LUCAS 12
12
Mishqui shimi jayaj shunguca ama canguichij nishcami
1Jesús rimangacamaca, huaranga huaranga gentecuna tandanacushpami, paicunapura sarurinacucurcacuna. Chaimi Jesusca paipaj yachacujcunataca cashna nirca:
–Fariseocunapaj levaduramanta cuidaringuichij. Pajta paicuna shina mishqui shimi jayaj shungu canguichijman. 2Ima mana pacalla cangachu, tucuimi ricuchishca canga. Ima pacalla cajpish mana yachashcaca mana cangachu. 3Amsapi tucui imalla nishcacunaca, achijpimi uyaringa. Huasi ucupi rinrinllapi allijlla parlashcaca, huasi jahuamanta caparishpa huillashcami uyaringa.
Taita Diosllata manchanami
(Mt 10.26-31)
4Ñucahuan apanacujcuna cancunamanca caitami huillani: Cuerpota huañuchijcunataca, ama manchaichijchu. Huañuchishca q'uipaca, imata mana ashtahuan rurai tucungacunachu. 5Pita manchana cashcata yachachisha: Cancunaca causaita quichushpa ucu pachaman cachai tucuj Taita Diosta manchaichij. Paitatajca manchanami canguichij.
6¿Manachu pichca pajarocunata ishqui cullquipi c'atuncuna? Chashna cajpipish chai pajarocunataca Taita Diosca shujllatapish mana cungarinchu. 7Cancunapaj uma ajchapish tucui yupashcami canguichij. Chaimanta amataj manchaichijchu. Cancunacarin achca pajarocunatapish yalli valijmi canguichij.
Jesusta catij cashcata mana pingarinami
8Cancunaman huillanimi: Shujtajcunapaj ñaupajpi ñucata catij cashcata huillajpica, Runa Aichayuj ñucapish Taita Diospaj angelcunapaj ñaupajpica caicunaca ñucata catijcunami nishami. 9Ashtahuanpish shujtajcunapaj ñaupajpi ñucata catij cashcata huillanata pinganachijpica, ñucapish Taita Diospaj angelcunapaj ñaupajpica, paimanta huillanataca pingarishami.
10Runa Aichayujta maijanpish p'iñajtaca perdonangami. Ashtahuanpish jucha illaj Espirituta p'iñashpa rimajtaca, manataj perdonangachu.
11Sinagogacunaman, juezcunapajman, mandajcunapajmanpish cancunata apajpica, imatataj nishun, imatataj rimashun nishpa ama manchanguichij. 12Imalla rimana cashcataca, jucha illaj Espiritumi chai horallataj yachachinga– nircami.
Achcata charijyashpa Taita Diosta cungarishcami
13Chaipi cajcunamanta shujmi Jesustaca:
–Yachachij, ñuca huauquillata ñuca yayamanta herenciata ñucamanpish chaupichun nipai– nirca.
14Chaimi Jesusca:
–Ñucataca ¿pitaj cancunapaj juez cachun, mana cashpaca chaupishpa cuj cachun churarca? nishpaca,
15cashnami nirca: Pajta ñataj mitsa tucushpa ashtahuan charisha ninguichijman. Achcata charishcacunaca mana causaita cunchu– nirca.
16Shuj yuyachij parlotapishmi, cashna nishpa parlarca: “Shuj charij runapaj allpapimi achca grano p'ucushca carca. 17Chaimi paipaj shungupica: “¿Imatataj rurashari? Ñuca granocunata huaquichinaca ña maipi mana tiyanca” nirishpami, 18cashna nirirca: “Cunanca caita rurasha: Cai huaquichinacunata urmachishpa, ashtahuan jatuncunata shayachisha. Ñuca tucui granocunatapish, tucui charishcacunatapish chaipi huaquichingapaj. 19Chashna huaquichishpaca paipaj yuyaitaca: Achcatami tauca huatacunapaj huaquichishcata charingui. Cunantajca samarishpa, micucuilla, ubyacuilla, cushicucuilla niricurcami”. 20Ashtahuanpish Taita Diosca chai runataca: “Yuyai illaj, cunan tutallatajmari cambaj causaita quichugrin. Tucui can huaquichishcacunaca ¿pipajshi canga?” nirca. 21Cai causaillapi quiquinpajlla tucuita tandachishpa huaquichijca, Taita Diospaj ñaupajpica imata mana charinchu” nircami.
