Luk 2
2
Evwiẹ ri Jesu
(Matiu 1.18-25)
1Vwẹ ọke yena ovie Ọgọstọs Siza de ji urhi nẹ ihwo ejobi ra ghwẹ odẹ phihọ ọbe. 2Ọnana hẹ ihwo rẹsosuọ ra tu keri, vwẹ ọke ri Kuirinọs vwọ hẹ ovie ri Siria. 3Ihwo na ejobi de kpo dohwo dorere rọye ra ghwẹ odẹ phihọ ọbe. 4Josẹf de nẹ Nazaret ri Galili rhe, kpo Bẹtlẹhẹm, orere ri Devid, rọ hẹ obi Judia, fikiridie ekpuyovwi rọye ohwo rẹ uwevwi kugbe orua ri Devid, 5rere te ọye vẹ Meri rọ saotọ na, ra ghwẹ odẹ phihọ ọbe, yi Meri vẹ evun boroboro vwẹ ọke yena. 6Rẹ ayen vwọ hẹ oboyi re, ẹdẹ rẹ uvwiẹ rọye da rhe gba. 7O de vwiẹ ọmọshare rẹ ọtuvwie rọye a da vwẹ emwa efuanfon phopho, e de muo phihọ urhuẹ rẹ eranvwe, fikiridie ayen mrẹ uwevwi wo phihọ vwẹ orere na-a.
Isuigegede na vẹ Emakashe na
8Ihwo ẹvo herọ vwẹ ubrakpọ yena ri sun igodẹ vwẹ evun rẹ aghwa vwẹ ason yena. 9Amakashe rẹ Ọrovwohwo da vwẹ oma phia kẹ ayen, urinrin rẹ Ọrovwohwo de lo riariẹ ayen phihọ, oshọ da vọn ayen oma. 10Amakashe na da ta kẹ ayen, wa djẹ oshọ-ọ; kidie nighe, me ghwa ikun esiri rẹ aghọghọ rode rhe ovwan ro che bru ihwo ejobi rhe; 11Nonẹ na e vwiẹ Osivwi vwẹ obo orere ri Devid, re se Kristi Ọrovwohwo. 12Ọnana kọ dia oka kẹ ovwan; ovwan cha mrẹ ọmọ na ra vwẹ emwa efuanfon phopho re mu shevwerhẹ urhuẹ rẹ eranvwe. 13Siẹvuọvo na usun rẹ ihwo rẹ obo odjuvwu kugbe emakashe na ki jiri Ọghẹnẹ tanẹ
14Urinrin kẹ Ọghẹnẹ ro kpenu,
ufuoma kẹ akpọ evun esiri kẹ ihwo ri vwo udu esiri.
15Ọke re emakashe na vwo kpo obo odjuvwu nu, isuigodẹ na da ta kẹ ohwohwo, E jẹn avwanre kpo Bẹtlẹhẹm ra mrẹ emu nana rọ phiare na, rẹ Ọrovwohwo vwọ phia kẹ avwanre na. 16Ayen da yanrhe okpokpakpa, ayen da mrẹ Meri kugbe Josẹf, vẹ ọmọ na re mu sherhẹ urhuẹ na. 17Ọke rẹ ayen vwọ mrẹ nu ayen de ghwoghwo ota ra ta kẹ ayen kpahe ọmọ nana; 18ikun rẹ isnigodẹ na gberi de gbe ayen ejobi unu. 19Ẹkẹvuọvo Meri de phi eta nana ra ta kẹ na vwọ hẹ vun. 20Isuigodẹ na de rhivwi kpo, ayen de jiri Ọghẹnẹ fiki rẹ emu rẹ ayen mrẹre kugbe obo rẹ ayen nyori, kirobo ra ta kẹ ayen na.
Eyanvwọ ri Jesu
21Ọke rẹ ẹdẹ ẹrenre vwọ gba nu, rẹ ẹdẹ oyanvwe rọye, e de mu odẹ kẹ Jesu, kirobo rẹ emakashe na sere kẹ tavwe ra ke mrevun rọye.
