HECHOS 9
9
Jesucristota Saulo crishcami
(Hch 22.6-16; 26.12-18)
1Sauloca Mandaj Jesusta caticujcunata p'iñashpa, huañuchishpa manchachinataca mana saquircachu. Chaimi curacunata jatun mandaj curapajman shamushpa, 2paitaca: Damasco pueblopi caj sinagogacunaman yaicungapajmi quillcacunata mañarca. Jesusta caticujcunata c'aricunatapish, huarmicunatapish Jerusalenman prezu apamungapajmi chashna mañarca. 3Chaimantaca Damascoman rishpa ñalla chayagricujpica, jahua pachamanta ñapish achij nircallami. 4Chaipi Saulo pambaman urmashpaca:
–Saulo, Saulo, ¿ima nishpataj ñucataca p'iñashpa llaquichina yuyailla llaquichicungui?– nijta uyashpami,
5Sauloca:
–Amito ¿Pitaj cangui?– nijpi chai rimajca:
–Ñucaca, can p'iñashpa llaquichina yuyailla llaquichicun Jesusmi cani. Garrucha puntapi huagra jaitashpa chugririj shinami canllataj llaqui tucucungui– nircami.
6Chaimi Sauloca manchaihuan chujchushpa:
–Amito ¿imatataj ñucataca rurachun munangui?– nijpi, Mandaj Jesusca:
–Jatarishpa chai pueblollamantaj yaicuilla. Chaipimi can imata rurana cashcataca huillanga– nirca.
7Saulohuan ricuj runacunaca, rimashcallata uyashpa pita mana ricushpaca upayajtami mancharircacuna. 8Sauloca pambamanta jatarishpa ñahuita pascashpaca, imata mana ricui tucurcachu. Chaimi paitaca maquimanta aisashpalla, Damascoman pusharcacuna. 9Chaipimi quimsa punllacunata imata mana ricui tucushpa, imata mana micushpa, imata mana ubyashpa tiyacurca.
10Damascopica, Jesusta caticuj Ananías shuti runami tiyarca. Paimanmi Mandaj Jesusca, muscuipi shina ricurishpaca:
–Ananías– nijpi, paica:
–Caipimi cani, Mandaj Jesús– nirca.
11Chaipimi Mandaj Jesusca:
–Jatari, Derecha shuti ñanman ri. Judaspaj huasipi Tarsomanta caj Saulo runata tapui. Paica chaipimi Taita Diosta mañashpa shuyacun. 12Chai Sauloca cantaca muscuipi shinami paipajman yaicucujta ricurca. Pai cutin ricuchun cambaj maquita paipaj jahuapi churacujtapishmi ricurca– nircami.
13Chaimi Ananiasca:
–Mandaj Jesús, chai Saulo runaca Jerusalenpi causaj can agllashcacunataca p'iñashpa llaquichicun nishpa taucacuna nijtami uyarcani. 14Cunan caipipish cambaj shutipi tucui mañajcunata prezungapajmi, curacunata mandaj curacuna cushca quillcashcata charicun– nircami.
15Chaimi Mandaj Jesusca:
–Rilla, paitaca mana israelcunamanpish, jatun mandajcunamanpish, israelcunamanpish ñucamanta huillaj cachunmi agllarcani. 16Ñucamanta pai imalla llaquicunata apanataca ñucami paiman ricuchisha– nircami.
17Ananiasca Saulo shuyacun huasiman rishpa yaicushpa Saulopaj jahuapi maquita churashpaca:
–Huauqui Saulo, can caiman shamucujpi ricurij Mandaj Jesusmi can cutin ricuchun, Taita Diospaj Espirituta chasquichunpish ñucataca cacharca– nircami.
18Chashna nincami Saulopaj ñahui lulunmantaca, chalhuapaj escamacuna shina urmajpi, cutin ricurca. Chaimanta jatarishpaca bautizarircami. 19Chai q'uipami micushpa cutin sinchiyarirca. Chaipimi Sauloca, achca punllacunata Damascollapitaj Jesusta catijcunahuan saquirirca.
Damascopi Saulo huillashcami
20Chashna alli tucuihuanmi Sauloca, Cristoca, Taita Diospaj churimari nishpa sinagogacunapi huillai callarirca. 21Chashna huillacujta tucui uyajcunaca achcata mancharishpami:
–¿Manachu cai runaca, Jerusalenpi Jesusmanta tucui huillajcunata llaquichij? Cunanpish curacunata mandajcunapajman prezu apangapajmi caimanpish shamurca– nircacunami.
