GÉNESIS 29
29
Harán pueblopi Jacob cashcami
1Jacobca pai ricushca ñanta rishpaca, inti llujshin ladoman causajcunapaj llajtamanmi chayarca. 2Chai pambapica shuj pugyuta, chai c'uchupica quimsa canlla ovejacuna siricujtami ricurca. Chai pugyumantami canlla ovejacunamanca yacuta ubyachijcuna carca. Chai pugyuca jatun rumihuan tapashcami carca. 3Michijcunaca tucui canlla ovejacunata ña tandachishpami, pugyuta tapachishca rumita anchuchishpa ovejacunaman yacuta ubyachijcuna carca. Chai pugyutaca rumihuan cutinllataj tapachishpami saquijcuna carca. 4Chaipi cajcunatami Jacobca:
–Ñuca huauquicuna, ¿maimantataj canguichij?– nijpi paicunaca:
–Ñucanchijca Haranmantami canchij– nircacuna.
5Chaimi Jacobca:
–Nacorpaj nieto Labanta ¿rijsinguichijchu?– nijpi paicunaca:
–Ari rijsinchijmi– nircacuna.
6–Paica ¿allillachu causacun?– nishpa ashtahuan tapujpimi, michijcunaca:
–Ari allillami causacun. Riquiyari, paipaj ushushi Raquelmari, paipaj yayapaj ovejacunahuan chainijta shamucun– nircacuna.
7Shina nijpimi Jacobca:
–Ovejacunata corralpi huichcanapajca utcarajmi. Yacuta ña ubyachishpaca ¿ima nishpataj mana ashahuan michigringuichij?– nirca.
8Chaimi paicunaca:
–Tucui michijcuna canlla ovejacunata tandachimungacama mana ubyachi tucunchijchu. Michijcuna canlla ovejacunata tucuicuna ña tandachimushpa tucuicunallataj tandanacushpa pugyuta tapachishca rumita anchuchishpami ovejacunamanca yacuta ubyachinchij– nircacunami.
9Jacob paicunahuan rimacujpirajmi, Raquelca paipaj yayapaj canlla ovejacunahuan pugyuman chayamurca. Paica michij huarmimi carca. 10Jacobca paipaj mamapaj turi Labanpaj ushushi Raquelta, Labanpaj ovejacunata ricushpami, pugyuman c'uchuyashpa pugyuta tapachishca rumita anchuchishpa Labanpaj ovejacunamanraj yacuta ubyachirca. 11Chai q'uipaca Jacobca Raquelta muchashpami huacarca. 12Chaipimi Jacobca Raquelmanca paipaj yaya Labanpaj pani Rebecapaj churimi cani nishpa parlajpi, Raquelca callpashpa rishpa paipaj yayaman huillagrirca.
13Labanca paipaj pani Rebecapaj churi Jacob shamushcata uyashpami, tupanaman callpashpa rishpaca, allillachu cangui nishpa ugllarishpa muchashpa, paipaj huasiman pusharca. Chaipimi Jacobca pai imalla tucushcata Labanmanca tucuita parlarca. 14Chaimi Labanca: “Canca ñuca tullullataj, ñuca aichallatajmari cangui” nirca.
Jacobca, ñami shuj quillata Labanhuan causarca.
Jacobca Raquelmanta, Leamanta Labanpajta rurashpa causashcami
15Chai q'uipami Labanca Jacobtaca:
–Canca ñuca familia cashcallamantachu yangalla ñucapajta rurashpa causanguiyari. Ñucapajta rurashcamantaca ¿mashnatataj pagachun ningui?– nirca.
16Labanca ishqui ushushitami charirca. Punta ushushica Leami carca, q'uipa ushushica Raquelmi carca. 17Leapajca ñahui luluncunallami sumaj carca. Ashtahuanpish Raquelca ñahuipish sumaj, munananqui solterami carca. 18Jacobca, Raquelta c'uyashcamantami Labantaca:
–Ñucaca cambaj q'uipa ushushi Raquelmantami canchis huatacama cambajta rurasha nini– nirca.
