Lukasi 20
20
ToParisi mekunehe i Yesu kahangko iumbana mai kuasaNa
(Mat. 21:23-27; Mrk. 11:27-33)
1Hambela tempo, Yesu mepaturo hai mopahawe Ngkora Marasa i tauna bosa au mogulu i Souna Pue Ala. Unga peahe hawe kapala-kapala tadulako mpenomba hai guru-guru agama hai totosaenda to Yahudi. Mekunehe i Yesu, rauli, 2“Nuuliangaangkai hangko iumba kuasaMu mobabehi ope-ope iti? Hema au moweiKo kuasa iti?”
3Nahanai Yesu, “Ara wori hampaka pekuneNgku irikamu. 4Hangko iumba kuasana Yohane Toperiu moriu tauna? Hangko i Pue Ala, ba hangko i manusia?”
5Mololitamohe tauna iti, hadua hai hadua, rauli, “Noumbami katahanaina? Ane tauli kuasana iti hangko i Pue Ala, ina Nauliangaake, ‘Ane nodo, moapari hai barakau mepoinalai i Yohane?’ 6Agaiana ane tauli kuasana hangko i manusia pea, hangangaa rawatuike tauna bosa, lawi ope-ope tauna manguli Yohane iti hadua nabi.” 7Mewali, rahanai, rauli, “Bara kiisa.”
8Ido hai Nauliangaahe Yesu, “Ane nodo, bara worikau Kuuliangaa hangko iumba mai kuasaNgku mobabehi iti!”
Ngkora pandiri kana i topobago i bonde anggoro
(Mat. 21:33-46; Mrk. 12:1-12)
9Roo indo, Yesu mopahawe hampaka ngkora pandiri i tauna bosa, Nauli, “Ara hadua tauna au motudai bondena hai anggoro. Ampu bonde iti mosaro bahangkia tauna mokadipura bondena i tempona padu lao i boea ntanina, lawi tunggaiana mahae haodi maida inditi. 10Hawemi tempona mopupu wua anggoro, natudumi hadua hawina lao merapi kirana hangko i topokadipura bondena. Agaiana topokadipura iti mohakarihe hawi au ratudu pane rapapahai hai ratudu mesule loa-loa. 11Roo indo, ampu bonde iti motudu mbulimi hadua hawina. Hawe inditi, rapapahairi, rakakabosai hai rapopesule wori loa-loa. 12Hangko inditi, natudu mbulimi hadua hawina. Hawe inditi, rapapahai wori hai ratende i raoa bonde.
13Roo indo, naulimi ampu bonde iti, ‘Apa au hangangaa kubabehi? Aginami anangku au kupokaahi kutudu lao. Babila ina raadai.’
14Agaiana, i karaitana topokadipura bonde, anana iti, mogombomohe, rauli, ‘Oloumi mai anana, ia au ina mewali ampu bonde ide. Agina tapapate, hai taala bondena hai ope-ope ihina.’ 15Mewali, rahaka mpuumi, rabisoso lao i raoa bonde hai rapapate.”
Roo indo, napapulo Yesu lolitaNa, Nauli, “Ane mesule ampu bonde iti, apa au ina nababehi? 16Batena topokadipura bondena iti maihe napapate, hai bondena ina naweihe tauna ntanina.”#20:9-16 Peita uki i woi i Matiu 21:33-41.
Karahadina tauna bosa ngkora pandiri iti, mololitamohe i Yesu, rauli, “Inee mpuu hawe mewali nodo! Ikita to Yahudi, barake ina nahuku Pue Ala nodo topokadipura bonde i lalu ngkora pandiriMu iti!”
17Agaiana Natotokihe Yesu hai Nauli, “Apa lempona lolita ide au teuki i lalu Sura Malelaha:
‘Watu au ratende topoaro sou,
watu iti au mewali pohudaa sou’?”#Pta. 118:22
18Hai nauli mbuli Yesu, “Ope-ope tauna au manawo i watu iti ina maretahe. Hai hema au narumpa watu iti ina marupu.”#20:18 Pue Yesu rapandiri nodo watu. Lempona: hema au mosapuaka Yesu ina molambi pehuku.
