Lukasi 21
21
Kabula laluna hadua tobemba
(Mrk. 12:41-44)
1I lalu Souna Pue Ala, Yesu moita bahangkia tauna au pebuku mopusa doinda au ngkaia i lalu peti pambolia doi popenomba. 2Naita wori hadua towawine tobemba au meahi-ahi tuwona mopusa doi popenombana. Au napopesua iti, rompeka doi tambaga au haodi pea imbana. 3Nauli Yesu, “Kuuliangaakau: tobemba au meahi-ahi tuwona iti, popenombana melumbu hangko i ope-ope tauna ntanina au mopusa popenombanda, 4lawi ihira mokira hangko i pelabiana pea doinda. Agaiana tobemba iti, nauri meahi-ahi tuwona, ia mokira ope-ope au ara iria au naparaluu woia i lalu katuwona alo-alona.”
Yesu mampololita kamagerona Souna Pue Ala
(Mat. 24:1-2; Mrk. 13:1-2)
5I tempona bahangkiahe topeguruNa mampololita kana i peraena souna Pue Ala au raparewai mampopengaa watu au makara hai parewa ntanina au rapopenomba i Pue Ala, Mololitami Yesu, Nauli, 6“Souna Pue Ala au niita makara ide, i alo au ina mai, bara ina ara haogu watu au mentara i paidaana. Batena ope ragero.”
Kapari hai pepopeahi-ahi
(Mat. 24:3-14; Mrk. 13:3-13)
7Hangko indo, mekunemohe topeguruNa i Yesu, rauli, “Guru, impira pewaliana au Nuuli inona? Hai tanda apa au ina mewali ane hawemi tempo pewaliana?”
8Nauli Yesu, “Mainga-ingakau bona datikau rapakanawo, lawi bosa tauna ina mai hai mangulihe kaihiranami Datu Topehompo. Ara worihe au ina manguli kahawenami alo pebotusi i kahopoa dunia. Agaiana ineehe nipoinalai. 9Ane mohadikau pombeala ba bambari pombeala inee nipowulunga, lawi ope-ope iti hangangaa mewali hampai, agaiana bara mani hawe kahopoa dunia.”
10Hangko indo, napaliliumi Yesu lolitaNa, Nauli, “I tempo iti, tohangamba ina mombeala hai tohangambana, kadatua hambua ina moewa kadatua ntanina. 11Iumba pea ina ara linu rimihi, haki, hai rimi. Hai batena ara wori tanda i langi au melangaki. 12Agaiana hangko damani ope-ope iti mewali, ikamu ina rahaka hai rapopeahi-ahi. Ina rasalaikau i lalu sou penombaa hai ratarunggukau. Anti peulami Iriko, ikamu ina rahuhu i datu hai topoparenta. 13I tempo iti, ina raweikau katepaka mopahawe kana i pepoinalaimi Iriko. 14Hangangaa nipakaroho lalumi, hai ineekau langa ba noumba pehanami mouli notomi. 15Lawi Iko ina mowoli i lalumi pehanami au manoto alana bara rabuku iwalimi mosapuaka apa au niuli. 16I tempo iti, ina rahuhukau i iwalimi. Ina rapobalukau tosaemi, halalumi, hantambiami, hai rangami. Hanggaakau ina rapapate. 17Anti peulami Iriko, ina rakahihikau ope-ope tauna. 18Agaiana mogalori hangkau weluami, bara ina matanta. 19Nipakaroho pepoinalaimi bona mantahakau i lalu ope-ope kapari ide, lawi hema au mantaha ina molambi katuwo maroa au bara mokahopoa.”
Yesu mampololita kamagerona wanua Yerusale
(Mat. 24:15-21; Mrk. 13:14-19)
20“Ane niita surodadonda iwalimi motoleliki wanua Yerusale ide, niisa kadanapi mahae Yerusale ina ragero. 21I tempo iti, tauna au maida i Yudea, agina melangkahe lao i bulu. Tauna au i lalu wanua, agina melangkahe hangko i wanua. Hai tauna au i raoa wanua, ineehe mesua i lalu wanua. 22Lawi i alo iti, ina hawe Alo Pehukuna Pue Ala bona tepabukeimi ope-ope au teuki i lalu Sura Malelaha. 23Ina masusa mpuu tuwonda towawine au mantimi hai au mopatomi ananda. Lawi i tempo iti tauna ina narumpahe kapari hai pehukuna Pue Ala au rumihi ntepuu. 24Arahe ampu wanua Yerusale au ina rapapate hai piho. Ara worihe au ina ratawani hai rahawu-hawuhe iumba pea i humalele dunia. Hai wanua Yerusale ide ina ranangi hai raparentai tauna au barahe to Yahudi duuna hopo tempona au napakanoto Pue Ala.”
