GÉNESIS 30
30
1Raquelca mana huachaj cashpami, paipaj ñañata envidiashpa pai shinallataj huahuacunata charinata munashpa Jacobtaca:
–Ñucamanpish huahuacunata cui, mana cashpaca huañushami– nirca.
2Chaimi Jacobca, Raquelhuan p'iñarishpaca:
–Ñucaca Taita Dios cashpatajmari, canmanca huahuacunata cusha. Ashtahuanpish paimi cantaca huahuacuna illajlla cachun munashca– nirca.
3Chaimi Raquelca:
–Shinashpaca cunanca ñucapajta ruraj Bilha huarmipi chayaripai. Pai ñuca cunguripi huachajpica, ñuca huachashca shinallatajmi canga. Chashnami ñucapish huahuacunayuj tucusha– nirca.
4Shina nishpaca Raquelca paipajta ruraj Bilha huarmita paipaj huarmi cachun cujpimi, Jacobca paipi chayarirca. 5Bilha huarmi chichushpaca, shuj c'ari huahuatami huacharca. 6Chaimi Raquelca: “Taita Diosca ñuca mañashcata uyashpa, ñucatapish alli cashcata ricuchishpami cai c'ari huahuata cuhuan” nishpami, paitaca Danta shutichirca.
7Raquelpajta ruraj Bilha huarmica Jacobpajta cutinllataj chichushpaca shujtaj c'ari huahuatami huacharca. 8Chaimi Raquelca: “Ñuca ñañahuan p'iñanacushpalla causacujpipish, Taita Diosmari mishachishca” nishpami, paitaca Neftalita shutichirca.
9Lea huarmipish ña mana ashtahuan huachaipaj cashpami, paipajta ruraj Zilpa huarmita Jacobman paipaj huarmi cachun curca. 10Leapajta ruraj Zilpa huarmipish Jacobpajtaca shuj c'ari huahuatami huacharca. 11Chaimi Leaca: “Ñucapajca jatun cushicunamari” nishpa paitaca, Gadta shutichirca.
12Leapajta ruraj Zilpa huarmica Jacobpajtaca shujtaj c'ari huahuatami huacharca. 13Chaimi Leaca: “Cai huahuaca ñuca cushijlla canapajmari. Tucui huarmicunami ñucataca chai huarmica cushicucunmari ningacuna” nishpami, paitaca Aserta shutichirca.
14Rubenca trigota cozichai punllacunami mandragoracunata chagrapi japishpa, paipaj mama Leapajman apamujpi, Raquelca Leataca:
–Cambaj churi apamushca mandragoracunata ashata cui– nirca.
15Chaimi Leaca:
–¿Ñuca cusata can japishpaca, allitami rurani yuyanguichu? ¿Chai jahuachu, ñuca churi apamushca mandragoracunatapish quichusha yuyangui?– nijpimi Raquelca:
–Cambaj churi apamushca mandragoracunata ashata carajpica, cunan tutaca Jacobca canhuanmi dorminga– nirca.
16Chaimi Leaca chagramanta Jacob chishita tigracujpi tupanaman llujshishpaca:
–Cunan tutaca ñucahuanmi dormina cangui. Ñucaca canhuan dormingapajmi, Raquelmanca ñuca churi apamushca mandragorata ña cararcani– nijpimi, Jacobca chai tutaca Leahuan dormirca. 17Taita Diosca Lea mañashcata uyashpa cujpimi, Leaca Jacobpajta chichushpa, shujtaj c'ari huahuata huacharca. Chaihuanca pichca churicunatami charirca. 18Chaimi Leaca: “Ñucapajta ruraj huarmita ñuca cusaman cushcamantami, Taita Diosca ñucapaj allita rurashca” nishpami chai huahuataca Isacarta shutichirca.
19Chai q'uipaca Leaca cutinllataj chichushpami, shujtaj c'ari huahuata huacharca. Chaihuanca sujta churicunatami Jacobpajta charirca. 20Leaca: “Taita Diosmari ñucamanca shuj sumaj allita cuhuan. Cunanca sujta churicunayuj cashcamanta ñuca cusaca ñucallahuanmi causanga” nishpami, Zabulonta shutichirca. 21Leaca tucui huahuacunapaj q'uipaca huarmi huahuatami huacharca. Chaitaca Dina shutitami shutichirca.
