GÉNESIS 39
39
Josepish Potifarpaj huarmipish
1Josetaca Egiptomanmi pusharcacuna. Chaimi faraonta cuidaj soldadocunata mandaj Potifar runaca Joseta randirij ismaelitacunaman randirca. 2Mandaj Diosca Josehuanmi carca. Chaimi paica tucui imapipish alli llujshirca. Paica paipaj amo Potifarpaj huasipimi causarca. 3Josepaj amoca Mandaj Diosca Josehuan cashcamanta, tucui pai imalla charishcacunapish yallitaj achcayashcatami ricurca. 4Joseca chashnami paipaj amopi alli ricurishpa paipajta alli ruraj tucurca. Chaimi Potifarca paipaj huasipi mayordomo cachun churashpa, tucui pai imalla charishcacunata Josepaj maquipi churarca. 5Chai egipcio paipaj huasita, tucui pai imalla charishcacunata Josepaj maquipi churai punllamantami Mandaj Diosca Josemanta chai runapaj huasipica, huasipipish, chagracunapipish achcata mirachirca. 6Potifarca tucui pai imalla charishcacunata Josepaj maquipi churashpaca, imata mana sustarishpa micunallatami yuyarirca.
Joseca sumaj ñahui, munananqui huambrami carca. 7Ña uni huatacunata chaipi causacujpimi, Josepaj amopaj huarmica Joseta ricurashpa purishpa paita munashpa:
–Ñucahuan dormishun– nirca.
8Ashtahuanpish Joseca, mana chaita rurasha nishpami paipaj amopaj huarmitaca:
–Ñuca amoca paipaj huasipi tucui imalla tiyashcacunata ñuca alli cuidajta ricushpami, paica imata mana sustarishpa tucui imalla charishcacunataca ñuca maquipi churarca. 9Cai huasipica ñucata yalli tucuita ricujca, pi mana tiyanchu. Ñuca amoca tucui paipaj ima charishcacunatapish tucuitami ñuca maquipi churarca. Canllatami mana ñuca maquipi churarca. Chashna cashcamanta ñucaca maitataj jatun millaita rurashpa, Taita Diosta p'iñachishpa juchallishari– nircami.
10Chai huarmica Josetaca punllantami chashna nicurcalla. Ashtahuanpish Joseca chai huarmihuanca mana siririsha nircachu. Paipaj c'uchupi canallatapish mana munarcachu. 11Shuj punllami Joseca pai imalla rurana cashcata rurangapaj huasiman yaicurca. Chai punllallatajmi chai huasimantaca tucuicuna illarca. 12Chaimi chai huarmica, churanapi japishpa Josetaca:
–Cunantajca ñucahuan dormishunllari– nijpi Joseca, churanata chai huarmipaj maquipi shitashpa callpashpa rirca. 13Churanata paipaj maquipi saquishpa callpajpimi, 14chai huarmica huasipi imatapish rurajcunata cayashpaca:
–Riquichij, cai hebreo runataca ñucanchijta chanzata rurachunmari apamushca. Ñuca tiyacun ucuman yaicushpa ñucahuan dormishun nijpimi, ñucaca sinchita caparircani. 15Sinchita caparijpimi, paipaj churanata caipi shitashpa callpashpa rin– nirca.
16Paipaj cusa shamungacamami Josepaj churanataca paipaj c'uchupi charicurca. 17Cusa chayajpica, huasipi cajcunaman huillashca shinallatajmi:
–Ñucanchijpajta rurachun can apamushca hebreo runaca ñucapajman shamushpami, ñucata japirisha nirca. 18Paica sinchita ñuca caparijpimi, paipaj churanata caipi shitashpa callpashpa rirca.
19Cambajta ruraj runaca chashnamari ruran nishpa paipaj huarmi huillajta uyashpami, Josepaj amoca nina sindirij shina p'iñarirca. 20Chaimi Josepaj amoca Josetaca jatun mandaj prezu churashcacuna tiyacun carcel-llapitaj prezu churachirca. Chaipimi prezu saquirirca. 21Prezupi cajpipish Mandaj Diosca Josehuan cashpa paita llaquijpimi, carcelpi cajcunata ricujcunata mandajpica allita ruraj ricurirca. 22Carcelpi cajcunata ricujcunata mandajca Josetaca chaipi caj prezucunata cuidachunmi paipaj maquipi churarca. Joseca, prezucuna tiyana carcelpi imalla rurana cashcataca tucuitami rurarca. 23Joseca Mandaj Dios paihuan cajpimi, tucui pai imata rurashcapish alli llujshirca. Chaimi carcelpi cajcunata ricujcunata mandajca José ima shina ruracujta ricunataca mana yuyarca.