Ẹvwọphia ri Jesu vwẹ Evun rẹ uwevwi rẹ ẹga
22Rẹ ọke rẹ ẹdẹ rẹ orufuọn rayen vwo re kirobo rẹ urhi ri Mosis epha, ayen de muo rhe Jerusalẹm re vwọ phia kẹ Ọrovwohwo, 23(Kirobo re siro phihọ urhi rẹ Ọrovwohwo, kọmọshare kọmọshare rọ bẹrẹ urhoro rẹ oni rọye kọ dia fuanfon kẹ Ọrovwohwo) 24ko ze izobo kirobo re siro phihọ urhi rẹ Ọrovwohwo, inekuku ivẹ eyẹ erurẹ ivẹ. 25Asakiephana ọshare ọvo herọ vwẹ obi Jerusalẹm, re se odẹ rọye Simiọn, ọvwata vẹ ohwo rọ djẹ oshọ rẹ Ọrovwohwo, o ji phiẹrohọ evwiẹ rẹ Osivwi rẹ Izrẹl na, Erhi Ọfuanfon da hẹ oma rọye. 26Erhi Ọfuanfon na da vwọ phia kẹ nẹ o rhie ẹro mrẹ ughwu-u bẹsiẹ rọ vwọ mrẹ Kristi rẹ Ọrovwohwo na. 27Erhi na de muo rhe uwevwi rẹ ẹga vwẹ ọke yena, rẹ oni vẹ ọsẹ ri Jesu vwo mu ọmọ na rhe, re vwo ru kẹ kirobo rẹ urhi wanre, 28o de muo phihọ obọ rọye o de bruba kẹ Ọghẹnẹ ọ da ta,
29Ọrovwohwo, gbe jẹn odibo wẹn kpo vẹ ufuoma,
kirobo rẹ ota wẹn epha;
30kidie ẹro mẹ ghine mrẹ esivwo wẹn re
31ọ ru wọ rhuẹrẹ phihọ otọ vwẹ irharo rẹ ihwo ejobi,
32urhukpẹ rọ la kẹ ihwo ri keferi
kugbe urinrin rẹ ihwo wẹn Izrẹl.
33O de gbe ọsẹ vẹ oni rọye unu vwẹ oghẹre rẹ eta ra ra kpahọ; 34Simiọn da nẹ ẹrhovwo kẹ ayen ọ da ta kẹ Meri oni rọye
Nighe, ọmọ na vwenẹ e vwiẹrẹ kẹ eshe
vẹ evrẹn rẹ ihwo buebu vwẹ Izrẹl,
kugbe oka rẹ buebu cha ta ota kpahe
35(nẹ a cha vwẹ ọlọkọ duvwu ubiudu wẹn)
rere iroro re djahere vwẹ udu buebu vwọ mrasan phia.
36Aye ọvo herọ Anna ọmraro, ọmọ ri Fanuẹl, ọ rẹ uvwiẹ rẹ Asha; ọ ghworo gangan, ikpe ighwrẹ ọvo ọ vẹ ọshare rọvwọ ba nẹ ọke ro vwo chọghọ rhe, 37kẹ ayeuku ikpe ujọne gbẹ ẹne. Owọ rọye nẹ uwevwi rẹ ẹga na-a, owẹvwe echiro vẹ ẹrhovwo ẹnẹ ọ vwọ ga te ason te uvo. 38Rọ vwọ yanrhe vwẹ ọke yena ọ da kpẹvwẹ Ọghẹnẹ o de gbe ikun rọye kẹ ihwo ejobi ri phiẹrohọ etanhirhe ri Jerusalẹm.
Rhivwi kpo Nazarẹt
39Rẹ ayen vwo ru emu ejobi gba nu kirobo rẹ urhi rẹ Ọrovwohwo epha, ayen de rhivwi kpo Galili, kpo Nazarẹt, orere robọ rayen. 40Ọmọ na da rho vẹ omaẹga, vẹ aghwanre; ẹroesiri rẹ Ọghẹnẹ vẹ ọye da herọ.