Taita Diosca paipaj huahuacunapaj ima illashcataca ñami yachan
(Mt 6.25-34)
22Chai q'uipami Jesusca paipaj yachacujcunataca cashna nirca: Chashna cana cashcamanta: “Cancunapaj causaipica, imatataj micushun, cuerpopipish imatataj churashun nishpa ama chai yuyailla caichijchu. 23Causaimari micunatapish ashtahuan yalli alli, cuerpomari churanatapish ashtahuan yalli alli. 24Cuervocunata ricushpallapish yuyarichigari: Paicunaca mana tarpunchu, mana tandanchu, granocuna huaquichina huasitapish, chai ucupi granocunata huaquichinacunatapish mana charinchu. Ashtahuanpish Taita Diosca caranllami. ¿Manachu cancunaca pajarocunatapish yalli canguichij? 25Cancunamanta ¿maijantaj ashtahuan huiñana yuyailla cashpa, chaupi varahuan huiñai tucunguichij? 26Cai ashallacunatapish mana rurai tucushpaca ¿ima nishpataj ashtahuan shujtajcuna yuyailla causanguichij?
27Chagrapi tiyaj lirio sisacuna ima shina huiñajta alli ricuichigari: Mana trabajanchu, mana puchcanchu. Ashtahuanpish cashnami nini: Salomonca achcata charij cashpapish chai sisa shina sumajtaca manataj churarircachu. 28Taita Diosca q'uihuacunatapish sumajtami huiñachin. Cayaca rupanapajlla caj q'uihuamanpish chashna churachishpaca ¿manachu cancunamancarin chaitapish yalli churachinga? Chaita yachashpapish mana tucui shunguhuan cringuichijchu. 29Cancunaca imatataj micushun, imatataj ubyashun nishpa ama chai yuyailla causaichijchu. 30Taita Diosta mana rijsijcunallami tucui chaicuna yuyailla causan. Ashtahuanpish cancunapaj Yayaca, cancunapaj imalla illashcataca ñamari yachan. 31Cancunaca Taita Dios mandashcaraj tucuichij. Chaipica Taita Diosca ima charina cashcataca cancunaman cungallami.
Jahua pachapi huaquichinami
(Mt 6.19-21)
32Ñuca ovejacunalla, ashalla cashpapish ama manchaichijchu. Ashtahuanpish Taita Diosca cushicushpami cancunahuan mandasha nicun. 33Ima charishcacunata c'atushpa, huajchacunaman cuichij. Jahua pachapi mana ismuj muchilapi huaquichishpa huiñaipaj charijyaichij. Chaipica shuhuapish mana shuhuanchu, polillapish mana micunchu. 34Cancunapaj charishcacuna maipimi, cancunapaj shungupish chai yuyaillami canga.
Allichirishca shuyanami
35Cancunaca ña chumbillirishca, lamparatapish japichishca caichij. 36Bodamanta amo tigramushpa cayanca, pascangapaj chaparacuj servij shina caichij. 37Amo shamunapaj mana dormishpa chaparacuj servijcunaca cushichishcami canga. Chai amo shamushpaca chumbillirishpami mezapi tiyachishpa paicunaman caranga. Chashnatajmi canga. 38Chaupi tutata shamushpapish, pacaricuita shamushpapish, mana dormishpa chapacujta japishpaca, chai servijcunataca cushichingami. 39Ashtahuanpish caita yuyarichij: Ima hora shuhua shamunata huasiyuj yaya yachashpaca, chaparashpami paipaj huasiman yaicuchunca mana saquinman. 40Runa Aichayujpish, mana yuyashca horaspi shamuna cashcamanta cancunapish allichirishca chaparaichij” nircami.
