LUCAS 13
13
Mana allita ruracushcata mana saquishpaca chingaringuichijmi
1Jesús chashna yachachicujpica, taucacuna paipajman shamushpami:
–Galileamanta runacuna Taita Diosman sacrificiota cucujpica, Pilatoca paicunatapish huañuchishpami, paicunapaj yahuartaca chai animalcunapaj yahuarhuan chagrurca– nishpami parlarcacuna. 2Jesús cutichishpaca: “¿Chai galileocuna huañushcamantaca, caishuj galileocunata yalli juchayujcuna cashcamantami chashna tucushca yuyanguichijchu? 3Cancunataca cashnami nini: Millaita ruracushcata mana yuyashpa mana cutirishpaca paicuna shinallatajmi tucuicuna chingaringuichij. 4Siloepica, jatun torre urmashpami chunga pusajcunata llapishpa huañuchirca. ¿Jerusalenpi causajcunata yalli millai runacuna cashcamantachu chashna tucushca yuyanguichijchu? 5Cancunatapish cashnami nini: Millaita ruracushcata mana yuyashpa mana cutirishpaca paicuna shinallatajmi tucuicuna chingaringuichij” nircami.
Mana p'ucuj higo yuramanta yuyachij parlomi
6Cai yuyachij parlotapishmi cashna parlarca: “Shuj runami, paipaj uvas chagrapi higo yuratapish tarpushpa charirca. Paica p'ucushca granota mashcanaman shamushpaca, imata mana japishpaca, 7uvas chagrata cuidajtaca: “Ña quimsa huata cajpimari, cai yurapi granota mashcaj shamurcani, manamari japinichu. ¿Imapajtaj yanga cai allpapica shayacungalla? ¡P'itishpa shitai!” nirca. 8Chaimi chagrata cuidajca: Amito, cai huatallahuan saquipai. Paipaj muyundij allpata cuyuchishpa, majadata churashpa ricusha. 9Chaipi p'ucujpica allimi canga, chaipipish mana p'ucujpica p'itishpa shitangui” nirca.
Samana punllapi shuj huarmita Jesús alliyachishcami
10Samana punllapimi, Jesusca sinagogapi yachachicurca. 11Chaipica, unguchij supai curcuyachijpi chunga pusaj huatata curcuyashca shuj huarmimi tiyacurca. Chai huarmica manataj derecho shayari tucujmi carca. 12Paita Jesús ricushpa cayashpaca:
–Huarmi, cambaj ungüimantaca ñami cacharichishca cangui– nishpa, 13paipaj jahuapi maquita churajpica, chai huarmica derecho shayarishpami Taita Diosta sumajmari cangui nirca. 14Samana punllapi Jesús alliyachijta ricushpami, sinagogapi jatun pushajca, achcata p'iñarishpa chaipi cajcunataca:
–Trabajanapajca sujta punllacunami tiyan. Chai punllacunapimi, alliyachichunca shamuna canguichij. Samana punllapica mana shamunachu canguichij– nirca.
15Mandaj Jesusca cashnami nirca:
–¡Mishqui shimi jayaj shungu! ¿Manachu cancunaca, cancunapaj huagrata, burrotaca samana punlla cajpipish, huatashcamanta cacharishpa, yacuta ubyachinaman pushanguichij? 16Cai huarmica, Abrahampaj huahua huahuamari. Paitaca, chunga pusaj huatacunatami Satanasca huatashcata charicushca. Samana punlla cajpipish, chai huatashcamantaca cacharichinami cani– nirca.
17Jesús chashna nijpica tucui paita p'iñacujcunami achcata pingarircacuna. Ashtahuanpish chai tucui achcacunaca Jesús chai alli sumajcunata rurajta ricushpaca achcatami cushicurcacuna.
