HECHOS 3
3
Suchu runata Pedro alliyachishcami
1Pedroca Juandijmi chaupi chishi shinata, Taita Diospaj huasipi Taita Diosta mañagrij cashcamanta Taita Diosta mañangapaj rirca. 2Chaipica huacharimanta pacha suchu runami tiyarca. Paitaca Taita Diospaj huasiman yaicuna Sumaj nishca pungupimi, punllanta saquij apajcuna carca. Chaipimi Taita Diospaj huasiman yaicujcunata mañashpa tiyaj carca. 3Pedrondij, Juandij Taita Diospaj huasiman yaicugrijta ricushpami, chai runaca imallatapish cuchun nishpa mañarca. 4Pedroca, Juandij paita ricushpami:
–Ñucanchijta ricui– nirca.
5Chaimi chai runaca imallatapish cungapishchari nishpa paicunata chapacurca. 6Chaimi Pedroca:
–Ñucaca cullquita curita mana charinichu. Chaipaj randica ñuca imata charishcatami cuni: Nazaretmanta Jesucristopaj shutipi jatarishpa, puri– nirca.
7Chaimi alli maquimanta japishpa jatarichinca, chai runapaj chaqui mucucunaca sinchiyarijpi, 8saltashpa, shayarishpa puri callarirca. Chaimantaca paicunahuanmi Taita Diospaj huasimanca purishpa, saltashpa, Taita Diosta alabashpa yaicurca. 9Paitaca tucuicunami puricujta, Taita Diosta alabacujta ricurcacuna. 10Chai suchu runataca, Taita Diospaj huasi Sumaj nishca pungupi, mañashpa tiyaj cashcatami rijsircacuna. Chaimantami ima shinashi chashnaca tucurca nishpa, yallitaj mancharircacuna.
Pedroca caihuanca ishqui cutin huillashcami
11Pedroca, Juandij Salomonpaj corredorpi shayacujpimi, suchu cashcata alliyachishca runaca paicunapi charirishca shayacurca. Chaita ricushpaca tucuicuna achcata mancharinacushpami paicuna shayacunman tandanacurcacuna. 12Chaita ricushpami Pedroca: “Israelcuna, ¿ima nishpataj mancharishca canguichij? ¿ima nishpataj ñucanchijta ricuracunguichij? ¿Ñucanchij imatapish rurai tucuj cashcamanta, Taita Diosta cazuj cashcallamanta alliyachishcatachu yuyanguichij? 13Ñucanchij ñaupa yaya Abrahampaj, Isaacpaj, Jacobpaj Taita Diosmi paipaj Churi Jesucristota jatunyachirca. Paitami cancunaca Pilatopajman pusharcanguichij. Pilato cacharisha nijpipish, paipaj ñaupajpimi ama cacharichu nircanguichij. 14Cancunaca ima Jucha Illaj, Cashcata Rurajtaraj mana cacharichishpami, huañuchij runataraj cacharichun mañarcanguichij. 15Ashtahuanpish cancunaca Causaita Cujtarajmi huañuchircanguichij. Paitami Taita Diosca, huañushcacunapaj chaupimanta causachirca. Ñucanchijca chaita ricushcata huillajcunami canchij. 16Ñucanchijca cai runataca Jesús alliyachinatami crircanchij. Chaita crijpi Jesús alliyachijpimi, cancuna rijsishca cunan ricucun runaca tucui cancunapaj ñaupajpi allitaj alliyachishca shayacujta cancunallataj ricucunguichij.
17Caipi caj tucui huauquicuna, cancunapish, cancunapaj mandajcunapish imata ruracushcata mana yachashpa Jesusta huañuchishcatami yachani. 18“Cristoca jatun llaquita apangami” nishpa profetacunata ñaupaman pai huillashcatami Taita Diosca pajtachishca. 19Chaimanta cancunapaj juchacunata p'ichachunca, mana allita ruracushcata saquishpa paipajlla tucuichij. Chaimi Jatun Diosca cushicushpa causana punllacunata cunga. 20Ñaupaman cachasha nishpa huillachishca Jesucristota cachashpami Taita Diosca chashnaca ruranga. 21Jesusca tucuita mushujyachina punllacuna chayamungacamami, jahua pachapi canga. Chashna tucunataca Taita Diosca paipaj jucha illaj profetacunatami ñaupaman huillachishca. 22Chaimi Moisespish ñucanchij ñaupa yayacunamanca cashna nishca: “Cancunapaj Mandaj Jatun Diosca, ñucata cachashca shinallatajmi cancunapuramanta shuj profetata cachanga. Tucui pai ima nishcata cazunguichij. 23Chai profeta yachachishcata maijanpish mana uyajpica, Taita Diospajlla cajcunapuramanta llujshichishcami canga” ninmi.
24Samuelmanta callarishpami profetacunaca tucuicuna cai punllacuna imalla tucuna cashcataca ña huillarcacuna. 25Cancunaca profetacunapaj huahuacuna, ñucanchij yayacunaman Taita Dios cushami nishpa ari nishcata japijcunami canguichij. Chashna cana cajpimi Taita Diosca Abrahamtaca: “Cambaj huahua huahuamantami cai pachapi causajcunaca tucuicuna allicunata chasquingacuna” nishca. 26Taita Diosca paipaj Churita causachishpaca, cancunaman allicunata cuchunmi cancunapajmanraj cacharca. Cancunataca cada quiquinta millaita ruracushcata saquichingapajmi chashna cacharca” nircami.
Currently Selected:
HECHOS 3: QCHI04
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.
