HECHOS 8
8
Tandanacushca crijcunata Saulo llaquichishcami
1Sauloca, Estebanta huañuchijta ricushpaca allimi nircami. Chai punllacunallatajmi, Jerusalenpi caj tandanacushca crijcunataca llaquichina yuyailla tucushpa jatunta llaquichi callarircacuna. Chaimi tandanacushca crijcunaca tucuicuna caita chaita miticushpa Judea, Samaria llajtacunata rircacuna. Apostolcunallami mana maiman rircacuna. 2Taita Diosta yuyarij runacunami Estebanta apashpa pambarcacuna. Pai huañushcamantaca achcatami huacarcacuna. 3Sauloca, tandanacushca crijcunata chingachisha nishpami, huasin huasin yaicushpa c'aricunata, huarmicunatapish llujshichishpa carcelman cacharca.
Samariapi alli huillaita huillashcami
4Llaquichijpi Jesrusalenmanta caita chaita rijcunaca, maita rishpapish alli huillaita huillashpami rircacuna. 5Felipepish Samaria puebloman rishpaca chaipipish Cristomanta huillarcami. 6Felipe huillacujpica tucuicunami shuj yuyailla uyarcacuna. Pi mana rurai tucuipajta rurajpipish tucuicunami ricurcacuna. 7Mapayachij espíritu japishcacunatapish achcacunamantami chai espiritucunata llujshichishpa cacharca. Chai espiritucunaca jatunta caparishpami llujshircacuna. Suchucunatapish, mana puri tucujcunatapish achcacunatami alliyachirca. 8Chai pueblopica chai tucuita rurajta ricushpaca jatun cushicuimi carca.
9Chai pueblopica Simón shuti shuj runami causarca. Paica alli yumbomi cani nishpami, chai llajtapi causajcunataca pai imalla rurashcahuan manchachishpa causarca. 10Uchillacunamanta callarishpa jatuncunacamami chai runa yachachishcataca alli uyashpa:
–Cai runaca Jatun Diospaj poderhuanmari– nijcuna carca.
11Alli yumbomi cani nishpa pai imalla rurashcacunahuan ña unita umashpa manchachishca cashpami, tucuicuna paita alli uyajcuna carca. 12Chashna cashpapish Taita Dios mandacun alli huillaita, Jesucristomantapish Felipe huillajpi crishpami c'aricunapish, huarmicunapish bautizarircacuna. 13Chai Simonpish crishpa bautizarishpaca, Felipehuanmi purirca. Paica Felipe pi mana rurai tucuipaj jatun mancharinacunata, ricuchinacunata rurajta ricushpami jatunta mancharirca.
14Apostolcuna Jerusalenpi cashpaca, Samaria pueblopipish Taita Diospaj Shimita huillajpi chasquishcatami yachaj chayarcacuna. Chaimi Pedrota, Juanta chaiman cacharcacuna. 15Paicuna chaiman chayashpaca, jucha illaj Espirituta chasquichunmi, paicunamanta Taita Diosta mañarcacuna. 16Espirituca paicunapajmanca manaraj uriyamushcachu carca. Jesuspaj shutillapimi bautizashca carcacuna. 17Chaimantami paicunapaj jahuapi maquita churajpi, jucha illaj Espirituta chasquircacuna.
18Apostolcuna maquita churajpi, chai crijcunapajman jucha illaj Espíritu shamujtami Simonca ricurca. Chaimi Simonca paimanpish chai rurai tucunata cuchun nishpa cullquita cusha nishpa, 19cashna nirca:
–Maijanpaj jahuapi ñuca maquita churashpa jucha illaj Espirituta chasquichij cangapaj ñucamanpish chai rurai tucunata cuichij– nircami.