Pobaiari asele
(Mat. 22:15-22; Mrk. 12:13-17)
19Guru-guru agama hai kapala-kapala tadulako mpenomba moisa kaihirana au natunggai Yesu i lalu ngkora pandiriNa inona. Ido hai arami tunggaianda mohaka Yesu i tempo iti. Agaiana barahe bai, lawi mampokalangahe tauna bosa. 20Mewali, mohaokihe tempo au maroa, hai motudumohe bahangkia tauna lao i Yesu mohaoki kamasalana lolitaNa bona peisa raanti lao i gubernur Roma hai rasalai i lindona. Tauna au ratudu iti, mengkamaroa peahe lawi tunggaianda mopakanawo Yesu. 21Kahawenda i Yesu, rauliangaa, “Guru, kiisa katouna lolitaMu hai ope-ope paturoMu. MepaturoKo i katou-touana moula peundeana Pue Ala, hai baraKo mampopontani tauna. 22Ido hai kipekuneKo: moula atura agamanta, hangangaa mobaiarike asele i Kaisar,#20:22 Kaisar iami datunda to Roma. I tempona Yesu tuwo i dunia, to Roma mokamumu tamponda to Yahudi. ba bara?”
23Agaiana naisari Yesu tunggaiana lalunda au tewuniangi. Ido hai Nauliangaahe: 24“NipopaitaaNa hampai mai doi hampeka! Lenggena hema hai hangana hema au ara i doi ide?”
Rahanai, rauli, “Lenggena hai hangana Kaisar.”
25Nauli Yesu, “Ane nodo, wei Kaisar apa au hintoto rawei Kaisar, hai wei Pue Ala apa au hintoto rawei Pue Ala.” 26Kahopoana tauna iti barahe peisa mopakanawo Yesu i lindo tauna bosa. Bara ara kamasalana lolitaNa au ralambi. Mandii-ndii peahe lawi tingkarahe mohadi pehanaNa.
Pearonda tomate
(Mat. 22:23-33; Mrk. 12:18-27)
27Roo indo, arahe bahangkia toSaduki au hawe i Yesu. Tosaduki iti iami tadulako agama Yahudi au manguli tauna au mate bara ina rapatuwo hule. 28Kahawenda toSaduki iti, mohaokihe kanawoana Yesu. Hai rauliangaa, “Guru, nabi Musa mouki i lalu sura atura agamanta node: ane hadua tobalilo au motambimi mate agaiana bara mani ara anana, halaluna hangangaa mampotambia bembana bona tauna iti ara pea pemuleana. 29Mewali, arahe pitu topohalalu, ope-opehe tobalilo. Au towutu, motambi. Bara mani wohiraia moana, matemi tobalilo iti. 30Adina mampotambia bembana. Bara mani worihe moana, matemi. 31Nodo wori au mewali i kataluna duuna hawe i kapituna. 32Kahopoana mate worimi towawine iti. 33Mewali, i alo pearonda tomate, ane tou-tou mpuu tomate tuwo hulehe, hemami ampuna towawine iti? Lawi pitumohe au mampotambia.”
34Nahanai Yesu, “Tauna au tuwo ide-ide, motambi hai rapopotambihe. 35Agaiana tauna au hintoto molambi kiranda i dunia au wou hai au napatuwo hulehe Pue Ala, barapohe motambi ba rapopotambi. 36Lawi katuwonda nodo katuwo malaeka, hai barapohe mate. Ihira iti, napoanahe Pue Ala, lawi Pue Ala mopatuwo hulehe.
37Ina Kutudungiakau lolita au ara i lalu Sura Malelaha au mopakanoto katuwonda hule tomate. I lalu sura Aturana Musa, tabasa tuntukana noumba Pue Ala mongkora i nabi Musa hangko i lalu lopo au rore. I tempo iti, Burahima, Isaki hai Yako, mahaemohe mate. Agaiana nauri nodo, Pue Ala mouliangaa Musa node: ‘Ikomi Pue Ala au rapenombai liliu Burahima, Isaki hai Yako.’ 38Mewali, hangko i lolitana Pue Ala iti, taisa ntepuu Burahima, Isaki hai Yako, batena tuwo manihe. Lawi barari tauna au mate au menomba i Pue Ala. Batena pea tauna au tuwo au menomba i Pue Ala. Lawi i Pue Ala ope-ope tauna tuwo.”