HECHOS 3
3
Suchu runata Pedro alliyachishcami
1Pedroca Juandijmi chaupi chishi shinata, Taita Diospaj huasipi Taita Diosta mañagrij cashcamanta Taita Diosta mañangapaj rirca. 2Chaipica huacharimanta pacha suchu runami tiyarca. Paitaca Taita Diospaj huasiman yaicuna Sumaj nishca pungupimi, punllanta saquij apajcuna carca. Chaipimi Taita Diospaj huasiman yaicujcunata mañashpa tiyaj carca. 3Pedrondij, Juandij Taita Diospaj huasiman yaicugrijta ricushpami, chai runaca imallatapish cuchun nishpa mañarca. 4Pedroca, Juandij paita ricushpami:
–Ñucanchijta ricui– nirca.
5Chaimi chai runaca imallatapish cungapishchari nishpa paicunata chapacurca. 6Chaimi Pedroca:
–Ñucaca cullquita curita mana charinichu. Chaipaj randica ñuca imata charishcatami cuni: Nazaretmanta Jesucristopaj shutipi jatarishpa, puri– nirca.
7Chaimi alli maquimanta japishpa jatarichinca, chai runapaj chaqui mucucunaca sinchiyarijpi, 8saltashpa, shayarishpa puri callarirca. Chaimantaca paicunahuanmi Taita Diospaj huasimanca purishpa, saltashpa, Taita Diosta alabashpa yaicurca. 9Paitaca tucuicunami puricujta, Taita Diosta alabacujta ricurcacuna. 10Chai suchu runataca, Taita Diospaj huasi Sumaj nishca pungupi, mañashpa tiyaj cashcatami rijsircacuna. Chaimantami ima shinashi chashnaca tucurca nishpa, yallitaj mancharircacuna.
Pedroca caihuanca ishqui cutin huillashcami
11Pedroca, Juandij Salomonpaj corredorpi shayacujpimi, suchu cashcata alliyachishca runaca paicunapi charirishca shayacurca. Chaita ricushpaca tucuicuna achcata mancharinacushpami paicuna shayacunman tandanacurcacuna. 12Chaita ricushpami Pedroca: “Israelcuna, ¿ima nishpataj mancharishca canguichij? ¿ima nishpataj ñucanchijta ricuracunguichij? ¿Ñucanchij imatapish rurai tucuj cashcamanta, Taita Diosta cazuj cashcallamanta alliyachishcatachu yuyanguichij? 13Ñucanchij ñaupa yaya Abrahampaj, Isaacpaj, Jacobpaj Taita Diosmi paipaj Churi Jesucristota jatunyachirca. Paitami cancunaca Pilatopajman pusharcanguichij. Pilato cacharisha nijpipish, paipaj ñaupajpimi ama cacharichu nircanguichij. 14Cancunaca ima Jucha Illaj, Cashcata Rurajtaraj mana cacharichishpami, huañuchij runataraj cacharichun mañarcanguichij. 15Ashtahuanpish cancunaca Causaita Cujtarajmi huañuchircanguichij. Paitami Taita Diosca, huañushcacunapaj chaupimanta causachirca. Ñucanchijca chaita ricushcata huillajcunami canchij. 16Ñucanchijca cai runataca Jesús alliyachinatami crircanchij. Chaita crijpi Jesús alliyachijpimi, cancuna rijsishca cunan ricucun runaca tucui cancunapaj ñaupajpi allitaj alliyachishca shayacujta cancunallataj ricucunguichij.
17Caipi caj tucui huauquicuna, cancunapish, cancunapaj mandajcunapish imata ruracushcata mana yachashpa Jesusta huañuchishcatami yachani. 18“Cristoca jatun llaquita apangami” nishpa profetacunata ñaupaman pai huillashcatami Taita Diosca pajtachishca. 19Chaimanta cancunapaj juchacunata p'ichachunca, mana allita ruracushcata saquishpa paipajlla tucuichij. Chaimi Jatun Diosca cushicushpa causana punllacunata cunga. 20Ñaupaman cachasha nishpa huillachishca Jesucristota cachashpami Taita Diosca chashnaca ruranga. 21Jesusca tucuita mushujyachina punllacuna chayamungacamami, jahua pachapi canga. Chashna tucunataca Taita Diosca paipaj jucha illaj profetacunatami ñaupaman huillachishca. 22Chaimi Moisespish ñucanchij ñaupa yayacunamanca cashna nishca: “Cancunapaj Mandaj Jatun Diosca, ñucata cachashca shinallatajmi cancunapuramanta shuj profetata cachanga. Tucui pai ima nishcata cazunguichij. 23Chai profeta yachachishcata maijanpish mana uyajpica, Taita Diospajlla cajcunapuramanta llujshichishcami canga” ninmi.
24Samuelmanta callarishpami profetacunaca tucuicuna cai punllacuna imalla tucuna cashcataca ña huillarcacuna. 25Cancunaca profetacunapaj huahuacuna, ñucanchij yayacunaman Taita Dios cushami nishpa ari nishcata japijcunami canguichij. Chashna cana cajpimi Taita Diosca Abrahamtaca: “Cambaj huahua huahuamantami cai pachapi causajcunaca tucuicuna allicunata chasquingacuna” nishca. 26Taita Diosca paipaj Churita causachishpaca, cancunaman allicunata cuchunmi cancunapajmanraj cacharca. Cancunataca cada quiquinta millaita ruracushcata saquichingapajmi chashna cacharca” nircami.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.