20Chaimi Pedroca cashna nirca:
–Taita Dios c'uyashpalla cushcata cullquihuan randisha yuyashcamanta cambaj cullquindij chingarigri. 21Canca Taita Diospaj ñaupajpica mana alli shungumi cangui. Chaimanta canca cai ruranapica imata mana charinguichu. 22Canca mana alli shungu canata saquishpa Taita Diosta mañai. Can chashna mana allita yuyacushcata Taita Dios perdonangapishchari. 23Cantaca hiel shina jayaj cajta millaita ruranapi huatashca cajtami ricuni– nijpimi,
24Simonca:
–Cancuna nishca shina ama tucungapaj ñucamanta Jatun Diosta rogashpa mañaichij– nirca.
25Pedrondij, Juandij Samariamanta manaraj Jerusalenman tigrashpami Jesucristomanta imallata ricushcata chai llajtapi huillarcacuna. Taita Diospaj Shimitapish yachachircacunami. Chai q'uipa Jerusalenman tigracushpapish tucui ñancunapimi samaritanocunaman alli huillaita huillashpa rircacuna.
Etiopiamanta caj runaman Felipe huillashcami
26Jatun Diospaj shuj angelmi Felipetaca: “Jatari, Jerusalenmanta Gaza puebloman rina ura shitashca pamba ñanman ri” nirca. 27Chaimi Felipeca jatarishcahuan rirca. Ñanta pai ricushpaca Etiope llajtamanta eunuco runahuanmi tuparca. Paica Etiopia llajtata jatun mandaj Candace huarmipaj cullquitapish, tucui imalla charishcacunatapish cuidajmi carca. Chai runaca Jerusalenpi Taita Diosta adorangapajmi shamushca carca. 28Carretapi tiyarishpami, profeta Isaías quillcashca librota rezaihuan tigracurca.
29Felipetaca, jucha illaj Espiritumi: “Chai carretaman c'uchuyai” nijpi, 30Felipe c'uchuyashpaca, profeta Isaías quillcashcata rezacujta uyashpami:
–¿Can rezacushca imata nisha nishcata entendinguichu?– nirca.
31Chaimi eunocu runaca:
–Pi mana yachachijpica ¿ima shinataj entendishari?– nishpaca carretaman Felipe huichiyashpa paihuan tiyarichunmi rogarca. 32Chai Quillcachishcata pai rezacushcapica cashnami nirca:
“Ovejata shinami huañuchinaman pushashca carca.
Rutujpaj ñaupajpi malta oveja upalla caj shinami, shimi mana llujshirca.
33Paita p'iñashpa llaquichicujpipish, pi mana mitsarcachu.
Paitaca cai pachapica huañuchircacunami.
Chaimanta paica huahua huahuacunayujmi carca nishpaca ¿pitaj parlai tucungari?” nishcatami rezacurca.
34Chashna nishcatami eunuco runaca Felipetaca:
–Caillata ñucaman huillapai: Caitaca ¿pimantataj profetaca nishca canga, paillamantatajchu mana cashpaca, pi shujtajmantachu nishca canga?– nishpa tapujpimi,
35Felipeca, chai rezacushca Quillcallamantataj callarishpa Jesusmanta alli huillaita huillarca. 36Parlanacuihuan ñanta ricushpaca yacu tiyan c'uchuta pasagrishpami eunuco runaca:
–Caipica yacu tiyanmari. ¿Manachu ñucaca cunanllataj bautizari tucuni?– nijpi,
37Felipeca:
–Tucui shungumanta crishpaca, ari pudinguimi– nijpi, paica:
–Jesucristotaca, Taita Diospaj Churi cashcatami crini– nirca.
38Chaimi carretata shayachichun mandashpaca, ishquindijtaj yacuman uriyashpa, Felipeca eunuco runata bautizarca. 39Yacumanta ña llujshijpica, Jatun Diospaj Espíritu Felipeta apajpimi, eunuco runaca paitaca mana ashtahuan ricurca. Chashna cajpipish cushicushpa ñanta rircallami. 40Felipeca, Azoto pueblopi ricurircallami. Azotomanta callarishpa Cesareaman chayangacamami tucui pueblocunapi alli huillaita huillashpa rirca.