19Chaimi Labanca:
–Pi shujtajhuan ñuca ushushita cazarachinapaj randica, canhuan cazarachinami alli nishpami ñucahuan causailla– nirca.
20Chashnami Jacobca, Raquelmantaca canchis huatata Labanpajta rurashpa causarca. Raquelta yallitaj c'uyashcamantaca Jacobpajca canchis huatacunaca asha punllacuna shinallami ricurirca. 21Shuj punllami Jacobca Labantaca:
–Raquelhuan cazarangapaj canchis huatata cambajta rurasha nishcataca ñami pajtachini. Cunanca ñuca huarmi cachun cuilla paihuan shujlla tucungapaj– nirca.
22Chaimi Labanca, paipaj c'uchullapi causajcunata cayashpa shuj sumaj micuita rurarca. 23Ña tutayajpica, Labanca paipaj ushushi Leata pushamushpa Jacobman cujpi, Jacobca Leahuanmi dormirca. 24Labanca paipajta ruraj Zilpa huarmitapish Leapajta ruraj cachunmi curca. 25Cayandij tutamanta Jacob ricushpaca, paihuan dormishpa pacarijca Lealla cashcata ricushpami Labantaca:
–Canca ñucataca ¿imatataj rurashcanguichu, imamí? ¿Manachu ñucaca Raquelmanta cambajta rurashpa causarcani? ¿Ima nishpataj chashna umarcanguiyari?– nirca.
26Chaimi Labanca:
–Ñucanchijca cai llajtapica, punta ushushi manaraj cazarajpica q'uipa ushushitaca mana cazarachinchijchu. 27Cunanca Leahuan cazarashpa, sumaj micuita ruracushca cai semanataca c'uchuyailla. Canchis huatahuan ñucapajta rurajpica, Raqueltapish cushallami– nirca.
28Jacobca chaitapish ari nishpami, Leata cazarashcamanta sumaj micuita rurashpa semanayarca. Chai semana tucurijpimi, Labanca paipaj q'uipa ushushi Raqueltapish Jacobman paipaj huarmi cachun curca. 29Labanca, paipajta ruraj Bilha huarmitapish Raquelpajta rurashpa causachunmi curca. 30Jacobca Raquelhuan chayarinacushpami, paitaca Leata yalli c'uyarca. Raquelmantapish, canchis huatatami Labanpajta rurashpa causarca.
Jacobpaj churicunami
31Mandaj Diosca Leata Jacob mana c'uyajta ricushpami, Leamanraj huahuacunata curca. Ashtahuanpish Raquelca mana huachajmi carca. 32Lea huarmi chichushpaca, shuj c'ari huahuatami huacharca. Paitaca: “Mandaj Diosca ñuca llaquilla cajtaca ricushcami. Cunanca ñuca cusapish ñucataca c'uyahuangami” nishpami, Rubenta shutichirca.
33Leaca cutinllataj chichushpaca, shujtaj c'ari huahuatami huacharca. Paitaca: “Ñucata mana c'uyajta ricushpami, Mandaj Diosca cai huahuatapish cuhuan” nishpami Simeonta shutichirca.
34Chai q'uipapish Leaca, cutinllataj chichushpaca shujtaj c'ari huahuatami huacharca. Paitaca: “Cunanca cai huahuahuanca ñamari quimsa churicunata charini. Cunantajca ñuca cusaca ñucapimari ashtahuan chayaringa” nishpami, Levita shutichirca.
35Leaca cutinllataj chichushpa shujtaj c'ari huahuata huachashpaca: “Cunanca Mandaj Diostami alabasha” nishpami, chai huahuataca Judata shutichirca. Chai q'uipaca Leaca, ña mana ashtahuan huacharcachu.
