HECHOS 7
7
Estebanca Taita Diosta p'iñashpa huillajca mana canichu cucujpipish paitaca huañushcami
1Chaimi curacunata jatun mandajca Estebantaca:
–Paicuna huillashcaca ¿chashnatajchu?– nijpi,
2Estebanca:
–Huauquicuna, yayacuna ñucata uyaichij. Tucuita rurai tucuj Taita Diosca, ñucanchij yaya Abrahammanca, manaraj Haranpi causagrijpimi, Mesopotamiapi cajpiraj ricurirca. 3Chaipica: “Cambaj llajtamanta llujshishpa, cambaj familiatapish saquishpa ri. Ñucami can maiman rina cashcataca ricuchisha” nircami. 4Chaimi Abrahamca caldeocunapaj llajtamanta llujshishpa, Haranpi causagrirca. Chaimantaca paipaj yaya huañujpimi, cunan cancuna causacun cai llajtamanca Taita Dios pushamurca. 5Cai llajtapica paimanca chaqui saruillatapish allpataca mana curcachu. Ashtahuanpish chai punllacunapica Abrahamca huahua illajlla cajpipish Taita Diosca:
“Can huañushca qu'ipa cambaj huahua huahuacunamanmi cai allpataca cusha” nircami. 6Taita Diosca Abrahamtaca cashnapish nircami: “Cambaj huahua huahuacunaca quiquin llajtamanta rishpami caru llajtapi causanga. Chai llajta runacunaca paicunataca chuscu patsaj huatacunatami achcata macashpa servichishpa charingacuna. 7Servichishpa charicuj llajtataca ñucami jatunta llaquichisha. Chai q'uipaca cambaj huahua huahuacunata chai llajtamanta llujshichishpa pushamujpica, cai llajtapimi ñucapajta rurangacuna” (nishcami Taita Diosca). 8Abrahamtaca Taita Diosca pai cusha nishcata chasquij cashcata ricuchingapajca circuncisionta rurachunmi mandarca. Chaimi Abrahamca, paipaj churi Isaactaca huacharishca pusaj punllapi circuncisionta rurachirca. Chashnallatajmi Isaacca Jacobta, Jacobca paipaj chunga ishqui churicunata circuncisionta rurachirca. Paicunaca ñucanchij callari yayacunami.
9Callari yayacunaca, envidiamantami Josetaca c'atushpa Egiptoman cacharca. C'atushpa cachajpipish Taita Diosca Josehuan cashpami, 10llaquicunahuan José cajpipish Taita Diosca tucuipi huaquichirca. Chaimantami Josetaca Faraonpaj ñaupajpica mana c'uyaipajta c'uyajta, alli yachaj cajta ricuchirca. Chashna cajpimi, Egiptota jatun mandaj Faraonca Josetaca tucui chai llajtatapish, paipaj quiquin huasipi tiyajtapish mandachun churarca.
11Chai punllacunallapitajmi tucui Egipto llajtapipish, cai Canaán llajtapipish yaricai, jatun llaquicunapish tiyarca. Chaimi ñucanchij ñaupa yayacunaca cai llajtapica ima micunata mana charircacuna. 12Chaimi Jacobca, Egiptopica trigo huaquichishca tiyashcata yachashpa, ñucanchij yayacunata punta cutin cacharca. 13Josepaj huauquicuna q'uipata rijpimi Joseca paicunapaj huauqui cashcata yachaj chayachirca. Chaipimi Faraonpish Josetaca pi familiamanta cashcata yachaj chayarca. 14Chai q'uipami Joseca paipaj yaya Jacobtaca, tucui familiandij pushanaman cacharca. Paicunaca canchis chunga pichcapuracunami carca. 15Chaimantami Jacobca, Egiptopi causanaman rirca. Chaipimi paipish, ñucanchij ñaupa yayacunapish huañurcacuna. 16Paicunapaj tullucunataca, Siquem llajtamanmi apamurcacuna. Chai Siquem llajtapimi Abrahamca, Hamorpaj churicunaman pambana jutcundij allpataca randishca carca. Chai jutcupimi tullucunataca churarcacuna.