22Shina nijta uyashpaca Sauloca ashtahuan ashtahuanmi mana manchashpa “Jesusmari Quishpichij Cristoca” nishpa huillarca. Chaimi Damascopi causaj judiocunaca musparishca saquirircacuna.
Judiocuna huañuchishun nijpi Saulo miticushcami
23Achca punllacuna q'uipami, judiocuna tandanacushpaca Saulota huañuchinata yuyarircacuna. 24Paicuna chashna mana allita yuyacushcatami Sauloca yachaj chayarca. Chaimi punllapish, tutapish chai pueblomanta llujshina pungucunapi paita huañuchingapaj chapacurcacuna. 25Chaimi Jesusta caticujcunaca Saulotaca shuj canastapi churashpa chai pueblomanta pata jahuata tuta uriyachishpa cacharcacuna.
Jerusalenman Saulo tigrashcami
26Jerusalenman chayashpaca, Jesusta caticujcunahuanmi Sauloca tandanacusha nirca. Ashtahuanpish paicunaca Jesuspaj yachacuj canata mana crishpami, paitaca mancharcacuna. 27Paicuna manchacujpipish Bernabeca, Saulota apostolcunapajmanmi pushamushpami ñanpi ima shina Mandaj Jesús ricurishpa paihuan rimashcata, Damascopi mana manchashpa Jesusmanta huillashcatapish Bernabeca parlarca. 28Chaimi Jerusalenpica caishuj yachacujcunahuan tandanacushpa tucui pueblota purishpa, 29Mandaj Jesuspaj shutipi mana manchashpa huillarcacuna. Chaipica griego rimaita rimaj judiocunahuanmi rimanacurcacuna. Paicunaca Saulotaca huañuchinatami yuyarcacuna. 30Caishuj crijcuna chaita yachashpaca, Saulotaca Cesarea pueblocama pushashpami, Tarsoman cacharcacuna.
31Judeapi caj tucui llajtacunapi, Galileapi, Samariapi tandanacushca crijcunaca sumajtami causarcacuna. Paicunaca Mandaj Jesusta manchashpa ashtahuan yachashpami sinchiyarcacuna. Jucha illaj Espíritu yuyachijpimi, Jesusta catijcunaca ashtahuan mirarircacuna.
Eneasta Pedro alliyachishcami
32Pedroca tucuicunata ricushpa puricushpaca, Taita Dios agllashca Lidapi causajcunatapishmi ricugrirca. 33Chaipica Eneas shuti runatami mana cuyurijta ruraj ungüihuan pusaj huatata ungushca camapi siricujta ricurca. 34Chaimi Pedroca:
–Eneas, cantaca Jesucristomi alliyachin. Jatari, cambaj camata allichi– nincami Eneasca jatarirca.
35Chaitaca Lidapi, Saronpi tucui causajcunami ricurcacuna. Chai llajtapi causajcunaca Mandaj Jesusta crishpami ñaupa causaita saquircacuna.
Dorcas huarmita causachishcami
36Jope pueblopipish Jesusta catij Tabita shuti shuj huarmimi causarca. (Tabita nishcaca griegopica, “Dorcas” nisha ninmi). Paica huajchacunata llaquishpa, imatapish cushpa, allicunata rurashpa causaj huarmimi carca. 37Chai huarmi ungushpa huañujpica, armachishpa alli pilluchishpami altibajo shuj ucupi churarcacuna. 38Pedro puricun Lida pueblopish, Jope pueblo c'uchullapimi carca. Chaimantami Jesusta caticujcunaca Lida pueblopi Pedro cajta yachashpaca Jopeman utca shamupai nichun ishqui runacunata cacharcacuna.
39Chai runacuna “jacupai nijpica” Pedroca paicunahuan rircallami. Pai chaiman chayajpica, huañushca siricun ucumanmi pusharcacuna. Chaipica viuda huarmicunami Dorcas causacushparaj rurashca churanacunata Pedroman ricuchishpa huacarcacuna. 40Pedroca tucuicunata chaimanta llujshichishpa, cungurishpa Taita Diosta mañashpaca huañushcapaj ladoman muyurishpami: “¡Tabita, jatari!” nijpica ñahuita pascashpa, Pedrota ricushpa tiyarirca. 41Chaimi Pedroca maquita cushpa jatarichijpi Jesusta caticujcunata, viudacunatapish cayashpa causajta ricuchirca. 42Jope pueblopica tucuicuna chaita yachaj chayashpaca, achcacunami Mandaj Jesusta crircacuna. 43Pedroca, achca punllacunatami, Jope pueblopica carata ñutujllata ruraj Simonpaj huasipi saquirirca.
