Matthew 27
27
KETH TOANGNULËMAINËTING, XXVII.
1YEH foy tre ngho ësho kë, ahsukoh ahpriest ah tre buleing, nu aniah ben ah tre ngha foh, yin ah bull ngho ngha nghah hallë dyë Jesus.
2Yeh ngha kundy pant woa ngha yuck woa ko kë, Pontius Pilatus, sukonoh upock u tre.
3Yeh Judas, wonno ka trunkyeh woa yeo, u keh nyërick n tre manaky, u sinobull nu moonkuh feh tre ko kë sukoh ahpriest ah tre nu aniah ben ah tre.
4Nghaleh, ah ka nghah dyah bang, ah trunky nopokan tre u nghahn yeh mbang; ngha nghaleh, dyah hë la cheh lon, nlehly la munëken.
5Judas pong feh tre kë temple nu koh u lanten ëken.
6Ahsukoh ahpriest ah tre ngha kui feh tre ngha nghaleh, hë boaehn ngho beh kë betteh Foy, feh nkong woilah.
7Ngha foh yin a bull, ngha pin traal, nopokan tre wonno nghah kuboh, kë feh tre nghonoky, hallë kong ahmeahn kull.
8Labëla peh veal traa! tre, traal nkong kë ënang.
9Peh kissyeh lanah peh ka foh yeo kë prophet Jeremy, wonno ngbaleh, ngha kui sheckel toang nu woang peh packah hallë wonno peh wungul yeo; peh pin woa kë ahpomah Israel.
10Ngha wong ngho hallë traal nopokan tre wonno nghah kuboh, kë manleh Foy u foh më la.
11Jesus u sem kë sukono upock u tre ëboll: sukono tre u yee woa, nghaleh, moa rë bay ah Jew ah tre ah? Jesus nghaleh, mfoh la rë.
12Yeh ahsukoh ahpriest ah tre nu aniah ben ah tre ngha chëë chëërah ko ko woa, u fohehn din.
13Pilatus nghaleh ko ko woa, ntuiehn ë? ndërick n tre buleing manah ngha chëë eh ko ko moa ah?
14Jesus u yoomehn din o din; kë bonkah lan leh sukono tre u kaban.
15Kë trim lan tre sukono tre ka cheh la nghah yeo, hallë mail nopokan bull kë kill rtilleh wonno aniah tre ngha marrah gbo.
16Nopokan bang u choe kë kill rtilleh, ilillë woa Barabbas.
17Yeh ngha bony ayin a bull, Pilatus nghaleh ko ko ngha, nopokan haloh ah mail ah? Barabbas oh? Jesus oh? peh woa veal Krist.
18U shëë la rë peh kah woa rë hallë yamfah.
19Yeh u challah kë tant betteh tunkah, lah woa u wum ko ko woa nghaleh, m ma lerick nopokan keleng to; ah sompon ëgbir kë nsoneh hallë hallë woa.
20Kereh ahsukoh ahpriest ah tre nu aniah ben ah tre ngha fohm runiah tre, ngha yëë Barabbas ngha shinny Jesus.
21Sukono tre yoom nghaleh ko ko ngha, kë ahting ah tre nopokan haloh ah no kah ah? ngha nghaleh Barabbas.
22Pilatus nghaleh ko ko ngha, yeh ah nghah Jesus ah? wonno peh vealeh Krist, nghan buleing ngha nghaleh, m bang woa kë ëtock n chant ah.
23Sukono tre nghaleh, yeh la? yeh u nghah mbang ah? ngha chang ah pehny nghaleh, m bang woa ëtock n chant ah.
24Yeh Pilatus u keh u boaehn nghah yin o yin, runiah tre ngha yehmah poh, u kui men, u tohn peahtë woa ko runiah tre ëboll, nghaleh ah bë an chëërah kë nopokan keleng to wonoky: n lehly la nghangakan.
25Aniah buleing ngha yoom, nghaleh, nkong woa ma hun ko hë atook, nu ko kë ahpomah hë atook.
26Mbah; Pilatus u mail Barabbas ko ko ngha: yeh ka kundy bung Jesus u kah woa hallë bang woa kë ëtook n chantah.