17Abrahamman cai llajtata Taita Dios cusha nishca punllacuna pajtamugrijpica, israelcunaca Egiptopica achcatami mirarircacuna. 18Chai punllacunallapitajmi Egiptopica, Joseta mana rijsij jatun mandaj mandai callarirca. 19Chai jatun mandajca yachaj tucushca cashpami, ñucanchij ñaupa yayacunataca ama ashtahuan mirarichun nishpa c'ari llullu huahuacunata huañuchichishpa jatunta llaquichirca. 20Chai punllacunapimi Moisesca huacharirca. Paica, Taita Dios munashcami carca. Quimsa quillatami paipaj yaya mamaca paitaca huasipi charircacuna. 21Huañuchunpish nishpa yacupi pacashcatami Faraonpaj ushushi japishpaca, quiquin huahuata shina huiñachirca. 22Chashna cashpami Moisesca Egipto llajtapaj tucui yachanacunatapish yachashca carca. Paica rimanatapish ima ruranacunatapish alli yachajmi carca.
23Chuscu chunga huatayuj tucujpimi, Moisespaj shungumanca paipura Israel huauquicunata ricugrina yuyai shamurca. 24Chaipimi Egipto runa Israel runata macacujta ricushpa Israel runata mitsashpa Egipto runataca huañuchirca. 25“Ñuca aillu Israelcunata llaquichicuj runacunapaj maquimanta llujshichichunca Taita Diosca ñucata churashcata yuyangapishchari” nishpami paica chashna rurarca. Ashtahuanpish paicunaca, mana chashna yuyarcacunachu. 26Cayandij punllaca israelcunapura macanacucujtami japirca. Paicunataca alli tucunacuchisha yuyashpami: “Huauquindijcunami canguichij. ¿Ima nishpataj quiquinpurallatajca macanacucunguichij?” nirca. 27Ashtahuanpish macacuj runaca, mana cazushpami cashna nirca: “¿Pitaj cantaca ñucanchijta mandachun, juez cachunpish churarca? 28¿Ñucatapish egipcio runata caina huañuchij shinallatajchu huañuchisha ningui?” nijta, 29uyashpaca Moisesca, Madián llajtamanmi miticushpa rirca. Chaipimi caru llajtamanta causacushpapish ishqui churiyuj tucurca.
30Chuscu chunga huatata causashca q'uipami, Sinaí urcu c'uchu shitashca pambapi cashpa shuj zarza yura rupacujta ricurca. Chai nina rupacun chaupipica shuj angelmi ricurirca. 31Chaipimi Moisesca achcata mancharishpa alli ricungapaj c'uchuyagrishpaca, Jatun Dios cashna rimashcata uyarca: 32“Ñucaca cambaj ñaupa yayacuna, Abrahampaj, Isaacpaj, Jacbpaj Taita Diosmi cani” nircami. Chaipica Moisesca manchaihuan chujchushpami mana ashtahuan ricui tucurca. 33Chaimi Jatun Diosca: “Can shayacun pambaca ima mapa illajlla ñucapajllamari. Chaimanta cambaj pargateta chaquimanta surcui. 34Ñuca agllashcacunaca Egiptopica yallitaj llaquitami apacun. Paicuna aij nicujtapish uyanimi. Chaimantami paicunata llujshichingapaj uriyamurcani. Shamui ñucami cantaca Egiptoman cachagrini” nircami.
