Luk 3
3
Eghwoghwo ri Jọn ri Baptist
(Matiu 3.1-12; Mak 1.1-8; Jọn 1.19-28)
1Vwẹ ikpe ihwiori rẹ ẹriọ ri Tabirias Siza, Pọntiọs Pailet da hẹ osun ri Judia, Herọd kọye suẹn Galili, oniọvo rọye Filip kọye rhe suẹn ubrakpọ rẹ Ituria kugbe Trakonait, Lasanaya kọye suẹn ubrakpọ rẹ Abilini, 2vwẹ ọke rẹ Annas kugbe Kifas vwọ hẹ irherẹn rode, ota rẹ Ọghẹnẹ de bru Jọn ọmọ ri Zakaraya rhe vwẹ evun rẹ aghwa; 3ọ da yan ro ubrakpọ ri Jọdan ejobi, ro ghwoghwo ameẹreyọ rẹ ekuorhẹriẹ fiki rẹ evwoghovwo rẹ imwemwu. 4kirobo re siro phihọ ọbe rẹ eta rẹ Aizaya rẹ ọmraro,
Urhuru rẹ ohwo ọvo ro kperẹ vwẹ evun rẹ aghwa.
Rhuẹrẹ idjerhe rẹ Ọrovwohwo, ru ada rọye kpọvi.
5Iyara na ejobi ke ru ayen vọn,
Igbenu ride te itete ejobi ke kporo ayen te otọ,
idjerhe ri gunuru ke ru ayen phiọn,
idjerhe chohri chohri ke ruo riẹriẹriẹ;
6ihwo ejobi ke cha mrẹ esivwo rẹ Ọghẹnẹ.
7Ọ ta kẹ urogho na ri bruro rhe ameẹreyọ na, Ovwan uvwiẹ rẹ eredekọ na! Ono re ta kẹ ovwan nẹ wa djẹ nẹ ophu rọ cha na? 8Wa vwẹ emamọ rẹ ekuorhẹriẹ ro fori phia, wa rha ta kẹ oma rẹ ovwan nẹ, Ebraham hẹ ọsẹ rẹ avwanreọ; kidie me ta kẹ ovwan, Ọghẹnẹ sa vwẹ ibiekpẹn rẹ otọ na ru emọ kẹ Ebraham. 9Asakiephana ushurhe ọ hẹ otọ rẹ irhe na re; urhe kurhe rọ gbe mọ emamọ esiri-i ke she teye otọ ke muo phihọ erhanre.
10Urogho na da nọ, Kidie avwanre ru? 11Ọ da kpahe kẹ ayen, Ohwo ro vwo ewun ivẹ, e jẹn ọ vwọ ọvo kẹ ọ ro vwori-i; ọ ro vwo emuọre, e jẹn o ru ọtiọye rhe. 12Imiarhọghọ de bro rhe re reyọ ame, e da ta kẹ, Oyono, die avwanre ru? 13Ọ da ta kẹ ayen, uche igho re bruru nẹ e roro ọye ọvo we roro. 14Isodje da je nọ rhe, Kerhọ avwanre ji ru vwọ? ọ da ta kẹ ayen, Wa vwẹ ogangan eyẹ oshenyẹ gborho ohwo-o, jẹ osa rẹ ovwan te kẹ ovwan.
15Rẹ ihwo na ejobi vwo phiẹrohọ Jọn, rẹ ayen vwo roro iroro ivivẹ kpahọ sẹ ọye ghine Kristi na, 16Jọn da kpahe kẹ ayen ejobi Ame me vwọ kẹ ovwan; ẹkẹvuọvo ọ rọ rhonọ vwẹ cha, ifi rẹ isabato rọye mi fo ohwo rọ rha-an; ọye cha vwẹ ame vẹ Erhi Ọfuanfon kugbe erhanre họ ovwan. 17Adjudju hẹ obọ rọye, kọ nabọ hwerhe utuwevwi rọye kakare, ka ghwa eka rọye kpo erhu, ẹkẹvuọvo iphopho ri chekọ ka torhẹ ayen vwẹ erhanre ri bẹdẹ.
