Lukasi 8
8
Towawine au motulungihe Pue Yesu
1Bara mahae hangko indo, Pue Yesu molumaohi boea au mahile hai au koi mopahawe Ngkora Marasa kana i poparentana Pue Ala. Ia raporangai liliu topeguruNa au hampulo hai rodua. 2Ara worihe bahangkia towawine au mamporangai Yesu. Towawine iti au napakaohahe Yesu hangko i hakinda ba hangko i seta au mampesuangihe. Hangana au hadua, Maria au rakakio wori Magdalena. Maria iti, au napakaoha Yesu hangkoia i kanapesuangina pitu seta. 3Ara wori Yohana towawinena Kusa, topobago i lalu souna Datu Herode. Meula wori Susana hai bosa towawine ntanina. Ope-opehe motulungi Pue Yesu hai topeguruNa hangko i doinda haduduanda.
Ngkora pandiri kana i topohawu
(Mat. 13:1-9; Mrk. 4:1-9)
4Ara liliuhe tauna au mai i Yesu hangko i boea-boeana. Kahawenda tauna bosa, Yesu mopahaweahe ngkora pandiri ide, Nauli, 5“Ara hadua topobonde au lao mohawu. I pohawuna iti, ara tinuda au manawo i rara. Tinuda iti rapangka-pangka tauna hai ratilo tadasi duuna ope. 6Ara wori tinuda au manawo i tampo au mowatu-watu. Tuwotohe, agaiana liliu malau lawi bangi tampona. 7Ara wori au manawo i lalu dui. Tinuda iti tuwo hihimbela hai dui. Agaiana kahopoana nabalungkuhi dui duuna mate. 8Ara wori tinuda au manawo i tampo au marudu. Tinuda iti tuwo maroa alana mowua hangatu belana kangkaiana.”
Roo Yesu mopahawe ngkora pandiri iti, mololita Nauli, “Hema au motalinga, napehadingi maroa!”
Yesu mopakanoto lempona ngkora pandiri topohawu
(Mat. 13:10-23; Mrk. 4:10-20)
9Roo indo, topeguruna Yesu mekunehe Iria apa lempona ngkora pandiri iti. 10Nahanaihe Yesu, Nauli, “Hangkoia, tewuniangi mani paturo kana i poparentana Pue Ala. Ide-ide naweikau Pue Ala pekiri bona niisa lempona paturo iti. Agaiana tauna bosa, Kupaturohe hai ngkora pandiri bona lempona tewuniangi irihira.
‘Meitatohe, agaiana bara raisa lempona apa au raita.
Mehaditohe, agaiana bara raisa tunggaiana apa au rahadi.’
11Idemi lempona ngkora pandiriKu inona: tinuda au rahawu iti, lempona Ngkorana Pue Ala. 12Iba pakana paidaa au nakanawoi tinuda iti, rapopandiri lalu tauna. Tinuda au manawo i rara, lempona mohadi mpuuhe Ngkorana Pue Ala, agaiana Datu Tokadake mopawuli lalunda, duuna barahe mepoinalai, hai barahe tekabaha hangko i huku dosanda 13Tinuda au manawo i tampo au mowatu-watu, lempona mohadihe Ngkorana Pue Ala, tou-tou matana lalunda. Mepoinalaimohe, agaiana pepoinalainda iti bara maroho, nodo tuda-tuda au bara mouaka. Ido hai ane molambihe kapari anti pepoinalainda i Ngkorana Pue Ala, mousulihe hai barapohe mepoinalai. 14Tinuda au manawo i lalu dui, lempona mohaditohe Ngkorana Pue Ala, agaiana mopailalu liliu peahe katuwonda i lalu dunia ide, hai mampeinao peahe morampu peawa dunia. Lalunda nabukehi paka-pakana dake. Ope-ope iti mopaara pea kadana tinda lalunda, alana barapohe mepoinalai hai bara mobundu Ngkorana Pue Ala i lalu katuwonda. 15Tinuda au manawo i tampo au marudu, lempona kamohadinda Ngkorana Pue Ala, liliu radoko i kanoto-notoana hai hangko i lalunda mpuu. Hai tou-tou mpuuhe mantaha i pampeulainda Ngkorana Pue Ala duuna mowua i lalu katuwonda.”
