Matthew 26
26
KETH TOANGNULËMENBULL, XXVI.
1YEH Jesus kundy foh ndërick n tre manah yeo, u nghaleh ko ahperren ah woa tre,
2Nshëë la rë yeh loi n ting ma chang, trim lonkobeh pomoh tre ughoiry, peh trunky traak nopokan tre hallë bang woa kë etock n chantah.
3Trim tre ahsuko ahpriest ah tre, ahgbal ah tre, nu aniah ben ah tre ngha, hun kë ayin a bull, ko killeh sukono ahpriest ah tre wonno peh veal Kaiphas.
4Ngha fohlafohla hallë konth Jesus n ninghe nu dye woa.
5Kereh ngha nghaleh m ma la nghah kë trim lonkobeh pomoh tre, yehpeh aniah buleing ngha poh.
6Awah, yeh Jesus ka choe ko killeh Simon wonno ka bë room tre oh,
7No lakan u moi ko ko woa, u bë bitterah mbakan nkeleng, u chutt ma ko woa bull, yeh u chall ah dyo kë.
8Kereh yeh ahperren ah woa ngha keh kë, ngha shillin, ngha nghaleh, yeh la peh nghah kë ah?
9Peh na wungul mbakan ë tre manah hallë moaloa nkeleng, nu kah feh tre kë aniah moneh.
10Yeh Jesus tui la rë, u nghaleh ko ko ngha, la n sompon noma tre ah? n nghah më dyah keleng.
11Aniah moneh ngha cheh no uborr ubull trim o trim; kereh m bëan më trim o trim.
12U chutt mbakan n tre ko më bull, hallë kunan, peh më kong.
13Urongdong yah no fohm, ayin o ayin ko loa peh foh gospel tre nghonoky kë upock u tre buleing, peh fohm pehreh lanah noma tre u nghah yeo.
14Kë ahperren ah woanglëting ah tre no bull wonno peh veal Judas Iskariot u kon ko kë ahsuko ahpriest ah tre,
15Nu nghaleh ko ko ngha, yeh ngha më kah ah? yah no woa kah, ngha kung la beh hallë sheckletë toang nu woang.
16Kë trim lan tre Judas nghehl, ngho woa ngha hallë trunky Jesus.
17Kë pall nseh trim lonkobeh pomoh tre, ahperren ah tre ngha hun ko ko woa, ngha nghaleh, loa kë ah, loa hë tongalin ko moa hallë dyo lonkobeh pomoh tre ah?
18U nghaleh, nkoh ko turr ko kë, nam, nu nghaleh ko ko woa. Papah nghaleh lokoh më ngho moirë, ah yehmah dyo lonkobel pomoh tre ko moa killeh ahperren ah më uborr ubull.
19Ahperren ah tre ngha nghah la, lanah Jesus u fohm ngha yeo; ngha tongalin lonkobeh pomoh tre.
20Kë pall ë parung u chall kë woangnulëting ah tre woa uborr ubull.
21Yeh ngha dyo kë, u nghaleh, urongdong yah no fohm; no bull wonno no ayaing yeo woa më trunky kë aniah tre.
22Ngha sompon ëgbir, ngha buleing ngha trip eh yëë, nghaleh, yeome, yang ë?
23U yoom nghaleh, wonno beh pëah woa ko karoo yang woa uborr ubull, woa me trunky.
24Traak nopokan tre u kon kë manleh peh gballah woa la rë; kereh sompon bomu n hun kë nopokan tre wonno trunky woa yeo! la ka chehdy keleng kë nopokan to wonno lo peh kumeh woa n.
25Mbah; Judas wonno trunky woa yeo u yëë pehreh, yeome, yang ë? u yoom nghaleh, mfoh la rë.
26Yeh ngha dyo kë, Jesus kui ëgboh, nu kundy wui mamah u kenty nghe, nu kah nghe ko kë ahperren ah woa n tre nghaleh, nkui, n dyo, dyall më nghelah.
27U kui kup u trë mui wui mamah nu kah ngho ko ko ngha, nghaleh, nghan buleing ngha kull ma.
