Luk 5
5
Jesu Se Idibo rẹsosuọ na
(Matiu 4.18-22; Mak 1.16-20)
1Vwẹ ọke yena rẹ ihwo na vwo keke re ayen nyo ota rẹ Ọghẹnẹ na, o de mudia vwẹ orhoma rẹ avware ri Gẹnẹsarẹt. 2Ọ da mrẹ eko ivẹ re churu si erhuru na, ẹkẹvuọvo ihwiyeri na wotọ no ayen ke hworhẹ iriri rayen. 3Rọ vwọ ro okọ na ọvo, okọ, ri Saimọn, ọ da ta kẹ nẹ o bio ro odo emerha. O de tidia okọ na kẹ etiyin o de yono ihwo re hẹ orhotọ na. 4Ọke ro vwo yono ihwo na nu, ọ da ta kẹ Saimọn, Bi okọ wẹn na phihọ odo re wọ fa ariri wẹn họ ro mu eri. 5Saimọn da kpahe, Onini, avwanre lagha oma vwẹ ason na ejobi yi me hwe emuọvo-o! Ẹkẹvuọvo vwẹ ota wẹn na me fa phihọ. 6Rẹ ayen vwọ fa phihọ nu, iyeri buebu de muo; rẹ ariri rayen vwọ bẹrẹ, 7ayen da vwẹ obọ se irivẹ rayen re hẹ okọ ọfa, re a rhe cha ayen uko. Ayen de rhi kpono ariri na vẹ iyeri na phihọ eko, eko na ki shuẹ. 8Ẹkẹvuọvo ri Saimọn Pita vwọ mrẹ, o de she diguẹ vwẹ obaro ri Jesu, tanẹ, Bi nẹ uvwe oma, kidie mẹvwẹ oruimwemwu, E, Ọrovwohwo. 9Kidie o gbere unu, kugbe otu rọye ejobi, fiki rẹ iyeri buebu rẹ ayen hweri; 10ọtiọye ji te Jems vẹ Jọn, emọ ri Zẹbidi, rẹ irivẹ ri Saimọn. Jesu da ta kẹ Saimọn, Wọ djẹ oshọ-ọ; kẹ etinẹ yanran ku wo hwe iyeri rẹ ihwo. 11Ọke rẹ ayen rhi vwo bi te otọ, ayen da yan jẹ emu na ejobi vwo, ayen de nene.
Jesu Sivwi Ọhọnvwoti ọvo
(Matiu 8.1-4; Mak 1.40-45)
12Ọke ro rhi vwo te orere ọvo, ọhonvwoti ọvo da rhe vwa; ọke rọ vwọ mrẹ Jesu, o de shiguẹ kẹ ọ da rẹ, Ọrovwohwo, wọ da rhọvwe gbe ru vwe fon. 13Ọ da riẹn obọ vwo te, tanẹ, Me rhọvwere; gba fon. Siẹvuọvo na oti na de ghwe no oma. 14O de ji urhi kẹ nẹ ọ ta kẹ ohwo-o; ẹkẹvuọvo yanran, wọ ra vwẹ oma wẹn nẹ orherẹn, rẹ wo ze izobo kirobo rẹ urhi ri Mosis tare, rọ dia iseri kẹ ihwo na. 15Ẹkẹvuọvo usi rọye da rhoma kperi ro asan ejobi phihọ; urogho de rhi bi gba re ayen nyo ota rọye ro sivwi emiavwe rayen. 16Ẹkẹvuọvo o de sioma reyọ kpo evun rẹ aghwa ra nẹ ẹrhovwo.
