GÉNESIS 38
38
Judapish Tamarpish
1Chai punllacunallatajmi Judaca, paipaj huauquicunamanta ch'icanyashpa, adulamitapura caj Hira shuti runapaj huasiman rirca. 2Chaipi cashpami Judaca, cananeo Súa shuti runapaj ushushita rijsishpa paipaj huarmi cachun japishpa paipi chayarirca. 3Chai huarmica chichushpa shuj c'ari huahuatami huacharca. Paitaca Ertami shutichirca. 4Chai huarmi cutinllataj chichushpaca, shujtaj c'ari huahuatami huacharca. Paitaca Onantami shutichirca. 5Cutinllataj chichushpapish shujtaj c'ari huahuallatatajmi huacharca. Paitaca Sela shutitami shutichirca. Quezibpi causacushpami, chai huahuataca huacharca.
6Judaca paipaj punta churi Erpaj huarmi cachunca, Tamar huarmitami japirca. 7Judapaj punta churi Erca Mandaj Diospaj ñaupajpi millai cajpimi, Mandaj Diosca paipaj causaita quichurca. 8Chaimi Judaca paipaj churi Onantaca:
–Cambaj huañuj huauquipaj huarmita cambaj huarmi cachun japishpa, cambaj huauquipaj huahua huahuacuna tiyachun paihuan huahuacunata chari– nirca.
9Onanca pai charishca huahua huahuacunaca mana paipaj quiquin huahua huahuacuna cana cajpimi, paipaj huañuj huauquipaj huarmipi chayarishpaca paipaj huauquipaj huahua huahuacunaca paillamanta ama tiyachun nishpa pamballapi shutuchij carca. 10Mandaj Diosca Onán runataca pai mana munashcata rurajpimi paitapish causaita quichurca. 11Judaca paipaj nuera Tamartaca:
–Ñuca churi Sela cazaranapajta tucungacama, cambaj yayapaj huasipi viudallataj causagrilla– nijpimi, Tamarca paipaj yayapaj huasipi causanaman rirca.
“Selapish, caishuj huauquicuna shina huañungallatajmari” nishpami chashna nirca.
12Chaimanta achca huatacunapica, Suapaj ushushi Judapaj huarmipish huañurcami. Judaca paipaj huarmi huañujpi llaquilla cana punllacuna ña tucurijpimi, paipaj ovejacunata rutujcuna maipi can Timnatman huichiyarca. Paica paihuan alli apanacuj adulamita Hira runandijmi rirca. 13Tamarmanca: “Cambaj suegro Judaca paipaj ovejacunata Timnatpi rutunamanmi huichiyacun” nishpa huillajpimi, 14Tamarca viuda cashcata ricuchij churanata anchuchishpa, ama pi rijsichun ñahuitapish linsohuan ch'ungullirishpa Timnatman rina ñan c'uchullapi Enaim puebloman yaicuna pungullapi tiyarigrirca. Judallataj paipaj churi Sela cazaranapajta ña tucujpipish paihuan mana cazarachishcamantami chashna rurarca.
15Ñahuita ch'ungullirishca tiyacujta Judá ricushpami, chai huarmica huainayashcahuan causaj huarmimi yuyarca. 16Ñan c'uchullapi tiyacujpimi, Judaca ñanmanta ladoyashpa chai huarmipajman c'uchuyagrirca. Paipaj nuerallataj cashcata mana yachashpami paica:
–Ñucami canpi chayarisha nini– nijpi chai huarmica:
–Ñucapi chayarishcamantaca ¿imatataj cungui?– nirca.
17Chaimi Judaca:
–Ñuca chivo canllamantami shuj malta chivota cachasha– nijpimi, chai huarmica:
–Can chaita cachangacamaca, imallatapish saquinami cangui– nirca.
18Shina nijpimi Judaca:
–¿Imatataj saquichun ningui?– nijpi chai huarmica:
–Pipura cashcata ricuchij señalta, chaita aparina puchcata, can charicun taunatapish saqui– nijpi, Judaca chai huarmi mañashcacunata cushpa chai huarmipi chayarijpi chai huarmica Judapajta chichu saquirirca. 19Chaimanta jatarishpa rishca q'uipami Tamarca ch'ungullirishca linsota anchuchishpa, viuda cashcata ricuchij churanallatataj churarirca.
20Judaca, paihuan alli apanacuj adulamita Hira runaman shuj chivota cachashpaca, cai chivota chai huarmiman cushpa ñuca paiman imalla saquimushcacunata mañashpa apamugri nircami. Hira runa rishpaca, chai huarmitaca ña mana japircachu. 21Chaimi Hira runaca, chai pueblopi causajcunataca:
–Cai Enaim pueblopi huainayashcahuan causaj huarmica ¿maipitaj?– nijpi paicunaca:
–Caipica huainayashcahuan causaj huarmica mana tiyanchu– nircacuna.