Hulo rawoli i paidaana
(Mrk. 4:21-25)
16“Bara ara hadua tauna au mohuwe hulo hai nabobongi ba nawoli i woi koina. Hulo batena rawoli i paidaana bona pewangkana raita ope-ope tauna au mesua. 17Nodo wori, ope-ope paturoNgku au tewuniangi mani batena ina tebungkahi. Hai ope-ope lolitaNgku au rawuniangi mani batena ina tongawa.
18Ido hai Kuuliangaakau, nipehadingi maroa-roa Ngkorana Pue Ala. Lawi tauna au mampoinalai Ngkorana Pue Ala, rapakanoto lalunda bona tetambai apa au ara irihira. Agaiana tauna au barahe mampoinalai Ngkorana Pue Ala, nauri arami haodi au raisa, hangangaa raala hule.”
Inana hai halaluna Yesu
(Mat. 12:46-50; Mrk. 3:31-35)
19Hambela tempo, inana hai halaluna Yesu hawehe lawi mampeinaohe mohidupa hai Ia, agaiana barahe peisa anti kabosanda tauna au ara inditi. 20Ara hadua tauna au mololita i Yesu, nauli, “Guru, inaMu hai halaluMu, arahe i raoa mampeinao mampohidupaaKo.”
21Agaiana nauli Yesu, “Hema-hema au mampehadingi hai mampeulai Ngkorana Pue Ala, ihirami halaluNgku hai ihirami inaNgku.”
Yesu mampopengkaroo himburu kebuu
(Mat. 8:23-27; Mrk. 4:35-41)
22Hambela tempo, Yesu hai topeguruNa mesawihe i duanga. Nauliangaahe Yesu, “Laomoke ntanda i orupena rano.” Meangka mpuumohe. 23Tanganda mosumomba, letami Yesu. Bara mahae hangko indo, unga pea hawe himburu kebuu i rano morumpahe. Duanganda narumpa balumba, alana ina buke owai, hai ina tiri. 24TopeguruNa Yesu laohe morua Yesu, rauliangaa, “Guru! Guru! Tulungingkai. Ina marugike!”
Mearomi Yesu, liliu mokambaroa himburu hai balumba, alana mengkaroo mpuu himburu, hai unga pea lene rano. 25Hangko inditi, naulimi Yesu i topeguruNa, “Moapari hai baraNa nipoinalai?”
Tingkara hai langamohe. Mololitahe hadua hai hadua, rauli, “Hemari tauna ide! Mogalo himburu hai balumba moula hawaNa!”
Yesu mopakaoha hadua tauna au napesuangi seta i Gerasa
(Mat. 8:28-34; Mrk. 5:1-20)
26Hangko inditi, mopaliliumohe poduanganda duunda hawe i tampo Gerasa au ara ntanda i orupena tampo Galilea. 27I pendauluna Yesu hangko i duanga lao i lorena, maimi hadua tobalilo ampu boea iti mampohidupaa Yesu; tauna iti mahaemi napesuangi bosa seta. Mahaemi bara mehampi, hai barapi maida i sou, maida pearai i talumba. 28I kamoitana Yesu, meraroami hai molingkudu i lindona Yesu hai mololita masisimbuku, nauli, “Yesu, Anana Pue Ala i suruga, apari mai Nuala? Kuperapi bona inee wongkoia Nupopeahi-ahi.” 29Mololita nodo lawi Yesu mowura kuasa tokadake iti hangko iria. (Tauna iti bosami belana naanti-anti kuasa tokadake, ido hai nauri rakampai, taiena hai bitina rataka rante batena pea nabotu-botu, hai melangka lao i paidaa au boa, naanti kuasa tokadake au mesua iria.)
30Mekunemi Yesu i tauna iti, nauli, “Hema hangamu?”
Mehana, nauli, “Legion.” (“Legion”, lempona ‘bosa’ lawi bosa mpuu seta au mapesuangi tauna iti.) 31Seta iti merapihe i Yesu bona ineehe Napopeloho lao i karahukuanda seta.
32Bara karao hangko inditi, arahe boe hambanguna tanganda masui i tampeka. Seta iti merapihe i Yesu bona Napaliuhe mesua i boe iti. Napaliu mpuuhe. 33Mewali, melohomohe seta hangko i tauna iti, hai liliuhe mesua i boe. Pesuanda i boe, melangkamohe boe iti hai mengkanawohe i rano, pane matehe maliso.