35Chai Moisestami: “¿Pitaj cantaca mandaj cachun, juez cachunpish churarca?” nishpa israelcunaca mana cazurcacuna. Paillatatajmi Taita Diosca mandaj cachun, cacharichij cachunpish, zarza yurapi ricurij angelhuan cacharca. 36Paimi ñucanchij ñaupa yayacunataca Egiptomantaca cashna llujshichirca. Chai llajtapipish, Puca Cucha jatun yacupipish, shitashca pambapipish chuscu chunga huatacunatami pi mana ruraipajcunata, ricuchinacunatapish rurarca. 37Chai Moisesmi israelcunataca: “Cancunata Mandaj Taita Diosca ñucata cachashca shinallatajmi, cancunapuramanta shuj profetata cachanga. Pai ima nishcata cazunguichij” nircami. 38Chai Moisesllatajmi shitashca pambapi ñucanchij ñaupa yayacuna tandanacushcapurapipish carca. Paihuanmi Sinaí urcupi ángel rimarca. Chai rimashcataca ñucanchij ñaupa yayacunamanmi Moisesca huillarca. Paillatajmi causaita cuj shimicunatapish Taita Dios cushcata chasquishpa ñucanchijmanpish cujpi charinchij.
39Ashtahuanpish ñucanchij ñaupa yayacunaca Moisestaca mana cazushpami paita shitashpa Egiptollamantaj tigrashun yuyarcacuna. 40Chaipimi Aarontaca: “Ñucanchijta Egiptomanta pushamuj Moisesca imachari tucun, mana ricurinchu. Ñucanchijta pushachun, dioscunata ñucanchijpaj rurai” nircacuna. 41Chaimi bizi diosta rurashpa, chai manapish dios cajman sacrificiota curcacuna. Paicunapaj maquihuan rurashca dioshuanmi cushicurcacuna. 42Chaimi Taita Diosca paicunamanta anchushpa jahua pacha luzerocunata adorachun saquirca. Profetacunata Taita Dios Quillcachishcapi nishca shinami tucurca:
“Israelcuna chuscu chunga huatacunatami shitashca pambapi carcanguichij.
¿Chaipica ñucamanchari animalcunata huañuchishpaca curcanguichij?
43Chaipaj randica, Moloc diostami pai tiyana huasindij aparishpa purircanguichij.
Shinallataj Refán nishca diospaj luzerotapish rurashpami apashpa purircanguichij.
Chaicunata adorangapajmi diostajllacunata rurarcanguichij.
Chaimantami Babiloniata pasashpa causachun cachasha” nircami.
44Ñucanchij ñaupa yayacunaca shitashca pambapica, mandashcata huaquichina carpa huasitami charircacuna. Chaitaca ima shina ruranata Moisesman Taita Dios ricuchishca shinallatatajmi rurashca carca. 45Ñucanchij ñaupa yayacunaca chai huasitaca paicunapaj yayacunamantami maquin maquin japishpa shamurcacuna. Chai q'uipaca Josuemi paicunata pushamujpi chai shitashca pambamantaca cunan ñucanchij causacun llajtacama apashpa shamurcacuna. Ñucanchij yayacuna cai cusha nishca llajtapi causachun nishpami Taita Diosca chai mana israelcunataca cai llajtamanta llujshichishpa cacharca. Chai q'uipapish David mandaj tucungacamami chai carpa huasitaca charircacuna. 46Davidca Taita Dios yallitaj c'uyashca cashpami, paitaca Jacobpaj taita Dios ñucaca cambaj huasita rurasha ninimi nishpa mañarca. 47Chashna cajpipish Davidpaj churi Salomonmi chai huasitaca rurarca. 48Jahua pachapi caj Taita Diosca maquihuan rurashca huasipica mana causanchu. Profeta quillcashpa cashna nishca shinaca:
49“Jahua pachaca, ñuca mandashpa tiyanami.
Cai allpaca, ñuca chaqui sarunami ninmi Jatun Diosca.
Shina cajpica ¿ima shinataj ñuca huasitaca ruranguichij?
Ñuca samarinaca ¿maipitaj canga?
50¿Manachu tucui caicunataca ñuca maquihuan rurarcani?” ninmi.