27Ahsoldier ahsukono tre ngha yuck Jesus ko barry ʼloh, ngha veal ahsoldier ah tre buleing ko ko, woa.
28Ngha buss woa, ngha troyah woa lumoh shaw bomu tre.
29Yeh ngha loh sending tëluh ngha troyah woa ngho, ngha kah woa utock ko woa pëah: ngha chum pëah ko woa ëboll, ngha soll woa, nghaleh, lontah bay ah Jew ah tre!
30Ngha tool woa, nu kui tock u tre ngha suntah bull woa.
31Yeh ngha kung woa soll kë, ngha kui kutah shaw tre, ngha buss woa ngho, ngha troyeh woa nyërick n woa n tre, ngha yuck woa hallë bang woa ko ëtock n chant ah.
32Yeh ngha hinkeh ko turr kë, ngha keh nopokan Syrinia, ilillë woa Simon: peh nghah woa yuck ëtock n chantah tre.
33Yeh ngha moi ko ayin peh ngho veal Golgatha, la leh, ayin gbenket.
34Ngha kah woa kull moi nloole peh sorry nlull, yeh u nemmle ma, u boaehn kull.
35Ngha bang woa kë ëtock n chantah, ngha poh nyërick ntroyah woa, peh nghehl ngheneh ngho bë oh; peh kissyeh lanah peh foh yeo kë prophet nghaleh, peh poh nyërick ntroyah më ko ngha ayain, peh nghehl wonno bë lumoh më oh.
36Ngha chall ka hallë baykeh woa ëtrehn.
37Ngha gball ko bull woa atook, JESUS WOIKY, BAY AH JESUS AH TRE.
38Ngha bang kë ëtock n chantah ahdui ahting ko woa uborr ubull; duino bull kë pëah dekeh woa, poom tre kë pëah min woa,
39Aniah tre nghana chang ah yeo, ngha soll woa, ngha pippick bulltë ngha.
40Ngha ngbaleh mun mono shinny temple u tre nu yuck ngho peh loi nrah, m marr nkehn. Lo moa gbo leh traak u Foy, ntull kë ëtook n chantah.
41Ahsukoh ahpriest ah tre, ahgball ah tre, nu aniah ben ah tre ngha soll woa uborr ubull.
42Nghaleh, u ka marr ahpoom ah tre; kereh u boaehn marr woneken. Lo woa gbo leh bay Israel taleh u tull kë ëtock n chantah, hë moa laneh.
43U laneh Foy, lo peh gbo leh Foy yehmah woa rë taleh u marr woa: yehpëh u nghaleh, yang yahleh traak u Foy.
44Ahdui ah tre pehreh, nghana peh bang kë ëtock nchantah, ngha fohm woa bonkah n lan.
45Kë gbelling ë menbull, ko kë gbelling ë mainhewl, rtill ko choe kë upock u tre buleing.
46Gbelling mainhewl Jesus u foh kat nghaleh, Eli, Eli, lama sabachtani? la leh, Foy më, Foy më, lawumleh nloi më ah?
47Aniah poom tre nghana semmle loa yeo, yeh ngha tui la kë, ngha nghaleh; woa veal Elias.
48Kehkehtoo no bull gburrikan u kui yempy tre u pay ngho moi nloole, nu beh ngho kë ëtock nu kah woa kull.
49Ahpoom ah tre nghaleh, labëandin, n nghah, hë lehly, lo peh gbo leh Elias hun woa ë marr.
50Jesus u kundy foh kat peh, u woory.
51Nlehly kutah temple tre ngho tacken ayaing, ko tukeh ngha ko leh yeo; lehly tre leh packin; paytë tre ta foo.
52Peh yëry lolooktë tre, aniah keleng nghana lull ngha poh.
53Ngha fun ko loi të ngha, yeh Krist u poh kë, ngha kon ko turr yahmung ngha trunky nken kë aniah ëgbir.
54Yeh sukono ahsoldier ah tre nu aniah woa nghana baykeh Jesus ëtrehn yeo, ngha keh lehly tre leh packen, nu nyërick n tre buleing manah peh ka nghah yeo, ngha wui nghaleh, urongdong traaku Foy woiky.