Mostaza muyumanta yuyachishpa parlashcami
(Mt 13.31-32; Mr 4.30-32)
18Jesusca cashnapishmi nirca: “Taita Dios mandacujpi ima shina canataca ¿imaman rijchaj nishpataj ch'imbapurashpa ricuchishari? 19Chaica cashnami canga. Mostaza muyuta shuj runa paipaj allpapi tarpujpica jatun yurami tucun. Chai muyu huiñashpa jatun yura tucujpica, pajarocunami tazinashpa causancuna. Taita Dios mandacujpipish chashnami canga” nircami.
Levaduramanta yuyachishpa parlashcami
(Mt 13.33)
20Jesusca cutinmi cashna nirca: “Taita Dios mandacujpi ima shina canataca ¿imahuantaj ch'imbapurashari? 21Taita Dios mandacujpica cashnami canga. Shuj huarmi quimsa taza cutapi levadurahuan chapujpi, tucuita p'unguillichij shinami canga” nirca.
Quichqui punguta yaicunami
(Mt 7.13-14, 21-23)
22Jesusca Jerusalenman ricushpaca pueblocunapi, uchilla llajtacunapi, yachachihuan yachachihuan ricujpi, 23shuj runa tapushpaca:
–Amito, ¿quishpirijcunaca ashacunallachu?– nijpi Jesusca:
24–Quichqui punguta yaicunata yuyaichij. Achcacunami yaicunata yuyangacuna. Ashtahuanpish mana yaicui tucungacunachu. Chaica chashnatajmi. 25Huasiyuj yaya jatarishpa punguta huichcashca q'uipami, canllapi cajcunaca pungumanta cashna nishpa cayai callaringuichij: “Amito, Amito, punguta pascapai” ninguichijmi. Ashtahuanpish paica cancunataca: “Mana rijsinichu, maimantapishchari canguichij” ningami. 26Shina nijpica: “Canhuanmi micurcanchij, ubyarcanchij. Canllatajmari ñucanchij plazacunapipish yachachircangui” ninguichijmi. 27Ashtahuanpish huasiyujca: “Mana rijsinichu, nijtaca uyaichigari. Millaita rurajcuna caimanta anchuichij” ningami. 28Taita Dios mandacujpi Abrahamta, Isaacta, Jacobta, tucui profetacunatapish chaipi cajta ricushpaca, cancunaca canllaman shitashca cashcamanta quirucuna canirinacushpami huacanguichij. 29Taita Dios ña mandacujpica, inti llujshinmanta, inti huashicunmanta janajmanta, uramantapish gentecuna shamushpami, micungapaj tiyaringacuna. 30Chaipica, cunan puntapi cajcunaca, huashayachishcami cangacuna. Cunan huashaman cajcunaca puntapi churashcami cangacuna– nircami.
Jerusalenpi causajcunamanta Jesús achcata llaquirishcami
(Mt 23.37-39)
31Chai punllallataj maijan fariseocuna Jesuspajman chayashpaca:
–Cantaca Herodesca, huañuchisha nicunmari, caimanta llujshishpa utca ri– nijpimi, 32Jesusca:
–Richij, chai zorramanca cashna nigrichij: “Cunanhuan, cayahuan supaicunata llujshichishpa, ungushcacunata alliyachishpaca, quimsa punlla q'uipaca ñuca rurana cashcataca tucuchishallami”. 33Shina cashpapish cunanpish, cayapish, cayapaj cayapish ñuca maiman ricushcamanca rinallami cani. Shuj profetataca shujtaj llajtapica mana huañuchinallachu. Jerusalenllapimi huañuchina. 34¡Jerusalenpi causajcunalla, Jerusalenpi causajcunalla, profetacunata huañuchijcuna, Taita Dios cachashca huillajcunata rumihuan shitajcunami canguichij! ¡Tauca cutinmi mama atillpa paipaj huahuacunata alas ucupi ugllaj shina tandachisha nircani! Ashtahuanpish mana uyarcanguichijchu.
35Chaimantami cancunapaj huasica shitashca saquiringa. Ñucataca cunanmanta pachami: “Jatun Diospaj shutipi shamucuj, allimari cangui” nina punllacama manataj ricunguichij– nircami.
Currently Selected:
LUCAS 13: QCHI04
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.
