Malakai 4
4
Ikpe ye Adimaana Ndemme Akaaña
# 4: Ke mme ikpañwed Hibru ewet Mal 4:1-6 nte Mal 3:19-24. 1“Ke akpanikọ usen ado asʌk adi; anye adiisak nte ñkpọdiọhọ ikañ. Afịd mbon ntañidem ye mme anam idiọọk ediido ikpitok, ndin usen a-adiighe ke iso ammọ eyaesịn ammọ ke ikañ,” Abọọñ Andikponñkan atañ. “Adʌñ me ñkọk ndomokeed idiisʌhọke inọ ammọ. 2Amaado ndufo e-ekponoke anyịñ mmi, utịn adinenido asañake ye ukọk ayaasakka inọ ndufo. Ndufo eyaewuọ enyʌñ edia uwem nte mme ñyịn enañ e-enọọhọ nti ndidia. 3Ndin ndufo eyaesọnnọ mbon ibak; ammọ eyaekappa edo ntọñ ke esịd ekaikpad ndufo ke usen a-ami ndiitịppe ñkpọ nnam,” Abọọñ Andikponñkan atañ.
4“Toiyo mbed isʌñutom mmi Moses, mme ewʌhọ ye mme mbed a-ami ñkenọọhọ esọk afịd nditọ Isrel ke Họreb.
5“Se, ami ñyaadọñ prọfed Elaiya nnọ isọk ndufo mbemiso ekamba usen ndịk Abọọñ adi. 6Anye ayaawọññọ esịd mme ete ye mme eka anọ nditọ ammọ, anyʌñ awọññọ esịd nditọ anọ mme ete ye mme eka ammọ; imiidooho ntoro ami ñyaadi ndisobo isọñ ataa afịd-afịd.”
Currently Selected:
Malakai 4: ICB
Highlight
Share
Copy
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.