51¡Cancunaca mana circuncisionta rurashcacunapaj shungucuna, rinrincuna shina rumiyashcacunami canguichij! Chaimantami cancunaca Jucha illaj Espiritutapish manataj cazujcuna canguichij. Cancunapaj ñaupa yayacunapish chashnallatajmi mana cazujcuna carca. Cancunapish chashnallatajmi canguichij. 52Cancunapaj ñaupa yayacunaca profetacunataca tucuicunatami llaquichircacuna. Cashcata ruraj shamungami nishpa huillashcamantami paicunataca huañuchircacuna. Pai ña shamujpica cancunapish paitaca millai runacunaman cushpami huañuchichircanguichij. 53Cancunaca Taita Dios mandashcataca angelcuna cujpi chasquishpapish mana cazurcanguichijchu– nircami.
54Esteban chashna nijta uyashpaca, tucui chaipi cajcunami canirishpa shungupi achcata p'iñarircacuna. 55Estebanca jahua pachata huichilla ricushpaca jucha illaj Espirituhuan junda cashcamantami Taita Diosca tucuita rurai tucuj sumaj cashcata, Jesuspish paipaj alli ladoman cajta ricushpa, 56cashna nirca:
–¡Riquiyari! Jahua pacha pascarishcata, runa Aichayujpish Taita Diospaj alli ladopi cajtamari ricuni– nirca.
57Chaita mana uyashun nishpami, paicunapaj rinrinta taparishpa achcata caparirinacushpa Estebantaca huaicashpa japircacuna. 58Paita japishpaca chai pueblomanta llujshichishpami, chai llullashpa huillajcunaca paicunapaj churanacunatapish Saulo shuti mosoman mingashpa Estebanta huañuchingapaj rumihuan shitarcacuna. 59Paicuna rumihuan shitacujpimi, Estebanca, “Mandaj Jesús ñuca espirituta chasquipai” nishpa mañarca. 60Chaipi cungurishpa sinchita caparishpaca: “Jatun Dioslla, paicuna cashna millaita ruracushcata ama yuyaringui” nishpaca huañurcallami.
Currently Selected:
HECHOS 7: QCHI04
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.
HECHOS 7
7
Estebanca Taita Diosta p'iñashpa huillajca mana canichu cucujpipish paitaca huañushcami
1Chaimi curacunata jatun mandajca Estebantaca:
–Paicuna huillashcaca ¿chashnatajchu?– nijpi,
2Estebanca:
–Huauquicuna, yayacuna ñucata uyaichij. Tucuita rurai tucuj Taita Diosca, ñucanchij yaya Abrahammanca, manaraj Haranpi causagrijpimi, Mesopotamiapi cajpiraj ricurirca. 3Chaipica: “Cambaj llajtamanta llujshishpa, cambaj familiatapish saquishpa ri. Ñucami can maiman rina cashcataca ricuchisha” nircami. 4Chaimi Abrahamca caldeocunapaj llajtamanta llujshishpa, Haranpi causagrirca. Chaimantaca paipaj yaya huañujpimi, cunan cancuna causacun cai llajtamanca Taita Dios pushamurca. 5Cai llajtapica paimanca chaqui saruillatapish allpataca mana curcachu. Ashtahuanpish chai punllacunapica Abrahamca huahua illajlla cajpipish Taita Diosca:
“Can huañushca qu'ipa cambaj huahua huahuacunamanmi cai allpataca cusha” nircami. 6Taita Diosca Abrahamtaca cashnapish nircami: “Cambaj huahua huahuacunaca quiquin llajtamanta rishpami caru llajtapi causanga. Chai llajta runacunaca paicunataca chuscu patsaj huatacunatami achcata macashpa servichishpa charingacuna. 7Servichishpa charicuj llajtataca ñucami jatunta llaquichisha. Chai q'uipaca cambaj huahua huahuacunata chai llajtamanta llujshichishpa pushamujpica, cai llajtapimi ñucapajta rurangacuna” (nishcami Taita Diosca). 8Abrahamtaca Taita Diosca pai cusha nishcata chasquij cashcata ricuchingapajca circuncisionta rurachunmi mandarca. Chaimi Abrahamca, paipaj churi Isaactaca huacharishca pusaj punllapi circuncisionta rurachirca. Chashnallatajmi Isaacca Jacobta, Jacobca paipaj chunga ishqui churicunata circuncisionta rurachirca. Paicunaca ñucanchij callari yayacunami.