Currently Selected:
HECHOS 8: QCHI04
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.
HECHOS 8
8
Tandanacushca crijcunata Saulo llaquichishcami
1Sauloca, Estebanta huañuchijta ricushpaca allimi nircami. Chai punllacunallatajmi, Jerusalenpi caj tandanacushca crijcunataca llaquichina yuyailla tucushpa jatunta llaquichi callarircacuna. Chaimi tandanacushca crijcunaca tucuicuna caita chaita miticushpa Judea, Samaria llajtacunata rircacuna. Apostolcunallami mana maiman rircacuna. 2Taita Diosta yuyarij runacunami Estebanta apashpa pambarcacuna. Pai huañushcamantaca achcatami huacarcacuna. 3Sauloca, tandanacushca crijcunata chingachisha nishpami, huasin huasin yaicushpa c'aricunata, huarmicunatapish llujshichishpa carcelman cacharca.
Samariapi alli huillaita huillashcami
4Llaquichijpi Jesrusalenmanta caita chaita rijcunaca, maita rishpapish alli huillaita huillashpami rircacuna. 5Felipepish Samaria puebloman rishpaca chaipipish Cristomanta huillarcami. 6Felipe huillacujpica tucuicunami shuj yuyailla uyarcacuna. Pi mana rurai tucuipajta rurajpipish tucuicunami ricurcacuna. 7Mapayachij espíritu japishcacunatapish achcacunamantami chai espiritucunata llujshichishpa cacharca. Chai espiritucunaca jatunta caparishpami llujshircacuna. Suchucunatapish, mana puri tucujcunatapish achcacunatami alliyachirca. 8Chai pueblopica chai tucuita rurajta ricushpaca jatun cushicuimi carca.
9Chai pueblopica Simón shuti shuj runami causarca. Paica alli yumbomi cani nishpami, chai llajtapi causajcunataca pai imalla rurashcahuan manchachishpa causarca. 10Uchillacunamanta callarishpa jatuncunacamami chai runa yachachishcataca alli uyashpa:
–Cai runaca Jatun Diospaj poderhuanmari– nijcuna carca.
11Alli yumbomi cani nishpa pai imalla rurashcacunahuan ña unita umashpa manchachishca cashpami, tucuicuna paita alli uyajcuna carca. 12Chashna cashpapish Taita Dios mandacun alli huillaita, Jesucristomantapish Felipe huillajpi crishpami c'aricunapish, huarmicunapish bautizarircacuna. 13Chai Simonpish crishpa bautizarishpaca, Felipehuanmi purirca. Paica Felipe pi mana rurai tucuipaj jatun mancharinacunata, ricuchinacunata rurajta ricushpami jatunta mancharirca.
14Apostolcuna Jerusalenpi cashpaca, Samaria pueblopipish Taita Diospaj Shimita huillajpi chasquishcatami yachaj chayarcacuna. Chaimi Pedrota, Juanta chaiman cacharcacuna. 15Paicuna chaiman chayashpaca, jucha illaj Espirituta chasquichunmi, paicunamanta Taita Diosta mañarcacuna. 16Espirituca paicunapajmanca manaraj uriyamushcachu carca. Jesuspaj shutillapimi bautizashca carcacuna. 17Chaimantami paicunapaj jahuapi maquita churajpi, jucha illaj Espirituta chasquircacuna.
18Apostolcuna maquita churajpi, chai crijcunapajman jucha illaj Espíritu shamujtami Simonca ricurca. Chaimi Simonca paimanpish chai rurai tucunata cuchun nishpa cullquita cusha nishpa, 19cashna nirca:
–Maijanpaj jahuapi ñuca maquita churashpa jucha illaj Espirituta chasquichij cangapaj ñucamanpish chai rurai tucunata cuichij– nircami.