Allita ruraj servijpish, mana allita ruraj servijpish
(Mt 24.45-51)
41Chaimi Pedroca:
–Mandaj Jesús ¿chai yuyachij parlotaca ñucanchijllamanchu, mana cashpaca tucuicunamanchu yuyachishpa parlangui?– nijpi, 42Mandaj Jesusca:
–¿Maijanshi ima rurana cashcata chaitataj ruraj servijca canga? Amo paipaj huasipi cajcunaman carana horaspitaj carachun saquijpi chashnataj ruraj servijmari alli runaca. 43Paipaj amo shamushpa chashna ruracujta japishpaca, chai servijtaca cushichishpa, 44paipaj tucui charishcacunatapish ricuj cachunpishmi churanga. Chashnatajmi canga. 45Ashtahuanpish chai servijca: “Ñuca amoca manaraj shamungachu” nishpa paipaj shungullapi yuyashpa, amopaj caishuj servijcunata macashpa, machajcunahuan micushpa, ubyashpa puri callaringachari. 46Chai servijpaj amoca, pai mana yuyashca punllapi, mana yuyashca horaspi tigramushpaca, chai servijtaca jatunta llaquichishca cachun mana allicunahuan churangachari.
47Amo imata rurachun nishcata yachaj servijca, yachashca jahua mana cazushcamanta mana rurashcamantaca achcata llaquichishcami canga. 48Maijan mana yachashcamanta ima mana allita rurashca cajpica, mana yalli llaquichishcachu canga. Piman achcata cushpaca, achcallatatajmi mañanga. Maijanman achcata mingashca cashpaca, achcallatatajmi tapunga.
Jesusta catijpica ch'icanyarinacui tiyangami nishcami
(Mt 10.34-36)
49Cai pachapica ninata japichingapajmi shamurcani. ¡Ñucaca, ña japichishca rupacuj cachunmi munani! 50Shuj bautismopimi bautizarinaraj cani. ¡Chai pajtangacamaca llaquihuan huañucunimari! 51Ñucataca cai pachapi sumaj causai tiyachun shamushcataca ama yuyanguichij. Ashtahuanpish p'iñanacui tiyachunmi shamurcani. Chaica chashnatajmi. 52Cunanmanta pacha shuj huasipi pichcapura causashpaca, chaupirinacungami. Quimsaca ishquitami p'iñanga, ishquica quimsatami p'iñanga. 53Yayaca churita, churica yayata, mamaca ushushita, ushushica mamata, suedraca nuerata, nueraca suedrata p'iñashpami chaupirinacunga– nircami.
Ima punllacunapi cashcataca ¿ima nishpataj mana yachanguichij? nishcami
(Mt 16.1-4; Mr 8.11-13)
54Chai gentecunataca Jesusca caitapishmi nirca: “Inti huashicunmanta p'uyu llujshijta ricushpaca: “Tamyagrinmi” ninguichijmi. Chaica chashnatajmi tucun. 55Uramanta huaira p'ucujpica: “Rupaimi canga” ninguichijmi. Chaipish chashnallatajmi tucun. 56¡Mishqui shimi jayaj shungucuna! Punllacuna ima shina tucucujtaca yachanguichijmi. ¿Ima nishpataj ima punllacunapi cashcataca mana yachanguichij?
Canta p'iñajhuan utca alli tucungui nishcami
(Mt 5.25-26)
57¿Ima shina rurashpa cashcata ruraj cana cashcataca cancunallatajca ima nishpataj mana yuyaringuichij? 58Maijanpish canta imamanta juchachishpa juezpajman apacujpica, ñanpiraj paihuan allichingui. Ashtahuanpish juezpajman chayachijpi juezca soldadoman cujpi carcelpimi churanga. 59Chaimantaca tucui cullquita pagashpallami llujshingui. Chashnatajmi canga” nircami.
Currently Selected:
LUCAS 12: QCHI04
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.