28Nkong më mailah manah peh payrë hallë aniah ëgbir, hallë lap nyërick mbang ngha tre.
29Kereh yah no fohm yah kullehn peh kë ëgbimang tuneh tre, behleh trim to nghoneh ah ma kull sannah kë baily papah më, hë uborr ubull.
30Yeh ngha kundy trum kë ngha kon ko kick olive.
31Jesus nghaleh ko ko ngha, ehull to nghono, nghan buleing ngha më shillyeh: yehpeh peh ka gball kë, ah ko suntah boomurno tre lonkobehsë tre ngha sinin.
32Kereh yeh ah poh peh, ah koh ko Galilëë ko ngha ëboll.
33Peter nghaleh, lo anin buleing ngha kung moa shillyeh, ah boaehn moa shilly.
34Jesus nghaleh ko ko woa, urongdong yah moa fohm chull tre nghono kunkureh u boaehn wung moa më hiam ë rah.
35Peter nghaleh ko ko woa, lo peh dyë më ah boaehn moa hiam. Ahperren ah tre buleing ngha foh dya bull.
36Jesus moi kë ayin peh la veal Getsemane ahperren ah woa uborr ubull, u nghaleh ko ko ngha, n chall ka, ah koh ramlin kull.
37U kui Peter oh, ahpomah Sebedëë ah ting oh woa uborr ubull, nu tripeh sompon, ugbol woa ko dees.
38U nghaleh ko ko ngha ugbol më ko sompon, peh woo: n chilleh më ka, nchettyeh më uborr ubull.
39U kon ayin a will teak, u beh ahfoll woa ko leh nu ramlin nghaleh, Oh papah më, lo m boa gbo, n nghah kup u tre nghono, ngho chang më; kereh chehn kë manleh ah yehmah la; kereh kë manleh n yehmah gbo.
40U moony ko woa ahperren ah tre nu bum ngha lull, u nghaleh ko kë Peter, eh! u boaehn chettyeh belling n lëbull gbo?
41N chettyeh oh, n ramlin oh, leh moa loi ko unghehl: pomul u yoomoi rë; kereh dyall u tre ballëan.
42U kon peh hoa lëting nu ramlin, nghaleh, Oh papah më! lo kup u tre nghono, ngho boaehn më chang behleh ah kull ma, labëandin, peh nghah lanah n yehmah yeo.
43U moony peh, nu bum ngha lull peh: folltë ngha tre ta dees.
44U loi ngha nu kon peh nu ramlin hoa lërah u foh dyah bull.
45U moony peh ko kë ahperren ah tre u nghaleh ko ko ngha, ngha lull oh rë? ngha foll oh rë? nlehly trim tre ngho moi peh trunky traak nopokan tre ko kë aniah bang.
46Ngha poh, hë kon: n lehly nopokan tre u hun wonno me trunky.
47Yeh kungehmum foh kë, n lehly Judas no bull hoa woanglëting ah tre u hun, aniah ëgbir woa uborr, ubull, nghana bë nsahsy oh ngbingbehng oh, sukoh ahpriest ah tre nu aniah ben ah tre ngha wum ngha.
48Nopokan tre wonno trunky woa, u ka kah yempy kë aniah to nghanaky, nghaleh, wonno ah koh mallan yeo, won woilah: n yetty woa kat.
49Kehkehtoo u koh ko kë Jesus, nghaleh, shenoh yeome; ngha bengn tënyeng.
50Jesus nghaleh ko ko woa kenah, Yeh la leh u hun ah? aniah tre ngha hun, ngha yetty Jesus.
51Nlehly no bull hoa ah Jesus u wicky pëah woa nu traaly gbattoh woa nu ket boy sukono ahpriest ah tre, nu betteh nui woa.
52Jesus nghaleh ko ko woa, m moonkuh gbattoh moa tre ko purreh: wonno kui sahsy tre oh, peh woa dyë kë sahsy tre.