20Chaimi Pedroca cashna nirca:
–Taita Dios c'uyashpalla cushcata cullquihuan randisha yuyashcamanta cambaj cullquindij chingarigri. 21Canca Taita Diospaj ñaupajpica mana alli shungumi cangui. Chaimanta canca cai ruranapica imata mana charinguichu. 22Canca mana alli shungu canata saquishpa Taita Diosta mañai. Can chashna mana allita yuyacushcata Taita Dios perdonangapishchari. 23Cantaca hiel shina jayaj cajta millaita ruranapi huatashca cajtami ricuni– nijpimi,
24Simonca:
–Cancuna nishca shina ama tucungapaj ñucamanta Jatun Diosta rogashpa mañaichij– nirca.
25Pedrondij, Juandij Samariamanta manaraj Jerusalenman tigrashpami Jesucristomanta imallata ricushcata chai llajtapi huillarcacuna. Taita Diospaj Shimitapish yachachircacunami. Chai q'uipa Jerusalenman tigracushpapish tucui ñancunapimi samaritanocunaman alli huillaita huillashpa rircacuna.
Etiopiamanta caj runaman Felipe huillashcami
26Jatun Diospaj shuj angelmi Felipetaca: “Jatari, Jerusalenmanta Gaza puebloman rina ura shitashca pamba ñanman ri” nirca. 27Chaimi Felipeca jatarishcahuan rirca. Ñanta pai ricushpaca Etiope llajtamanta eunuco runahuanmi tuparca. Paica Etiopia llajtata jatun mandaj Candace huarmipaj cullquitapish, tucui imalla charishcacunatapish cuidajmi carca. Chai runaca Jerusalenpi Taita Diosta adorangapajmi shamushca carca. 28Carretapi tiyarishpami, profeta Isaías quillcashca librota rezaihuan tigracurca.
29Felipetaca, jucha illaj Espiritumi: “Chai carretaman c'uchuyai” nijpi, 30Felipe c'uchuyashpaca, profeta Isaías quillcashcata rezacujta uyashpami:
–¿Can rezacushca imata nisha nishcata entendinguichu?– nirca.
31Chaimi eunocu runaca:
–Pi mana yachachijpica ¿ima shinataj entendishari?– nishpaca carretaman Felipe huichiyashpa paihuan tiyarichunmi rogarca. 32Chai Quillcachishcata pai rezacushcapica cashnami nirca:
“Ovejata shinami huañuchinaman pushashca carca.
Rutujpaj ñaupajpi malta oveja upalla caj shinami, shimi mana llujshirca.
33Paita p'iñashpa llaquichicujpipish, pi mana mitsarcachu.
Paitaca cai pachapica huañuchircacunami.
Chaimanta paica huahua huahuacunayujmi carca nishpaca ¿pitaj parlai tucungari?” nishcatami rezacurca.
34Chashna nishcatami eunuco runaca Felipetaca:
–Caillata ñucaman huillapai: Caitaca ¿pimantataj profetaca nishca canga, paillamantatajchu mana cashpaca, pi shujtajmantachu nishca canga?– nishpa tapujpimi,
35Felipeca, chai rezacushca Quillcallamantataj callarishpa Jesusmanta alli huillaita huillarca. 36Parlanacuihuan ñanta ricushpaca yacu tiyan c'uchuta pasagrishpami eunuco runaca:
–Caipica yacu tiyanmari. ¿Manachu ñucaca cunanllataj bautizari tucuni?– nijpi,
37Felipeca:
–Tucui shungumanta crishpaca, ari pudinguimi– nijpi, paica:
–Jesucristotaca, Taita Diospaj Churi cashcatami crini– nirca.
38Chaimi carretata shayachichun mandashpaca, ishquindijtaj yacuman uriyashpa, Felipeca eunuco runata bautizarca. 39Yacumanta ña llujshijpica, Jatun Diospaj Espíritu Felipeta apajpimi, eunuco runaca paitaca mana ashtahuan ricurca. Chashna cajpipish cushicushpa ñanta rircallami. 40Felipeca, Azoto pueblopi ricurircallami. Azotomanta callarishpa Cesareaman chayangacamami tucui pueblocunapi alli huillaita huillashpa rirca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.