Currently Selected:
HECHOS 9: QCHI04
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.
HECHOS 9
9
Jesucristota Saulo crishcami
(Hch 22.6-16; 26.12-18)
1Sauloca Mandaj Jesusta caticujcunata p'iñashpa, huañuchishpa manchachinataca mana saquircachu. Chaimi curacunata jatun mandaj curapajman shamushpa, 2paitaca: Damasco pueblopi caj sinagogacunaman yaicungapajmi quillcacunata mañarca. Jesusta caticujcunata c'aricunatapish, huarmicunatapish Jerusalenman prezu apamungapajmi chashna mañarca. 3Chaimantaca Damascoman rishpa ñalla chayagricujpica, jahua pachamanta ñapish achij nircallami. 4Chaipi Saulo pambaman urmashpaca:
–Saulo, Saulo, ¿ima nishpataj ñucataca p'iñashpa llaquichina yuyailla llaquichicungui?– nijta uyashpami,
5Sauloca:
–Amito ¿Pitaj cangui?– nijpi chai rimajca:
–Ñucaca, can p'iñashpa llaquichina yuyailla llaquichicun Jesusmi cani. Garrucha puntapi huagra jaitashpa chugririj shinami canllataj llaqui tucucungui– nircami.
6Chaimi Sauloca manchaihuan chujchushpa:
–Amito ¿imatataj ñucataca rurachun munangui?– nijpi, Mandaj Jesusca:
–Jatarishpa chai pueblollamantaj yaicuilla. Chaipimi can imata rurana cashcataca huillanga– nirca.
7Saulohuan ricuj runacunaca, rimashcallata uyashpa pita mana ricushpaca upayajtami mancharircacuna. 8Sauloca pambamanta jatarishpa ñahuita pascashpaca, imata mana ricui tucurcachu. Chaimi paitaca maquimanta aisashpalla, Damascoman pusharcacuna. 9Chaipimi quimsa punllacunata imata mana ricui tucushpa, imata mana micushpa, imata mana ubyashpa tiyacurca.
10Damascopica, Jesusta caticuj Ananías shuti runami tiyarca. Paimanmi Mandaj Jesusca, muscuipi shina ricurishpaca:
–Ananías– nijpi, paica:
–Caipimi cani, Mandaj Jesús– nirca.
11Chaipimi Mandaj Jesusca:
–Jatari, Derecha shuti ñanman ri. Judaspaj huasipi Tarsomanta caj Saulo runata tapui. Paica chaipimi Taita Diosta mañashpa shuyacun. 12Chai Sauloca cantaca muscuipi shinami paipajman yaicucujta ricurca. Pai cutin ricuchun cambaj maquita paipaj jahuapi churacujtapishmi ricurca– nircami.
13Chaimi Ananiasca:
–Mandaj Jesús, chai Saulo runaca Jerusalenpi causaj can agllashcacunataca p'iñashpa llaquichicun nishpa taucacuna nijtami uyarcani. 14Cunan caipipish cambaj shutipi tucui mañajcunata prezungapajmi, curacunata mandaj curacuna cushca quillcashcata charicun– nircami.
15Chaimi Mandaj Jesusca:
–Rilla, paitaca mana israelcunamanpish, jatun mandajcunamanpish, israelcunamanpish ñucamanta huillaj cachunmi agllarcani. 16Ñucamanta pai imalla llaquicunata apanataca ñucami paiman ricuchisha– nircami.
17Ananiasca Saulo shuyacun huasiman rishpa yaicushpa Saulopaj jahuapi maquita churashpaca:
–Huauqui Saulo, can caiman shamucujpi ricurij Mandaj Jesusmi can cutin ricuchun, Taita Diospaj Espirituta chasquichunpish ñucataca cacharca– nircami.
18Chashna nincami Saulopaj ñahui lulunmantaca, chalhuapaj escamacuna shina urmajpi, cutin ricurca. Chaimanta jatarishpaca bautizarircami. 19Chai q'uipami micushpa cutin sinchiyarirca. Chaipimi Sauloca, achca punllacunata Damascollapitaj Jesusta catijcunahuan saquirirca.
Damascopi Saulo huillashcami
20Chashna alli tucuihuanmi Sauloca, Cristoca, Taita Diospaj churimari nishpa sinagogacunapi huillai callarirca. 21Chashna huillacujta tucui uyajcunaca achcata mancharishpami:
–¿Manachu cai runaca, Jerusalenpi Jesusmanta tucui huillajcunata llaquichij? Cunanpish curacunata mandajcunapajman prezu apangapajmi caimanpish shamurca– nircacunami.