LUCAS 13
13
Mana allita ruracushcata mana saquishpaca chingaringuichijmi
1Jesús chashna yachachicujpica, taucacuna paipajman shamushpami:
–Galileamanta runacuna Taita Diosman sacrificiota cucujpica, Pilatoca paicunatapish huañuchishpami, paicunapaj yahuartaca chai animalcunapaj yahuarhuan chagrurca– nishpami parlarcacuna. 2Jesús cutichishpaca: “¿Chai galileocuna huañushcamantaca, caishuj galileocunata yalli juchayujcuna cashcamantami chashna tucushca yuyanguichijchu? 3Cancunataca cashnami nini: Millaita ruracushcata mana yuyashpa mana cutirishpaca paicuna shinallatajmi tucuicuna chingaringuichij. 4Siloepica, jatun torre urmashpami chunga pusajcunata llapishpa huañuchirca. ¿Jerusalenpi causajcunata yalli millai runacuna cashcamantachu chashna tucushca yuyanguichijchu? 5Cancunatapish cashnami nini: Millaita ruracushcata mana yuyashpa mana cutirishpaca paicuna shinallatajmi tucuicuna chingaringuichij” nircami.
Mana p'ucuj higo yuramanta yuyachij parlomi
6Cai yuyachij parlotapishmi cashna parlarca: “Shuj runami, paipaj uvas chagrapi higo yuratapish tarpushpa charirca. Paica p'ucushca granota mashcanaman shamushpaca, imata mana japishpaca, 7uvas chagrata cuidajtaca: “Ña quimsa huata cajpimari, cai yurapi granota mashcaj shamurcani, manamari japinichu. ¿Imapajtaj yanga cai allpapica shayacungalla? ¡P'itishpa shitai!” nirca. 8Chaimi chagrata cuidajca: Amito, cai huatallahuan saquipai. Paipaj muyundij allpata cuyuchishpa, majadata churashpa ricusha. 9Chaipi p'ucujpica allimi canga, chaipipish mana p'ucujpica p'itishpa shitangui” nirca.
Samana punllapi shuj huarmita Jesús alliyachishcami
10Samana punllapimi, Jesusca sinagogapi yachachicurca. 11Chaipica, unguchij supai curcuyachijpi chunga pusaj huatata curcuyashca shuj huarmimi tiyacurca. Chai huarmica manataj derecho shayari tucujmi carca. 12Paita Jesús ricushpa cayashpaca:
–Huarmi, cambaj ungüimantaca ñami cacharichishca cangui– nishpa, 13paipaj jahuapi maquita churajpica, chai huarmica derecho shayarishpami Taita Diosta sumajmari cangui nirca. 14Samana punllapi Jesús alliyachijta ricushpami, sinagogapi jatun pushajca, achcata p'iñarishpa chaipi cajcunataca:
–Trabajanapajca sujta punllacunami tiyan. Chai punllacunapimi, alliyachichunca shamuna canguichij. Samana punllapica mana shamunachu canguichij– nirca.
15Mandaj Jesusca cashnami nirca:
–¡Mishqui shimi jayaj shungu! ¿Manachu cancunaca, cancunapaj huagrata, burrotaca samana punlla cajpipish, huatashcamanta cacharishpa, yacuta ubyachinaman pushanguichij? 16Cai huarmica, Abrahampaj huahua huahuamari. Paitaca, chunga pusaj huatacunatami Satanasca huatashcata charicushca. Samana punlla cajpipish, chai huatashcamantaca cacharichinami cani– nirca.
17Jesús chashna nijpica tucui paita p'iñacujcunami achcata pingarircacuna. Ashtahuanpish chai tucui achcacunaca Jesús chai alli sumajcunata rurajta ricushpaca achcatami cushicurcacuna.