39I tempo iti, bahangkia guru agama mouliangaa Yesu, “Guru, tou mpuu pehanaMu.” 40Roo indo, barapi ara hadua au bai mampekune ba apa-apa i Yesu.
Datu Topehompo iami pemuleana Daudi
(Mat. 22:41-46; 23:5-7; Mrk. 12:35-40)
41Hangko indo, mekune Yesu i guru agama iti, Nauliangaahe, “Moapari hai rauli tauna, Datu Topehompo iami pemuleana Datu Daudi? 42Lawi Daudi haduduana mopakanoto Datu Topehompo iami Pue au napenombai. I lalu sura Petoia, nauli Daudi node:
Pue mongkora i Ampuku au kupenombai, Nauli,
‘MohudamoKo ntanda i koanaNgku
43duuna Kupopengkoruhe ope-ope iwaliMu Irio.’#Pta. 110:1
44Mewali, ane Datu Topehompo iami pemuleana Daudi, moapa hai nauli Daudi kaIanami Pue au napenombai?”
45Tanganda mani tauna bosa mampehadingi lolitaNa, nauli Yesu i topeguruNa: 46“Mainga-ingakau, ineekau mampeulai babehianda guru-guru agama. Raunde molumao mopake badu au mandoe, hai mampeinaohe rabila tauna bosa i pobalu-balua. Raunde mohuda i pohudaa au raadai i sou penombaa hai i posusaa. 47Mopakanawohe towawine au bemba bona rarampaki sounda. Hai mekakaehe mahae-hae motabungihi babehianda au kadake. Ina mantimi mpuu karahukunda!”
Currently Selected:
Lukasi 20: NPY
Highlight
Share
Copy
Want to have your highlights saved across all your devices? Sign up or sign in
@LAI 2016
Lukasi 20
20
ToParisi mekunehe i Yesu kahangko iumbana mai kuasaNa
(Mat. 21:23-27; Mrk. 11:27-33)
1Hambela tempo, Yesu mepaturo hai mopahawe Ngkora Marasa i tauna bosa au mogulu i Souna Pue Ala. Unga peahe hawe kapala-kapala tadulako mpenomba hai guru-guru agama hai totosaenda to Yahudi. Mekunehe i Yesu, rauli, 2“Nuuliangaangkai hangko iumba kuasaMu mobabehi ope-ope iti? Hema au moweiKo kuasa iti?”
3Nahanai Yesu, “Ara wori hampaka pekuneNgku irikamu. 4Hangko iumba kuasana Yohane Toperiu moriu tauna? Hangko i Pue Ala, ba hangko i manusia?”
5Mololitamohe tauna iti, hadua hai hadua, rauli, “Noumbami katahanaina? Ane tauli kuasana iti hangko i Pue Ala, ina Nauliangaake, ‘Ane nodo, moapari hai barakau mepoinalai i Yohane?’ 6Agaiana ane tauli kuasana hangko i manusia pea, hangangaa rawatuike tauna bosa, lawi ope-ope tauna manguli Yohane iti hadua nabi.” 7Mewali, rahanai, rauli, “Bara kiisa.”
8Ido hai Nauliangaahe Yesu, “Ane nodo, bara worikau Kuuliangaa hangko iumba mai kuasaNgku mobabehi iti!”