22Chaimi paica Judapajman tigrashpaca:
–Chai huarmica ña mana ricurinchu. Chaipi causajcunata tapujpipish: Caipica huainayashcahuan causaj huarmica mana tiyanchu nincunami– nirca.
23Judaca:
–Ñucapaj imalla cashcacunahuanca tucuihuan saquiringallatajchari. Ashtahuanca ñucanchijlla ama chanzata rurashpa asicunalla cashun. Chivota saquinaman ñuca cachajpipish, paillatajmi mana ricurishca– nircami.
24Ashtahuanpish ña quimsa quilla shinapimi Judamanca:
–Cambaj nuera Tamarca, huainayashcamari. Pai chashna cashcamantaca chichumi– nishpa huillajpi Judaca:
–¡Paitaca llujshichishpa rupachichij!– nirca.
25Tamarca paita llujshichi callarijpimi paipaj suegromanca cashna nichun cacharca: “Ñucaca cai ñuca charicuncunata cuj runapajtamari chichu cani. Cunanca caicuna pipaj cashcata rijsingapajca pipura cashcata ricuchij señalta, chaita aparina puchcata, taunatapish alli rijsi” ninmi nichunmi cacharca. 26Chaimi Judaca, chaicunaca paipajllataj cashcata rijsishpa: “Tamarca ñucata yalli allitamari rurashca. Ñucamari ñuca churi Selata mana paihuan cazarachishpaca, mana allita rurarcani” nirca. Judaca chai huarmipica cutinca ña mana chayarircachu.
27Tamarca huachana punlla pajtajpica, ishqui huahuatami huacharca. 28Ña huachacui punllapica shuj huahuaca maquitaraj llujshichijpimi, partera huarmica puca puchcahuan maquipi huatashpaca: “Caimi punta huacharij” nirca. 29Ashtahuanpish maquita punta llujshichij huahuaca cutinllataj maquita ucuman aisajpimi, caishuj huahuaraj punta huacharirca. Chaimi partera huarmica: “¿Ima shinataj canrajca huacharinguiri?” nishpa Fares shutita shutichirca. 30Chai q'uipami puca puchcahuan maquipi huatashca Farespaj huauquica huacharirca. Paitaca Zara shutitami shutichirca.
Currently Selected:
GÉNESIS 38: QCHI04
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.
GÉNESIS 38
38
Judapish Tamarpish
1Chai punllacunallatajmi Judaca, paipaj huauquicunamanta ch'icanyashpa, adulamitapura caj Hira shuti runapaj huasiman rirca. 2Chaipi cashpami Judaca, cananeo Súa shuti runapaj ushushita rijsishpa paipaj huarmi cachun japishpa paipi chayarirca. 3Chai huarmica chichushpa shuj c'ari huahuatami huacharca. Paitaca Ertami shutichirca. 4Chai huarmi cutinllataj chichushpaca, shujtaj c'ari huahuatami huacharca. Paitaca Onantami shutichirca. 5Cutinllataj chichushpapish shujtaj c'ari huahuallatatajmi huacharca. Paitaca Sela shutitami shutichirca. Quezibpi causacushpami, chai huahuataca huacharca.
6Judaca paipaj punta churi Erpaj huarmi cachunca, Tamar huarmitami japirca. 7Judapaj punta churi Erca Mandaj Diospaj ñaupajpi millai cajpimi, Mandaj Diosca paipaj causaita quichurca. 8Chaimi Judaca paipaj churi Onantaca:
–Cambaj huañuj huauquipaj huarmita cambaj huarmi cachun japishpa, cambaj huauquipaj huahua huahuacuna tiyachun paihuan huahuacunata chari– nirca.
9Onanca pai charishca huahua huahuacunaca mana paipaj quiquin huahua huahuacuna cana cajpimi, paipaj huañuj huauquipaj huarmipi chayarishpaca paipaj huauquipaj huahua huahuacunaca paillamanta ama tiyachun nishpa pamballapi shutuchij carca. 10Mandaj Diosca Onán runataca pai mana munashcata rurajpimi paitapish causaita quichurca. 11Judaca paipaj nuera Tamartaca:
–Ñuca churi Sela cazaranapajta tucungacama, cambaj yayapaj huasipi viudallataj causagrilla– nijpimi, Tamarca paipaj yayapaj huasipi causanaman rirca.
“Selapish, caishuj huauquicuna shina huañungallatajmari” nishpami chashna nirca.