Jesu Sivwi Ohwo ro Ghwoma
(Matiu 9.1-8; Mak 2.1-12)
17Ẹdẹvo, ro vwo yono, otu ri Farisi kugbe otu re riẹn urhi de tidia kẹrẹ, ri nẹ ẹko ri Galili vẹ Judia kugbe Jerusalẹm rhe; ogangan rẹ Ọrovwohwo vẹ ọye da herọ, o de sivwi. 18E vwo ni, a ghwa ohwo ọvo vwẹ ahwa vwo rhe, ohwo na ghwoma, ayen da guọnọ obo rẹ ayen vwọ reyọ rhe Jesu; 19ayen rha mrẹ idjerhe muo ro uwevwi-i, fiki rẹ ihwo buebu na ayen de yeri kpo obo okpo ayen da lọrọ vẹ eruẹ na wan ebọn ra uherevie vwẹ asan ri Jesu epha. 20Rọ vwọ mrẹ esegbuyota rayen ọ da ta, Ọshare; a vwẹ imwemwu wẹn ghovwo uwe. 21Isiẹbe kugbe Farisi na ke nọ, tanẹ, Ọna ono rọ ta ogbeta na? Ono sa vwẹ imwemwu ghovwo jokpa rẹ Ọghẹnẹ ọvo? 22Jesu vwọ riẹn iroro rayen, o da kpahe kẹ ayen, Die ovwan nọ vwẹ udu rẹ ovwan? 23Ọ rhọ lọhọre ra ta, A vwẹ imwemwu wẹn ghovwo uwe, eyẹ ra vwọ ta nẹ, Vrẹn wọ yan? 24Ẹkẹvuọvo re ovwan vwọ riẹn nẹ Ọmọ rẹ ohwo vwo ogangan vwẹ akpọ rọ vwọ vwẹ imwemwu ghovwo–o da ta kẹ ohwo ro ghwoma na–Me ta kẹ wẹ, vrẹn, tọrọ eruẹ wẹn re wo kpo. 25Siẹvuọvo na o de ghwe vrẹn vwẹ irharo rẹ ayen, ọ da tọrọ ernẹ rọye ro sherhẹ jovwo na, o da yanran kpo, jo jiri Ọghẹnẹ. 26Ọ de gbe ayen ejobi unu, ayen de jiri Ọghẹnẹ ayen da vọn vẹ udidi, tanẹ, Avwanre mrẹ emu ri gbunu nonẹ.
Jesu se Livae
(Matiu 9.9-13; Mak 2.13-17)
27Rẹ enana ejobi vwọ wan nu, ọ da ro otafe, ọ da mrẹ omiarhọghọ, re se Livae, ro tidia ọguan re de mie arhọghọ, ọ da ta kẹ Nene uvwe. 28Ọ da yan jẹ emu ejobi vwo, o de vrẹn, o de nene.
29Livae de ehere emu buebu kẹ vwẹ uwevwi rọye; imiarhọghọ, buebu kugbe ihwo efa vẹ ọye de tidia vwẹ udoemu na. 30Farisi na kugbe isiebe rayen na ki guẹ idibo rọye, tanẹ, Die ovwan vẹ otu rẹ imiarhọghọ kugbe iruimwemwu vwọ da vwọ ria kuẹgbe? 31Jesu da kpahe kẹ ayen, Ihwo vẹ oma ọkpokpọ sa guọnọ ọbo-o, ẹkẹvuọvo jokpa rẹ otu rẹ oma da. 32Mi rhi se evwata-a, ẹkẹvuọvo iruimwemwu ri kurhẹriẹ.
Enanọ kpahe Owẹvwe echiro
(Matiu 9.14-17; Mak 2.18-22)
33Ayen da ta kẹ, Idibo ri Jọn ehirẹ owẹvwe kẹdẹ kẹdẹ ayen mia nẹ ẹrhovwo, ọtiọye ji te idibo ri Farisi na, ẹkẹvuọvo ewẹn ria je da. 34Jesu da ta kẹ ayen, Kẹ ikọpha se chiri owẹvwe rẹ ọpha na vẹ ayen da herọ? 35Ẹkẹvuọvo ẹdẹ cha, ra cha vwọ reyọ ọpha na mie ayen, kẹsiẹye ayen ki chiri owẹvwẹ. 36Ọ da rhoma kpe itẹ kẹ ayen, Ohwo sa bẹrẹ ẹbẹre rẹ amwa ọkpokpọ ko phihọ ọ rẹ awanre-e, o de ruo, kọ bẹre ọkpokpọ na, yẹ ẹbẹre ọkpokpọ na kọ nẹrhẹ ẹbẹre amwa rẹ awanre na miovwi phihọ. 37Ohwo se ku udi ọkpokpọ phihọ ephiẹ rẹ awanre-e; o de ruo, udi ọkpokpọ na ko bẹre ephiẹ na, udi na ko hwẹ fia, ephiẹ na ki miovwi. 38Ẹkẹvuọvo udi ọkpokpọ e kuo phihọ ephiẹ ọkpokpọ. 39O vwo ohwo rọ da udi rẹ awanre nu, ọ da guọnọ ọkpokpọ-ọ; kidie ọ tare nẹ, ọ rẹ awanre na ri me yoma.
