GÉNESIS 40
40
Ishqui runacuna muscushca imata nisha nishcata José huillashcami
1Tucui chaicuna chashna tucushca q'uipami, Egiptota jatun mandajpaj copacunata pasachijcunata mandajpish, tandata rurajcunata mandajpish paicunapaj amopajta mana allita rurarcacuna. 2Faraonca copacunata pasachijcunata mandajhuanpish, tandata rurajcunata mandajhuanpish yallitaj p'iñarishpami, 3paita cuidaj soldadocunata mandajpaj huasipi prezu churagrichun mandarca. Josepish chai carcel-llapitajmi carca. 4Soldadocunata mandajca, chai ishqui runacunataca José ricuchun churajpimi, paica paipaj randi cuidarca. Chai ishqui runacunaca unitami prezu carca.
5Egiptota jatun mandajpaj copacunata pasachijpish, tandata rurajpish prezu tiyacushpami ishquindijtaj paicunaca chai tutallataj, ch'ican ch'icanta muscurcacuna. Chai muscushcacunaca paicuna ima tucunallatataj ricuchijmi carca. 6Tutamanta paicunata ricunaman José yaicushpaca, llaquijllacuna cajtami ricurca. 7Chaimi Joseca, paipaj amopaj huasipi prezu caj faraonpajta ruraj mandajcunataca:
–¿Ima nishpataj cancunaca chashna llaquijlla ñahuicuna canguichigari?– nishpa tapurca.
8Chaimi paicunaca:
–Cunan tutamari ñucanchijca shuj muscuita muscurcanchij. Chai imata nisha nishcata pi mana huillaipaj cajpimari llaquijlla canchij– nijpimi, Joseca:
–Chaicuna imata nisha nishcataca Taita Diosllamari huillachin nishpami, parlaichigari– nirca.
9Chaimi copacunata pasachijcunata mandajca pai imata muscushcata Josemanca:
–Ñucaca ñuca ñaupajpi shuj uva yura cajta, 10chai yuraca quimsa ramacunayuj cajta, ramacunaca p'angacunayuj tucushpa sisashpa uvata p'ucujta, 11faraonpaj copaca ñuca maquipi cajta, uvata japishpa faraonpaj copapi capishpaca faraonpaj maquipi churacushcatami muscurcani– nirca.
12Chaimi Joseca:
–Chai muscuica caitami nisha nin: Quimsa ramacunaca quimsa punllacunami. 13Cunanmanta quimsa punllapimi faraonca cantaca caimanta llujshichishpa sarunman can maipi cashcallapitaj churajpi, canca copata pasachijcunata mandaj cashpa ruraj cashca shinallataj faraonpaj maquipi copata churangui. 14Cunanca ñucaca, can ña alli cashpaca ñucata yuyarichun, faraón ñucata caimanta llujshichichun ñucamanta parlachunmi rogapani. 15Ñucaca hebreocunapaj llajtamanta shuhuamushcami carcani. Carcelpi ñucata churachunca cai llajtapipish ñucaca ima mana allitaca mana rurarcanichu– nirca.
16Tandata rurajcunata mandajpish chai muscushcaca allipaj cashcata José huillajta uyashpami Josemanca:
–Ñucaca quimsa yuraj canastacunapi tandata uma jahuapi apacushcata, 17chai canastacunapaj jahuapi caj punta canastapica faraonpaj tucui laya sumaj tandacuna cajta, chai canastapi caj tandacunataca pajarocuna shamushpa ñuca uma jahuallapitaj micucujtami muscurcani– nirca.
18Chaimi Joseca:
–Chai muscuica caitami nisha nin: Quimsa canastacunaca, quimsa punllacunami. 19Cunanmanta quimsa punllapimi faraonca cantaca cungata p'itishpa huañuchishpa huarcujpi cambaj aichataca pajarocuna micungacuna– nircami.
20Chashna huillashca quimsa punllapica jatun mandaj faraonca pai huacharishca punlla pajtajpimi, pai churashca mandajcunahuan micungapaj sumaj micuita rurarca. Tucui chaipi cajcuna ricucujpimi, copacunata pasachijcunata mandajtapish, tandata rurajcunata mandajtapish carcelmanta llujshichinaman cacharca. 21Copacunata pasachijcunata mandajtaca, pai maipi cashcallapitaj churajpimi, paica faraonpaj maquipi copata churashpa catirca. 22Tandata rurajcunata mandajtaca, José huillashca shinallataj huañuchishpami huarcurca. 23Ashtahuanpish copacunata pasachijcunata mandajca, Josetaca mana yuyarircachu cungarircallami.
Currently Selected:
GÉNESIS 40: QCHI04
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.