9Callari yayacunaca, envidiamantami Josetaca c'atushpa Egiptoman cacharca. C'atushpa cachajpipish Taita Diosca Josehuan cashpami, 10llaquicunahuan José cajpipish Taita Diosca tucuipi huaquichirca. Chaimantami Josetaca Faraonpaj ñaupajpica mana c'uyaipajta c'uyajta, alli yachaj cajta ricuchirca. Chashna cajpimi, Egiptota jatun mandaj Faraonca Josetaca tucui chai llajtatapish, paipaj quiquin huasipi tiyajtapish mandachun churarca.
11Chai punllacunallapitajmi tucui Egipto llajtapipish, cai Canaán llajtapipish yaricai, jatun llaquicunapish tiyarca. Chaimi ñucanchij ñaupa yayacunaca cai llajtapica ima micunata mana charircacuna. 12Chaimi Jacobca, Egiptopica trigo huaquichishca tiyashcata yachashpa, ñucanchij yayacunata punta cutin cacharca. 13Josepaj huauquicuna q'uipata rijpimi Joseca paicunapaj huauqui cashcata yachaj chayachirca. Chaipimi Faraonpish Josetaca pi familiamanta cashcata yachaj chayarca. 14Chai q'uipami Joseca paipaj yaya Jacobtaca, tucui familiandij pushanaman cacharca. Paicunaca canchis chunga pichcapuracunami carca. 15Chaimantami Jacobca, Egiptopi causanaman rirca. Chaipimi paipish, ñucanchij ñaupa yayacunapish huañurcacuna. 16Paicunapaj tullucunataca, Siquem llajtamanmi apamurcacuna. Chai Siquem llajtapimi Abrahamca, Hamorpaj churicunaman pambana jutcundij allpataca randishca carca. Chai jutcupimi tullucunataca churarcacuna.
17Abrahamman cai llajtata Taita Dios cusha nishca punllacuna pajtamugrijpica, israelcunaca Egiptopica achcatami mirarircacuna. 18Chai punllacunallapitajmi Egiptopica, Joseta mana rijsij jatun mandaj mandai callarirca. 19Chai jatun mandajca yachaj tucushca cashpami, ñucanchij ñaupa yayacunataca ama ashtahuan mirarichun nishpa c'ari llullu huahuacunata huañuchichishpa jatunta llaquichirca. 20Chai punllacunapimi Moisesca huacharirca. Paica, Taita Dios munashcami carca. Quimsa quillatami paipaj yaya mamaca paitaca huasipi charircacuna. 21Huañuchunpish nishpa yacupi pacashcatami Faraonpaj ushushi japishpaca, quiquin huahuata shina huiñachirca. 22Chashna cashpami Moisesca Egipto llajtapaj tucui yachanacunatapish yachashca carca. Paica rimanatapish ima ruranacunatapish alli yachajmi carca.
23Chuscu chunga huatayuj tucujpimi, Moisespaj shungumanca paipura Israel huauquicunata ricugrina yuyai shamurca. 24Chaipimi Egipto runa Israel runata macacujta ricushpa Israel runata mitsashpa Egipto runataca huañuchirca. 25“Ñuca aillu Israelcunata llaquichicuj runacunapaj maquimanta llujshichichunca Taita Diosca ñucata churashcata yuyangapishchari” nishpami paica chashna rurarca. Ashtahuanpish paicunaca, mana chashna yuyarcacunachu. 26Cayandij punllaca israelcunapura macanacucujtami japirca. Paicunataca alli tucunacuchisha yuyashpami: “Huauquindijcunami canguichij. ¿Ima nishpataj quiquinpurallatajca macanacucunguichij?” nirca. 27Ashtahuanpish macacuj runaca, mana cazushpami cashna nirca: “¿Pitaj cantaca ñucanchijta mandachun, juez cachunpish churarca? 28¿Ñucatapish egipcio runata caina huañuchij shinallatajchu huañuchisha ningui?” nijta, 29uyashpaca Moisesca, Madián llajtamanmi miticushpa rirca. Chaipimi caru llajtamanta causacushpapish ishqui churiyuj tucurca.