Ọmọ na Jesu Vwẹ evun rẹ Uwevwi rẹ ẹga na
41Asakiephana kukpe kukpe kọye ọsẹ vẹ oni rọye vwo kpo Jerusalẹm vwẹ ọke orẹ rẹ Ewanvrẹn na. 42Ro vwo te ikpe ihwivẹ re, ayen da yanran kirobo rẹ urnemu na epha; 43rẹ orẹ na vwọ ghwiẹ nu, rẹ ayen vwo rhivwi kpo, ayen da yan jẹ Jesu vwo vwi Jerusalẹm. Ọsẹ vẹ oni rọye riẹnre-e, 44Ẹkẹvuọvo rẹ ayen vwo roro nẹ ọ hẹ usun, ayen da yan kẹ ọke rhie, ayen ke guọnọ vwẹ obọ rẹ imoni rayen kugbe igbeyan rayen; 45Rẹ ayen gbe mrẹ-ẹ, ayen de rhivwi kpo Jerusalẹm, ra guọnọ. 46Ẹdẹ erha vwọ wan nu ayen da mrẹ vwẹ uwevwi rẹ ẹga na, ro tidia vwẹ ohri rẹ iyono na, ọ kerhọn rẹ ayen ọ je nọ ayen enanọ; 47ihwo ri nyoro ejobi o de gbe ayen unu obo ro vwo ẹruọ te kugbe ekpahọ rọye. 48Rẹ ayen vwọ mrẹ o de gbe ayen unu; oni rọye da ta kẹ, Mọmẹ, Die wo vwo ru avwanre ọtiọna? Nighe, me vẹ ọsẹ wẹn guọnọ owẹ bẹn avwanre ra ro ẹnwan fiki wẹn. 49Ọ da ta kẹ ayen, Mavọ ovwan vwọ guọnọ ovwẹ? Wa gbe riẹn nẹ me dia uwevwi rẹ ọsẹ mẹ? 50Ayen gbe riẹn otọ rẹ eta ra ta kẹ ayen na-a. 51Ọ vẹ ayen da yanran kpo Nazarẹt, ọ da vwẹ oma kpotọ kẹ ayen; oni rọye de phi eta nana vwọ hẹ evun.
52Jesu da rhe vọn vẹ aghwanre, ọ da rho ugboma, o de vwo ẹroesiri vwẹ obọ rẹ Ọghẹnẹ vẹ obọ rẹ ihwo.
Currently Selected:
Luk 2: UBV77
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Luk 2
2
Evwiẹ ri Jesu
(Matiu 1.18-25)
1Vwẹ ọke yena ovie Ọgọstọs Siza de ji urhi nẹ ihwo ejobi ra ghwẹ odẹ phihọ ọbe. 2Ọnana hẹ ihwo rẹsosuọ ra tu keri, vwẹ ọke ri Kuirinọs vwọ hẹ ovie ri Siria. 3Ihwo na ejobi de kpo dohwo dorere rọye ra ghwẹ odẹ phihọ ọbe. 4Josẹf de nẹ Nazaret ri Galili rhe, kpo Bẹtlẹhẹm, orere ri Devid, rọ hẹ obi Judia, fikiridie ekpuyovwi rọye ohwo rẹ uwevwi kugbe orua ri Devid, 5rere te ọye vẹ Meri rọ saotọ na, ra ghwẹ odẹ phihọ ọbe, yi Meri vẹ evun boroboro vwẹ ọke yena. 6Rẹ ayen vwọ hẹ oboyi re, ẹdẹ rẹ uvwiẹ rọye da rhe gba. 7O de vwiẹ ọmọshare rẹ ọtuvwie rọye a da vwẹ emwa efuanfon phopho, e de muo phihọ urhuẹ rẹ eranvwe, fikiridie ayen mrẹ uwevwi wo phihọ vwẹ orere na-a.
Isuigegede na vẹ Emakashe na
8Ihwo ẹvo herọ vwẹ ubrakpọ yena ri sun igodẹ vwẹ evun rẹ aghwa vwẹ ason yena. 9Amakashe rẹ Ọrovwohwo da vwẹ oma phia kẹ ayen, urinrin rẹ Ọrovwohwo de lo riariẹ ayen phihọ, oshọ da vọn ayen oma. 10Amakashe na da ta kẹ ayen, wa djẹ oshọ-ọ; kidie nighe, me ghwa ikun esiri rẹ aghọghọ rode rhe ovwan ro che bru ihwo ejobi rhe; 11Nonẹ na e vwiẹ Osivwi vwẹ obo orere ri Devid, re se Kristi Ọrovwohwo. 12Ọnana kọ dia oka kẹ ovwan; ovwan cha mrẹ ọmọ na ra vwẹ emwa efuanfon phopho re mu shevwerhẹ urhuẹ rẹ eranvwe. 13Siẹvuọvo na usun rẹ ihwo rẹ obo odjuvwu kugbe emakashe na ki jiri Ọghẹnẹ tanẹ
14Urinrin kẹ Ọghẹnẹ ro kpenu,
ufuoma kẹ akpọ evun esiri kẹ ihwo ri vwo udu esiri.