53N trennin ë? leh ah boaehn ramlin kë papah më hallë wung oh angel legion woanglëting ah?
54Kereh ngho peh hun kissyeh lanah peh foh yeo kë book u! Foy ë? peh nghah kë.
55U nghaleh kë runiah tre, ngha moi rë ka, ngha bë gbattoh oh, ngbingbehng oh kë manleh ngha koh konth duino tre. Ah chall ko no ayain ah menghe kë temple u tre trim o trim ngha konthehn më.
56Kereh kë ngho ngha nghah la, hallë kissy lanah ahprophet ah tre ngha kung gball. Ahperren ah woa buleing ngha loi woa, ngha kim.
57Aniah tre nghana konth Jesus ngha yuck woa ko kë Kaiphas, sukono ah priest ah tre, ko loa ahgball ah tre oh, aniah ben ah tre oh, ngha choe ayin abull.
58Peter lim ngha lëwill, ko kë kill sukoh ahpriest ah tre, nu loi, nu chall kë ahboy ah tre hallë keh lanah ngha nghah yeo.
59Asukoh ahpriest ah tre, aniah ben ah tre, nu aniah tunkah buleing, ngha tun tamasery mbull ko kë Jesus hallë dyë woa.
60Kereh ngha kehn; mbah, ahtamasery mbull ëgbir ngha hun, ngha boaehn foh din keleng. La lulan ahtamasery mbull ahting ngha poh,
61Ngha nghaleh, no yaë wonoky u nghaleh, ah boa rë shinny temple u Foy tre, nu yuck ngho peh nloi nrah.
62Sukoh ahpriest ah tre u poh nghaleh ko kë Jesus, m bë an ë dyah foh ë? n tui la aniah tre ngha foh ko ko moa ah?
63Kereh Jesus u fohehn; sukoh ahpriest ah tre u yoom nghaleh, yah moa nghah gbëëng kë Foy, n kuna hë mun moilah Krist traak u Foybatukeh?
64Jesus nghaleh ko ko woa, mfoh la rë: kereh yah moa fohm, ndërick n tre manah kung gbo, ngha keh traak nopokan tre u chall ko kë pëah fossoh dekeh, nu hun kë hvoy foy tre.
65Yeh sukoh ahpriest ah tre u tui la kë, u tack nyërick ntroyah woa, nghaleh, u foh yeh mbang kë Foy; hë yehmahn ahtamasery peh nlehly, ngha kundy tui la, u ka foh yeh mbang kë Foy.
66La ngha trennin ah? ngha yoom ngha nghaleh, peh dyë woa.
67Peh too woa tëfoll, ngha suntah buftah, ahpoom ah tre suntah woa kë pëahtë ngha,
68Nghaleh, mun Krist, mfoh hë la, ngheneh suntah moa yeo.
69Peter u chall ko pall: wanta, tre u hun ko ko woa, nghaleh, chehn moa cheh no Jesus Galilee ah?
70Peter hiam ko kë aniah buleing ëboll, nghaleh, ah tuiehn lanah n foh yeo.
71Yeh Peter u kon ko Barry loh wanta poom tre u keh woa nu nghaleh ko aniah nghana loa yeo, no yaë to wonoky u ka cheh pehreh kë Jesus ha Nasareth.
72U hiam peh, nu gbëëng nghaleh, ah sheen nopokan tre.
73Kehkeh lan aniah tre nghana semeh loa yea, ngha hun ko kë Peter, ngha nghaleh, urongdong mun moilah no bull ha Jesus; mfoh moa tre trunkyeh moa.
74Peter u trip eh wung, nu gbëëng nghaleh, ah sheen nopokan tre. Kehkehtoo kunkureh tre u wung.
75Peter u full lum tre Jesus lanah foh yeo, nghaleh, kunkureh u boaehn wung, moa më hiam lërah; nu kon ko pall nu fui ëmam ëgbir.
Currently Selected:
Matthew 26: BUY1816
Highlight
Share
Copy
Want to have your highlights saved across all your devices? Sign up or sign in
First published by the Church Missionary Society in 1816.