34Karaitana tauna au mokampai boe apa au mewali iti, melangkamohe lao i boea hai i bonde au hungku mopahawe i ranganda apa au raita. 35Roo indo, lao mpuumohe ampu boea bona moitahe apa au mewali. Kahawenda i Yesu, raitami tauna au napesuangi seta inona, mohuda nodo tauna biasa i holana Yesu, mebadu hai manotomi pekirina. Ido hai langamohe. 36Tauna au moita apa au nababehi Yesu inona, mopatuntuahe noumba kaNapakaohana. 37Ido hai ope-ope tauna i tampo Gerasa merapi i Yesu bona padu hangko i tamponda, lawi langa mpuuhe. Mewali mesawi mbulimi Yesu i duanga hihimbela hai topeguruNa, hai padumohe.
38Himbahe ina moduanga, maimi tauna au napesuangi seta inona merapi bona lao hihimbela hai Ia. Agaiana bara napaliu Yesu, Nauliangaa, 39“Mesulemoko lao i soumu hai nupololita i hambomboeamuhe apa au nababehi Pue Ala irio.” Lao mpuumi mopahawe apa au nababehia Yesu i humalele boeana.
Yesu mopatuwo hule anana Yairus, hai mopakaoha hadua towawine au mampetobo baduNa
(Mat. 9:18-26; Mrk. 5:21-43)
40I pesulena Yesu hangko i ntanda orupena rano, matanamohe tauna bosa mampohidupaa, lawi mahaemi rapegia. 41Mai worimi hadua tadulako sou penombaa i boea iti, hangana Yairus. Kamoitana Yesu, molingkudumi i lindoNa merapi bona Yesu lao i souna, 42lawi anana au towawine mahai hai ina matemi. Anana iti iami ana sadudua, tinuwuna hampulomi hai rompare.
Laomi Yesu monontohi souna Yairus, hai i tanga rara bosa mpuuhe tauna au moupi-upi Yesu, duuna barapi peisa mokale. 43I olonda tauna bosa iti, ara hadua towawine, au hampulomi hai rompare nahumba liliu, bara mengkangkaroo. Nauri bosami belana rapakulii, bara ara kamaohana. 44Maimi towawine iti mohungkuki Yesu hangko i taleu hai natobo wuntu baduNa. Kanapetobona, unga pea teompo wahena. 45Mekune Yesu, Nauli, “Hema au motoboNa?”
Mesapuhe ope-ope au indo. Mewali nauli Peturu, “Guru, bosa gagahe tauna au motolelikike, mombeupi-upihe mogaguKo.”
46Nauli Yesu, “Ara au motoboNa! Kuisa, lawi ara kuasa au mesuwu hangko i wataNgku.” 47Naisami towawine iti kanaisana Yesu babehiana. Moradami anti kalangana, hai mai molingkudu i lindona Yesu. I olonda tauna au bosa, towawine iti mopahawe apa tunggaiana motobo baduNa hai kamaohanami hangko i hakina. 48Nauliangaa Yesu, “AnaNgku, maohamoko lawi mepoinalaiko Iriko. Mesulemoko, hai roa ngkatuwo mamporangaiko.”
49Tangana mani Yesu mololita, hawemi hadua suro hangko i souna Yairus au mouliangaa Yairus, “Tua, anamu matemi. Ineemoko mopakasusa Guru.”
50Kanahadina Yesu lolitana tauna iti, mololitami i Yairus, Nauli, “Ineeko langa. Ane nupoinalaiNa, ina maoha anamu.”
51Kahawenda i souna Yairus, Yesu bara mopaliu tauna bosa mesua i paturuana anangkoi iti; batena pea Peturu, Yohane, Yakobu, inana hai umana anangkoi iti au peisahe mesua. 52Ope-ope tauna au mogulu inditi moteriahihe anangkoi au mate. Agaiana nauli Yesu, “Ineemokau teria. Anangkoi ide bara mate agaiana leta pea.”
53Tauna iti moele-elehe Yesu, lawi raisa kamatenatomi anangkoi towawine iti. 54Roo indo, Nakingkimi Yesu taiena anangkoi iti hai Nauliangaa, “AnaNgku, pearomide!” 55Moinao hulemi anangkoi iti, hai liliu mearo. Roo indo, Natuduhe Yesu bona anangkoi iti rapaande. 56Tingkara mpuuhe tosaena. Agaiana nakontohe Yesu bona inee rauli-uli i hema pea apa au mewali iti.
