Luk 4
4
Ọdavwini ri Jesu
(Matiu 4.1-11; Mak 1.12-13)
1Jesu da rhe vọn vẹ Erhi Ọfuanfon, o de rhivwi nẹ Urhie ri Jọdan rhe, Erhi na de suon, 2kpo evun rẹ aghwa ẹdẹ ujuvẹ, idẹbono da davwọ ni. O re emuọvo vwẹ ẹdẹ yena-a; ẹdẹ na rhe vwọ gba nu, owẹvwe de rhi hwe. 3Idẹbono da ta kẹ, Wọ da ghene dia Ọmọ rẹ Ọghẹnẹ, gba ta kẹ ubieragha na ro hirhe phihọ emu re wọ re. 4Jesu da kpahe kẹ, E siro, Ohwo sa vwi fiki rẹ emu ọvo rhọ-ọ. 5Idẹbono de muo kpenu, ọ da vwẹ uvie kugbe urinrin rẹ akpọ na ejobi vwọ nẹ, 6ọ da ta kẹ, Nighe, ogangan na ejobi te uvie na kugbe urinrin rẹ akpọ na ejobi; mẹvwẹ ri vwo ayen, ohwo ro je vwẹ me vwe ayen kẹ. 7Ọ da dianẹ wọ ga vwẹ, diguẹ kẹ vwẹ, ke me vwẹ ayen kẹ wẹ. 8Jesu da kpahe kẹ, E siro,
Ọrovwohwo Ọghẹnẹ wẹn ọvo ọye wọ ga,
ọye ọvo wo shiguẹ kẹ.
9Ọ da reyọ kpo Jerusalẹm, o de muo kpo okpo rẹ uwevwi rẹ ega na, ọ da ta kẹ, Wọ da ghene dia Ọmọ rẹ Ọghẹnẹ, gbe pho nẹ oboyi rhe; 10kidie e siro,
Ọ vwẹ ogangan kẹ emakashe rọye nẹ e rhẹrẹ owẹ,
11Re ayen ya wẹ vwẹ obenu,
rere awọ wẹn vwo jẹ ubioragha edje.
12Jesu da kpahe kẹ, A tarọ, Wọ davwe Ọrovwohwo Ọghẹnẹ wẹn nẹ-ẹ.
13Ọke rẹ idẹbono vwọ davwọ ejobi nu, ọ da yan jovwo emerha.
Jesu Mu Iruo Rọye Phihọ Vwi Galili
(Matiu 4.12-17; Mak 1.14-15)
14Jesu de rhivwi vwẹ ogangan rẹ Erhi kpo Galili, usi rọye de kperi riariẹ orho na ejobi. 15O de yono vwẹ sinagọg rayen, ihwo ri nyoro ejobi de jiro.
A sen Jesu vwi Nazarẹt
(Matiu 13.53-58; Mak 6.1-6)
16O de kpo Nazarẹt, asan rọ dia ghwanre na; o de kpo sinagọg, kirobo rẹ urnemu rọye epba, vwẹ ẹdidjala. O de mudia ro se ọbe; 17ọbe rẹ ọmraro Aizaya kọye a vwọ kẹ. O de rhie ọbe na ọ da mrẹ asan re si phihọ nẹ,
18Erhi rẹ Ọrovwohwo ọ hẹ oma mẹ,
fikiridie ọ vwẹ evwri ghworo uvwe mi vwo gbe ikun esiri na kẹ ivwiogbere.
O ji vwe rhi ghwoghwo obọesiono kẹ ighuvwu
Orẹmrẹ kẹ otu ri rhuẹro,
ufuoma ke otu re shenyẹ,
19vwo ghwoghwo ukpe rẹ ẹreyọ rẹ Ọrovwohwo.
