Zabúr 25
25
PACHÍSWÍṈ ZABÚR.
Is zabúr meṉ Dáúd tarah tarah se duạ́ kartá hai, hi Ḳhudá use dushmanoṉ se riháí baḳhshe; aur yih bhí duạ́ kartá hai, ki us ke gunáhoṉ ko muáf kare.
Dáúd kí Zabúr.
1Ai Yahowáh, maiṉ apní ján ko terí taraf uṭhátá húṉ. 2Ai mere Ḳhudá, maiṉ ne tujh par tawakkul kiyá hai, mujhe sharminda na hone de; mere dushmanoṉ ko mujh par faḳhr na karne de. 3Tere sáre muntaziroṉ meṉ se koí bhí sharminda na hogá; wuh sharminda honge jo besabab dag̣ábází karte haiṉ.
4Ai Yahowáh, apní ráheṉ mujhe dikhlá; apne raste mujhe batlá. 5Apní amánatdárí kí ráh par mujhe le chal, aur mujhe tạlím de, kyúṉki mera naját-dihinda Ḳhudá Tú hí hai; maiṉ ne sáre din terí intizárí kí hai. 6Ai Yahowáh, apní rahmateṉ aur mihrbáníáṉ yád farmá, kyúṉki wuh azal se haiṉ. 7Merí jawání kí ḳhatáoṉ aur qusúroṉ ko yád na farmá; Tú apní ḳhúbí ke liye apní mihrbání ke mutábiq mujhe yád farmá.
8Yahowáh achchhá aur sídhá hai, is liye wuh ráh meṉ ḳhatákároṉ kí rahbarí karegá. 9Wuh ạdálat meṉ farotanoṉ kí hidáyat karegá, aur farotanoṉ ko apní ráh batláegá. 10Yahowáh kí sárí ráheṉ un ke liye, jo us ke ahd aur shahádatoṉ ke muháfiz haiṉ, mihrbání aur amánatdárí haiṉ.
11Ai Yahowáh, apne nam ke waste tú mihrbání karegá, aur merí badí ko muạ́f karegá, kyúṉki wuh bahut hai. 12Wuh kaun sá insán hai, jo Yahowáh se ḍartá hai? Wuh us ráh meṉ jise pasand karegá us kí rahbarí karegá. 13Us kí ján ḳhúbí meṉ rahegí, aur us kí nasl zamín kí wáris hogí. 14Yahowáh kí rifáqat us ke ḍarnewáloṉ ke sáth, aur us ká ạhd unheṉ shináḳht baḳhshne ko hai.
15Merí ánkheṉ hamesha Yahowáh kí taraf haiṉ; kyúṉki wahí mere páṉwoṉ ko jál meṉ se nikálegá. 16Merí taraf phir, aur mujh par rahm kar, kyúṉki maiṉ tanhá aur musíbatzada hun. 17Mere dil kí tangíán baṛh gaíṉ; merí tangíoṉ se mujhe nikál. 18Merí musíbat aur mere dukh ko dekh, aur merí sárí ḳhatáeṉ muạ́f kar. 19Mere dushmanoṉ ko dekh, kyúṉki wuh bahut haiṉ, aur niháyat ạdáwat ke sáth unhoṉ ne mujh se ạdáwat rakhí hai. 20Merí ján ko mahfúz rakh aur merí riháí kar; mujhe sharminda na hone de, kyúṉki maiṉ ne tujh par bharosa rakhá hai. 21Kamálat aur rástí merí nigahbání karengí, kyúṉki maiṉ ne terí intizáṛí kí hai.
22Ai Ḳhudá, Isráíl ko us kí sárí tangíoṉ se maḳhlasí de!
Currently Selected:
Zabúr 25: URDRPS
Highlight
Share
Copy
Want to have your highlights saved across all your devices? Sign up or sign in
Historical text first published in 1863, and maintained by the British and Foreign Bible Society.