Kahawena hule Ana Manusia
(Mat. 24:29-35; Mrk. 13:24-31)
25“I alo, i wula hai i betue, ina ara tanda-tanda au metingkarai. Ope-ope tauna i dunia, ina langa hai wulihe moita balumba tahi hai mohadi pogumuruna tahi. 26Anti kalanganda moita ope-ope au mewali i humalele dunia, arahe tauna au ina malimpu, lawi ope-ope au makuasa i langi ina rumihi kamagunegonda. 27I tempo iti, tauna ina moitaNa, Iko Ana Manusia, mendaulu mai hangko i wongko gawu. Ina makuasaNa hai meawa ntepuuNa. 28Ane niita pepongkana tanda-tanda ide, nipakaroho lalumi hai mengoamokau, lawi ina rakabahakau hangko i kaparimi.”
Ngkora pandiri kana i kau ara
29Pue Yesu mopahawe ngkora pandiri ide i topeguruNa, Nauli, “Nipailalu apa au Kupaturoakau hangko i kau ara hai kau-kau au ntanina. 30Ane niita pengana motumbe hai motawemi, niisa kaina hawenami tempo madii. 31Nodo wori, ane niita hinangka au Kuuliangaakau inona, niisami kaina hawenami poparentana Pue Ala i dunia.
32Tou mpuu au Kuuliangaakau: ope-ope au Kuuli inona, batena mewali hangko damani ope tauna au tuwo i tempo ide mate. 33Langi hai tampo ina magero, agaiana lolitaNgku batena ara hawe i hae-haena.”
Hangangaa mainga-ingake
34-35“Mainga-ingakau, datikau mosusa-susa hai malangu-langu liliu. Mainga-ingakau datikau mampepekiri liliu katuwomi i dunia ide, alana mampomaleakau. Lawi alo kahaweNgku hule unga pea ina morumpa ope-ope tauna i dunia. KahaweNgku hule iti peisa rapandiri nodo tilobu au mopakanawo tauna au mampomalea. 36Mewali, mainga-ingakau, hai mekakaekau i Pue Ala bona tekabahakau hangko i ope-ope kapari au ina mewali, hai bona nibuku meangka i lindoKu, Iko Ana Manusia.”
37Ane mabaa, Yesu mepaturo i Souna Pue Ala. Ane kaindi, lao mohambengi i raoa wanua i Bulu Saitun. 38Alo-alona madondo, tauna bosa moguluhe i Souna Pue Ala mampehadingi paturoNa.
Currently Selected:
Lukasi 21: NPY
Highlight
Share
Copy
Want to have your highlights saved across all your devices? Sign up or sign in
@LAI 2016
Lukasi 21
21
Kabula laluna hadua tobemba
(Mrk. 12:41-44)
1I lalu Souna Pue Ala, Yesu moita bahangkia tauna au pebuku mopusa doinda au ngkaia i lalu peti pambolia doi popenomba. 2Naita wori hadua towawine tobemba au meahi-ahi tuwona mopusa doi popenombana. Au napopesua iti, rompeka doi tambaga au haodi pea imbana. 3Nauli Yesu, “Kuuliangaakau: tobemba au meahi-ahi tuwona iti, popenombana melumbu hangko i ope-ope tauna ntanina au mopusa popenombanda, 4lawi ihira mokira hangko i pelabiana pea doinda. Agaiana tobemba iti, nauri meahi-ahi tuwona, ia mokira ope-ope au ara iria au naparaluu woia i lalu katuwona alo-alona.”
Yesu mampololita kamagerona Souna Pue Ala
(Mat. 24:1-2; Mrk. 13:1-2)
5I tempona bahangkiahe topeguruNa mampololita kana i peraena souna Pue Ala au raparewai mampopengaa watu au makara hai parewa ntanina au rapopenomba i Pue Ala, Mololitami Yesu, Nauli, 6“Souna Pue Ala au niita makara ide, i alo au ina mai, bara ina ara haogu watu au mentara i paidaana. Batena ope ragero.”
Kapari hai pepopeahi-ahi
(Mat. 24:3-14; Mrk. 13:3-13)
7Hangko indo, mekunemohe topeguruNa i Yesu, rauli, “Guru, impira pewaliana au Nuuli inona? Hai tanda apa au ina mewali ane hawemi tempo pewaliana?”
8Nauli Yesu, “Mainga-ingakau bona datikau rapakanawo, lawi bosa tauna ina mai hai mangulihe kaihiranami Datu Topehompo. Ara worihe au ina manguli kahawenami alo pebotusi i kahopoa dunia. Agaiana ineehe nipoinalai. 9Ane mohadikau pombeala ba bambari pombeala inee nipowulunga, lawi ope-ope iti hangangaa mewali hampai, agaiana bara mani hawe kahopoa dunia.”