20O de rhurhu ọbe na, ọ da vwọ kẹ ọyinkọn na, o de tidia; ihwo re hẹ evun ri Sinagọg na ejobi da tọn ẹro vio. 21Ọ de muhọ eta kẹ ayen, Nonẹ na ọbe ọfuanfon na ke gba vwẹ erhọn rẹ ovwan. 22Ihwo na ejobi da ta ota rọye yoyovwi, ota esiri ro nẹ unu rọye rhe de gbe ayen unu; ayen da ta, Ọnana dia ọmọ ri Josẹf na? 23Ọ da ta kẹ ayen, Wa fọ re mi kpe itẹ ọvo kẹ ovwan, Ọbo sivwi oma wẹn; obo rẹ avwanre nyori ni wo ruru vwẹ obi Kepanọm, gbe ji ru ọtiọye vwẹ orho robọ wẹn na. 24Ọ da ta kẹ ayen, Uyota, Me ta kẹ ovwan, Ọbo rẹ uwevwi daro-o. 25Ẹkẹvuọvo, uyota Me ta kẹ ovwan, Eyauku buebu re hẹ Izrẹl vwẹ ọke rẹ Ilaija, ọke rẹ owẹvwe vwo fi ikpe erha gbẹ ubro, rẹ osio rhọre-e; 26ọ dia eya na ejobi e ji Ilaija bru ra-a, jokpa rẹ ayeuku ọvo vwi Zarafẹt, orere ri Saidọn. 27Ẹhonvwoti buebu rẹ hẹ Izrẹl vwẹ ọke rẹ Ilaisha ọmraro na; ọ dia ayen ejobi esivwiri-i, jokpa ri Niaman rẹ ohwo ri Siria. 28Rẹ ayen rhi vwo nyo eta nana, ivun de miovwo ihwo ejobi re hẹ evun ri sinagọg na. 29Ayen de vrẹn ra djẹ nẹ orere na, ayen da reyọ vwo kpo ọghwrọrọ ra bọn orere na phihọ, re ayen gere she teye oghwrọrọ na. 30Ẹkẹvuọvo ọ da wan uherevie rẹ ayen ro otafe.
Ọshare ro vwo Erhi ro Jẹfuọn
(Mak 1.21-28)
31O de kpo Kepanọm, orere ri Galili. Ko yono ihwo vwẹ ẹdidjala na; 32uyono rọye de gbe ayen unu, kidie ota rọye vọnre vẹ ogangan. 33Vwẹ evun ri sinagọg na ọshare ọvo herọ, ro vwo erhi ro jẹfuọn; o de bunu Wuwu, 34Die avwanre vẹ owẹ gbe ru wẹ Jesu ri Nazarẹt? Wọ rhere rhe ghwọrọ avwanre? Me riẹn ohwo ru wọ epha, Ọfuaufon Ọvuọvo rẹ Ọghẹnẹ. 35Jesu da ghwọ kuo, tanẹ, Rhurhu unu wẹn, re wọ wan no! Rẹ idẹbono vwo muo phiotọ vwẹ uherevie rayen nu, o de vrẹn no oma, o ruro emuọvo-o. 36O de gbe ayen ejobi unu ayen da ta kẹ ohwohwo, Ọna didi ota? Kidie ọ vwẹ ẹgba vẹ ogangan vwo ji urhi kẹ erhi ro jẹfuọn, ayen da wan no. 37Usi rọye de kperi ro asan ejobi yariẹ.
Jesu Sivwi Ihwo Buebu
(Matiu 8.14-17; Mak 1.29-34)
38O de vrẹn nẹ sinagọg na, ọ da vwẹriẹ uwevwi ri Saimọn. Asakiephana ekpahe ọgangan ko muẹ oni-aye ri Saimọn, ayen da rhe vuẹ. 39O de mudia kẹrẹ ọ da ghwọ ku ekpahe na, oma rọye da ghwa sasa. Siẹvuọvo o de ghwe vrẹn o de gbe odibo kẹ ayen.
40Asakiephana rẹ ọnre vwo she kpotọ re, ayen ejobi de mu ihwo re mwa emiavwe dohwo doghẹre rọye vwo rhe, ọ da ghwẹ obọ kpahe ayen ọvuọvo o de sivwi ayen. 41Idẹbono ri nẹ oma rẹ ihwo buebu rhe, ki kperẹ, Wẹ hẹ Ọmọ rẹ Ọghẹnẹ na! Ọ da ghwọ ku ayen nẹ ayen rhurhu unu, fikiridie ayen riẹnre nẹ ọye hẹ Krisri na.
Jesu Yanran kpo Oyan rẹ Eghwoghwo
(Mak 1.35-39)
42Rẹ ọke vwo rhie o de nẹ etiyin kpo asan ofuefu. Ihwo na ke guọnọ, ayen vwọ mrẹ nu, ayen da rẹ nẹ ọ yan jẹ ayen vwo-o; 43Ẹkẹvuọvo o da ta kẹ ayen, Mi ji re gbe ikun esiri rẹ uvie rẹ Ọghẹnẹ kẹ irere efa rhe; fiki rẹ ọnana e vwo ji vwe rhe. 44Yo ghwoghwo ota na vwi Sinagọg ri Judia.
