edi shekel ikie ye edip ye duop, ye bowl silver kiet, shekel ata ye duop, asaŋa ye edisana shekel: eti ndom-uyo emi abuahade ye aran ke eke inuak-udia ɔyɔhɔ ke mbiba: 14cup kiet ke shekel gold duop, ɔyɔhɔ incense: 15abak enaŋ kiet, ye okukim kiet, ye eyen erɔŋ isua kiet, ke edifɔp uwa: 16Okpo ebot kiet ke uwa idiɔk ido: 17ye enaŋ iba, ye okukim ition, ye okpo ebot ition, ye nditɔ erɔŋ isua kiet ition, ke uwa emem: emi edi enɔ Nahshon eyen Amminadab.
18Ke udiana akpa usen Nethanel eyen Zuar, ɔbɔŋ Issachar, ada enɔ edi: 19enye ada enɔ esie edi, bason silver kiet, udop esie edi shekel ikie ye edip ye duop, ye bowl silver kiet, shekel ata ye duop, asaŋa ye edisana shekel; eti ndom uyo emi abuahade ye aran ke eke inuak-udia ɔyɔhɔ ke mbiba: 20cup kiet, ke shekel gold duop, ɔyɔhɔ incense: 21Abak enaŋ kiet, ye okukim kiet, ye eyen erɔŋ isua kiet, ke edifɔp uwa: 22Okpo ebot kiet ke uwa idiɔk ido: 23Ye enaŋ iba, ye okukim ition, ye okpo ebot ition, ye nditɔ erɔŋ isua kiet ition, ke uwa emem, emi edi enɔ Nethanel eyen Zuar.
24Ke ɔyɔhɔ usen ita Eliab eyen Helon, ɔbɔŋ nditɔ Zebulun, ada enɔ edi: 25Enɔ esie edi bason silver kiet, udop esie edi shekel ikie ye edip ye duop, ye bowl silver kiet, shekel ata ye duop, asaŋa ye edisana shekel: eti ndom-uyo emi abuahade ye aran, ke eke inuak udia, ɔyɔhɔ ke mbiba: 26Cup kiet ke shekel gold duop, ɔyɔhɔ incense: 27Abak enaŋ kiet, ye okukim kiet, ye eyen erɔŋ isua kiet, ke edifɔp uwa: 28Okpo ebot ke uwa idiɔk ido: 29Ye enaŋ iba, ye okukim ition, ye okpo ebot ition, ye nditɔ erɔŋ isua kiet ition, ke uwa emem: emi edi enɔ Eliab eyen Helon.
30Ke ɔyɔhɔ usen inaŋ, Elizur eyen Shedeur, ɔbɔŋ nditɔ Reuben ada enɔ edi: 31eno esie edi bason silver kiet, udop esie edi shekel ikie ye edip ye duop, ye bowl silver kiet, shekel ata ye duop, asaŋa ye edisana shekel; eti ndom-uyo emi abuahade ye aran, ke eke inuak-udia, ɔyɔhɔ ke mbiba: 32cup kiet ke shekel gold duop, ɔyɔhɔ incense: 33Abak enaŋ kiet, ye okukim kiet, ye eyen erɔŋ isua kiet, ke edifɔp uwa: 34okpo ebot kiet ke uwa idiɔk ido: 35ye enaŋ iba, ye okukim ition, ye okpo ebot ition, ye nditɔ erɔŋ isua kiet ition, ke uwa emem: emi edi enɔ Elizur eyen Shedeur.
36Ke ɔyɔhɔ usen ition, Shelumiel eyen Zurishaddai, ɔbɔŋ nditɔ Simeon, ada enɔ edi: 37enɔ esie bason silver kiet, udop esie edi shekel ikie ye edip ye duop, ye bowl silver kiet shekel ata ye duop, asaŋa ye edisana shekel; eti ndom-uyo emi abuahade ye aran, ke eke inuak-udia, ɔyɔhɔ ke mbiba: 38cup kiet ke shekel gold duop, ɔyɔhɔ incense: 39Abak enaŋ kiet, ye okukim kiet, ye eyen erɔŋ isua kiet, ke edifɔp uwa: 40okpo ebot kiet ke uwa idiɔk ido: 41Ye abak enaŋ iba, ye okukim ition, ye okpo ebot ition, ye nditɔ erɔŋ isua kiet ition, ke uwa emem: emi edi enɔ Shelumiel eyen Zurishaddai.