22Taita Diosca Raquelta yuyarishpa, paita uyashpami, huahuacunata curca. 23Chaimi chichushpa shuj c'ari huahuata huachashpaca: “Ñuca mana huachaj cashpa pingaihuan canataca Taita Diosmi anchuchishca. 24Mandaj Diosca, ñucamanca shujtaj huahuatapish cushpa alli canman” nishpami, chai huahuataca Joseta shutichirca.
Jacobpish Labanpish umanacushcami
25Joseta Raquel huachajpimi, Jacobca Labantaca:
–Ñuca llajtamanmi rigrini. 26Imamanta cambajta rurashpa causacushcataca canllataj yachanguimi. Ñucaca ñuca huarmicunamantami cambajta rurashpa causarcani. Cunanca ñuca llajtamanmi rigrini. Ñuca huarmicunata, ñuca huahuacunata cushpa cachailla– nirca.
27Chaimi Labanca:
–Ñuca canpi alli ricurishca cajpica, ñucahuan causashunlla. Mandaj Diosca canmantamari ñucamanca achca allicunata cushca. Chaitaca allimi yachani.
28Cashnapish nircami: Mashnata pagajpitaj ñucallahuantaj catingui chaita huillai pagashallami– nircami.
29Chaimi Jacobca, Labantaca:
–Cambajta ñuca ima shina rurashpa causajtapish, cambaj animalcunapish ñucahuanca ima shina cajtapish canllataj yachanguimi. 30Ñuca shamunapajca ashallatami charishca carcangui. Cunanca achcatamari mirarin. Ñuca caiman shamujpimi, Mandaj Diosca canmanca achca allicunata cushca. Cunanca ñuca huarmicunapaj, ñuca huahuacunapajca ¿ima horataj trabajashari?– nirca.
31Shina nijpimi Labanca:
–¿Imatataj cuchun ningui?– nijpi Jacobca:
–Imata mana cuchun ninichu. Ashtahuanpish ñuca mañashcata can rurasha nijpica, cambaj ovejacunata michishpa catishallami. 32Cunanllatajmi ñucaca cambaj canlla animalcunapajman rishpa yana, puzu, muru ovejacunata, yana, puzu, muru chivocunata agllashpa ch'icanchigrini. Cambajta rurashcamanta ñuca japinaca chaillami canga. 33Chaimi caya punllacuna ñucata ricunaman shamushpaca, imatapish cashcallata ruraj cajta ricungui. Ñuca canlla animalcunapica puzucunalla, murucunalla, chivocunapish puzucunalla murucunalla yanacunalla mana cajta ricushpaca shuhua cashcatami ricungui– nircami.
34Shina nijpimi Labanca:
–Allimi, can nishca shina cachunlla– nirca.
35Shina nishca jahuami Labanca, chai punllallataj yana, puzu, muru ovejacunatapish, yana, puzu, muru chivocunatapish pacalla agllashpa paipaj huahuacuna michichun cacharca. 36Chai animalcunataca paipish Jacobpish maipi causacunmanta quimsa punllata purina carupimi michichun cacharca. Ashtahuanpish Jacobca, Labanpaj caishuj ovejacunatami michirca. 37Chaipimi Jacobca álamo, avellano, castaño yuracunamanta caspicunata p'itishpa jahua carata caipi chaipi anchuchishpa murujllata rurarca. 38Chashna rurashpaca, animalcuna yacuta ubyanacunapimi churarca. Ovejacuna yacuta ubyanaman c'uchuyashpaca chai caspicuna jahuapimi japinacuj carca. 39Chaipi chichushpami ovejacunaca yanata, puzuta, muruta huachaj carca. 40Chai bachujcunataca Jacobca, Labanpaj ovejacunamanta ch'icanchishpami, paipaj ovejacunahuan tandachishpa churaj carca. Jacobca paipaj oveja canllataca Labanpaj oveja canllamanta ch'icanmi churarca. 41Jacobca ovejacuna yacuta ubyanacunapica jatun alli ovejacuna japinacucujllapimi, muru caspicunata churaj carca. Chai caspicunata ricushpa ovejacuna japinacushpaca, muru bachujcunatami huachaj carca. 42Ashtahuanpish uchilla yanga ovejacuna shamushpa japinacucujpica, chai muru caspicunataca mana churajchu carca. Chaimi uchilla yanga ovejacuna Labanpajca saquirij carca. Jacobpajca jatun alli ovejacunami carca. 43Chashnami Jacobca achcata charijyashpa catirca. Ovejacunata, camellocunata, burrocunata, paipajta ruraj c'aricunata, huarmicunatapishmi achcata charirca.