55Ahlakan ah poom nghana lim Jesus ko kë Galilee nu boyah woa, ngha choe lewill ngha lehly.
56Mary Magdala nu Mary yah Jemy oh Joses oh, nu yah ahpomah Sebedëë, ngha choe ngha uborr ubull.
57Yeh foy ngho pë rë nopokan manlah u hinkeh kë Arimathia, ilillë woa Joseph, won woilah perrenno Jesus pehreh.
58U kon ko Pilatus u lum ë dyall ë Jesus. Pilatus nghaleh, peh kah woa ngho.
59Yeh Joseph kung tully nghe u tumuck u woa kë kutah dinteh.
60U beh woa ko lotook sannah woa tre, nghono u nghah yeo ko pay: u gbunkilleh pay bomu tre kë fongfoll lotook u tre nu kon.
61Mary Magdala nu Mary poom tre ngha chall ngha vehlen lotook u tre.
62Epall ë poom tre, ahsukoh ahpriest ah tre, ahpharisëë ah tre ngha hum ko kë Pilatus.
63Nghaleh, yeome, hë fulleh la rë, no yamfah tre, yeh lëleh kë, u nghaleh yeh loi nrah ma chang yah poh.
64M fohm aniah moa ngha baykeh lotook n tre ëtrehn nkeleng loi nrah; lo n nghahn yeh gbo, ahperren ah woa tre ngha hun chull, ngha woa dui, nu nghaleh kë aniah hë tre, Jesus u pohry kë ahwoo ah tre ayaing: la chandeh bang kë manleh lanah la ka choe trim tre.
65Pilatus nghaleh ko ko ngha, no bë aniah ëgbir, ngha koh mbaykeh lotook u tre ëtrehn yenkeleng.
66Ngha kon, ngha baykeh lotook u tre ëtrehn; ngha mettil ngho; ngha beh anin loa.
Currently Selected:
Matthew 27: BUY1816
Highlight
Share
Copy
Want to have your highlights saved across all your devices? Sign up or sign in
First published by the Church Missionary Society in 1816.
Matthew 27
27
KETH TOANGNULËMAINËTING, XXVII.
1YEH foy tre ngho ësho kë, ahsukoh ahpriest ah tre buleing, nu aniah ben ah tre ngha foh, yin ah bull ngho ngha nghah hallë dyë Jesus.
2Yeh ngha kundy pant woa ngha yuck woa ko kë, Pontius Pilatus, sukonoh upock u tre.
3Yeh Judas, wonno ka trunkyeh woa yeo, u keh nyërick n tre manaky, u sinobull nu moonkuh feh tre ko kë sukoh ahpriest ah tre nu aniah ben ah tre.
4Nghaleh, ah ka nghah dyah bang, ah trunky nopokan tre u nghahn yeh mbang; ngha nghaleh, dyah hë la cheh lon, nlehly la munëken.
5Judas pong feh tre kë temple nu koh u lanten ëken.
6Ahsukoh ahpriest ah tre ngha kui feh tre ngha nghaleh, hë boaehn ngho beh kë betteh Foy, feh nkong woilah.
7Ngha foh yin a bull, ngha pin traal, nopokan tre wonno nghah kuboh, kë feh tre nghonoky, hallë kong ahmeahn kull.
8Labëla peh veal traa! tre, traal nkong kë ënang.
9Peh kissyeh lanah peh ka foh yeo kë prophet Jeremy, wonno ngbaleh, ngha kui sheckel toang nu woang peh packah hallë wonno peh wungul yeo; peh pin woa kë ahpomah Israel.
10Ngha wong ngho hallë traal nopokan tre wonno nghah kuboh, kë manleh Foy u foh më la.
11Jesus u sem kë sukono upock u tre ëboll: sukono tre u yee woa, nghaleh, moa rë bay ah Jew ah tre ah? Jesus nghaleh, mfoh la rë.
12Yeh ahsukoh ahpriest ah tre nu aniah ben ah tre ngha chëë chëërah ko ko woa, u fohehn din.