Currently Selected:
GÉNESIS 29: QCHI04
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.
GÉNESIS 29
29
Harán pueblopi Jacob cashcami
1Jacobca pai ricushca ñanta rishpaca, inti llujshin ladoman causajcunapaj llajtamanmi chayarca. 2Chai pambapica shuj pugyuta, chai c'uchupica quimsa canlla ovejacuna siricujtami ricurca. Chai pugyumantami canlla ovejacunamanca yacuta ubyachijcuna carca. Chai pugyuca jatun rumihuan tapashcami carca. 3Michijcunaca tucui canlla ovejacunata ña tandachishpami, pugyuta tapachishca rumita anchuchishpa ovejacunaman yacuta ubyachijcuna carca. Chai pugyutaca rumihuan cutinllataj tapachishpami saquijcuna carca. 4Chaipi cajcunatami Jacobca:
–Ñuca huauquicuna, ¿maimantataj canguichij?– nijpi paicunaca:
–Ñucanchijca Haranmantami canchij– nircacuna.
5Chaimi Jacobca:
–Nacorpaj nieto Labanta ¿rijsinguichijchu?– nijpi paicunaca:
–Ari rijsinchijmi– nircacuna.
6–Paica ¿allillachu causacun?– nishpa ashtahuan tapujpimi, michijcunaca:
–Ari allillami causacun. Riquiyari, paipaj ushushi Raquelmari, paipaj yayapaj ovejacunahuan chainijta shamucun– nircacuna.
7Shina nijpimi Jacobca:
–Ovejacunata corralpi huichcanapajca utcarajmi. Yacuta ña ubyachishpaca ¿ima nishpataj mana ashahuan michigringuichij?– nirca.
8Chaimi paicunaca:
–Tucui michijcuna canlla ovejacunata tandachimungacama mana ubyachi tucunchijchu. Michijcuna canlla ovejacunata tucuicuna ña tandachimushpa tucuicunallataj tandanacushpa pugyuta tapachishca rumita anchuchishpami ovejacunamanca yacuta ubyachinchij– nircacunami.
9Jacob paicunahuan rimacujpirajmi, Raquelca paipaj yayapaj canlla ovejacunahuan pugyuman chayamurca. Paica michij huarmimi carca. 10Jacobca paipaj mamapaj turi Labanpaj ushushi Raquelta, Labanpaj ovejacunata ricushpami, pugyuman c'uchuyashpa pugyuta tapachishca rumita anchuchishpa Labanpaj ovejacunamanraj yacuta ubyachirca. 11Chai q'uipaca Jacobca Raquelta muchashpami huacarca. 12Chaipimi Jacobca Raquelmanca paipaj yaya Labanpaj pani Rebecapaj churimi cani nishpa parlajpi, Raquelca callpashpa rishpa paipaj yayaman huillagrirca.
13Labanca paipaj pani Rebecapaj churi Jacob shamushcata uyashpami, tupanaman callpashpa rishpaca, allillachu cangui nishpa ugllarishpa muchashpa, paipaj huasiman pusharca. Chaipimi Jacobca pai imalla tucushcata Labanmanca tucuita parlarca. 14Chaimi Labanca: “Canca ñuca tullullataj, ñuca aichallatajmari cangui” nirca.
Jacobca, ñami shuj quillata Labanhuan causarca.
Jacobca Raquelmanta, Leamanta Labanpajta rurashpa causashcami
15Chai q'uipami Labanca Jacobtaca:
–Canca ñuca familia cashcallamantachu yangalla ñucapajta rurashpa causanguiyari. Ñucapajta rurashcamantaca ¿mashnatataj pagachun ningui?– nirca.
16Labanca ishqui ushushitami charirca. Punta ushushica Leami carca, q'uipa ushushica Raquelmi carca. 17Leapajca ñahui luluncunallami sumaj carca. Ashtahuanpish Raquelca ñahuipish sumaj, munananqui solterami carca. 18Jacobca, Raquelta c'uyashcamantami Labantaca:
–Ñucaca cambaj q'uipa ushushi Raquelmantami canchis huatacama cambajta rurasha nini– nirca.