10Hangko indo, napaliliumi Yesu lolitaNa, Nauli, “I tempo iti, tohangamba ina mombeala hai tohangambana, kadatua hambua ina moewa kadatua ntanina. 11Iumba pea ina ara linu rimihi, haki, hai rimi. Hai batena ara wori tanda i langi au melangaki. 12Agaiana hangko damani ope-ope iti mewali, ikamu ina rahaka hai rapopeahi-ahi. Ina rasalaikau i lalu sou penombaa hai ratarunggukau. Anti peulami Iriko, ikamu ina rahuhu i datu hai topoparenta. 13I tempo iti, ina raweikau katepaka mopahawe kana i pepoinalaimi Iriko. 14Hangangaa nipakaroho lalumi, hai ineekau langa ba noumba pehanami mouli notomi. 15Lawi Iko ina mowoli i lalumi pehanami au manoto alana bara rabuku iwalimi mosapuaka apa au niuli. 16I tempo iti, ina rahuhukau i iwalimi. Ina rapobalukau tosaemi, halalumi, hantambiami, hai rangami. Hanggaakau ina rapapate. 17Anti peulami Iriko, ina rakahihikau ope-ope tauna. 18Agaiana mogalori hangkau weluami, bara ina matanta. 19Nipakaroho pepoinalaimi bona mantahakau i lalu ope-ope kapari ide, lawi hema au mantaha ina molambi katuwo maroa au bara mokahopoa.”
Yesu mampololita kamagerona wanua Yerusale
(Mat. 24:15-21; Mrk. 13:14-19)
20“Ane niita surodadonda iwalimi motoleliki wanua Yerusale ide, niisa kadanapi mahae Yerusale ina ragero. 21I tempo iti, tauna au maida i Yudea, agina melangkahe lao i bulu. Tauna au i lalu wanua, agina melangkahe hangko i wanua. Hai tauna au i raoa wanua, ineehe mesua i lalu wanua. 22Lawi i alo iti, ina hawe Alo Pehukuna Pue Ala bona tepabukeimi ope-ope au teuki i lalu Sura Malelaha. 23Ina masusa mpuu tuwonda towawine au mantimi hai au mopatomi ananda. Lawi i tempo iti tauna ina narumpahe kapari hai pehukuna Pue Ala au rumihi ntepuu. 24Arahe ampu wanua Yerusale au ina rapapate hai piho. Ara worihe au ina ratawani hai rahawu-hawuhe iumba pea i humalele dunia. Hai wanua Yerusale ide ina ranangi hai raparentai tauna au barahe to Yahudi duuna hopo tempona au napakanoto Pue Ala.”
Kahawena hule Ana Manusia
(Mat. 24:29-35; Mrk. 13:24-31)
25“I alo, i wula hai i betue, ina ara tanda-tanda au metingkarai. Ope-ope tauna i dunia, ina langa hai wulihe moita balumba tahi hai mohadi pogumuruna tahi. 26Anti kalanganda moita ope-ope au mewali i humalele dunia, arahe tauna au ina malimpu, lawi ope-ope au makuasa i langi ina rumihi kamagunegonda. 27I tempo iti, tauna ina moitaNa, Iko Ana Manusia, mendaulu mai hangko i wongko gawu. Ina makuasaNa hai meawa ntepuuNa. 28Ane niita pepongkana tanda-tanda ide, nipakaroho lalumi hai mengoamokau, lawi ina rakabahakau hangko i kaparimi.”
Ngkora pandiri kana i kau ara
29Pue Yesu mopahawe ngkora pandiri ide i topeguruNa, Nauli, “Nipailalu apa au Kupaturoakau hangko i kau ara hai kau-kau au ntanina. 30Ane niita pengana motumbe hai motawemi, niisa kaina hawenami tempo madii. 31Nodo wori, ane niita hinangka au Kuuliangaakau inona, niisami kaina hawenami poparentana Pue Ala i dunia.
32Tou mpuu au Kuuliangaakau: ope-ope au Kuuli inona, batena mewali hangko damani ope tauna au tuwo i tempo ide mate. 33Langi hai tampo ina magero, agaiana lolitaNgku batena ara hawe i hae-haena.”
Hangangaa mainga-ingake
34-35“Mainga-ingakau, datikau mosusa-susa hai malangu-langu liliu. Mainga-ingakau datikau mampepekiri liliu katuwomi i dunia ide, alana mampomaleakau. Lawi alo kahaweNgku hule unga pea ina morumpa ope-ope tauna i dunia. KahaweNgku hule iti peisa rapandiri nodo tilobu au mopakanawo tauna au mampomalea. 36Mewali, mainga-ingakau, hai mekakaekau i Pue Ala bona tekabahakau hangko i ope-ope kapari au ina mewali, hai bona nibuku meangka i lindoKu, Iko Ana Manusia.”
37Ane mabaa, Yesu mepaturo i Souna Pue Ala. Ane kaindi, lao mohambengi i raoa wanua i Bulu Saitun. 38Alo-alona madondo, tauna bosa moguluhe i Souna Pue Ala mampehadingi paturoNa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@LAI 2016