15Ọke re emakashe na vwo kpo obo odjuvwu nu, isuigodẹ na da ta kẹ ohwohwo, E jẹn avwanre kpo Bẹtlẹhẹm ra mrẹ emu nana rọ phiare na, rẹ Ọrovwohwo vwọ phia kẹ avwanre na. 16Ayen da yanrhe okpokpakpa, ayen da mrẹ Meri kugbe Josẹf, vẹ ọmọ na re mu sherhẹ urhuẹ na. 17Ọke rẹ ayen vwọ mrẹ nu ayen de ghwoghwo ota ra ta kẹ ayen kpahe ọmọ nana; 18ikun rẹ isnigodẹ na gberi de gbe ayen ejobi unu. 19Ẹkẹvuọvo Meri de phi eta nana ra ta kẹ na vwọ hẹ vun. 20Isuigodẹ na de rhivwi kpo, ayen de jiri Ọghẹnẹ fiki rẹ emu rẹ ayen mrẹre kugbe obo rẹ ayen nyori, kirobo ra ta kẹ ayen na.
Eyanvwọ ri Jesu
21Ọke rẹ ẹdẹ ẹrenre vwọ gba nu, rẹ ẹdẹ oyanvwe rọye, e de mu odẹ kẹ Jesu, kirobo rẹ emakashe na sere kẹ tavwe ra ke mrevun rọye.
Ẹvwọphia ri Jesu vwẹ Evun rẹ uwevwi rẹ ẹga
22Rẹ ọke rẹ ẹdẹ rẹ orufuọn rayen vwo re kirobo rẹ urhi ri Mosis epha, ayen de muo rhe Jerusalẹm re vwọ phia kẹ Ọrovwohwo, 23(Kirobo re siro phihọ urhi rẹ Ọrovwohwo, kọmọshare kọmọshare rọ bẹrẹ urhoro rẹ oni rọye kọ dia fuanfon kẹ Ọrovwohwo) 24ko ze izobo kirobo re siro phihọ urhi rẹ Ọrovwohwo, inekuku ivẹ eyẹ erurẹ ivẹ. 25Asakiephana ọshare ọvo herọ vwẹ obi Jerusalẹm, re se odẹ rọye Simiọn, ọvwata vẹ ohwo rọ djẹ oshọ rẹ Ọrovwohwo, o ji phiẹrohọ evwiẹ rẹ Osivwi rẹ Izrẹl na, Erhi Ọfuanfon da hẹ oma rọye. 26Erhi Ọfuanfon na da vwọ phia kẹ nẹ o rhie ẹro mrẹ ughwu-u bẹsiẹ rọ vwọ mrẹ Kristi rẹ Ọrovwohwo na. 27Erhi na de muo rhe uwevwi rẹ ẹga vwẹ ọke yena, rẹ oni vẹ ọsẹ ri Jesu vwo mu ọmọ na rhe, re vwo ru kẹ kirobo rẹ urhi wanre, 28o de muo phihọ obọ rọye o de bruba kẹ Ọghẹnẹ ọ da ta,
29Ọrovwohwo, gbe jẹn odibo wẹn kpo vẹ ufuoma,
kirobo rẹ ota wẹn epha;
30kidie ẹro mẹ ghine mrẹ esivwo wẹn re
31ọ ru wọ rhuẹrẹ phihọ otọ vwẹ irharo rẹ ihwo ejobi,
32urhukpẹ rọ la kẹ ihwo ri keferi
kugbe urinrin rẹ ihwo wẹn Izrẹl.
