Matthew 22
22
KETH TOANGNULËTING, XXII.
1JESUS u fohm peh ko ko ngha kë mbuntha n tre, nghaleh,
2Baily foy tre ngho cheh kë manleh bay tre wonno nghah unoh hallë traa woa.
3U wum ahboy ah woa, hallë veal aniah woa tre; kereh ngha kay hun.
4U wum peh ahboy ah shillang nghaleh mfohm aniah më: nlehly ah kundy tongullun nyërick n dyo më tre; peh kundy dyë narsë më oh, kulungsë më oh; nyërick mbuleing ma choe, n hun kë unoh tre;
5Ngha kulleh nghan, ngha kon, no bull kon ko woa behleh; poom tre kon ko woa gberikeh.
6Poom tre ngha kui ahboy ah tre, ngha bung ngha, ngha dyë ngha.
7Yeh bay tre tui la kë, u shillin nu wum aniah woa, ngha dyë ngha, ngha tuin turr ngha tre.
8U nghaleh kë ahboy ah woa, unoh tre koiry; kereh aniah tre ngha sheen choe.
9Nkoh ko kë nah bomu tre, no o no wonno moa loa gbo keh oh, mfohm woa leh hun kë unoh tre.
10Ahboy ah tre ngha kon kë nah bomu tre, ngha tunkullah aniah ëgbir, ahkeleng oh, ahbang oh, unoh tre ko cheh aniah ëgbir.
11Yeh bay tre u hun lehly aniah tre, u keh nopokan bull wonno bë an lumoh unoh yeo.
12U nghaleh ko ko woa, kehnah ngho n nghah hun ka kë ah? m bë an lumoh unoh tre u boaehn foh din.
13Bay tre nghaleh, ko ahboy ah woa tre, mpant pëah të woa oh, bengtë woa oh, nu pong woa ko rtilleh ko loa cheh fui ëmam kull nu kilin tëkott.
14Yehpeh peh veal aniah egbir; kereh peh hetty ah teak.
15Ahpharisee ah tre ngha kon hallë fohla wayling; ngho ngha woa yetty kë lumtë woa të tre.
16Ngha wum ahperren ah ngha n tre, nu aniah Herod ngha uborr ubull ko kë Jesus ngha nghaleh papah, hë shee la rë urong ko mfoh yeo; n tunky nah Foy nkeleng; n kullehn aniah tre, nlehlyehn kë aniah tre.
17Mfohm hë la, la ë rë keleng hallë packah Sesar feh woa ë?
18Kereh Jesus shëë rë yamfah ngha tre, nu nghaleh; aniah yamfah, lawumleh ngha nghehl më ah?
19Ntunky më feh tre, ngha kah woa denar ë bull.
20U nghaleh ngheneh wonoky wool ah? ngheneh gballah purr ah?
21Ngha nghaleh ko ko woa, u wool ë Sesar. Jesus nghaleh, mbah; nkah Sesar yempy pehreh Sesar bë oh: nu nkah Foybatukeh nyërick n tre pehneh Foybatukeh bë oh.
22Yeh ngha ka tui lumtë tanah, ngha kaban, ngha loi woa nu kon.
23Pall ë lan tre ahsadusee ah tre nghana nghaleh ahwoo ah tre ngha boaehn poh, ngha hun ko ko woa, ngha nghaleh,
24Papah Musah ka fohm, lo nopokan tre u woorë u bë an ahpomah, pintre woa u noh lah woa hallë sotoh ahpomah kë pintre woa.
25Mbah; peh choe rë epintre mainting, ben ah tre u noh lakan u woo rë u bë an ahpomah u loi lah woa ko kë pintre woa.
26Kë ngho nghah ëpintre mainting buleing.
27Lulan noma tre woa woo pehreh.
28Kë trim tre yeh ahwoo ah tre ngha moony, ngheneh bë lakan to wonoky ë? u bë ahpokan ah mainting.
29Jesus nghaleh ngha tuk oh, ngha sheen book, u Foy tre oh, ngha sheen fossoh Foy.
30Ke trim tre yeh aniah woo ah tre ngha poh, ahpokan ah tre ngha boaehn noh, ahlakan ah tre ngha boaehn noh, ngha cheh buleing kë manleh Angel ah tre.
31Kereh hallë hallë upoh ahwoo ah tre, ngha karangahn ë? lanah Foy ngho foy yeo! nghaleh,
32Yah rë Foy Abram, Foy Isaak, Foy, Jakob, u chehn leh Foy ahwoo ah tre, kereh u cheh leh Foy aniah lehly eh tre.
33Yeh runiah tre ngha tui la kë, ngha kaban kë menghy woa tre.
34Kereh yeh ahpharisee ah tre ngha kung la tui kë, Jesus nghah ahsadusee ah tre ngha bë an dyah foh, ngha tunkullah ayin a bull.
35Nopokan bull wonno cheh no tunkah u nghehl woa, nu yëë woa, nghaleh,
36Papah, lum haloh ngho cheh bomu kë troang Foy ë?
37Jesus nghaleh m marr Foybatukeh kë ugboll moa buleing, kë soul moa buleing, kë trennin moa buleing.
38Lum nseh n tre koiky ah chang ah bomu.
39Lum mpoom tre ngho cheh bomu kë manleh nseh ntee, nghaleh, m marr nokono kë manleh moa marrah muneken yeo.
40Troang tre nu ahprophet ah tre buleing ngha lanten kë lumtë ting ah tre.
41Yeh ahpharisee ah tre ngha moi rë ayin ah bull, Jesus uyëë ngha, nghaleh,
42Yeh ngha trennin hallë Krist ah? ngheneh cheh papah woa ah? ngha nghaleh, Davy.
43U nghaleh ko ko, ngha, la wumleh Davy, kë pomul u Foy tre veal woa yeome, nghaleh,
44Jehovah nghaleh ko kë yeome më, n chall ko pëah më dekeh, mendeh ah hun nghah no mpuntir moa n tre ngha cheh chom ko bengtë moa n tre.
45Lo Davy veal woa yeome ngho boa rë choe traak u woa.
46No o no boaehn foh din, ngha wui hallë nghehl woa kë lumtë ngha.
Currently Selected:
Matthew 22: BUY1816
Highlight
Share
Copy
Want to have your highlights saved across all your devices? Sign up or sign in
First published by the Church Missionary Society in 1816.