18Ọtiọye, eta rẹ uchehro buebu o vwo ghwoghwo ikun esiri na kẹ ihwo na. 19Ẹkẹvuọvo ri Jọn vwọ ghwọ ku Herọd osun, fiki ri Hẹrodias aye rẹ oniọvo rọye, kugbe orukuruku buebu ri Herọd ruru, 20ọ rhe vwẹ ọna ba ayen ejobi, o de mu Jọn phihọ uwodi.
Ame ẹreyọ ri Jesu
(Matiu 3.13-17; Mak 1.9-11)
21Asakiephana rẹ ihwo na ejobi vwọ reyọ ame nu, ri Jesu vwọ reyọ ame nu rọ vwọ nẹ ẹrhovwo, odjuvwu de rhie phihọ, 22Erhi Ọfuanfon de wo rhe vẹ ugboma kerẹ inekuku, o de she muo, urhuru ọvo de nẹ odjuvwu rhe, Wẹ ọmọ mẹ ro je vwe; rẹ ivun rọye vwerha ovwẹ.
Orua ri Jesu
(Matiu 1.1-17)
23Ri Jesu vwo mu uyono phihọ, ọ da dia ohwo rẹ ẹgbukpe ọgban, ọ dia ọmọ (kirobo re roro kpahọ) ri Josẹf, ọmọ ri Hẹli, 24rẹ ọmọ ri Matat, ọmọ ri Livae, ọmọ ri Mẹlki, rẹ ọmọ ri Jannai, rẹ ọmọ ri Josẹf, 25rẹ ọmọ ri Mateas, ọmọ re Emọs, rẹ ọmọ ri Nahọm, rẹ ọmọ rẹ Esli, rẹ ọmọ ri Negae, 26rẹ ọmọ ri Maat, rẹ ọmọ ri Matias, rẹ ọmọ ri Simeni, rẹ ọmọ ri Josẹk, rẹ ọmọ ri Joda, 27ọmọ ri Joanan, ọmọ rẹ Rhesa, rẹ ọmọ ri Zerubabẹl, rẹ ọmọ ri Shitiẹl, rẹ ọmọ ri Neri, 28rẹ ọmọ ri Mẹlki, rẹ ọmọ rẹ Adi, rẹ ọmọ ri Kosam, rẹ ọmọ rẹ Elmadam, rẹ ọmọ ri Er, 29rẹ ọmọ ri Jisọs, rẹ ọmọ rẹ Ẹliẹza, rẹ ọmọ ri Jorim, rẹ ọmọ ri Matat, rẹ ọmọ ri Livae, 30rẹ ọmọ ri Simiọn, rẹ ọmọ ri Judas, rẹ ọmọ ri Josẹf, rẹ ọmọ ri Jonam, rẹ ọmọ rẹ Eliakim, 31rẹ ọmọ ri Milia, rẹ ọmọ ri Menna, rẹ ọmọ ri Matata, rẹ ọmọ ri Natan rẹ ọmọ ri Devid, 32rẹ ọmọ ri Jẹse, rẹ ọmọ rẹ Ọbẹd, rẹ ọmọ ri Boaz, rẹ ọmọ ri Saimọn, rẹ ọmọ ri Nashọn, 33rẹ ọmọ rẹ Aminadab, rẹ ọmọ rẹ Ani, rẹ ọmọ ri Hẹzrọn, rẹ ọmọ ri Pẹrẹz, rẹ ọmọ ri Juda, 34rẹ ọmọ ri Jekọp, rẹ ọmọ rẹ Aizik, rẹ ọmọ rẹ Ebraham, rẹ ọmọ ri Tira, rẹ ọmọ ri Nahọ, 35rẹ ọmọ ri Serọg, rẹ ọmọ ri Ro, rẹ ọmọ ri Pẹlẹg, rẹ ọmọ rẹ Eha, rẹ ọmọ ri Shlia, 36re ọmọ ri Kenan, rẹ ọmọ rẹ Afasad, rẹ ọmọ ri Shẹm, rẹ ọmọ ri Noa, rẹ ọmọ ri Lamẹk, 37rẹ ọmọ ri Metiusela, rẹ ọmọ rẹ Enọk, rẹ ọmọ ri Jarẹd, rẹ ọmọ ri Mahalalẹl, rẹ ọmọ ri Kenan, 38rẹ ọmọ rẹ Enọs, rẹ ọmọ ri Sẹt, rẹ ọmọ rẹ Adam, rẹ ọmọ rẹ Ọghẹnẹ.