Currently Selected:
Lukasi 8: NPY
Highlight
Share
Copy
Want to have your highlights saved across all your devices? Sign up or sign in
@LAI 2016
Lukasi 8
8
Towawine au motulungihe Pue Yesu
1Bara mahae hangko indo, Pue Yesu molumaohi boea au mahile hai au koi mopahawe Ngkora Marasa kana i poparentana Pue Ala. Ia raporangai liliu topeguruNa au hampulo hai rodua. 2Ara worihe bahangkia towawine au mamporangai Yesu. Towawine iti au napakaohahe Yesu hangko i hakinda ba hangko i seta au mampesuangihe. Hangana au hadua, Maria au rakakio wori Magdalena. Maria iti, au napakaoha Yesu hangkoia i kanapesuangina pitu seta. 3Ara wori Yohana towawinena Kusa, topobago i lalu souna Datu Herode. Meula wori Susana hai bosa towawine ntanina. Ope-opehe motulungi Pue Yesu hai topeguruNa hangko i doinda haduduanda.
Ngkora pandiri kana i topohawu
(Mat. 13:1-9; Mrk. 4:1-9)
4Ara liliuhe tauna au mai i Yesu hangko i boea-boeana. Kahawenda tauna bosa, Yesu mopahaweahe ngkora pandiri ide, Nauli, 5“Ara hadua topobonde au lao mohawu. I pohawuna iti, ara tinuda au manawo i rara. Tinuda iti rapangka-pangka tauna hai ratilo tadasi duuna ope. 6Ara wori tinuda au manawo i tampo au mowatu-watu. Tuwotohe, agaiana liliu malau lawi bangi tampona. 7Ara wori au manawo i lalu dui. Tinuda iti tuwo hihimbela hai dui. Agaiana kahopoana nabalungkuhi dui duuna mate. 8Ara wori tinuda au manawo i tampo au marudu. Tinuda iti tuwo maroa alana mowua hangatu belana kangkaiana.”
Roo Yesu mopahawe ngkora pandiri iti, mololita Nauli, “Hema au motalinga, napehadingi maroa!”
Yesu mopakanoto lempona ngkora pandiri topohawu
(Mat. 13:10-23; Mrk. 4:10-20)
9Roo indo, topeguruna Yesu mekunehe Iria apa lempona ngkora pandiri iti. 10Nahanaihe Yesu, Nauli, “Hangkoia, tewuniangi mani paturo kana i poparentana Pue Ala. Ide-ide naweikau Pue Ala pekiri bona niisa lempona paturo iti. Agaiana tauna bosa, Kupaturohe hai ngkora pandiri bona lempona tewuniangi irihira.
‘Meitatohe, agaiana bara raisa lempona apa au raita.
Mehaditohe, agaiana bara raisa tunggaiana apa au rahadi.’
11Idemi lempona ngkora pandiriKu inona: tinuda au rahawu iti, lempona Ngkorana Pue Ala. 12Iba pakana paidaa au nakanawoi tinuda iti, rapopandiri lalu tauna. Tinuda au manawo i rara, lempona mohadi mpuuhe Ngkorana Pue Ala, agaiana Datu Tokadake mopawuli lalunda, duuna barahe mepoinalai, hai barahe tekabaha hangko i huku dosanda 13Tinuda au manawo i tampo au mowatu-watu, lempona mohadihe Ngkorana Pue Ala, tou-tou matana lalunda. Mepoinalaimohe, agaiana pepoinalainda iti bara maroho, nodo tuda-tuda au bara mouaka. Ido hai ane molambihe kapari anti pepoinalainda i Ngkorana Pue Ala, mousulihe hai barapohe mepoinalai. 14Tinuda au manawo i lalu dui, lempona mohaditohe Ngkorana Pue Ala, agaiana mopailalu liliu peahe katuwonda i lalu dunia ide, hai mampeinao peahe morampu peawa dunia. Lalunda nabukehi paka-pakana dake. Ope-ope iti mopaara pea kadana tinda lalunda, alana barapohe mepoinalai hai bara mobundu Ngkorana Pue Ala i lalu katuwonda. 15Tinuda au manawo i tampo au marudu, lempona kamohadinda Ngkorana Pue Ala, liliu radoko i kanoto-notoana hai hangko i lalunda mpuu. Hai tou-tou mpuuhe mantaha i pampeulainda Ngkorana Pue Ala duuna mowua i lalu katuwonda.”