Currently Selected:
GÉNESIS 30: QCHI04
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.
GÉNESIS 30
30
1Raquelca mana huachaj cashpami, paipaj ñañata envidiashpa pai shinallataj huahuacunata charinata munashpa Jacobtaca:
–Ñucamanpish huahuacunata cui, mana cashpaca huañushami– nirca.
2Chaimi Jacobca, Raquelhuan p'iñarishpaca:
–Ñucaca Taita Dios cashpatajmari, canmanca huahuacunata cusha. Ashtahuanpish paimi cantaca huahuacuna illajlla cachun munashca– nirca.
3Chaimi Raquelca:
–Shinashpaca cunanca ñucapajta ruraj Bilha huarmipi chayaripai. Pai ñuca cunguripi huachajpica, ñuca huachashca shinallatajmi canga. Chashnami ñucapish huahuacunayuj tucusha– nirca.
4Shina nishpaca Raquelca paipajta ruraj Bilha huarmita paipaj huarmi cachun cujpimi, Jacobca paipi chayarirca. 5Bilha huarmi chichushpaca, shuj c'ari huahuatami huacharca. 6Chaimi Raquelca: “Taita Diosca ñuca mañashcata uyashpa, ñucatapish alli cashcata ricuchishpami cai c'ari huahuata cuhuan” nishpami, paitaca Danta shutichirca.
7Raquelpajta ruraj Bilha huarmica Jacobpajta cutinllataj chichushpaca shujtaj c'ari huahuatami huacharca. 8Chaimi Raquelca: “Ñuca ñañahuan p'iñanacushpalla causacujpipish, Taita Diosmari mishachishca” nishpami, paitaca Neftalita shutichirca.
9Lea huarmipish ña mana ashtahuan huachaipaj cashpami, paipajta ruraj Zilpa huarmita Jacobman paipaj huarmi cachun curca. 10Leapajta ruraj Zilpa huarmipish Jacobpajtaca shuj c'ari huahuatami huacharca. 11Chaimi Leaca: “Ñucapajca jatun cushicunamari” nishpa paitaca, Gadta shutichirca.
12Leapajta ruraj Zilpa huarmica Jacobpajtaca shujtaj c'ari huahuatami huacharca. 13Chaimi Leaca: “Cai huahuaca ñuca cushijlla canapajmari. Tucui huarmicunami ñucataca chai huarmica cushicucunmari ningacuna” nishpami, paitaca Aserta shutichirca.
14Rubenca trigota cozichai punllacunami mandragoracunata chagrapi japishpa, paipaj mama Leapajman apamujpi, Raquelca Leataca:
–Cambaj churi apamushca mandragoracunata ashata cui– nirca.
15Chaimi Leaca:
–¿Ñuca cusata can japishpaca, allitami rurani yuyanguichu? ¿Chai jahuachu, ñuca churi apamushca mandragoracunatapish quichusha yuyangui?– nijpimi Raquelca:
–Cambaj churi apamushca mandragoracunata ashata carajpica, cunan tutaca Jacobca canhuanmi dorminga– nirca.
16Chaimi Leaca chagramanta Jacob chishita tigracujpi tupanaman llujshishpaca:
–Cunan tutaca ñucahuanmi dormina cangui. Ñucaca canhuan dormingapajmi, Raquelmanca ñuca churi apamushca mandragorata ña cararcani– nijpimi, Jacobca chai tutaca Leahuan dormirca. 17Taita Diosca Lea mañashcata uyashpa cujpimi, Leaca Jacobpajta chichushpa, shujtaj c'ari huahuata huacharca. Chaihuanca pichca churicunatami charirca. 18Chaimi Leaca: “Ñucapajta ruraj huarmita ñuca cusaman cushcamantami, Taita Diosca ñucapaj allita rurashca” nishpami chai huahuataca Isacarta shutichirca.
19Chai q'uipaca Leaca cutinllataj chichushpami, shujtaj c'ari huahuata huacharca. Chaihuanca sujta churicunatami Jacobpajta charirca. 20Leaca: “Taita Diosmari ñucamanca shuj sumaj allita cuhuan. Cunanca sujta churicunayuj cashcamanta ñuca cusaca ñucallahuanmi causanga” nishpami, Zabulonta shutichirca. 21Leaca tucui huahuacunapaj q'uipaca huarmi huahuatami huacharca. Chaitaca Dina shutitami shutichirca.