Ngkora pandiri kana i topobago i bonde anggoro
(Mat. 21:33-46; Mrk. 12:1-12)
9Roo indo, Yesu mopahawe hampaka ngkora pandiri i tauna bosa, Nauli, “Ara hadua tauna au motudai bondena hai anggoro. Ampu bonde iti mosaro bahangkia tauna mokadipura bondena i tempona padu lao i boea ntanina, lawi tunggaiana mahae haodi maida inditi. 10Hawemi tempona mopupu wua anggoro, natudumi hadua hawina lao merapi kirana hangko i topokadipura bondena. Agaiana topokadipura iti mohakarihe hawi au ratudu pane rapapahai hai ratudu mesule loa-loa. 11Roo indo, ampu bonde iti motudu mbulimi hadua hawina. Hawe inditi, rapapahairi, rakakabosai hai rapopesule wori loa-loa. 12Hangko inditi, natudu mbulimi hadua hawina. Hawe inditi, rapapahai wori hai ratende i raoa bonde.
13Roo indo, naulimi ampu bonde iti, ‘Apa au hangangaa kubabehi? Aginami anangku au kupokaahi kutudu lao. Babila ina raadai.’
14Agaiana, i karaitana topokadipura bonde, anana iti, mogombomohe, rauli, ‘Oloumi mai anana, ia au ina mewali ampu bonde ide. Agina tapapate, hai taala bondena hai ope-ope ihina.’ 15Mewali, rahaka mpuumi, rabisoso lao i raoa bonde hai rapapate.”
Roo indo, napapulo Yesu lolitaNa, Nauli, “Ane mesule ampu bonde iti, apa au ina nababehi? 16Batena topokadipura bondena iti maihe napapate, hai bondena ina naweihe tauna ntanina.”#20:9-16 Peita uki i woi i Matiu 21:33-41.
Karahadina tauna bosa ngkora pandiri iti, mololitamohe i Yesu, rauli, “Inee mpuu hawe mewali nodo! Ikita to Yahudi, barake ina nahuku Pue Ala nodo topokadipura bonde i lalu ngkora pandiriMu iti!”
17Agaiana Natotokihe Yesu hai Nauli, “Apa lempona lolita ide au teuki i lalu Sura Malelaha:
‘Watu au ratende topoaro sou,
watu iti au mewali pohudaa sou’?”#Pta. 118:22
18Hai nauli mbuli Yesu, “Ope-ope tauna au manawo i watu iti ina maretahe. Hai hema au narumpa watu iti ina marupu.”#20:18 Pue Yesu rapandiri nodo watu. Lempona: hema au mosapuaka Yesu ina molambi pehuku.
Pobaiari asele
(Mat. 22:15-22; Mrk. 12:13-17)
19Guru-guru agama hai kapala-kapala tadulako mpenomba moisa kaihirana au natunggai Yesu i lalu ngkora pandiriNa inona. Ido hai arami tunggaianda mohaka Yesu i tempo iti. Agaiana barahe bai, lawi mampokalangahe tauna bosa. 20Mewali, mohaokihe tempo au maroa, hai motudumohe bahangkia tauna lao i Yesu mohaoki kamasalana lolitaNa bona peisa raanti lao i gubernur Roma hai rasalai i lindona. Tauna au ratudu iti, mengkamaroa peahe lawi tunggaianda mopakanawo Yesu. 21Kahawenda i Yesu, rauliangaa, “Guru, kiisa katouna lolitaMu hai ope-ope paturoMu. MepaturoKo i katou-touana moula peundeana Pue Ala, hai baraKo mampopontani tauna. 22Ido hai kipekuneKo: moula atura agamanta, hangangaa mobaiarike asele i Kaisar,#20:22 Kaisar iami datunda to Roma. I tempona Yesu tuwo i dunia, to Roma mokamumu tamponda to Yahudi. ba bara?”
23Agaiana naisari Yesu tunggaiana lalunda au tewuniangi. Ido hai Nauliangaahe: 24“NipopaitaaNa hampai mai doi hampeka! Lenggena hema hai hangana hema au ara i doi ide?”
Rahanai, rauli, “Lenggena hai hangana Kaisar.”
25Nauli Yesu, “Ane nodo, wei Kaisar apa au hintoto rawei Kaisar, hai wei Pue Ala apa au hintoto rawei Pue Ala.” 26Kahopoana tauna iti barahe peisa mopakanawo Yesu i lindo tauna bosa. Bara ara kamasalana lolitaNa au ralambi. Mandii-ndii peahe lawi tingkarahe mohadi pehanaNa.