42Ke ɔyɔhɔ usen itiokiet, Eliasaph eyen Deuel, ɔbɔŋ nditɔ Gad, ada enɔ edi: 43Enɔ esie edi bason silver kiet, udop esie shekel ikie ye edip ye duop, ye bowl kiet shekel silver ata ye duop, asaŋa ye edisana shekel; eti ndom-uyo emi abuahade ye aran, ke eke inuak-udia, ɔyɔhɔ ke mbiba: 44cup kiet ke shekel gold duop, ɔyɔhɔ incense: 45Ye abak enaŋ kiet, ye okukim kiet, ye eyen erɔŋ isua kiet, ke edifɔp uwa: 46okpo ebot kiet ke uwa idiɔk ido: 47Ye enaŋ iba, ye okukim ition, ye okpo ebot ition, ye nditɔ erɔŋ isua kiet ition, ke uwa emem: emi edi enɔ Eliasaph eyen Deuel.
48Ndien ke ɔyɔhɔ usen itiaba, Elishama eyen Ammihud, ɔbɔŋ nditɔ Ephraim, ada enɔ edi: 49Enɔ esie edi bason silver kiet, udop esie edi shekel ikie ye edip ye duop, ye bowl silver kiet shekel ata ye duop, asaŋa ke edisana shekel: eti ndom-uyo emi abuahade ye aran, ke eke inuak-udia, ɔyɔhɔ ke mbiba: 50cup kiet ke shekel gold duop, ɔyɔhɔ incense: 51Abak enaŋ kiet, ye okukim kiet, ye eyen erɔŋ isua kiet, ke edifɔp uwa: 52Okpo ebot kiet ke uwa idiɔk ido: ye enaŋ iba, ye okukim ition, 53ye okpo ebot ition, ye nditɔ erɔŋ isua kiet ition, ke uwa emem; emi edi enɔ Elisama eyen Ammihud.
54Ke ɔyɔhɔ usen itiaita, Camaliel eyen Pedahzur, ɔbɔŋ nditɔ Manasseh, ada enɔ edi: 55Enɔ esie edi bason silver kiet, udop esie edi shekel ikie ye edip ye duop, ye bowl silver kiet, shekel ata ye duop, asaŋa ye edisana shekel; eti ndom-uyo emi abuahade ye aran, ke eke inuak-udia, ɔyɔhɔ ke mbiba: 56cup kiet ke shekel gold duop, ɔyɔhɔ incense 57Abak enaŋ kiet, ye okukim kiet, ye eyen erɔŋ isua kiet, ke edifɔp uwa: 58okpo ebot kiet ke uwa idiɔk ido: 59Ye enaŋ iba, ye okukim ition, ye okpo ebot ition, ye nditɔ erɔŋ isua kiet ition, ke uwa emem: emi edi enɔ Gamaliel eyen Pedahzur.
60Ke ɔyɔhɔ usen usukkiet Abidan eyen Gideoni, ɔbɔŋ nditɔ Benjamin, ada enɔ edi: 61Enɔ esie edi bason silver kiet, udop esie edi shekel ikie ke edip ye duop, ye bowl silver kiet, shekel ata ye duop, asaŋa ye edisana shekel; eti ndom-uyo emi abuahade ye aran, ke eke inuak-udia, ɔyɔhɔ ke mbiba: 62cup kiet ke shekel gold duop, ɔyɔhɔ incense: abak enaŋ kiet, ye okukim, 63ye eyen erɔŋ isua kiet, ke edifɔp uwa: 64Okpo ebot kiet ke uwa idiɔk ido: 65Ye enaŋ iba, ye okukim ition, ye okpo ebot ition, ye nditɔ erɔŋ isua kiet ition, ke uwa emem: emi edi enɔ Abidan eyen Gideoni.