Currently Selected:
Luk 5: UBV77
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Luk 5
5
Jesu Se Idibo rẹsosuọ na
(Matiu 4.18-22; Mak 1.16-20)
1Vwẹ ọke yena rẹ ihwo na vwo keke re ayen nyo ota rẹ Ọghẹnẹ na, o de mudia vwẹ orhoma rẹ avware ri Gẹnẹsarẹt. 2Ọ da mrẹ eko ivẹ re churu si erhuru na, ẹkẹvuọvo ihwiyeri na wotọ no ayen ke hworhẹ iriri rayen. 3Rọ vwọ ro okọ na ọvo, okọ, ri Saimọn, ọ da ta kẹ nẹ o bio ro odo emerha. O de tidia okọ na kẹ etiyin o de yono ihwo re hẹ orhotọ na. 4Ọke ro vwo yono ihwo na nu, ọ da ta kẹ Saimọn, Bi okọ wẹn na phihọ odo re wọ fa ariri wẹn họ ro mu eri. 5Saimọn da kpahe, Onini, avwanre lagha oma vwẹ ason na ejobi yi me hwe emuọvo-o! Ẹkẹvuọvo vwẹ ota wẹn na me fa phihọ. 6Rẹ ayen vwọ fa phihọ nu, iyeri buebu de muo; rẹ ariri rayen vwọ bẹrẹ, 7ayen da vwẹ obọ se irivẹ rayen re hẹ okọ ọfa, re a rhe cha ayen uko. Ayen de rhi kpono ariri na vẹ iyeri na phihọ eko, eko na ki shuẹ. 8Ẹkẹvuọvo ri Saimọn Pita vwọ mrẹ, o de she diguẹ vwẹ obaro ri Jesu, tanẹ, Bi nẹ uvwe oma, kidie mẹvwẹ oruimwemwu, E, Ọrovwohwo. 9Kidie o gbere unu, kugbe otu rọye ejobi, fiki rẹ iyeri buebu rẹ ayen hweri; 10ọtiọye ji te Jems vẹ Jọn, emọ ri Zẹbidi, rẹ irivẹ ri Saimọn. Jesu da ta kẹ Saimọn, Wọ djẹ oshọ-ọ; kẹ etinẹ yanran ku wo hwe iyeri rẹ ihwo. 11Ọke rẹ ayen rhi vwo bi te otọ, ayen da yan jẹ emu na ejobi vwo, ayen de nene.
Jesu Sivwi Ọhọnvwoti ọvo
(Matiu 8.1-4; Mak 1.40-45)
12Ọke ro rhi vwo te orere ọvo, ọhonvwoti ọvo da rhe vwa; ọke rọ vwọ mrẹ Jesu, o de shiguẹ kẹ ọ da rẹ, Ọrovwohwo, wọ da rhọvwe gbe ru vwe fon. 13Ọ da riẹn obọ vwo te, tanẹ, Me rhọvwere; gba fon. Siẹvuọvo na oti na de ghwe no oma. 14O de ji urhi kẹ nẹ ọ ta kẹ ohwo-o; ẹkẹvuọvo yanran, wọ ra vwẹ oma wẹn nẹ orherẹn, rẹ wo ze izobo kirobo rẹ urhi ri Mosis tare, rọ dia iseri kẹ ihwo na. 15Ẹkẹvuọvo usi rọye da rhoma kperi ro asan ejobi phihọ; urogho de rhi bi gba re ayen nyo ota rọye ro sivwi emiavwe rayen. 16Ẹkẹvuọvo o de sioma reyọ kpo evun rẹ aghwa ra nẹ ẹrhovwo.