13Pilatus nghaleh ko ko woa, ntuiehn ë? ndërick n tre buleing manah ngha chëë eh ko ko moa ah?
14Jesus u yoomehn din o din; kë bonkah lan leh sukono tre u kaban.
15Kë trim lan tre sukono tre ka cheh la nghah yeo, hallë mail nopokan bull kë kill rtilleh wonno aniah tre ngha marrah gbo.
16Nopokan bang u choe kë kill rtilleh, ilillë woa Barabbas.
17Yeh ngha bony ayin a bull, Pilatus nghaleh ko ko ngha, nopokan haloh ah mail ah? Barabbas oh? Jesus oh? peh woa veal Krist.
18U shëë la rë peh kah woa rë hallë yamfah.
19Yeh u challah kë tant betteh tunkah, lah woa u wum ko ko woa nghaleh, m ma lerick nopokan keleng to; ah sompon ëgbir kë nsoneh hallë hallë woa.
20Kereh ahsukoh ahpriest ah tre nu aniah ben ah tre ngha fohm runiah tre, ngha yëë Barabbas ngha shinny Jesus.
21Sukono tre yoom nghaleh ko ko ngha, kë ahting ah tre nopokan haloh ah no kah ah? ngha nghaleh Barabbas.
22Pilatus nghaleh ko ko ngha, yeh ah nghah Jesus ah? wonno peh vealeh Krist, nghan buleing ngha nghaleh, m bang woa kë ëtock n chant ah.
23Sukono tre nghaleh, yeh la? yeh u nghah mbang ah? ngha chang ah pehny nghaleh, m bang woa ëtock n chant ah.
24Yeh Pilatus u keh u boaehn nghah yin o yin, runiah tre ngha yehmah poh, u kui men, u tohn peahtë woa ko runiah tre ëboll, nghaleh ah bë an chëërah kë nopokan keleng to wonoky: n lehly la nghangakan.
25Aniah buleing ngha yoom, nghaleh, nkong woa ma hun ko hë atook, nu ko kë ahpomah hë atook.
26Mbah; Pilatus u mail Barabbas ko ko ngha: yeh ka kundy bung Jesus u kah woa hallë bang woa kë ëtook n chantah.
27Ahsoldier ahsukono tre ngha yuck Jesus ko barry ʼloh, ngha veal ahsoldier ah tre buleing ko ko, woa.
28Ngha buss woa, ngha troyah woa lumoh shaw bomu tre.
29Yeh ngha loh sending tëluh ngha troyah woa ngho, ngha kah woa utock ko woa pëah: ngha chum pëah ko woa ëboll, ngha soll woa, nghaleh, lontah bay ah Jew ah tre!
30Ngha tool woa, nu kui tock u tre ngha suntah bull woa.
31Yeh ngha kung woa soll kë, ngha kui kutah shaw tre, ngha buss woa ngho, ngha troyeh woa nyërick n woa n tre, ngha yuck woa hallë bang woa ko ëtock n chant ah.
32Yeh ngha hinkeh ko turr kë, ngha keh nopokan Syrinia, ilillë woa Simon: peh nghah woa yuck ëtock n chantah tre.
33Yeh ngha moi ko ayin peh ngho veal Golgatha, la leh, ayin gbenket.
34Ngha kah woa kull moi nloole peh sorry nlull, yeh u nemmle ma, u boaehn kull.
35Ngha bang woa kë ëtock n chantah, ngha poh nyërick ntroyah woa, peh nghehl ngheneh ngho bë oh; peh kissyeh lanah peh foh yeo kë prophet nghaleh, peh poh nyërick ntroyah më ko ngha ayain, peh nghehl wonno bë lumoh më oh.
36Ngha chall ka hallë baykeh woa ëtrehn.
37Ngha gball ko bull woa atook, JESUS WOIKY, BAY AH JESUS AH TRE.
38Ngha bang kë ëtock n chantah ahdui ahting ko woa uborr ubull; duino bull kë pëah dekeh woa, poom tre kë pëah min woa,
39Aniah tre nghana chang ah yeo, ngha soll woa, ngha pippick bulltë ngha.