LUCAS 12
12
Mishqui shimi jayaj shunguca ama canguichij nishcami
1Jesús rimangacamaca, huaranga huaranga gentecuna tandanacushpami, paicunapura sarurinacucurcacuna. Chaimi Jesusca paipaj yachacujcunataca cashna nirca:
–Fariseocunapaj levaduramanta cuidaringuichij. Pajta paicuna shina mishqui shimi jayaj shungu canguichijman. 2Ima mana pacalla cangachu, tucuimi ricuchishca canga. Ima pacalla cajpish mana yachashcaca mana cangachu. 3Amsapi tucui imalla nishcacunaca, achijpimi uyaringa. Huasi ucupi rinrinllapi allijlla parlashcaca, huasi jahuamanta caparishpa huillashcami uyaringa.
Taita Diosllata manchanami
(Mt 10.26-31)
4Ñucahuan apanacujcuna cancunamanca caitami huillani: Cuerpota huañuchijcunataca, ama manchaichijchu. Huañuchishca q'uipaca, imata mana ashtahuan rurai tucungacunachu. 5Pita manchana cashcata yachachisha: Cancunaca causaita quichushpa ucu pachaman cachai tucuj Taita Diosta manchaichij. Paitatajca manchanami canguichij.
6¿Manachu pichca pajarocunata ishqui cullquipi c'atuncuna? Chashna cajpipish chai pajarocunataca Taita Diosca shujllatapish mana cungarinchu. 7Cancunapaj uma ajchapish tucui yupashcami canguichij. Chaimanta amataj manchaichijchu. Cancunacarin achca pajarocunatapish yalli valijmi canguichij.
Jesusta catij cashcata mana pingarinami
8Cancunaman huillanimi: Shujtajcunapaj ñaupajpi ñucata catij cashcata huillajpica, Runa Aichayuj ñucapish Taita Diospaj angelcunapaj ñaupajpica caicunaca ñucata catijcunami nishami. 9Ashtahuanpish shujtajcunapaj ñaupajpi ñucata catij cashcata huillanata pinganachijpica, ñucapish Taita Diospaj angelcunapaj ñaupajpica, paimanta huillanataca pingarishami.
10Runa Aichayujta maijanpish p'iñajtaca perdonangami. Ashtahuanpish jucha illaj Espirituta p'iñashpa rimajtaca, manataj perdonangachu.
11Sinagogacunaman, juezcunapajman, mandajcunapajmanpish cancunata apajpica, imatataj nishun, imatataj rimashun nishpa ama manchanguichij. 12Imalla rimana cashcataca, jucha illaj Espiritumi chai horallataj yachachinga– nircami.
Achcata charijyashpa Taita Diosta cungarishcami
13Chaipi cajcunamanta shujmi Jesustaca:
–Yachachij, ñuca huauquillata ñuca yayamanta herenciata ñucamanpish chaupichun nipai– nirca.
14Chaimi Jesusca:
–Ñucataca ¿pitaj cancunapaj juez cachun, mana cashpaca chaupishpa cuj cachun churarca? nishpaca,
15cashnami nirca: Pajta ñataj mitsa tucushpa ashtahuan charisha ninguichijman. Achcata charishcacunaca mana causaita cunchu– nirca.
16Shuj yuyachij parlotapishmi, cashna nishpa parlarca: “Shuj charij runapaj allpapimi achca grano p'ucushca carca. 17Chaimi paipaj shungupica: “¿Imatataj rurashari? Ñuca granocunata huaquichinaca ña maipi mana tiyanca” nirishpami, 18cashna nirirca: “Cunanca caita rurasha: Cai huaquichinacunata urmachishpa, ashtahuan jatuncunata shayachisha. Ñuca tucui granocunatapish, tucui charishcacunatapish chaipi huaquichingapaj. 19Chashna huaquichishpaca paipaj yuyaitaca: Achcatami tauca huatacunapaj huaquichishcata charingui. Cunantajca samarishpa, micucuilla, ubyacuilla, cushicucuilla niricurcami”. 20Ashtahuanpish Taita Diosca chai runataca: “Yuyai illaj, cunan tutallatajmari cambaj causaita quichugrin. Tucui can huaquichishcacunaca ¿pipajshi canga?” nirca. 21Cai causaillapi quiquinpajlla tucuita tandachishpa huaquichijca, Taita Diospaj ñaupajpica imata mana charinchu” nircami.