12Chaimanta achca huatacunapica, Suapaj ushushi Judapaj huarmipish huañurcami. Judaca paipaj huarmi huañujpi llaquilla cana punllacuna ña tucurijpimi, paipaj ovejacunata rutujcuna maipi can Timnatman huichiyarca. Paica paihuan alli apanacuj adulamita Hira runandijmi rirca. 13Tamarmanca: “Cambaj suegro Judaca paipaj ovejacunata Timnatpi rutunamanmi huichiyacun” nishpa huillajpimi, 14Tamarca viuda cashcata ricuchij churanata anchuchishpa, ama pi rijsichun ñahuitapish linsohuan ch'ungullirishpa Timnatman rina ñan c'uchullapi Enaim puebloman yaicuna pungullapi tiyarigrirca. Judallataj paipaj churi Sela cazaranapajta ña tucujpipish paihuan mana cazarachishcamantami chashna rurarca.
15Ñahuita ch'ungullirishca tiyacujta Judá ricushpami, chai huarmica huainayashcahuan causaj huarmimi yuyarca. 16Ñan c'uchullapi tiyacujpimi, Judaca ñanmanta ladoyashpa chai huarmipajman c'uchuyagrirca. Paipaj nuerallataj cashcata mana yachashpami paica:
–Ñucami canpi chayarisha nini– nijpi chai huarmica:
–Ñucapi chayarishcamantaca ¿imatataj cungui?– nirca.
17Chaimi Judaca:
–Ñuca chivo canllamantami shuj malta chivota cachasha– nijpimi, chai huarmica:
–Can chaita cachangacamaca, imallatapish saquinami cangui– nirca.
18Shina nijpimi Judaca:
–¿Imatataj saquichun ningui?– nijpi chai huarmica:
–Pipura cashcata ricuchij señalta, chaita aparina puchcata, can charicun taunatapish saqui– nijpi, Judaca chai huarmi mañashcacunata cushpa chai huarmipi chayarijpi chai huarmica Judapajta chichu saquirirca. 19Chaimanta jatarishpa rishca q'uipami Tamarca ch'ungullirishca linsota anchuchishpa, viuda cashcata ricuchij churanallatataj churarirca.
20Judaca, paihuan alli apanacuj adulamita Hira runaman shuj chivota cachashpaca, cai chivota chai huarmiman cushpa ñuca paiman imalla saquimushcacunata mañashpa apamugri nircami. Hira runa rishpaca, chai huarmitaca ña mana japircachu. 21Chaimi Hira runaca, chai pueblopi causajcunataca:
–Cai Enaim pueblopi huainayashcahuan causaj huarmica ¿maipitaj?– nijpi paicunaca:
–Caipica huainayashcahuan causaj huarmica mana tiyanchu– nircacuna.
22Chaimi paica Judapajman tigrashpaca:
–Chai huarmica ña mana ricurinchu. Chaipi causajcunata tapujpipish: Caipica huainayashcahuan causaj huarmica mana tiyanchu nincunami– nirca.
23Judaca:
–Ñucapaj imalla cashcacunahuanca tucuihuan saquiringallatajchari. Ashtahuanca ñucanchijlla ama chanzata rurashpa asicunalla cashun. Chivota saquinaman ñuca cachajpipish, paillatajmi mana ricurishca– nircami.
24Ashtahuanpish ña quimsa quilla shinapimi Judamanca:
–Cambaj nuera Tamarca, huainayashcamari. Pai chashna cashcamantaca chichumi– nishpa huillajpi Judaca:
–¡Paitaca llujshichishpa rupachichij!– nirca.
25Tamarca paita llujshichi callarijpimi paipaj suegromanca cashna nichun cacharca: “Ñucaca cai ñuca charicuncunata cuj runapajtamari chichu cani. Cunanca caicuna pipaj cashcata rijsingapajca pipura cashcata ricuchij señalta, chaita aparina puchcata, taunatapish alli rijsi” ninmi nichunmi cacharca. 26Chaimi Judaca, chaicunaca paipajllataj cashcata rijsishpa: “Tamarca ñucata yalli allitamari rurashca. Ñucamari ñuca churi Selata mana paihuan cazarachishpaca, mana allita rurarcani” nirca. Judaca chai huarmipica cutinca ña mana chayarircachu.
27Tamarca huachana punlla pajtajpica, ishqui huahuatami huacharca. 28Ña huachacui punllapica shuj huahuaca maquitaraj llujshichijpimi, partera huarmica puca puchcahuan maquipi huatashpaca: “Caimi punta huacharij” nirca. 29Ashtahuanpish maquita punta llujshichij huahuaca cutinllataj maquita ucuman aisajpimi, caishuj huahuaraj punta huacharirca. Chaimi partera huarmica: “¿Ima shinataj canrajca huacharinguiri?” nishpa Fares shutita shutichirca. 30Chai q'uipami puca puchcahuan maquipi huatashca Farespaj huauquica huacharirca. Paitaca Zara shutitami shutichirca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.