Zabúr 25
25
PACHÍSWÍṈ ZABÚR.
Is zabúr meṉ Dáúd tarah tarah se duạ́ kartá hai, hi Ḳhudá use dushmanoṉ se riháí baḳhshe; aur yih bhí duạ́ kartá hai, ki us ke gunáhoṉ ko muáf kare.
Dáúd kí Zabúr.
1Ai Yahowáh, maiṉ apní ján ko terí taraf uṭhátá húṉ. 2Ai mere Ḳhudá, maiṉ ne tujh par tawakkul kiyá hai, mujhe sharminda na hone de; mere dushmanoṉ ko mujh par faḳhr na karne de. 3Tere sáre muntaziroṉ meṉ se koí bhí sharminda na hogá; wuh sharminda honge jo besabab dag̣ábází karte haiṉ.
4Ai Yahowáh, apní ráheṉ mujhe dikhlá; apne raste mujhe batlá. 5Apní amánatdárí kí ráh par mujhe le chal, aur mujhe tạlím de, kyúṉki mera naját-dihinda Ḳhudá Tú hí hai; maiṉ ne sáre din terí intizárí kí hai. 6Ai Yahowáh, apní rahmateṉ aur mihrbáníáṉ yád farmá, kyúṉki wuh azal se haiṉ. 7Merí jawání kí ḳhatáoṉ aur qusúroṉ ko yád na farmá; Tú apní ḳhúbí ke liye apní mihrbání ke mutábiq mujhe yád farmá.
8Yahowáh achchhá aur sídhá hai, is liye wuh ráh meṉ ḳhatákároṉ kí rahbarí karegá. 9Wuh ạdálat meṉ farotanoṉ kí hidáyat karegá, aur farotanoṉ ko apní ráh batláegá. 10Yahowáh kí sárí ráheṉ un ke liye, jo us ke ahd aur shahádatoṉ ke muháfiz haiṉ, mihrbání aur amánatdárí haiṉ.
11Ai Yahowáh, apne nam ke waste tú mihrbání karegá, aur merí badí ko muạ́f karegá, kyúṉki wuh bahut hai. 12Wuh kaun sá insán hai, jo Yahowáh se ḍartá hai? Wuh us ráh meṉ jise pasand karegá us kí rahbarí karegá. 13Us kí ján ḳhúbí meṉ rahegí, aur us kí nasl zamín kí wáris hogí. 14Yahowáh kí rifáqat us ke ḍarnewáloṉ ke sáth, aur us ká ạhd unheṉ shináḳht baḳhshne ko hai.
15Merí ánkheṉ hamesha Yahowáh kí taraf haiṉ; kyúṉki wahí mere páṉwoṉ ko jál meṉ se nikálegá. 16Merí taraf phir, aur mujh par rahm kar, kyúṉki maiṉ tanhá aur musíbatzada hun. 17Mere dil kí tangíán baṛh gaíṉ; merí tangíoṉ se mujhe nikál. 18Merí musíbat aur mere dukh ko dekh, aur merí sárí ḳhatáeṉ muạ́f kar. 19Mere dushmanoṉ ko dekh, kyúṉki wuh bahut haiṉ, aur niháyat ạdáwat ke sáth unhoṉ ne mujh se ạdáwat rakhí hai. 20Merí ján ko mahfúz rakh aur merí riháí kar; mujhe sharminda na hone de, kyúṉki maiṉ ne tujh par bharosa rakhá hai. 21Kamálat aur rástí merí nigahbání karengí, kyúṉki maiṉ ne terí intizáṛí kí hai.
22Ai Ḳhudá, Isráíl ko us kí sárí tangíoṉ se maḳhlasí de!
Currently Selected:
:
Highlight
Share
Copy
Want to have your highlights saved across all your devices? Sign up or sign in
Historical text first published in 1863, and maintained by the British and Foreign Bible Society.