Currently Selected:
Luk 4: UBV77
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Luk 4
4
Ọdavwini ri Jesu
(Matiu 4.1-11; Mak 1.12-13)
1Jesu da rhe vọn vẹ Erhi Ọfuanfon, o de rhivwi nẹ Urhie ri Jọdan rhe, Erhi na de suon, 2kpo evun rẹ aghwa ẹdẹ ujuvẹ, idẹbono da davwọ ni. O re emuọvo vwẹ ẹdẹ yena-a; ẹdẹ na rhe vwọ gba nu, owẹvwe de rhi hwe. 3Idẹbono da ta kẹ, Wọ da ghene dia Ọmọ rẹ Ọghẹnẹ, gba ta kẹ ubieragha na ro hirhe phihọ emu re wọ re. 4Jesu da kpahe kẹ, E siro, Ohwo sa vwi fiki rẹ emu ọvo rhọ-ọ. 5Idẹbono de muo kpenu, ọ da vwẹ uvie kugbe urinrin rẹ akpọ na ejobi vwọ nẹ, 6ọ da ta kẹ, Nighe, ogangan na ejobi te uvie na kugbe urinrin rẹ akpọ na ejobi; mẹvwẹ ri vwo ayen, ohwo ro je vwẹ me vwe ayen kẹ. 7Ọ da dianẹ wọ ga vwẹ, diguẹ kẹ vwẹ, ke me vwẹ ayen kẹ wẹ. 8Jesu da kpahe kẹ, E siro,
Ọrovwohwo Ọghẹnẹ wẹn ọvo ọye wọ ga,
ọye ọvo wo shiguẹ kẹ.
9Ọ da reyọ kpo Jerusalẹm, o de muo kpo okpo rẹ uwevwi rẹ ega na, ọ da ta kẹ, Wọ da ghene dia Ọmọ rẹ Ọghẹnẹ, gbe pho nẹ oboyi rhe; 10kidie e siro,
Ọ vwẹ ogangan kẹ emakashe rọye nẹ e rhẹrẹ owẹ,
11Re ayen ya wẹ vwẹ obenu,
rere awọ wẹn vwo jẹ ubioragha edje.
12Jesu da kpahe kẹ, A tarọ, Wọ davwe Ọrovwohwo Ọghẹnẹ wẹn nẹ-ẹ.
13Ọke rẹ idẹbono vwọ davwọ ejobi nu, ọ da yan jovwo emerha.
Jesu Mu Iruo Rọye Phihọ Vwi Galili
(Matiu 4.12-17; Mak 1.14-15)
14Jesu de rhivwi vwẹ ogangan rẹ Erhi kpo Galili, usi rọye de kperi riariẹ orho na ejobi. 15O de yono vwẹ sinagọg rayen, ihwo ri nyoro ejobi de jiro.
A sen Jesu vwi Nazarẹt
(Matiu 13.53-58; Mak 6.1-6)
16O de kpo Nazarẹt, asan rọ dia ghwanre na; o de kpo sinagọg, kirobo rẹ urnemu rọye epba, vwẹ ẹdidjala. O de mudia ro se ọbe; 17ọbe rẹ ọmraro Aizaya kọye a vwọ kẹ. O de rhie ọbe na ọ da mrẹ asan re si phihọ nẹ,
18Erhi rẹ Ọrovwohwo ọ hẹ oma mẹ,
fikiridie ọ vwẹ evwri ghworo uvwe mi vwo gbe ikun esiri na kẹ ivwiogbere.
O ji vwe rhi ghwoghwo obọesiono kẹ ighuvwu
Orẹmrẹ kẹ otu ri rhuẹro,
ufuoma ke otu re shenyẹ,
19vwo ghwoghwo ukpe rẹ ẹreyọ rẹ Ọrovwohwo.