33O de gbe ọsẹ vẹ oni rọye unu vwẹ oghẹre rẹ eta ra ra kpahọ; 34Simiọn da nẹ ẹrhovwo kẹ ayen ọ da ta kẹ Meri oni rọye
Nighe, ọmọ na vwenẹ e vwiẹrẹ kẹ eshe
vẹ evrẹn rẹ ihwo buebu vwẹ Izrẹl,
kugbe oka rẹ buebu cha ta ota kpahe
35(nẹ a cha vwẹ ọlọkọ duvwu ubiudu wẹn)
rere iroro re djahere vwẹ udu buebu vwọ mrasan phia.
36Aye ọvo herọ Anna ọmraro, ọmọ ri Fanuẹl, ọ rẹ uvwiẹ rẹ Asha; ọ ghworo gangan, ikpe ighwrẹ ọvo ọ vẹ ọshare rọvwọ ba nẹ ọke ro vwo chọghọ rhe, 37kẹ ayeuku ikpe ujọne gbẹ ẹne. Owọ rọye nẹ uwevwi rẹ ẹga na-a, owẹvwe echiro vẹ ẹrhovwo ẹnẹ ọ vwọ ga te ason te uvo. 38Rọ vwọ yanrhe vwẹ ọke yena ọ da kpẹvwẹ Ọghẹnẹ o de gbe ikun rọye kẹ ihwo ejobi ri phiẹrohọ etanhirhe ri Jerusalẹm.
Rhivwi kpo Nazarẹt
39Rẹ ayen vwo ru emu ejobi gba nu kirobo rẹ urhi rẹ Ọrovwohwo epha, ayen de rhivwi kpo Galili, kpo Nazarẹt, orere robọ rayen. 40Ọmọ na da rho vẹ omaẹga, vẹ aghwanre; ẹroesiri rẹ Ọghẹnẹ vẹ ọye da herọ.
Ọmọ na Jesu Vwẹ evun rẹ Uwevwi rẹ ẹga na
41Asakiephana kukpe kukpe kọye ọsẹ vẹ oni rọye vwo kpo Jerusalẹm vwẹ ọke orẹ rẹ Ewanvrẹn na. 42Ro vwo te ikpe ihwivẹ re, ayen da yanran kirobo rẹ urnemu na epha; 43rẹ orẹ na vwọ ghwiẹ nu, rẹ ayen vwo rhivwi kpo, ayen da yan jẹ Jesu vwo vwi Jerusalẹm. Ọsẹ vẹ oni rọye riẹnre-e, 44Ẹkẹvuọvo rẹ ayen vwo roro nẹ ọ hẹ usun, ayen da yan kẹ ọke rhie, ayen ke guọnọ vwẹ obọ rẹ imoni rayen kugbe igbeyan rayen; 45Rẹ ayen gbe mrẹ-ẹ, ayen de rhivwi kpo Jerusalẹm, ra guọnọ. 46Ẹdẹ erha vwọ wan nu ayen da mrẹ vwẹ uwevwi rẹ ẹga na, ro tidia vwẹ ohri rẹ iyono na, ọ kerhọn rẹ ayen ọ je nọ ayen enanọ; 47ihwo ri nyoro ejobi o de gbe ayen unu obo ro vwo ẹruọ te kugbe ekpahọ rọye. 48Rẹ ayen vwọ mrẹ o de gbe ayen unu; oni rọye da ta kẹ, Mọmẹ, Die wo vwo ru avwanre ọtiọna? Nighe, me vẹ ọsẹ wẹn guọnọ owẹ bẹn avwanre ra ro ẹnwan fiki wẹn. 49Ọ da ta kẹ ayen, Mavọ ovwan vwọ guọnọ ovwẹ? Wa gbe riẹn nẹ me dia uwevwi rẹ ọsẹ mẹ? 50Ayen gbe riẹn otọ rẹ eta ra ta kẹ ayen na-a. 51Ọ vẹ ayen da yanran kpo Nazarẹt, ọ da vwẹ oma kpotọ kẹ ayen; oni rọye de phi eta nana vwọ hẹ evun.
52Jesu da rhe vọn vẹ aghwanre, ọ da rho ugboma, o de vwo ẹroesiri vwẹ obọ rẹ Ọghẹnẹ vẹ obọ rẹ ihwo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.