Matthew 26
26
KETH TOANGNULËMENBULL, XXVI.
1YEH Jesus kundy foh ndërick n tre manah yeo, u nghaleh ko ahperren ah woa tre,
2Nshëë la rë yeh loi n ting ma chang, trim lonkobeh pomoh tre ughoiry, peh trunky traak nopokan tre hallë bang woa kë etock n chantah.
3Trim tre ahsuko ahpriest ah tre, ahgbal ah tre, nu aniah ben ah tre ngha, hun kë ayin a bull, ko killeh sukono ahpriest ah tre wonno peh veal Kaiphas.
4Ngha fohlafohla hallë konth Jesus n ninghe nu dye woa.
5Kereh ngha nghaleh m ma la nghah kë trim lonkobeh pomoh tre, yehpeh aniah buleing ngha poh.
6Awah, yeh Jesus ka choe ko killeh Simon wonno ka bë room tre oh,
7No lakan u moi ko ko woa, u bë bitterah mbakan nkeleng, u chutt ma ko woa bull, yeh u chall ah dyo kë.
8Kereh yeh ahperren ah woa ngha keh kë, ngha shillin, ngha nghaleh, yeh la peh nghah kë ah?
9Peh na wungul mbakan ë tre manah hallë moaloa nkeleng, nu kah feh tre kë aniah moneh.
10Yeh Jesus tui la rë, u nghaleh ko ko ngha, la n sompon noma tre ah? n nghah më dyah keleng.
11Aniah moneh ngha cheh no uborr ubull trim o trim; kereh m bëan më trim o trim.
12U chutt mbakan n tre ko më bull, hallë kunan, peh më kong.
13Urongdong yah no fohm, ayin o ayin ko loa peh foh gospel tre nghonoky kë upock u tre buleing, peh fohm pehreh lanah noma tre u nghah yeo.
14Kë ahperren ah woanglëting ah tre no bull wonno peh veal Judas Iskariot u kon ko kë ahsuko ahpriest ah tre,
15Nu nghaleh ko ko ngha, yeh ngha më kah ah? yah no woa kah, ngha kung la beh hallë sheckletë toang nu woang.
16Kë trim lan tre Judas nghehl, ngho woa ngha hallë trunky Jesus.
17Kë pall nseh trim lonkobeh pomoh tre, ahperren ah tre ngha hun ko ko woa, ngha nghaleh, loa kë ah, loa hë tongalin ko moa hallë dyo lonkobeh pomoh tre ah?
18U nghaleh, nkoh ko turr ko kë, nam, nu nghaleh ko ko woa. Papah nghaleh lokoh më ngho moirë, ah yehmah dyo lonkobel pomoh tre ko moa killeh ahperren ah më uborr ubull.
19Ahperren ah tre ngha nghah la, lanah Jesus u fohm ngha yeo; ngha tongalin lonkobeh pomoh tre.
20Kë pall ë parung u chall kë woangnulëting ah tre woa uborr ubull.
21Yeh ngha dyo kë, u nghaleh, urongdong yah no fohm; no bull wonno no ayaing yeo woa më trunky kë aniah tre.
22Ngha sompon ëgbir, ngha buleing ngha trip eh yëë, nghaleh, yeome, yang ë?
23U yoom nghaleh, wonno beh pëah woa ko karoo yang woa uborr ubull, woa me trunky.
24Traak nopokan tre u kon kë manleh peh gballah woa la rë; kereh sompon bomu n hun kë nopokan tre wonno trunky woa yeo! la ka chehdy keleng kë nopokan to wonno lo peh kumeh woa n.
25Mbah; Judas wonno trunky woa yeo u yëë pehreh, yeome, yang ë? u yoom nghaleh, mfoh la rë.
26Yeh ngha dyo kë, Jesus kui ëgboh, nu kundy wui mamah u kenty nghe, nu kah nghe ko kë ahperren ah woa n tre nghaleh, nkui, n dyo, dyall më nghelah.