20O de rhurhu ọbe na, ọ da vwọ kẹ ọyinkọn na, o de tidia; ihwo re hẹ evun ri Sinagọg na ejobi da tọn ẹro vio. 21Ọ de muhọ eta kẹ ayen, Nonẹ na ọbe ọfuanfon na ke gba vwẹ erhọn rẹ ovwan. 22Ihwo na ejobi da ta ota rọye yoyovwi, ota esiri ro nẹ unu rọye rhe de gbe ayen unu; ayen da ta, Ọnana dia ọmọ ri Josẹf na? 23Ọ da ta kẹ ayen, Wa fọ re mi kpe itẹ ọvo kẹ ovwan, Ọbo sivwi oma wẹn; obo rẹ avwanre nyori ni wo ruru vwẹ obi Kepanọm, gbe ji ru ọtiọye vwẹ orho robọ wẹn na. 24Ọ da ta kẹ ayen, Uyota, Me ta kẹ ovwan, Ọbo rẹ uwevwi daro-o. 25Ẹkẹvuọvo, uyota Me ta kẹ ovwan, Eyauku buebu re hẹ Izrẹl vwẹ ọke rẹ Ilaija, ọke rẹ owẹvwe vwo fi ikpe erha gbẹ ubro, rẹ osio rhọre-e; 26ọ dia eya na ejobi e ji Ilaija bru ra-a, jokpa rẹ ayeuku ọvo vwi Zarafẹt, orere ri Saidọn. 27Ẹhonvwoti buebu rẹ hẹ Izrẹl vwẹ ọke rẹ Ilaisha ọmraro na; ọ dia ayen ejobi esivwiri-i, jokpa ri Niaman rẹ ohwo ri Siria. 28Rẹ ayen rhi vwo nyo eta nana, ivun de miovwo ihwo ejobi re hẹ evun ri sinagọg na. 29Ayen de vrẹn ra djẹ nẹ orere na, ayen da reyọ vwo kpo ọghwrọrọ ra bọn orere na phihọ, re ayen gere she teye oghwrọrọ na. 30Ẹkẹvuọvo ọ da wan uherevie rẹ ayen ro otafe.
Ọshare ro vwo Erhi ro Jẹfuọn
(Mak 1.21-28)
31O de kpo Kepanọm, orere ri Galili. Ko yono ihwo vwẹ ẹdidjala na; 32uyono rọye de gbe ayen unu, kidie ota rọye vọnre vẹ ogangan. 33Vwẹ evun ri sinagọg na ọshare ọvo herọ, ro vwo erhi ro jẹfuọn; o de bunu Wuwu, 34Die avwanre vẹ owẹ gbe ru wẹ Jesu ri Nazarẹt? Wọ rhere rhe ghwọrọ avwanre? Me riẹn ohwo ru wọ epha, Ọfuaufon Ọvuọvo rẹ Ọghẹnẹ. 35Jesu da ghwọ kuo, tanẹ, Rhurhu unu wẹn, re wọ wan no! Rẹ idẹbono vwo muo phiotọ vwẹ uherevie rayen nu, o de vrẹn no oma, o ruro emuọvo-o. 36O de gbe ayen ejobi unu ayen da ta kẹ ohwohwo, Ọna didi ota? Kidie ọ vwẹ ẹgba vẹ ogangan vwo ji urhi kẹ erhi ro jẹfuọn, ayen da wan no. 37Usi rọye de kperi ro asan ejobi yariẹ.
Jesu Sivwi Ihwo Buebu
(Matiu 8.14-17; Mak 1.29-34)
38O de vrẹn nẹ sinagọg na, ọ da vwẹriẹ uwevwi ri Saimọn. Asakiephana ekpahe ọgangan ko muẹ oni-aye ri Saimọn, ayen da rhe vuẹ. 39O de mudia kẹrẹ ọ da ghwọ ku ekpahe na, oma rọye da ghwa sasa. Siẹvuọvo o de ghwe vrẹn o de gbe odibo kẹ ayen.
40Asakiephana rẹ ọnre vwo she kpotọ re, ayen ejobi de mu ihwo re mwa emiavwe dohwo doghẹre rọye vwo rhe, ọ da ghwẹ obọ kpahe ayen ọvuọvo o de sivwi ayen. 41Idẹbono ri nẹ oma rẹ ihwo buebu rhe, ki kperẹ, Wẹ hẹ Ọmọ rẹ Ọghẹnẹ na! Ọ da ghwọ ku ayen nẹ ayen rhurhu unu, fikiridie ayen riẹnre nẹ ọye hẹ Krisri na.
Jesu Yanran kpo Oyan rẹ Eghwoghwo
(Mak 1.35-39)
42Rẹ ọke vwo rhie o de nẹ etiyin kpo asan ofuefu. Ihwo na ke guọnọ, ayen vwọ mrẹ nu, ayen da rẹ nẹ ọ yan jẹ ayen vwo-o; 43Ẹkẹvuọvo o da ta kẹ ayen, Mi ji re gbe ikun esiri rẹ uvie rẹ Ọghẹnẹ kẹ irere efa rhe; fiki rẹ ọnana e vwo ji vwe rhe. 44Yo ghwoghwo ota na vwi Sinagọg ri Judia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.