22Shina nijta uyashpaca Sauloca ashtahuan ashtahuanmi mana manchashpa “Jesusmari Quishpichij Cristoca” nishpa huillarca. Chaimi Damascopi causaj judiocunaca musparishca saquirircacuna.
Judiocuna huañuchishun nijpi Saulo miticushcami
23Achca punllacuna q'uipami, judiocuna tandanacushpaca Saulota huañuchinata yuyarircacuna. 24Paicuna chashna mana allita yuyacushcatami Sauloca yachaj chayarca. Chaimi punllapish, tutapish chai pueblomanta llujshina pungucunapi paita huañuchingapaj chapacurcacuna. 25Chaimi Jesusta caticujcunaca Saulotaca shuj canastapi churashpa chai pueblomanta pata jahuata tuta uriyachishpa cacharcacuna.
Jerusalenman Saulo tigrashcami
26Jerusalenman chayashpaca, Jesusta caticujcunahuanmi Sauloca tandanacusha nirca. Ashtahuanpish paicunaca Jesuspaj yachacuj canata mana crishpami, paitaca mancharcacuna. 27Paicuna manchacujpipish Bernabeca, Saulota apostolcunapajmanmi pushamushpami ñanpi ima shina Mandaj Jesús ricurishpa paihuan rimashcata, Damascopi mana manchashpa Jesusmanta huillashcatapish Bernabeca parlarca. 28Chaimi Jerusalenpica caishuj yachacujcunahuan tandanacushpa tucui pueblota purishpa, 29Mandaj Jesuspaj shutipi mana manchashpa huillarcacuna. Chaipica griego rimaita rimaj judiocunahuanmi rimanacurcacuna. Paicunaca Saulotaca huañuchinatami yuyarcacuna. 30Caishuj crijcuna chaita yachashpaca, Saulotaca Cesarea pueblocama pushashpami, Tarsoman cacharcacuna.
31Judeapi caj tucui llajtacunapi, Galileapi, Samariapi tandanacushca crijcunaca sumajtami causarcacuna. Paicunaca Mandaj Jesusta manchashpa ashtahuan yachashpami sinchiyarcacuna. Jucha illaj Espíritu yuyachijpimi, Jesusta catijcunaca ashtahuan mirarircacuna.
Eneasta Pedro alliyachishcami
32Pedroca tucuicunata ricushpa puricushpaca, Taita Dios agllashca Lidapi causajcunatapishmi ricugrirca. 33Chaipica Eneas shuti runatami mana cuyurijta ruraj ungüihuan pusaj huatata ungushca camapi siricujta ricurca. 34Chaimi Pedroca:
–Eneas, cantaca Jesucristomi alliyachin. Jatari, cambaj camata allichi– nincami Eneasca jatarirca.
35Chaitaca Lidapi, Saronpi tucui causajcunami ricurcacuna. Chai llajtapi causajcunaca Mandaj Jesusta crishpami ñaupa causaita saquircacuna.
Dorcas huarmita causachishcami
36Jope pueblopipish Jesusta catij Tabita shuti shuj huarmimi causarca. (Tabita nishcaca griegopica, “Dorcas” nisha ninmi). Paica huajchacunata llaquishpa, imatapish cushpa, allicunata rurashpa causaj huarmimi carca. 37Chai huarmi ungushpa huañujpica, armachishpa alli pilluchishpami altibajo shuj ucupi churarcacuna. 38Pedro puricun Lida pueblopish, Jope pueblo c'uchullapimi carca. Chaimantami Jesusta caticujcunaca Lida pueblopi Pedro cajta yachashpaca Jopeman utca shamupai nichun ishqui runacunata cacharcacuna.
39Chai runacuna “jacupai nijpica” Pedroca paicunahuan rircallami. Pai chaiman chayajpica, huañushca siricun ucumanmi pusharcacuna. Chaipica viuda huarmicunami Dorcas causacushparaj rurashca churanacunata Pedroman ricuchishpa huacarcacuna. 40Pedroca tucuicunata chaimanta llujshichishpa, cungurishpa Taita Diosta mañashpaca huañushcapaj ladoman muyurishpami: “¡Tabita, jatari!” nijpica ñahuita pascashpa, Pedrota ricushpa tiyarirca. 41Chaimi Pedroca maquita cushpa jatarichijpi Jesusta caticujcunata, viudacunatapish cayashpa causajta ricuchirca. 42Jope pueblopica tucuicuna chaita yachaj chayashpaca, achcacunami Mandaj Jesusta crircacuna. 43Pedroca, achca punllacunatami, Jope pueblopica carata ñutujllata ruraj Simonpaj huasipi saquirirca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.