GÉNESIS 40
40
Ishqui runacuna muscushca imata nisha nishcata José huillashcami
1Tucui chaicuna chashna tucushca q'uipami, Egiptota jatun mandajpaj copacunata pasachijcunata mandajpish, tandata rurajcunata mandajpish paicunapaj amopajta mana allita rurarcacuna. 2Faraonca copacunata pasachijcunata mandajhuanpish, tandata rurajcunata mandajhuanpish yallitaj p'iñarishpami, 3paita cuidaj soldadocunata mandajpaj huasipi prezu churagrichun mandarca. Josepish chai carcel-llapitajmi carca. 4Soldadocunata mandajca, chai ishqui runacunataca José ricuchun churajpimi, paica paipaj randi cuidarca. Chai ishqui runacunaca unitami prezu carca.
5Egiptota jatun mandajpaj copacunata pasachijpish, tandata rurajpish prezu tiyacushpami ishquindijtaj paicunaca chai tutallataj, ch'ican ch'icanta muscurcacuna. Chai muscushcacunaca paicuna ima tucunallatataj ricuchijmi carca. 6Tutamanta paicunata ricunaman José yaicushpaca, llaquijllacuna cajtami ricurca. 7Chaimi Joseca, paipaj amopaj huasipi prezu caj faraonpajta ruraj mandajcunataca:
–¿Ima nishpataj cancunaca chashna llaquijlla ñahuicuna canguichigari?– nishpa tapurca.
8Chaimi paicunaca:
–Cunan tutamari ñucanchijca shuj muscuita muscurcanchij. Chai imata nisha nishcata pi mana huillaipaj cajpimari llaquijlla canchij– nijpimi, Joseca:
–Chaicuna imata nisha nishcataca Taita Diosllamari huillachin nishpami, parlaichigari– nirca.
9Chaimi copacunata pasachijcunata mandajca pai imata muscushcata Josemanca:
–Ñucaca ñuca ñaupajpi shuj uva yura cajta, 10chai yuraca quimsa ramacunayuj cajta, ramacunaca p'angacunayuj tucushpa sisashpa uvata p'ucujta, 11faraonpaj copaca ñuca maquipi cajta, uvata japishpa faraonpaj copapi capishpaca faraonpaj maquipi churacushcatami muscurcani– nirca.
12Chaimi Joseca:
–Chai muscuica caitami nisha nin: Quimsa ramacunaca quimsa punllacunami. 13Cunanmanta quimsa punllapimi faraonca cantaca caimanta llujshichishpa sarunman can maipi cashcallapitaj churajpi, canca copata pasachijcunata mandaj cashpa ruraj cashca shinallataj faraonpaj maquipi copata churangui. 14Cunanca ñucaca, can ña alli cashpaca ñucata yuyarichun, faraón ñucata caimanta llujshichichun ñucamanta parlachunmi rogapani. 15Ñucaca hebreocunapaj llajtamanta shuhuamushcami carcani. Carcelpi ñucata churachunca cai llajtapipish ñucaca ima mana allitaca mana rurarcanichu– nirca.
16Tandata rurajcunata mandajpish chai muscushcaca allipaj cashcata José huillajta uyashpami Josemanca:
–Ñucaca quimsa yuraj canastacunapi tandata uma jahuapi apacushcata, 17chai canastacunapaj jahuapi caj punta canastapica faraonpaj tucui laya sumaj tandacuna cajta, chai canastapi caj tandacunataca pajarocuna shamushpa ñuca uma jahuallapitaj micucujtami muscurcani– nirca.
18Chaimi Joseca:
–Chai muscuica caitami nisha nin: Quimsa canastacunaca, quimsa punllacunami. 19Cunanmanta quimsa punllapimi faraonca cantaca cungata p'itishpa huañuchishpa huarcujpi cambaj aichataca pajarocuna micungacuna– nircami.
20Chashna huillashca quimsa punllapica jatun mandaj faraonca pai huacharishca punlla pajtajpimi, pai churashca mandajcunahuan micungapaj sumaj micuita rurarca. Tucui chaipi cajcuna ricucujpimi, copacunata pasachijcunata mandajtapish, tandata rurajcunata mandajtapish carcelmanta llujshichinaman cacharca. 21Copacunata pasachijcunata mandajtaca, pai maipi cashcallapitaj churajpimi, paica faraonpaj maquipi copata churashpa catirca. 22Tandata rurajcunata mandajtaca, José huillashca shinallataj huañuchishpami huarcurca. 23Ashtahuanpish copacunata pasachijcunata mandajca, Josetaca mana yuyarircachu cungarircallami.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.