Hulo rawoli i paidaana
(Mrk. 4:21-25)
16“Bara ara hadua tauna au mohuwe hulo hai nabobongi ba nawoli i woi koina. Hulo batena rawoli i paidaana bona pewangkana raita ope-ope tauna au mesua. 17Nodo wori, ope-ope paturoNgku au tewuniangi mani batena ina tebungkahi. Hai ope-ope lolitaNgku au rawuniangi mani batena ina tongawa.
18Ido hai Kuuliangaakau, nipehadingi maroa-roa Ngkorana Pue Ala. Lawi tauna au mampoinalai Ngkorana Pue Ala, rapakanoto lalunda bona tetambai apa au ara irihira. Agaiana tauna au barahe mampoinalai Ngkorana Pue Ala, nauri arami haodi au raisa, hangangaa raala hule.”
Inana hai halaluna Yesu
(Mat. 12:46-50; Mrk. 3:31-35)
19Hambela tempo, inana hai halaluna Yesu hawehe lawi mampeinaohe mohidupa hai Ia, agaiana barahe peisa anti kabosanda tauna au ara inditi. 20Ara hadua tauna au mololita i Yesu, nauli, “Guru, inaMu hai halaluMu, arahe i raoa mampeinao mampohidupaaKo.”
21Agaiana nauli Yesu, “Hema-hema au mampehadingi hai mampeulai Ngkorana Pue Ala, ihirami halaluNgku hai ihirami inaNgku.”
Yesu mampopengkaroo himburu kebuu
(Mat. 8:23-27; Mrk. 4:35-41)
22Hambela tempo, Yesu hai topeguruNa mesawihe i duanga. Nauliangaahe Yesu, “Laomoke ntanda i orupena rano.” Meangka mpuumohe. 23Tanganda mosumomba, letami Yesu. Bara mahae hangko indo, unga pea hawe himburu kebuu i rano morumpahe. Duanganda narumpa balumba, alana ina buke owai, hai ina tiri. 24TopeguruNa Yesu laohe morua Yesu, rauliangaa, “Guru! Guru! Tulungingkai. Ina marugike!”
Mearomi Yesu, liliu mokambaroa himburu hai balumba, alana mengkaroo mpuu himburu, hai unga pea lene rano. 25Hangko inditi, naulimi Yesu i topeguruNa, “Moapari hai baraNa nipoinalai?”
Tingkara hai langamohe. Mololitahe hadua hai hadua, rauli, “Hemari tauna ide! Mogalo himburu hai balumba moula hawaNa!”
Yesu mopakaoha hadua tauna au napesuangi seta i Gerasa
(Mat. 8:28-34; Mrk. 5:1-20)
26Hangko inditi, mopaliliumohe poduanganda duunda hawe i tampo Gerasa au ara ntanda i orupena tampo Galilea. 27I pendauluna Yesu hangko i duanga lao i lorena, maimi hadua tobalilo ampu boea iti mampohidupaa Yesu; tauna iti mahaemi napesuangi bosa seta. Mahaemi bara mehampi, hai barapi maida i sou, maida pearai i talumba. 28I kamoitana Yesu, meraroami hai molingkudu i lindona Yesu hai mololita masisimbuku, nauli, “Yesu, Anana Pue Ala i suruga, apari mai Nuala? Kuperapi bona inee wongkoia Nupopeahi-ahi.” 29Mololita nodo lawi Yesu mowura kuasa tokadake iti hangko iria. (Tauna iti bosami belana naanti-anti kuasa tokadake, ido hai nauri rakampai, taiena hai bitina rataka rante batena pea nabotu-botu, hai melangka lao i paidaa au boa, naanti kuasa tokadake au mesua iria.)
30Mekunemi Yesu i tauna iti, nauli, “Hema hangamu?”
Mehana, nauli, “Legion.” (“Legion”, lempona ‘bosa’ lawi bosa mpuu seta au mapesuangi tauna iti.) 31Seta iti merapihe i Yesu bona ineehe Napopeloho lao i karahukuanda seta.
32Bara karao hangko inditi, arahe boe hambanguna tanganda masui i tampeka. Seta iti merapihe i Yesu bona Napaliuhe mesua i boe iti. Napaliu mpuuhe. 33Mewali, melohomohe seta hangko i tauna iti, hai liliuhe mesua i boe. Pesuanda i boe, melangkamohe boe iti hai mengkanawohe i rano, pane matehe maliso.