66Ke ɔyɔhɔ usen duop; Ahiezer eyen Ammishaddai ɔbɔŋ nditɔ Dan, ada enɔ edi: 67Enɔ esie edi bason silver kiet, udop esie edi shekel ikie ye edip ye duop, ye bowl silver kiet, shekel ata ye duop, asaŋa ye edisana shekel: eti ndom-uyo emi abuahade ye aran, ke eke inuak-udia, ɔyɔhɔ ke mbiba: 68cup kiet ke shekel gold duop, ɔyɔhɔ incense: 69Abak enaŋ kiet, ye okukim kiet, ye eyen erɔŋ isua kiet, ke edifɔp uwa: 70Okpo ebot kiet ke uwa idiɔk ido: 71Ye enaŋ iba, ye okukim ition, ye okpo ebot ition, ye nditɔ erɔŋ isua kiet ition, ke uwa emem: emi edi enɔ Ahiezer eyen Ammishaddai.
72Ke ɔyɔhɔ usen duopekiet, Pagiel eyen Ochran, ɔbɔŋ nditɔ Asher, ada enɔ edi: 73enɔ esie edi bason silver kiet, udop esie edi shekel ikie ye edip ye duop, ye bowl silver kiet shekel ata ye udop, asaŋa ye edisana shekel: eti ndom-uyo abuaha ye aran, ke eke inuak-udia, ɔyɔhɔ ke mbiba: 74cup kiet ke shekel gold duop, ɔyɔhɔ incense: 75Abak enaŋ kiet, ye okukim kiet, ye eyen erɔŋ isua kiet, ke edifɔp uwa: 76okpo ebot kiet ke uwa idiɔk ido: 77ye enaŋ iba, ye okukim ition, ye okpo ebot ition, ye nditɔ erɔŋ isua kiet ition, ke uwa emem: emi edi enɔ Pagiel eyen Ochran.
78Ke ɔyɔhɔ usen duopeba, Ahira eyen Enan, ɔbɔŋ nditɔ Naphtali, ada enɔ edi: 79enɔ esie edi bason silver kiet, udop esie edi shekel ikie ye edip ye udop, ye bowl silver kiet, shekel ata ye duop, asaŋa ye edisana shekel; eti ndom-uyo abuaha ye aran, ke eke inuak-udia, ɔyɔhɔ ke mbiba: 80cup kiet ke shekel gold duop, ɔyɔhɔ incense: 81Abak enaŋ kiet, ye okukim kiet, ye eyen erɔŋ isua kiet, ke edifɔp uwa: 82okpo ebot kiet ke uwa idiɔk ido: 83Ye enaŋ iba, ye okukim ition, ye okpo ebot ition, ye nditɔ erɔŋ isua kiet ition, ke uwa emem: emi edi enɔ Ahira eyen Enan.
84Mme mmɔ emi edi ŋkpɔ udianare itie-uwa emi etode mbɔŋ Israel ke ubɔk, ke usen emi eyetde enye aran: bason silver duopeba, ye bowl silver duopeba, ye cup o-gold duopeba: 85basin kiet edi shekel silver ikie ye edip ye duop, bowl kiet, ata ye duop: ofuri silver ŋkpɔ emi edi tɔsin shekel iba ye ikie inaŋ, asaŋa ye edisana shekel; 86cup gold duopeba, emi incense ɔyɔhɔde ke esit, kiet kiet edi shekel duop, asaŋa ye edisana shekel: ofuri gold mme cup emi edi shekel ikie ye edip. 87Kpukpru enaŋ edifɔp uwa edi abak enaŋ duopeba, okukim erɔŋ duopeba, nditɔ erɔŋ isua kiet duopeba, ye inuak-udia mmɔ; okpo ebot duopeba ŋko ke uwa idiɔk ido. 88Ndien kpukpru enaŋ ke eke uwa emem edi abak enaŋ edip ye inaŋ, okukim ata, okpo ebot ata, ye nditɔ erɔŋ isua kiet, ata. Emi edi ŋkpɔ udianare itie-uwa, ke ema eyet enye aran ema.
89Ekem adaŋemi Moses okodukde ke efe esop ndidɔhɔ ye Enye, ndien enye okop uyo andidɔhɔ ye enye otode ke itie usio-isop emi odorode ke ekebe ntiense, ke ufɔt mme cherubim iba: ntem ke enye ɔdɔhɔ ye enye.
Currently Selected:
NUMBERS 7: ENA
Highlight
Share
Copy
Want to have your highlights saved across all your devices? Sign up or sign in
Efik Old Bible With Sectional Headings © Bible Society of Nigeria, 2013, 2019.