40Ngha ngbaleh mun mono shinny temple u tre nu yuck ngho peh loi nrah, m marr nkehn. Lo moa gbo leh traak u Foy, ntull kë ëtook n chantah.
41Ahsukoh ahpriest ah tre, ahgball ah tre, nu aniah ben ah tre ngha soll woa uborr ubull.
42Nghaleh, u ka marr ahpoom ah tre; kereh u boaehn marr woneken. Lo woa gbo leh bay Israel taleh u tull kë ëtock n chantah, hë moa laneh.
43U laneh Foy, lo peh gbo leh Foy yehmah woa rë taleh u marr woa: yehpëh u nghaleh, yang yahleh traak u Foy.
44Ahdui ah tre pehreh, nghana peh bang kë ëtock nchantah, ngha fohm woa bonkah n lan.
45Kë gbelling ë menbull, ko kë gbelling ë mainhewl, rtill ko choe kë upock u tre buleing.
46Gbelling mainhewl Jesus u foh kat nghaleh, Eli, Eli, lama sabachtani? la leh, Foy më, Foy më, lawumleh nloi më ah?
47Aniah poom tre nghana semmle loa yeo, yeh ngha tui la kë, ngha nghaleh; woa veal Elias.
48Kehkehtoo no bull gburrikan u kui yempy tre u pay ngho moi nloole, nu beh ngho kë ëtock nu kah woa kull.
49Ahpoom ah tre nghaleh, labëandin, n nghah, hë lehly, lo peh gbo leh Elias hun woa ë marr.
50Jesus u kundy foh kat peh, u woory.
51Nlehly kutah temple tre ngho tacken ayaing, ko tukeh ngha ko leh yeo; lehly tre leh packin; paytë tre ta foo.
52Peh yëry lolooktë tre, aniah keleng nghana lull ngha poh.
53Ngha fun ko loi të ngha, yeh Krist u poh kë, ngha kon ko turr yahmung ngha trunky nken kë aniah ëgbir.
54Yeh sukono ahsoldier ah tre nu aniah woa nghana baykeh Jesus ëtrehn yeo, ngha keh lehly tre leh packen, nu nyërick n tre buleing manah peh ka nghah yeo, ngha wui nghaleh, urongdong traaku Foy woiky.
55Ahlakan ah poom nghana lim Jesus ko kë Galilee nu boyah woa, ngha choe lewill ngha lehly.
56Mary Magdala nu Mary yah Jemy oh Joses oh, nu yah ahpomah Sebedëë, ngha choe ngha uborr ubull.
57Yeh foy ngho pë rë nopokan manlah u hinkeh kë Arimathia, ilillë woa Joseph, won woilah perrenno Jesus pehreh.
58U kon ko Pilatus u lum ë dyall ë Jesus. Pilatus nghaleh, peh kah woa ngho.
59Yeh Joseph kung tully nghe u tumuck u woa kë kutah dinteh.
60U beh woa ko lotook sannah woa tre, nghono u nghah yeo ko pay: u gbunkilleh pay bomu tre kë fongfoll lotook u tre nu kon.
61Mary Magdala nu Mary poom tre ngha chall ngha vehlen lotook u tre.
62Epall ë poom tre, ahsukoh ahpriest ah tre, ahpharisëë ah tre ngha hum ko kë Pilatus.
63Nghaleh, yeome, hë fulleh la rë, no yamfah tre, yeh lëleh kë, u nghaleh yeh loi nrah ma chang yah poh.
64M fohm aniah moa ngha baykeh lotook n tre ëtrehn nkeleng loi nrah; lo n nghahn yeh gbo, ahperren ah woa tre ngha hun chull, ngha woa dui, nu nghaleh kë aniah hë tre, Jesus u pohry kë ahwoo ah tre ayaing: la chandeh bang kë manleh lanah la ka choe trim tre.
65Pilatus nghaleh ko ko ngha, no bë aniah ëgbir, ngha koh mbaykeh lotook u tre ëtrehn yenkeleng.
66Ngha kon, ngha baykeh lotook u tre ëtrehn; ngha mettil ngho; ngha beh anin loa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
First published by the Church Missionary Society in 1816.