Litiho tsa Baapostoloi 2
2
KHAOLO 2.
1MI erile tsatsi ya Pentekoste le sina tla, ba le ba le ka boñue hela yoa pelu mo heloñ goñue hela botle.
2Mi ga tla ka bonako tumo e e coañ mo legorimoñ, yaka pheho e kholu e e cubutlañ, mi ea tlatsa ntlu eotle ha ba rutseñ gona.
3Mi ga bonala liteme tse li liphata go bona, tse ri cuanañ yaka molelo, mi tsa lula mo go moñue le moñue oa bona.
4Mi botle ba tlarioa ka Moea oa Boitsepho, mi ba simolola go bua ka liteme li sele, kaha Moea o ba rutañ go bua ka gona.
5Mi gabo gole Bayuda ba ba agileñ mo Yerusalema, banona ba ba boihañ Morimo, ba ba coañ mo meraheñ eotle e e tlatse ga legorimo.
6Mi ka koru e, e sina rihahala, bontsi yoa tla mogo, mi yoa huruega, gone moñue le moñue a utlua ba bua mo puoñ ea gague.
7Mi ba silohala botle ba gakhamala, mi ba rana, Bonañ, botle ba, ba ba buañ, a ga si Bagalilea?
8Mi re utlua yañ moñue le moñue mo puoñ ea rona, e re tsecoeñ mo go eona?
9Baparata le Bameda, le Baelama, le baagi ba Mesopotamia, le Yuda, le Kapadokia, le Ponta, le Asia,
10 Le Ferigia, le Pamfilia, le Egepeto, le likhaolo tsa Libia, ha go Kurene, le baeñ ba Roma, Bayuda le Baperoseleta,
11Bekereta, le Baarabia, re ba utlua ba bua tiho tse ri kholu tsa Morimo mo puoñ tsa ga rona.
12Mi ba gakhamala botle, mi ba belaela, mi ba rana, Ana se se kaela kae?
13Bañue ba shotla ba re, Banona ba, ba tletse boyaloa yo bo botse.
14¶ Mi ka Petero a eme le ba eleven, a tlatlosa koru ea gague, a ba raea, Lona banona ba Yuda, le lona lotle ba lo agileñ mo Yerusalema, se a se itsisioa go lona, mi a mahuku a me a tsene mo tsebeñ tsa lona;
15Gone ba, ga ba tagoa yaka lo itloma: le mororo e le oura oa bo‐teri oa letsatsi.
16Mi se ki se se builoeñ ki Yoele moperofeti, a re,
17Mi go tla rihala mo metleñ ea bohelo, go bua Morimo, ki tla tsela ga Moea oa me mo nameñ cotle; mi bomoroa lona le bomoroaria lona ba tla ruta, mi makau a lona a tla bona lipontsisho, mi ba bagolu ba lona ba lora litoro;
18Mi ki tla tsela mo batlañkeñ ba me le mo bahuleñ ba me, ga Moea oa me mo metleñ eouo, mi ba tla ruta;
19Mi ki tla naea likhakhamaco mo legorimoñ kua gorimo, le licupo mo hatsiñ kua tlatse; mari, le molelo, le mouane oa mosi;
20Letsatsi le tla hetoloa lehihi, mi khueri e tla hetoloa mari, pele tsatsi ye le e si le tle, ye legolu le ya bonatla ya ga Yehova;
21Mi go tla rihala, moñue le moñue eo o tla bitsañ leina ya Yehova o tla bulukoa.
22Lona banona ba Yeserela, utluañ mahuku a: Yesu oa Nasareta, monona oa Morimo, eo o itsisicoeñ go lona ka lithata li likhakhamaco le licupo, tse Morimo o li rihileñ ka ena, ha gare ga lona, yaka le lona lo itse ka losi;
23Ena, ka a neloa ka khakololo e e laocoeñ, le kitseco pele ea Morimo, lo mo cutse, lo mapotse, loa molaea ka liatla tsa tsiamololo;
24Eo, Morimo o mo cositseñ, oa hunolola libotluku tsa loshu; gone a la a sa kake a tsegerioa ki lona.