Taita Diosca paipaj huahuacunapaj ima illashcataca ñami yachan
(Mt 6.25-34)
22Chai q'uipami Jesusca paipaj yachacujcunataca cashna nirca: Chashna cana cashcamanta: “Cancunapaj causaipica, imatataj micushun, cuerpopipish imatataj churashun nishpa ama chai yuyailla caichijchu. 23Causaimari micunatapish ashtahuan yalli alli, cuerpomari churanatapish ashtahuan yalli alli. 24Cuervocunata ricushpallapish yuyarichigari: Paicunaca mana tarpunchu, mana tandanchu, granocuna huaquichina huasitapish, chai ucupi granocunata huaquichinacunatapish mana charinchu. Ashtahuanpish Taita Diosca caranllami. ¿Manachu cancunaca pajarocunatapish yalli canguichij? 25Cancunamanta ¿maijantaj ashtahuan huiñana yuyailla cashpa, chaupi varahuan huiñai tucunguichij? 26Cai ashallacunatapish mana rurai tucushpaca ¿ima nishpataj ashtahuan shujtajcuna yuyailla causanguichij?
27Chagrapi tiyaj lirio sisacuna ima shina huiñajta alli ricuichigari: Mana trabajanchu, mana puchcanchu. Ashtahuanpish cashnami nini: Salomonca achcata charij cashpapish chai sisa shina sumajtaca manataj churarircachu. 28Taita Diosca q'uihuacunatapish sumajtami huiñachin. Cayaca rupanapajlla caj q'uihuamanpish chashna churachishpaca ¿manachu cancunamancarin chaitapish yalli churachinga? Chaita yachashpapish mana tucui shunguhuan cringuichijchu. 29Cancunaca imatataj micushun, imatataj ubyashun nishpa ama chai yuyailla causaichijchu. 30Taita Diosta mana rijsijcunallami tucui chaicuna yuyailla causan. Ashtahuanpish cancunapaj Yayaca, cancunapaj imalla illashcataca ñamari yachan. 31Cancunaca Taita Dios mandashcaraj tucuichij. Chaipica Taita Diosca ima charina cashcataca cancunaman cungallami.
Jahua pachapi huaquichinami
(Mt 6.19-21)
32Ñuca ovejacunalla, ashalla cashpapish ama manchaichijchu. Ashtahuanpish Taita Diosca cushicushpami cancunahuan mandasha nicun. 33Ima charishcacunata c'atushpa, huajchacunaman cuichij. Jahua pachapi mana ismuj muchilapi huaquichishpa huiñaipaj charijyaichij. Chaipica shuhuapish mana shuhuanchu, polillapish mana micunchu. 34Cancunapaj charishcacuna maipimi, cancunapaj shungupish chai yuyaillami canga.
Allichirishca shuyanami
35Cancunaca ña chumbillirishca, lamparatapish japichishca caichij. 36Bodamanta amo tigramushpa cayanca, pascangapaj chaparacuj servij shina caichij. 37Amo shamunapaj mana dormishpa chaparacuj servijcunaca cushichishcami canga. Chai amo shamushpaca chumbillirishpami mezapi tiyachishpa paicunaman caranga. Chashnatajmi canga. 38Chaupi tutata shamushpapish, pacaricuita shamushpapish, mana dormishpa chapacujta japishpaca, chai servijcunataca cushichingami. 39Ashtahuanpish caita yuyarichij: Ima hora shuhua shamunata huasiyuj yaya yachashpaca, chaparashpami paipaj huasiman yaicuchunca mana saquinman. 40Runa Aichayujpish, mana yuyashca horaspi shamuna cashcamanta cancunapish allichirishca chaparaichij” nircami.