Currently Selected:
GÉNESIS 39: QCHI04
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.
GÉNESIS 39
39
Josepish Potifarpaj huarmipish
1Josetaca Egiptomanmi pusharcacuna. Chaimi faraonta cuidaj soldadocunata mandaj Potifar runaca Joseta randirij ismaelitacunaman randirca. 2Mandaj Diosca Josehuanmi carca. Chaimi paica tucui imapipish alli llujshirca. Paica paipaj amo Potifarpaj huasipimi causarca. 3Josepaj amoca Mandaj Diosca Josehuan cashcamanta, tucui pai imalla charishcacunapish yallitaj achcayashcatami ricurca. 4Joseca chashnami paipaj amopi alli ricurishpa paipajta alli ruraj tucurca. Chaimi Potifarca paipaj huasipi mayordomo cachun churashpa, tucui pai imalla charishcacunata Josepaj maquipi churarca. 5Chai egipcio paipaj huasita, tucui pai imalla charishcacunata Josepaj maquipi churai punllamantami Mandaj Diosca Josemanta chai runapaj huasipica, huasipipish, chagracunapipish achcata mirachirca. 6Potifarca tucui pai imalla charishcacunata Josepaj maquipi churashpaca, imata mana sustarishpa micunallatami yuyarirca.
Joseca sumaj ñahui, munananqui huambrami carca. 7Ña uni huatacunata chaipi causacujpimi, Josepaj amopaj huarmica Joseta ricurashpa purishpa paita munashpa:
–Ñucahuan dormishun– nirca.
8Ashtahuanpish Joseca, mana chaita rurasha nishpami paipaj amopaj huarmitaca:
–Ñuca amoca paipaj huasipi tucui imalla tiyashcacunata ñuca alli cuidajta ricushpami, paica imata mana sustarishpa tucui imalla charishcacunataca ñuca maquipi churarca. 9Cai huasipica ñucata yalli tucuita ricujca, pi mana tiyanchu. Ñuca amoca tucui paipaj ima charishcacunatapish tucuitami ñuca maquipi churarca. Canllatami mana ñuca maquipi churarca. Chashna cashcamanta ñucaca maitataj jatun millaita rurashpa, Taita Diosta p'iñachishpa juchallishari– nircami.
10Chai huarmica Josetaca punllantami chashna nicurcalla. Ashtahuanpish Joseca chai huarmihuanca mana siririsha nircachu. Paipaj c'uchupi canallatapish mana munarcachu. 11Shuj punllami Joseca pai imalla rurana cashcata rurangapaj huasiman yaicurca. Chai punllallatajmi chai huasimantaca tucuicuna illarca. 12Chaimi chai huarmica, churanapi japishpa Josetaca:
–Cunantajca ñucahuan dormishunllari– nijpi Joseca, churanata chai huarmipaj maquipi shitashpa callpashpa rirca. 13Churanata paipaj maquipi saquishpa callpajpimi, 14chai huarmica huasipi imatapish rurajcunata cayashpaca:
–Riquichij, cai hebreo runataca ñucanchijta chanzata rurachunmari apamushca. Ñuca tiyacun ucuman yaicushpa ñucahuan dormishun nijpimi, ñucaca sinchita caparircani. 15Sinchita caparijpimi, paipaj churanata caipi shitashpa callpashpa rin– nirca.
16Paipaj cusa shamungacamami Josepaj churanataca paipaj c'uchupi charicurca. 17Cusa chayajpica, huasipi cajcunaman huillashca shinallatajmi:
–Ñucanchijpajta rurachun can apamushca hebreo runaca ñucapajman shamushpami, ñucata japirisha nirca. 18Paica sinchita ñuca caparijpimi, paipaj churanata caipi shitashpa callpashpa rirca.
19Cambajta ruraj runaca chashnamari ruran nishpa paipaj huarmi huillajta uyashpami, Josepaj amoca nina sindirij shina p'iñarirca. 20Chaimi Josepaj amoca Josetaca jatun mandaj prezu churashcacuna tiyacun carcel-llapitaj prezu churachirca. Chaipimi prezu saquirirca. 21Prezupi cajpipish Mandaj Diosca Josehuan cashpa paita llaquijpimi, carcelpi cajcunata ricujcunata mandajpica allita ruraj ricurirca. 22Carcelpi cajcunata ricujcunata mandajca Josetaca chaipi caj prezucunata cuidachunmi paipaj maquipi churarca. Joseca, prezucuna tiyana carcelpi imalla rurana cashcataca tucuitami rurarca. 23Joseca Mandaj Dios paihuan cajpimi, tucui pai imata rurashcapish alli llujshirca. Chaimi carcelpi cajcunata ricujcunata mandajca José ima shina ruracujta ricunataca mana yuyarca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.