Mostaza muyumanta yuyachishpa parlashcami
(Mt 13.31-32; Mr 4.30-32)
18Jesusca cashnapishmi nirca: “Taita Dios mandacujpi ima shina canataca ¿imaman rijchaj nishpataj ch'imbapurashpa ricuchishari? 19Chaica cashnami canga. Mostaza muyuta shuj runa paipaj allpapi tarpujpica jatun yurami tucun. Chai muyu huiñashpa jatun yura tucujpica, pajarocunami tazinashpa causancuna. Taita Dios mandacujpipish chashnami canga” nircami.
Levaduramanta yuyachishpa parlashcami
(Mt 13.33)
20Jesusca cutinmi cashna nirca: “Taita Dios mandacujpi ima shina canataca ¿imahuantaj ch'imbapurashari? 21Taita Dios mandacujpica cashnami canga. Shuj huarmi quimsa taza cutapi levadurahuan chapujpi, tucuita p'unguillichij shinami canga” nirca.
Quichqui punguta yaicunami
(Mt 7.13-14, 21-23)
22Jesusca Jerusalenman ricushpaca pueblocunapi, uchilla llajtacunapi, yachachihuan yachachihuan ricujpi, 23shuj runa tapushpaca:
–Amito, ¿quishpirijcunaca ashacunallachu?– nijpi Jesusca:
24–Quichqui punguta yaicunata yuyaichij. Achcacunami yaicunata yuyangacuna. Ashtahuanpish mana yaicui tucungacunachu. Chaica chashnatajmi. 25Huasiyuj yaya jatarishpa punguta huichcashca q'uipami, canllapi cajcunaca pungumanta cashna nishpa cayai callaringuichij: “Amito, Amito, punguta pascapai” ninguichijmi. Ashtahuanpish paica cancunataca: “Mana rijsinichu, maimantapishchari canguichij” ningami. 26Shina nijpica: “Canhuanmi micurcanchij, ubyarcanchij. Canllatajmari ñucanchij plazacunapipish yachachircangui” ninguichijmi. 27Ashtahuanpish huasiyujca: “Mana rijsinichu, nijtaca uyaichigari. Millaita rurajcuna caimanta anchuichij” ningami. 28Taita Dios mandacujpi Abrahamta, Isaacta, Jacobta, tucui profetacunatapish chaipi cajta ricushpaca, cancunaca canllaman shitashca cashcamanta quirucuna canirinacushpami huacanguichij. 29Taita Dios ña mandacujpica, inti llujshinmanta, inti huashicunmanta janajmanta, uramantapish gentecuna shamushpami, micungapaj tiyaringacuna. 30Chaipica, cunan puntapi cajcunaca, huashayachishcami cangacuna. Cunan huashaman cajcunaca puntapi churashcami cangacuna– nircami.
Jerusalenpi causajcunamanta Jesús achcata llaquirishcami
(Mt 23.37-39)
31Chai punllallataj maijan fariseocuna Jesuspajman chayashpaca:
–Cantaca Herodesca, huañuchisha nicunmari, caimanta llujshishpa utca ri– nijpimi, 32Jesusca:
–Richij, chai zorramanca cashna nigrichij: “Cunanhuan, cayahuan supaicunata llujshichishpa, ungushcacunata alliyachishpaca, quimsa punlla q'uipaca ñuca rurana cashcataca tucuchishallami”. 33Shina cashpapish cunanpish, cayapish, cayapaj cayapish ñuca maiman ricushcamanca rinallami cani. Shuj profetataca shujtaj llajtapica mana huañuchinallachu. Jerusalenllapimi huañuchina. 34¡Jerusalenpi causajcunalla, Jerusalenpi causajcunalla, profetacunata huañuchijcuna, Taita Dios cachashca huillajcunata rumihuan shitajcunami canguichij! ¡Tauca cutinmi mama atillpa paipaj huahuacunata alas ucupi ugllaj shina tandachisha nircani! Ashtahuanpish mana uyarcanguichijchu.
35Chaimantami cancunapaj huasica shitashca saquiringa. Ñucataca cunanmanta pachami: “Jatun Diospaj shutipi shamucuj, allimari cangui” nina punllacama manataj ricunguichij– nircami.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.