30Chuscu chunga huatata causashca q'uipami, Sinaí urcu c'uchu shitashca pambapi cashpa shuj zarza yura rupacujta ricurca. Chai nina rupacun chaupipica shuj angelmi ricurirca. 31Chaipimi Moisesca achcata mancharishpa alli ricungapaj c'uchuyagrishpaca, Jatun Dios cashna rimashcata uyarca: 32“Ñucaca cambaj ñaupa yayacuna, Abrahampaj, Isaacpaj, Jacbpaj Taita Diosmi cani” nircami. Chaipica Moisesca manchaihuan chujchushpami mana ashtahuan ricui tucurca. 33Chaimi Jatun Diosca: “Can shayacun pambaca ima mapa illajlla ñucapajllamari. Chaimanta cambaj pargateta chaquimanta surcui. 34Ñuca agllashcacunaca Egiptopica yallitaj llaquitami apacun. Paicuna aij nicujtapish uyanimi. Chaimantami paicunata llujshichingapaj uriyamurcani. Shamui ñucami cantaca Egiptoman cachagrini” nircami.
35Chai Moisestami: “¿Pitaj cantaca mandaj cachun, juez cachunpish churarca?” nishpa israelcunaca mana cazurcacuna. Paillatatajmi Taita Diosca mandaj cachun, cacharichij cachunpish, zarza yurapi ricurij angelhuan cacharca. 36Paimi ñucanchij ñaupa yayacunataca Egiptomantaca cashna llujshichirca. Chai llajtapipish, Puca Cucha jatun yacupipish, shitashca pambapipish chuscu chunga huatacunatami pi mana ruraipajcunata, ricuchinacunatapish rurarca. 37Chai Moisesmi israelcunataca: “Cancunata Mandaj Taita Diosca ñucata cachashca shinallatajmi, cancunapuramanta shuj profetata cachanga. Pai ima nishcata cazunguichij” nircami. 38Chai Moisesllatajmi shitashca pambapi ñucanchij ñaupa yayacuna tandanacushcapurapipish carca. Paihuanmi Sinaí urcupi ángel rimarca. Chai rimashcataca ñucanchij ñaupa yayacunamanmi Moisesca huillarca. Paillatajmi causaita cuj shimicunatapish Taita Dios cushcata chasquishpa ñucanchijmanpish cujpi charinchij.
39Ashtahuanpish ñucanchij ñaupa yayacunaca Moisestaca mana cazushpami paita shitashpa Egiptollamantaj tigrashun yuyarcacuna. 40Chaipimi Aarontaca: “Ñucanchijta Egiptomanta pushamuj Moisesca imachari tucun, mana ricurinchu. Ñucanchijta pushachun, dioscunata ñucanchijpaj rurai” nircacuna. 41Chaimi bizi diosta rurashpa, chai manapish dios cajman sacrificiota curcacuna. Paicunapaj maquihuan rurashca dioshuanmi cushicurcacuna. 42Chaimi Taita Diosca paicunamanta anchushpa jahua pacha luzerocunata adorachun saquirca. Profetacunata Taita Dios Quillcachishcapi nishca shinami tucurca:
“Israelcuna chuscu chunga huatacunatami shitashca pambapi carcanguichij.
¿Chaipica ñucamanchari animalcunata huañuchishpaca curcanguichij?
43Chaipaj randica, Moloc diostami pai tiyana huasindij aparishpa purircanguichij.