Currently Selected:
Luk 3: UBV77
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Luk 3
3
Eghwoghwo ri Jọn ri Baptist
(Matiu 3.1-12; Mak 1.1-8; Jọn 1.19-28)
1Vwẹ ikpe ihwiori rẹ ẹriọ ri Tabirias Siza, Pọntiọs Pailet da hẹ osun ri Judia, Herọd kọye suẹn Galili, oniọvo rọye Filip kọye rhe suẹn ubrakpọ rẹ Ituria kugbe Trakonait, Lasanaya kọye suẹn ubrakpọ rẹ Abilini, 2vwẹ ọke rẹ Annas kugbe Kifas vwọ hẹ irherẹn rode, ota rẹ Ọghẹnẹ de bru Jọn ọmọ ri Zakaraya rhe vwẹ evun rẹ aghwa; 3ọ da yan ro ubrakpọ ri Jọdan ejobi, ro ghwoghwo ameẹreyọ rẹ ekuorhẹriẹ fiki rẹ evwoghovwo rẹ imwemwu. 4kirobo re siro phihọ ọbe rẹ eta rẹ Aizaya rẹ ọmraro,
Urhuru rẹ ohwo ọvo ro kperẹ vwẹ evun rẹ aghwa.
Rhuẹrẹ idjerhe rẹ Ọrovwohwo, ru ada rọye kpọvi.
5Iyara na ejobi ke ru ayen vọn,
Igbenu ride te itete ejobi ke kporo ayen te otọ,
idjerhe ri gunuru ke ru ayen phiọn,
idjerhe chohri chohri ke ruo riẹriẹriẹ;
6ihwo ejobi ke cha mrẹ esivwo rẹ Ọghẹnẹ.
7Ọ ta kẹ urogho na ri bruro rhe ameẹreyọ na, Ovwan uvwiẹ rẹ eredekọ na! Ono re ta kẹ ovwan nẹ wa djẹ nẹ ophu rọ cha na? 8Wa vwẹ emamọ rẹ ekuorhẹriẹ ro fori phia, wa rha ta kẹ oma rẹ ovwan nẹ, Ebraham hẹ ọsẹ rẹ avwanreọ; kidie me ta kẹ ovwan, Ọghẹnẹ sa vwẹ ibiekpẹn rẹ otọ na ru emọ kẹ Ebraham. 9Asakiephana ushurhe ọ hẹ otọ rẹ irhe na re; urhe kurhe rọ gbe mọ emamọ esiri-i ke she teye otọ ke muo phihọ erhanre.
10Urogho na da nọ, Kidie avwanre ru? 11Ọ da kpahe kẹ ayen, Ohwo ro vwo ewun ivẹ, e jẹn ọ vwọ ọvo kẹ ọ ro vwori-i; ọ ro vwo emuọre, e jẹn o ru ọtiọye rhe. 12Imiarhọghọ de bro rhe re reyọ ame, e da ta kẹ, Oyono, die avwanre ru? 13Ọ da ta kẹ ayen, uche igho re bruru nẹ e roro ọye ọvo we roro. 14Isodje da je nọ rhe, Kerhọ avwanre ji ru vwọ? ọ da ta kẹ ayen, Wa vwẹ ogangan eyẹ oshenyẹ gborho ohwo-o, jẹ osa rẹ ovwan te kẹ ovwan.
15Rẹ ihwo na ejobi vwo phiẹrohọ Jọn, rẹ ayen vwo roro iroro ivivẹ kpahọ sẹ ọye ghine Kristi na, 16Jọn da kpahe kẹ ayen ejobi Ame me vwọ kẹ ovwan; ẹkẹvuọvo ọ rọ rhonọ vwẹ cha, ifi rẹ isabato rọye mi fo ohwo rọ rha-an; ọye cha vwẹ ame vẹ Erhi Ọfuanfon kugbe erhanre họ ovwan. 17Adjudju hẹ obọ rọye, kọ nabọ hwerhe utuwevwi rọye kakare, ka ghwa eka rọye kpo erhu, ẹkẹvuọvo iphopho ri chekọ ka torhẹ ayen vwẹ erhanre ri bẹdẹ.