Pearonda tomate
(Mat. 22:23-33; Mrk. 12:18-27)
27Roo indo, arahe bahangkia toSaduki au hawe i Yesu. Tosaduki iti iami tadulako agama Yahudi au manguli tauna au mate bara ina rapatuwo hule. 28Kahawenda toSaduki iti, mohaokihe kanawoana Yesu. Hai rauliangaa, “Guru, nabi Musa mouki i lalu sura atura agamanta node: ane hadua tobalilo au motambimi mate agaiana bara mani ara anana, halaluna hangangaa mampotambia bembana bona tauna iti ara pea pemuleana. 29Mewali, arahe pitu topohalalu, ope-opehe tobalilo. Au towutu, motambi. Bara mani wohiraia moana, matemi tobalilo iti. 30Adina mampotambia bembana. Bara mani worihe moana, matemi. 31Nodo wori au mewali i kataluna duuna hawe i kapituna. 32Kahopoana mate worimi towawine iti. 33Mewali, i alo pearonda tomate, ane tou-tou mpuu tomate tuwo hulehe, hemami ampuna towawine iti? Lawi pitumohe au mampotambia.”
34Nahanai Yesu, “Tauna au tuwo ide-ide, motambi hai rapopotambihe. 35Agaiana tauna au hintoto molambi kiranda i dunia au wou hai au napatuwo hulehe Pue Ala, barapohe motambi ba rapopotambi. 36Lawi katuwonda nodo katuwo malaeka, hai barapohe mate. Ihira iti, napoanahe Pue Ala, lawi Pue Ala mopatuwo hulehe.
37Ina Kutudungiakau lolita au ara i lalu Sura Malelaha au mopakanoto katuwonda hule tomate. I lalu sura Aturana Musa, tabasa tuntukana noumba Pue Ala mongkora i nabi Musa hangko i lalu lopo au rore. I tempo iti, Burahima, Isaki hai Yako, mahaemohe mate. Agaiana nauri nodo, Pue Ala mouliangaa Musa node: ‘Ikomi Pue Ala au rapenombai liliu Burahima, Isaki hai Yako.’ 38Mewali, hangko i lolitana Pue Ala iti, taisa ntepuu Burahima, Isaki hai Yako, batena tuwo manihe. Lawi barari tauna au mate au menomba i Pue Ala. Batena pea tauna au tuwo au menomba i Pue Ala. Lawi i Pue Ala ope-ope tauna tuwo.”
39I tempo iti, bahangkia guru agama mouliangaa Yesu, “Guru, tou mpuu pehanaMu.” 40Roo indo, barapi ara hadua au bai mampekune ba apa-apa i Yesu.
Datu Topehompo iami pemuleana Daudi
(Mat. 22:41-46; 23:5-7; Mrk. 12:35-40)
41Hangko indo, mekune Yesu i guru agama iti, Nauliangaahe, “Moapari hai rauli tauna, Datu Topehompo iami pemuleana Datu Daudi? 42Lawi Daudi haduduana mopakanoto Datu Topehompo iami Pue au napenombai. I lalu sura Petoia, nauli Daudi node:
Pue mongkora i Ampuku au kupenombai, Nauli,
‘MohudamoKo ntanda i koanaNgku
43duuna Kupopengkoruhe ope-ope iwaliMu Irio.’#Pta. 110:1
44Mewali, ane Datu Topehompo iami pemuleana Daudi, moapa hai nauli Daudi kaIanami Pue au napenombai?”
45Tanganda mani tauna bosa mampehadingi lolitaNa, nauli Yesu i topeguruNa: 46“Mainga-ingakau, ineekau mampeulai babehianda guru-guru agama. Raunde molumao mopake badu au mandoe, hai mampeinaohe rabila tauna bosa i pobalu-balua. Raunde mohuda i pohudaa au raadai i sou penombaa hai i posusaa. 47Mopakanawohe towawine au bemba bona rarampaki sounda. Hai mekakaehe mahae-hae motabungihi babehianda au kadake. Ina mantimi mpuu karahukunda!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
@LAI 2016