25Gone Davide a bua kaga gague, Ki le ka bona Yehova ka gale ha pele ga me; gone o mo atleñ se se siameñ sa me, gore ki si tsikiñoe:
26Ki gona pelu ea me e itumelañ, mi loleme loa me loa ipela; E, le gona, nama ea me e tla ikhutsa mo culuheloñ;
27Gone ga u kitla u tlogela moea oa me mo bobipoñ, le gona ga u kitla u nela Moitsephi oa gago go bona go bola.
28U ’nkitsisitse tsela ea botselo; u tla ’ntlatsa ka boitumelo yoa hatlogo sa gago.
29Banona ba ga ecu, ’nka bua le lona ka thanolo kaga Davide oa Mopateriareki, ka a shule mi a hitliloe, mi phupu ea gague e sa na le rona le go motleñ onu.
30Ki gona ereka e le le moperofeti, mi ka a itse ha Morimo o loa ikana le ena ka ikano, ha o tla cosetsa Keresete kaha nameñ mo louñuoñ loa mañkopa a gague, go lula mo seruloñ sa bogosi sa gague,
31Ka a bonela pele yalo, a bua ga cogo ea ga Keresete, ha moea oa gague o lo o sa tlogeloe mo bobipoñ, le gona nama ea gague e si ka ea bona go bola.
32Yesu eo, Morimo o mo cositse; mi rotle re bashupi ba gona.
33Ki gona ka a gorisicoe ha atleñ sa Morimo se se siameñ, mi ka a bonye pulelelo pele ea Moea oa Boitsepho mo go Rra, o tsetse se lo se bonañ, lo se utlua yana.
34Gone Davide ga a tlatlogela kua magorimoñ, mi a re, Yehova o la a raea Morena oa me, Lula ha atleñ sa me se se siameñ,
35Ki tle ki tsamaee ki rihe baba ba gago serulo sa nao tsa gago.
36Ki gona a ba ntlu botle ba Yeserela ba itse rure, ha Morimo o rihile Yesu eo, lo mapotseñ, go na Morena le Keresete.
37¶ Mi yana ka ba utlua yalo, ba tlayoa mo peruñ tsa bona, mi ba raea Petero le baapostoloi ba bañue, Banona ba ga ecu, re tla rihañ?
38Mi Petero a ba raea, Tlabologañ, mi a moñue le moñue oa lona a bapetisioe mo ineñ ga ya Yesu Keresete go icuareloa libe, mi lo tla bona neo ea Moea oa Boitsepho.
39Gone pulelelo‐pele e go lona, le go bana ba lona, le go botle ba ba khakala; eboñ botle ba Morena Morimo oa rona o tla ba bitsañ.
40Mi a shupa, mi a kaea ka mahuku mantsi a sele, a re, Ipulukeñ mo sikeñ lo loa cokamo.
41¶ Eriha gona ba ba le ba cula lehuku ya gague ka boitumelo ba bapetisioañ; mi ga okelerioa go bona e kane e le meoea e teri thousanda mo tsatsiñ yeuo.
42Mi ba coelela ka tlomamo mo thutoñ ea baapostoloi, le mo kabalanoñ, le mo thoboñ ea señkhue, le mo merapeloñ.
43Mi ga tla poiho mo meoeeñ eotle; mi licupo le likhakhamaco lintsi tsa rihoa ki baapostoloi.
44Mi botle ba ba rumelañ ba le mogo, mi ba abalana lilo tsa bona cotle.
45Mi ba bapatsa lithoto le lilo tsa bona, mi ba li abela botle kaha moñue le moñue o tlokañ ka gona.
46Mi ba na bañue hela ka metla eotle mo tempeleñ, ba roba señkhue mo tluñ ñue le go e ñue, ba ya liyo tsa bona mogo ka boitumelo, le boñue hela yoa pelu,
47Ba baka Morimo, mi ba na le tsalano le bathu botle. Mi Morena a oketsa ekelesia ka metla eotle ka bona ba ba bulukegañ.
Currently Selected:
Litiho tsa Baapostoloi 2: TSN1890
Highlight
Share
Copy
Want to have your highlights saved across all your devices? Sign up or sign in
this is a historical text maintained by the British and Foreign Bible Society