Allita ruraj servijpish, mana allita ruraj servijpish
(Mt 24.45-51)
41Chaimi Pedroca:
–Mandaj Jesús ¿chai yuyachij parlotaca ñucanchijllamanchu, mana cashpaca tucuicunamanchu yuyachishpa parlangui?– nijpi, 42Mandaj Jesusca:
–¿Maijanshi ima rurana cashcata chaitataj ruraj servijca canga? Amo paipaj huasipi cajcunaman carana horaspitaj carachun saquijpi chashnataj ruraj servijmari alli runaca. 43Paipaj amo shamushpa chashna ruracujta japishpaca, chai servijtaca cushichishpa, 44paipaj tucui charishcacunatapish ricuj cachunpishmi churanga. Chashnatajmi canga. 45Ashtahuanpish chai servijca: “Ñuca amoca manaraj shamungachu” nishpa paipaj shungullapi yuyashpa, amopaj caishuj servijcunata macashpa, machajcunahuan micushpa, ubyashpa puri callaringachari. 46Chai servijpaj amoca, pai mana yuyashca punllapi, mana yuyashca horaspi tigramushpaca, chai servijtaca jatunta llaquichishca cachun mana allicunahuan churangachari.
47Amo imata rurachun nishcata yachaj servijca, yachashca jahua mana cazushcamanta mana rurashcamantaca achcata llaquichishcami canga. 48Maijan mana yachashcamanta ima mana allita rurashca cajpica, mana yalli llaquichishcachu canga. Piman achcata cushpaca, achcallatatajmi mañanga. Maijanman achcata mingashca cashpaca, achcallatatajmi tapunga.
Jesusta catijpica ch'icanyarinacui tiyangami nishcami
(Mt 10.34-36)
49Cai pachapica ninata japichingapajmi shamurcani. ¡Ñucaca, ña japichishca rupacuj cachunmi munani! 50Shuj bautismopimi bautizarinaraj cani. ¡Chai pajtangacamaca llaquihuan huañucunimari! 51Ñucataca cai pachapi sumaj causai tiyachun shamushcataca ama yuyanguichij. Ashtahuanpish p'iñanacui tiyachunmi shamurcani. Chaica chashnatajmi. 52Cunanmanta pacha shuj huasipi pichcapura causashpaca, chaupirinacungami. Quimsaca ishquitami p'iñanga, ishquica quimsatami p'iñanga. 53Yayaca churita, churica yayata, mamaca ushushita, ushushica mamata, suedraca nuerata, nueraca suedrata p'iñashpami chaupirinacunga– nircami.
Ima punllacunapi cashcataca ¿ima nishpataj mana yachanguichij? nishcami
(Mt 16.1-4; Mr 8.11-13)
54Chai gentecunataca Jesusca caitapishmi nirca: “Inti huashicunmanta p'uyu llujshijta ricushpaca: “Tamyagrinmi” ninguichijmi. Chaica chashnatajmi tucun. 55Uramanta huaira p'ucujpica: “Rupaimi canga” ninguichijmi. Chaipish chashnallatajmi tucun. 56¡Mishqui shimi jayaj shungucuna! Punllacuna ima shina tucucujtaca yachanguichijmi. ¿Ima nishpataj ima punllacunapi cashcataca mana yachanguichij?
Canta p'iñajhuan utca alli tucungui nishcami
(Mt 5.25-26)
57¿Ima shina rurashpa cashcata ruraj cana cashcataca cancunallatajca ima nishpataj mana yuyaringuichij? 58Maijanpish canta imamanta juchachishpa juezpajman apacujpica, ñanpiraj paihuan allichingui. Ashtahuanpish juezpajman chayachijpi juezca soldadoman cujpi carcelpimi churanga. 59Chaimantaca tucui cullquita pagashpallami llujshingui. Chashnatajmi canga” nircami.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.