34Karaitana tauna au mokampai boe apa au mewali iti, melangkamohe lao i boea hai i bonde au hungku mopahawe i ranganda apa au raita. 35Roo indo, lao mpuumohe ampu boea bona moitahe apa au mewali. Kahawenda i Yesu, raitami tauna au napesuangi seta inona, mohuda nodo tauna biasa i holana Yesu, mebadu hai manotomi pekirina. Ido hai langamohe. 36Tauna au moita apa au nababehi Yesu inona, mopatuntuahe noumba kaNapakaohana. 37Ido hai ope-ope tauna i tampo Gerasa merapi i Yesu bona padu hangko i tamponda, lawi langa mpuuhe. Mewali mesawi mbulimi Yesu i duanga hihimbela hai topeguruNa, hai padumohe.
38Himbahe ina moduanga, maimi tauna au napesuangi seta inona merapi bona lao hihimbela hai Ia. Agaiana bara napaliu Yesu, Nauliangaa, 39“Mesulemoko lao i soumu hai nupololita i hambomboeamuhe apa au nababehi Pue Ala irio.” Lao mpuumi mopahawe apa au nababehia Yesu i humalele boeana.
Yesu mopatuwo hule anana Yairus, hai mopakaoha hadua towawine au mampetobo baduNa
(Mat. 9:18-26; Mrk. 5:21-43)
40I pesulena Yesu hangko i ntanda orupena rano, matanamohe tauna bosa mampohidupaa, lawi mahaemi rapegia. 41Mai worimi hadua tadulako sou penombaa i boea iti, hangana Yairus. Kamoitana Yesu, molingkudumi i lindoNa merapi bona Yesu lao i souna, 42lawi anana au towawine mahai hai ina matemi. Anana iti iami ana sadudua, tinuwuna hampulomi hai rompare.
Laomi Yesu monontohi souna Yairus, hai i tanga rara bosa mpuuhe tauna au moupi-upi Yesu, duuna barapi peisa mokale. 43I olonda tauna bosa iti, ara hadua towawine, au hampulomi hai rompare nahumba liliu, bara mengkangkaroo. Nauri bosami belana rapakulii, bara ara kamaohana. 44Maimi towawine iti mohungkuki Yesu hangko i taleu hai natobo wuntu baduNa. Kanapetobona, unga pea teompo wahena. 45Mekune Yesu, Nauli, “Hema au motoboNa?”
Mesapuhe ope-ope au indo. Mewali nauli Peturu, “Guru, bosa gagahe tauna au motolelikike, mombeupi-upihe mogaguKo.”
46Nauli Yesu, “Ara au motoboNa! Kuisa, lawi ara kuasa au mesuwu hangko i wataNgku.” 47Naisami towawine iti kanaisana Yesu babehiana. Moradami anti kalangana, hai mai molingkudu i lindona Yesu. I olonda tauna au bosa, towawine iti mopahawe apa tunggaiana motobo baduNa hai kamaohanami hangko i hakina. 48Nauliangaa Yesu, “AnaNgku, maohamoko lawi mepoinalaiko Iriko. Mesulemoko, hai roa ngkatuwo mamporangaiko.”
49Tangana mani Yesu mololita, hawemi hadua suro hangko i souna Yairus au mouliangaa Yairus, “Tua, anamu matemi. Ineemoko mopakasusa Guru.”
50Kanahadina Yesu lolitana tauna iti, mololitami i Yairus, Nauli, “Ineeko langa. Ane nupoinalaiNa, ina maoha anamu.”
51Kahawenda i souna Yairus, Yesu bara mopaliu tauna bosa mesua i paturuana anangkoi iti; batena pea Peturu, Yohane, Yakobu, inana hai umana anangkoi iti au peisahe mesua. 52Ope-ope tauna au mogulu inditi moteriahihe anangkoi au mate. Agaiana nauli Yesu, “Ineemokau teria. Anangkoi ide bara mate agaiana leta pea.”
53Tauna iti moele-elehe Yesu, lawi raisa kamatenatomi anangkoi towawine iti. 54Roo indo, Nakingkimi Yesu taiena anangkoi iti hai Nauliangaa, “AnaNgku, pearomide!” 55Moinao hulemi anangkoi iti, hai liliu mearo. Roo indo, Natuduhe Yesu bona anangkoi iti rapaande. 56Tingkara mpuuhe tosaena. Agaiana nakontohe Yesu bona inee rauli-uli i hema pea apa au mewali iti.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@LAI 2016