27U kui kup u trë mui wui mamah nu kah ngho ko ko ngha, nghaleh, nghan buleing ngha kull ma.
28Nkong më mailah manah peh payrë hallë aniah ëgbir, hallë lap nyërick mbang ngha tre.
29Kereh yah no fohm yah kullehn peh kë ëgbimang tuneh tre, behleh trim to nghoneh ah ma kull sannah kë baily papah më, hë uborr ubull.
30Yeh ngha kundy trum kë ngha kon ko kick olive.
31Jesus nghaleh ko ko ngha, ehull to nghono, nghan buleing ngha më shillyeh: yehpeh peh ka gball kë, ah ko suntah boomurno tre lonkobehsë tre ngha sinin.
32Kereh yeh ah poh peh, ah koh ko Galilëë ko ngha ëboll.
33Peter nghaleh, lo anin buleing ngha kung moa shillyeh, ah boaehn moa shilly.
34Jesus nghaleh ko ko woa, urongdong yah moa fohm chull tre nghono kunkureh u boaehn wung moa më hiam ë rah.
35Peter nghaleh ko ko woa, lo peh dyë më ah boaehn moa hiam. Ahperren ah tre buleing ngha foh dya bull.
36Jesus moi kë ayin peh la veal Getsemane ahperren ah woa uborr ubull, u nghaleh ko ko ngha, n chall ka, ah koh ramlin kull.
37U kui Peter oh, ahpomah Sebedëë ah ting oh woa uborr ubull, nu tripeh sompon, ugbol woa ko dees.
38U nghaleh ko ko ngha ugbol më ko sompon, peh woo: n chilleh më ka, nchettyeh më uborr ubull.
39U kon ayin a will teak, u beh ahfoll woa ko leh nu ramlin nghaleh, Oh papah më, lo m boa gbo, n nghah kup u tre nghono, ngho chang më; kereh chehn kë manleh ah yehmah la; kereh kë manleh n yehmah gbo.
40U moony ko woa ahperren ah tre nu bum ngha lull, u nghaleh ko kë Peter, eh! u boaehn chettyeh belling n lëbull gbo?
41N chettyeh oh, n ramlin oh, leh moa loi ko unghehl: pomul u yoomoi rë; kereh dyall u tre ballëan.
42U kon peh hoa lëting nu ramlin, nghaleh, Oh papah më! lo kup u tre nghono, ngho boaehn më chang behleh ah kull ma, labëandin, peh nghah lanah n yehmah yeo.
43U moony peh, nu bum ngha lull peh: folltë ngha tre ta dees.
44U loi ngha nu kon peh nu ramlin hoa lërah u foh dyah bull.
45U moony peh ko kë ahperren ah tre u nghaleh ko ko ngha, ngha lull oh rë? ngha foll oh rë? nlehly trim tre ngho moi peh trunky traak nopokan tre ko kë aniah bang.
46Ngha poh, hë kon: n lehly nopokan tre u hun wonno me trunky.
47Yeh kungehmum foh kë, n lehly Judas no bull hoa woanglëting ah tre u hun, aniah ëgbir woa uborr, ubull, nghana bë nsahsy oh ngbingbehng oh, sukoh ahpriest ah tre nu aniah ben ah tre ngha wum ngha.
48Nopokan tre wonno trunky woa, u ka kah yempy kë aniah to nghanaky, nghaleh, wonno ah koh mallan yeo, won woilah: n yetty woa kat.
49Kehkehtoo u koh ko kë Jesus, nghaleh, shenoh yeome; ngha bengn tënyeng.
50Jesus nghaleh ko ko woa kenah, Yeh la leh u hun ah? aniah tre ngha hun, ngha yetty Jesus.
51Nlehly no bull hoa ah Jesus u wicky pëah woa nu traaly gbattoh woa nu ket boy sukono ahpriest ah tre, nu betteh nui woa.
52Jesus nghaleh ko ko woa, m moonkuh gbattoh moa tre ko purreh: wonno kui sahsy tre oh, peh woa dyë kë sahsy tre.