Shinallataj Refán nishca diospaj luzerotapish rurashpami apashpa purircanguichij.
Chaicunata adorangapajmi diostajllacunata rurarcanguichij.
Chaimantami Babiloniata pasashpa causachun cachasha” nircami.
44Ñucanchij ñaupa yayacunaca shitashca pambapica, mandashcata huaquichina carpa huasitami charircacuna. Chaitaca ima shina ruranata Moisesman Taita Dios ricuchishca shinallatatajmi rurashca carca. 45Ñucanchij ñaupa yayacunaca chai huasitaca paicunapaj yayacunamantami maquin maquin japishpa shamurcacuna. Chai q'uipaca Josuemi paicunata pushamujpi chai shitashca pambamantaca cunan ñucanchij causacun llajtacama apashpa shamurcacuna. Ñucanchij yayacuna cai cusha nishca llajtapi causachun nishpami Taita Diosca chai mana israelcunataca cai llajtamanta llujshichishpa cacharca. Chai q'uipapish David mandaj tucungacamami chai carpa huasitaca charircacuna. 46Davidca Taita Dios yallitaj c'uyashca cashpami, paitaca Jacobpaj taita Dios ñucaca cambaj huasita rurasha ninimi nishpa mañarca. 47Chashna cajpipish Davidpaj churi Salomonmi chai huasitaca rurarca. 48Jahua pachapi caj Taita Diosca maquihuan rurashca huasipica mana causanchu. Profeta quillcashpa cashna nishca shinaca:
49“Jahua pachaca, ñuca mandashpa tiyanami.
Cai allpaca, ñuca chaqui sarunami ninmi Jatun Diosca.
Shina cajpica ¿ima shinataj ñuca huasitaca ruranguichij?
Ñuca samarinaca ¿maipitaj canga?
50¿Manachu tucui caicunataca ñuca maquihuan rurarcani?” ninmi.
51¡Cancunaca mana circuncisionta rurashcacunapaj shungucuna, rinrincuna shina rumiyashcacunami canguichij! Chaimantami cancunaca Jucha illaj Espiritutapish manataj cazujcuna canguichij. Cancunapaj ñaupa yayacunapish chashnallatajmi mana cazujcuna carca. Cancunapish chashnallatajmi canguichij. 52Cancunapaj ñaupa yayacunaca profetacunataca tucuicunatami llaquichircacuna. Cashcata ruraj shamungami nishpa huillashcamantami paicunataca huañuchircacuna. Pai ña shamujpica cancunapish paitaca millai runacunaman cushpami huañuchichircanguichij. 53Cancunaca Taita Dios mandashcataca angelcuna cujpi chasquishpapish mana cazurcanguichijchu– nircami.
54Esteban chashna nijta uyashpaca, tucui chaipi cajcunami canirishpa shungupi achcata p'iñarircacuna. 55Estebanca jahua pachata huichilla ricushpaca jucha illaj Espirituhuan junda cashcamantami Taita Diosca tucuita rurai tucuj sumaj cashcata, Jesuspish paipaj alli ladoman cajta ricushpa, 56cashna nirca:
–¡Riquiyari! Jahua pacha pascarishcata, runa Aichayujpish Taita Diospaj alli ladopi cajtamari ricuni– nirca.
57Chaita mana uyashun nishpami, paicunapaj rinrinta taparishpa achcata caparirinacushpa Estebantaca huaicashpa japircacuna. 58Paita japishpaca chai pueblomanta llujshichishpami, chai llullashpa huillajcunaca paicunapaj churanacunatapish Saulo shuti mosoman mingashpa Estebanta huañuchingapaj rumihuan shitarcacuna. 59Paicuna rumihuan shitacujpimi, Estebanca, “Mandaj Jesús ñuca espirituta chasquipai” nishpa mañarca. 60Chaipi cungurishpa sinchita caparishpaca: “Jatun Dioslla, paicuna cashna millaita ruracushcata ama yuyaringui” nishpaca huañurcallami.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.