19Chaimi Labanca:
–Pi shujtajhuan ñuca ushushita cazarachinapaj randica, canhuan cazarachinami alli nishpami ñucahuan causailla– nirca.
20Chashnami Jacobca, Raquelmantaca canchis huatata Labanpajta rurashpa causarca. Raquelta yallitaj c'uyashcamantaca Jacobpajca canchis huatacunaca asha punllacuna shinallami ricurirca. 21Shuj punllami Jacobca Labantaca:
–Raquelhuan cazarangapaj canchis huatata cambajta rurasha nishcataca ñami pajtachini. Cunanca ñuca huarmi cachun cuilla paihuan shujlla tucungapaj– nirca.
22Chaimi Labanca, paipaj c'uchullapi causajcunata cayashpa shuj sumaj micuita rurarca. 23Ña tutayajpica, Labanca paipaj ushushi Leata pushamushpa Jacobman cujpi, Jacobca Leahuanmi dormirca. 24Labanca paipajta ruraj Zilpa huarmitapish Leapajta ruraj cachunmi curca. 25Cayandij tutamanta Jacob ricushpaca, paihuan dormishpa pacarijca Lealla cashcata ricushpami Labantaca:
–Canca ñucataca ¿imatataj rurashcanguichu, imamí? ¿Manachu ñucaca Raquelmanta cambajta rurashpa causarcani? ¿Ima nishpataj chashna umarcanguiyari?– nirca.
26Chaimi Labanca:
–Ñucanchijca cai llajtapica, punta ushushi manaraj cazarajpica q'uipa ushushitaca mana cazarachinchijchu. 27Cunanca Leahuan cazarashpa, sumaj micuita ruracushca cai semanataca c'uchuyailla. Canchis huatahuan ñucapajta rurajpica, Raqueltapish cushallami– nirca.
28Jacobca chaitapish ari nishpami, Leata cazarashcamanta sumaj micuita rurashpa semanayarca. Chai semana tucurijpimi, Labanca paipaj q'uipa ushushi Raqueltapish Jacobman paipaj huarmi cachun curca. 29Labanca, paipajta ruraj Bilha huarmitapish Raquelpajta rurashpa causachunmi curca. 30Jacobca Raquelhuan chayarinacushpami, paitaca Leata yalli c'uyarca. Raquelmantapish, canchis huatatami Labanpajta rurashpa causarca.
Jacobpaj churicunami
31Mandaj Diosca Leata Jacob mana c'uyajta ricushpami, Leamanraj huahuacunata curca. Ashtahuanpish Raquelca mana huachajmi carca. 32Lea huarmi chichushpaca, shuj c'ari huahuatami huacharca. Paitaca: “Mandaj Diosca ñuca llaquilla cajtaca ricushcami. Cunanca ñuca cusapish ñucataca c'uyahuangami” nishpami, Rubenta shutichirca.
33Leaca cutinllataj chichushpaca, shujtaj c'ari huahuatami huacharca. Paitaca: “Ñucata mana c'uyajta ricushpami, Mandaj Diosca cai huahuatapish cuhuan” nishpami Simeonta shutichirca.
34Chai q'uipapish Leaca, cutinllataj chichushpaca shujtaj c'ari huahuatami huacharca. Paitaca: “Cunanca cai huahuahuanca ñamari quimsa churicunata charini. Cunantajca ñuca cusaca ñucapimari ashtahuan chayaringa” nishpami, Levita shutichirca.
35Leaca cutinllataj chichushpa shujtaj c'ari huahuata huachashpaca: “Cunanca Mandaj Diostami alabasha” nishpami, chai huahuataca Judata shutichirca. Chai q'uipaca Leaca, ña mana ashtahuan huacharcachu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.