53N trennin ë? leh ah boaehn ramlin kë papah më hallë wung oh angel legion woanglëting ah?
54Kereh ngho peh hun kissyeh lanah peh foh yeo kë book u! Foy ë? peh nghah kë.
55U nghaleh kë runiah tre, ngha moi rë ka, ngha bë gbattoh oh, ngbingbehng oh kë manleh ngha koh konth duino tre. Ah chall ko no ayain ah menghe kë temple u tre trim o trim ngha konthehn më.
56Kereh kë ngho ngha nghah la, hallë kissy lanah ahprophet ah tre ngha kung gball. Ahperren ah woa buleing ngha loi woa, ngha kim.
57Aniah tre nghana konth Jesus ngha yuck woa ko kë Kaiphas, sukono ah priest ah tre, ko loa ahgball ah tre oh, aniah ben ah tre oh, ngha choe ayin abull.
58Peter lim ngha lëwill, ko kë kill sukoh ahpriest ah tre, nu loi, nu chall kë ahboy ah tre hallë keh lanah ngha nghah yeo.
59Asukoh ahpriest ah tre, aniah ben ah tre, nu aniah tunkah buleing, ngha tun tamasery mbull ko kë Jesus hallë dyë woa.
60Kereh ngha kehn; mbah, ahtamasery mbull ëgbir ngha hun, ngha boaehn foh din keleng. La lulan ahtamasery mbull ahting ngha poh,
61Ngha nghaleh, no yaë wonoky u nghaleh, ah boa rë shinny temple u Foy tre, nu yuck ngho peh nloi nrah.
62Sukoh ahpriest ah tre u poh nghaleh ko kë Jesus, m bë an ë dyah foh ë? n tui la aniah tre ngha foh ko ko moa ah?
63Kereh Jesus u fohehn; sukoh ahpriest ah tre u yoom nghaleh, yah moa nghah gbëëng kë Foy, n kuna hë mun moilah Krist traak u Foybatukeh?
64Jesus nghaleh ko ko woa, mfoh la rë: kereh yah moa fohm, ndërick n tre manah kung gbo, ngha keh traak nopokan tre u chall ko kë pëah fossoh dekeh, nu hun kë hvoy foy tre.
65Yeh sukoh ahpriest ah tre u tui la kë, u tack nyërick ntroyah woa, nghaleh, u foh yeh mbang kë Foy; hë yehmahn ahtamasery peh nlehly, ngha kundy tui la, u ka foh yeh mbang kë Foy.
66La ngha trennin ah? ngha yoom ngha nghaleh, peh dyë woa.
67Peh too woa tëfoll, ngha suntah buftah, ahpoom ah tre suntah woa kë pëahtë ngha,
68Nghaleh, mun Krist, mfoh hë la, ngheneh suntah moa yeo.
69Peter u chall ko pall: wanta, tre u hun ko ko woa, nghaleh, chehn moa cheh no Jesus Galilee ah?
70Peter hiam ko kë aniah buleing ëboll, nghaleh, ah tuiehn lanah n foh yeo.
71Yeh Peter u kon ko Barry loh wanta poom tre u keh woa nu nghaleh ko aniah nghana loa yeo, no yaë to wonoky u ka cheh pehreh kë Jesus ha Nasareth.
72U hiam peh, nu gbëëng nghaleh, ah sheen nopokan tre.
73Kehkeh lan aniah tre nghana semeh loa yea, ngha hun ko kë Peter, ngha nghaleh, urongdong mun moilah no bull ha Jesus; mfoh moa tre trunkyeh moa.
74Peter u trip eh wung, nu gbëëng nghaleh, ah sheen nopokan tre. Kehkehtoo kunkureh tre u wung.
75Peter u full lum tre Jesus lanah foh yeo, nghaleh, kunkureh u boaehn wung, moa më hiam lërah; nu kon ko pall nu fui ëmam ëgbir.
Currently Selected:
:
Highlight
Share
Copy
Want to have your highlights saved across all your devices? Sign up or sign in
First published by the Church Missionary Society in 1816.