22Taita Diosca Raquelta yuyarishpa, paita uyashpami, huahuacunata curca. 23Chaimi chichushpa shuj c'ari huahuata huachashpaca: “Ñuca mana huachaj cashpa pingaihuan canataca Taita Diosmi anchuchishca. 24Mandaj Diosca, ñucamanca shujtaj huahuatapish cushpa alli canman” nishpami, chai huahuataca Joseta shutichirca.
Jacobpish Labanpish umanacushcami
25Joseta Raquel huachajpimi, Jacobca Labantaca:
–Ñuca llajtamanmi rigrini. 26Imamanta cambajta rurashpa causacushcataca canllataj yachanguimi. Ñucaca ñuca huarmicunamantami cambajta rurashpa causarcani. Cunanca ñuca llajtamanmi rigrini. Ñuca huarmicunata, ñuca huahuacunata cushpa cachailla– nirca.
27Chaimi Labanca:
–Ñuca canpi alli ricurishca cajpica, ñucahuan causashunlla. Mandaj Diosca canmantamari ñucamanca achca allicunata cushca. Chaitaca allimi yachani.
28Cashnapish nircami: Mashnata pagajpitaj ñucallahuantaj catingui chaita huillai pagashallami– nircami.
29Chaimi Jacobca, Labantaca:
–Cambajta ñuca ima shina rurashpa causajtapish, cambaj animalcunapish ñucahuanca ima shina cajtapish canllataj yachanguimi. 30Ñuca shamunapajca ashallatami charishca carcangui. Cunanca achcatamari mirarin. Ñuca caiman shamujpimi, Mandaj Diosca canmanca achca allicunata cushca. Cunanca ñuca huarmicunapaj, ñuca huahuacunapajca ¿ima horataj trabajashari?– nirca.
31Shina nijpimi Labanca:
–¿Imatataj cuchun ningui?– nijpi Jacobca:
–Imata mana cuchun ninichu. Ashtahuanpish ñuca mañashcata can rurasha nijpica, cambaj ovejacunata michishpa catishallami. 32Cunanllatajmi ñucaca cambaj canlla animalcunapajman rishpa yana, puzu, muru ovejacunata, yana, puzu, muru chivocunata agllashpa ch'icanchigrini. Cambajta rurashcamanta ñuca japinaca chaillami canga. 33Chaimi caya punllacuna ñucata ricunaman shamushpaca, imatapish cashcallata ruraj cajta ricungui. Ñuca canlla animalcunapica puzucunalla, murucunalla, chivocunapish puzucunalla murucunalla yanacunalla mana cajta ricushpaca shuhua cashcatami ricungui– nircami.
34Shina nijpimi Labanca:
–Allimi, can nishca shina cachunlla– nirca.
35Shina nishca jahuami Labanca, chai punllallataj yana, puzu, muru ovejacunatapish, yana, puzu, muru chivocunatapish pacalla agllashpa paipaj huahuacuna michichun cacharca. 36Chai animalcunataca paipish Jacobpish maipi causacunmanta quimsa punllata purina carupimi michichun cacharca. Ashtahuanpish Jacobca, Labanpaj caishuj ovejacunatami michirca. 37Chaipimi Jacobca álamo, avellano, castaño yuracunamanta caspicunata p'itishpa jahua carata caipi chaipi anchuchishpa murujllata rurarca. 38Chashna rurashpaca, animalcuna yacuta ubyanacunapimi churarca. Ovejacuna yacuta ubyanaman c'uchuyashpaca chai caspicuna jahuapimi japinacuj carca. 39Chaipi chichushpami ovejacunaca yanata, puzuta, muruta huachaj carca. 40Chai bachujcunataca Jacobca, Labanpaj ovejacunamanta ch'icanchishpami, paipaj ovejacunahuan tandachishpa churaj carca. Jacobca paipaj oveja canllataca Labanpaj oveja canllamanta ch'icanmi churarca. 41Jacobca ovejacuna yacuta ubyanacunapica jatun alli ovejacuna japinacucujllapimi, muru caspicunata churaj carca. Chai caspicunata ricushpa ovejacuna japinacushpaca, muru bachujcunatami huachaj carca. 42Ashtahuanpish uchilla yanga ovejacuna shamushpa japinacucujpica, chai muru caspicunataca mana churajchu carca. Chaimi uchilla yanga ovejacuna Labanpajca saquirij carca. Jacobpajca jatun alli ovejacunami carca. 43Chashnami Jacobca achcata charijyashpa catirca. Ovejacunata, camellocunata, burrocunata, paipajta ruraj c'aricunata, huarmicunatapishmi achcata charirca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.