18Ọtiọye, eta rẹ uchehro buebu o vwo ghwoghwo ikun esiri na kẹ ihwo na. 19Ẹkẹvuọvo ri Jọn vwọ ghwọ ku Herọd osun, fiki ri Hẹrodias aye rẹ oniọvo rọye, kugbe orukuruku buebu ri Herọd ruru, 20ọ rhe vwẹ ọna ba ayen ejobi, o de mu Jọn phihọ uwodi.
Ame ẹreyọ ri Jesu
(Matiu 3.13-17; Mak 1.9-11)
21Asakiephana rẹ ihwo na ejobi vwọ reyọ ame nu, ri Jesu vwọ reyọ ame nu rọ vwọ nẹ ẹrhovwo, odjuvwu de rhie phihọ, 22Erhi Ọfuanfon de wo rhe vẹ ugboma kerẹ inekuku, o de she muo, urhuru ọvo de nẹ odjuvwu rhe, Wẹ ọmọ mẹ ro je vwe; rẹ ivun rọye vwerha ovwẹ.
Orua ri Jesu
(Matiu 1.1-17)
23Ri Jesu vwo mu uyono phihọ, ọ da dia ohwo rẹ ẹgbukpe ọgban, ọ dia ọmọ (kirobo re roro kpahọ) ri Josẹf, ọmọ ri Hẹli, 24rẹ ọmọ ri Matat, ọmọ ri Livae, ọmọ ri Mẹlki, rẹ ọmọ ri Jannai, rẹ ọmọ ri Josẹf, 25rẹ ọmọ ri Mateas, ọmọ re Emọs, rẹ ọmọ ri Nahọm, rẹ ọmọ rẹ Esli, rẹ ọmọ ri Negae, 26rẹ ọmọ ri Maat, rẹ ọmọ ri Matias, rẹ ọmọ ri Simeni, rẹ ọmọ ri Josẹk, rẹ ọmọ ri Joda, 27ọmọ ri Joanan, ọmọ rẹ Rhesa, rẹ ọmọ ri Zerubabẹl, rẹ ọmọ ri Shitiẹl, rẹ ọmọ ri Neri, 28rẹ ọmọ ri Mẹlki, rẹ ọmọ rẹ Adi, rẹ ọmọ ri Kosam, rẹ ọmọ rẹ Elmadam, rẹ ọmọ ri Er, 29rẹ ọmọ ri Jisọs, rẹ ọmọ rẹ Ẹliẹza, rẹ ọmọ ri Jorim, rẹ ọmọ ri Matat, rẹ ọmọ ri Livae, 30rẹ ọmọ ri Simiọn, rẹ ọmọ ri Judas, rẹ ọmọ ri Josẹf, rẹ ọmọ ri Jonam, rẹ ọmọ rẹ Eliakim, 31rẹ ọmọ ri Milia, rẹ ọmọ ri Menna, rẹ ọmọ ri Matata, rẹ ọmọ ri Natan rẹ ọmọ ri Devid, 32rẹ ọmọ ri Jẹse, rẹ ọmọ rẹ Ọbẹd, rẹ ọmọ ri Boaz, rẹ ọmọ ri Saimọn, rẹ ọmọ ri Nashọn, 33rẹ ọmọ rẹ Aminadab, rẹ ọmọ rẹ Ani, rẹ ọmọ ri Hẹzrọn, rẹ ọmọ ri Pẹrẹz, rẹ ọmọ ri Juda, 34rẹ ọmọ ri Jekọp, rẹ ọmọ rẹ Aizik, rẹ ọmọ rẹ Ebraham, rẹ ọmọ ri Tira, rẹ ọmọ ri Nahọ, 35rẹ ọmọ ri Serọg, rẹ ọmọ ri Ro, rẹ ọmọ ri Pẹlẹg, rẹ ọmọ rẹ Eha, rẹ ọmọ ri Shlia, 36re ọmọ ri Kenan, rẹ ọmọ rẹ Afasad, rẹ ọmọ ri Shẹm, rẹ ọmọ ri Noa, rẹ ọmọ ri Lamẹk, 37rẹ ọmọ ri Metiusela, rẹ ọmọ rẹ Enọk, rẹ ọmọ ri Jarẹd, rẹ ọmọ ri Mahalalẹl, rẹ ọmọ ri Kenan, 38rẹ ọmọ rẹ Enọs, rẹ ọmọ ri Sẹt, rẹ ọmọ rẹ Adam, rẹ ọmọ rẹ Ọghẹnẹ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.