Jesu Sivwi Ohwo ro Ghwoma
(Matiu 9.1-8; Mak 2.1-12)
17Ẹdẹvo, ro vwo yono, otu ri Farisi kugbe otu re riẹn urhi de tidia kẹrẹ, ri nẹ ẹko ri Galili vẹ Judia kugbe Jerusalẹm rhe; ogangan rẹ Ọrovwohwo vẹ ọye da herọ, o de sivwi. 18E vwo ni, a ghwa ohwo ọvo vwẹ ahwa vwo rhe, ohwo na ghwoma, ayen da guọnọ obo rẹ ayen vwọ reyọ rhe Jesu; 19ayen rha mrẹ idjerhe muo ro uwevwi-i, fiki rẹ ihwo buebu na ayen de yeri kpo obo okpo ayen da lọrọ vẹ eruẹ na wan ebọn ra uherevie vwẹ asan ri Jesu epha. 20Rọ vwọ mrẹ esegbuyota rayen ọ da ta, Ọshare; a vwẹ imwemwu wẹn ghovwo uwe. 21Isiẹbe kugbe Farisi na ke nọ, tanẹ, Ọna ono rọ ta ogbeta na? Ono sa vwẹ imwemwu ghovwo jokpa rẹ Ọghẹnẹ ọvo? 22Jesu vwọ riẹn iroro rayen, o da kpahe kẹ ayen, Die ovwan nọ vwẹ udu rẹ ovwan? 23Ọ rhọ lọhọre ra ta, A vwẹ imwemwu wẹn ghovwo uwe, eyẹ ra vwọ ta nẹ, Vrẹn wọ yan? 24Ẹkẹvuọvo re ovwan vwọ riẹn nẹ Ọmọ rẹ ohwo vwo ogangan vwẹ akpọ rọ vwọ vwẹ imwemwu ghovwo–o da ta kẹ ohwo ro ghwoma na–Me ta kẹ wẹ, vrẹn, tọrọ eruẹ wẹn re wo kpo. 25Siẹvuọvo na o de ghwe vrẹn vwẹ irharo rẹ ayen, ọ da tọrọ ernẹ rọye ro sherhẹ jovwo na, o da yanran kpo, jo jiri Ọghẹnẹ. 26Ọ de gbe ayen ejobi unu, ayen de jiri Ọghẹnẹ ayen da vọn vẹ udidi, tanẹ, Avwanre mrẹ emu ri gbunu nonẹ.
Jesu se Livae
(Matiu 9.9-13; Mak 2.13-17)
27Rẹ enana ejobi vwọ wan nu, ọ da ro otafe, ọ da mrẹ omiarhọghọ, re se Livae, ro tidia ọguan re de mie arhọghọ, ọ da ta kẹ Nene uvwe. 28Ọ da yan jẹ emu ejobi vwo, o de vrẹn, o de nene.
29Livae de ehere emu buebu kẹ vwẹ uwevwi rọye; imiarhọghọ, buebu kugbe ihwo efa vẹ ọye de tidia vwẹ udoemu na. 30Farisi na kugbe isiebe rayen na ki guẹ idibo rọye, tanẹ, Die ovwan vẹ otu rẹ imiarhọghọ kugbe iruimwemwu vwọ da vwọ ria kuẹgbe? 31Jesu da kpahe kẹ ayen, Ihwo vẹ oma ọkpokpọ sa guọnọ ọbo-o, ẹkẹvuọvo jokpa rẹ otu rẹ oma da. 32Mi rhi se evwata-a, ẹkẹvuọvo iruimwemwu ri kurhẹriẹ.
Enanọ kpahe Owẹvwe echiro
(Matiu 9.14-17; Mak 2.18-22)
33Ayen da ta kẹ, Idibo ri Jọn ehirẹ owẹvwe kẹdẹ kẹdẹ ayen mia nẹ ẹrhovwo, ọtiọye ji te idibo ri Farisi na, ẹkẹvuọvo ewẹn ria je da. 34Jesu da ta kẹ ayen, Kẹ ikọpha se chiri owẹvwe rẹ ọpha na vẹ ayen da herọ? 35Ẹkẹvuọvo ẹdẹ cha, ra cha vwọ reyọ ọpha na mie ayen, kẹsiẹye ayen ki chiri owẹvwẹ. 36Ọ da rhoma kpe itẹ kẹ ayen, Ohwo sa bẹrẹ ẹbẹre rẹ amwa ọkpokpọ ko phihọ ọ rẹ awanre-e, o de ruo, kọ bẹre ọkpokpọ na, yẹ ẹbẹre ọkpokpọ na kọ nẹrhẹ ẹbẹre amwa rẹ awanre na miovwi phihọ. 37Ohwo se ku udi ọkpokpọ phihọ ephiẹ rẹ awanre-e; o de ruo, udi ọkpokpọ na ko bẹre ephiẹ na, udi na ko hwẹ fia, ephiẹ na ki miovwi. 38Ẹkẹvuọvo udi ọkpokpọ e kuo phihọ ephiẹ ọkpokpọ. 39O vwo ohwo rọ da udi rẹ awanre nu, ọ da guọnọ ọkpokpọ-ọ; kidie ọ tare nẹ, ọ rẹ awanre na ri me yoma.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.